Hikima Haske ce

Hikima Haske ce Hikima da haske don zuciya, tunani, da rayuwa.

RAMADAN – DAY 6Ka taɓa lura da yadda mutum yake iya rayuwa da jiki biyu?Jikin da mutane suke gani.Da kuma wani jikin a c...
23/02/2026

RAMADAN – DAY 6

Ka taɓa lura da yadda mutum yake iya rayuwa da jiki biyu?

Jikin da mutane suke gani.
Da kuma wani jikin a ciki — wanda babu wanda ya sani sai kai da Allah.

A waje kana iya zama cikin jama’a, kana dariya, kana magana, kana hulɗa. Amma a ciki kana fama da tunani, da damuwa, da tambayoyi, da wani irin nauyi da ba ka taɓa furtawa ba.

Wasu lokuta mutum yana gajiya ba saboda aiki ba, sai saboda abin da yake ɓoye a zuciya.

Sai Allah Ya saukar da aya da take kai tsaye zuwa wannan ɓoyayyen wuri.

AYAR YAU

أَلَمۡ يَعۡلَم بِأَنَّ ٱللَّهَ يَرَىٰ
(Qur’an 96:14)

Fassara:
“Shin bai sani ba cewa lalle Allah Yana gani?”

Aya ce gajera. Amma tana da nauyin da ya isa ya sauya rayuwar mutum.

“Allah Yana gani.”

Ba kawai abin da kake yi ba. Har abin da kake ɓoye.
Ba kawai kuskurenka ba. Har hawaye da ka share ba tare da kowa ya gani ba.
Ba kawai zunubinka ba. Har ƙoƙarinka da babu wanda ya yaba maka.

Wannan aya tana iya zama tsoro ga wanda yake wasa da rayuwa. Amma tana iya zama ta’aziyya ga wanda yake jin shi kaɗai ne a cikin gwagwarmaya.

ABIN DA BA MU YAWAN TUNANI AKAI BA

Idan mutum ya manta cewa Allah Yana gani, sai ya fara rayuwa domin idon mutane. Zai gyara abin da ake gani, ya bar abin da ba a gani ba.

Amma idan ya tuna cewa Allah Yana gani, sai ya fara gyara zuciya kafin a gyara fuska.

A ilimin halayyar dan Adam, ana cewa mutum yana da “inner observer” — wani ɓangare a cikinsa da yake sa ido kan kansa. Idan wannan ya yi rauni, mutum zai iya yin abu ba tare da jin nauyinsa ba. Amma idan aka ƙarfafa shi, sai mutum ya fara kula da kansa ko da babu wanda yake kallo.

Ayar nan tana gina wannan “inner awareness”. Tana sa mutum ya rayu da sani cewa ba ya ɓacewa a idon Allah.

MISALAI DAGA RAYUWA

Wani yana aikata kuskure a ɓoye yana tunanin babu wanda ya sani. Amma yana mantawa cewa abin da ya fi muhimmanci ba sanin mutane ba ne — ganin Allah ne.

Wani kuma yana wahala a ɓoye. Yana yin ƙoƙari, yana tsayawa kan gaskiya, amma babu wanda ya yaba masa. Yana iya tunanin ba a lura da shi. Amma wannan aya tana cewa: ana gani.

Wata zuciya tana yaƙi da wani hali mara kyau. Ba ta taɓa dainawa gaba ɗaya ba, amma tana ƙoƙari kullum. Wataƙila mutane ba su ga wannan yaƙi ba. Amma Allah Yana gani.

SAƘON DAY 6

Rayuwarka ba ta taɓa zama ba tare da shaida ba. Ko a duhu, ko a haske — ana gani.

Tambayar yau ita ce: idan ka san cewa Allah Yana gani, me ya kamata ka daina? Kuma me ya kamata ka ƙara?

Ya Allah, Ka haɗa mu da gaskiyar niyya,da ikhlasi,da khushu’i,da kunya gare Ka,da kiyaye iyakokinKa,da kariya daga laifi...
12/02/2026

Ya Allah, Ka haɗa mu da gaskiyar niyya,
da ikhlasi,
da khushu’i,
da kunya gare Ka,
da kiyaye iyakokinKa,
da kariya daga laifi,
da iya magana mai kyau,
da fahimtar Al-Qur’ani.

Ya Allah, Ka keɓe mu da soyayyarKa da zaɓenKa,
Ka kasance tare da mu,
Ya Mai taimako, Ya Mai amsa addu’a.

Ya Allah, Ka haskaka zukatanmu da hasken shiriya,
Ka suturce mu da suturarKa mai kyau,
Ka sanya jin daɗinmu ya kasance da Kai,
ƙishinmu ya kasance gare Ka,
tsoronmu ya kasance daga gare Ka—
har mu daina bege ko tsoron kowa sai Kai kaɗai.

Amin Ya Rabb 🤲🏾

Addu’ar YauYa Allah, Ka sanya wannan rana ta zama farkon gyarawa da maye-gurbi ga zukatanmu,farkon alheri da bushara mai...
10/02/2026

Addu’ar Yau

Ya Allah, Ka sanya wannan rana ta zama farkon gyarawa da maye-gurbi ga zukatanmu,
farkon alheri da bushara mai faranta rai.

Ka sa ta kasance rana cike da farin ciki da dacewa,
rana da buri suke samun amsa,
da fatan da ke zuciya suke samun tabbaci.

Ya Mai karamci,
muna jiran wani alkhairi daga Gare Ka
wadda ze sauya tafiyar rayuwarmu gaba ɗaya—
Kayi mana Bushara da ita a wannan rana.

Amin Ya Karim 🤲🏾

Dukkan yabo ya tabbata ga Allah,yabo mai yawa, mai tsarki, mai albarka a cikinsa da a gareshi,kamar yadda Ubangijinmu Ya...
07/02/2026

Dukkan yabo ya tabbata ga Allah,
yabo mai yawa, mai tsarki, mai albarka a cikinsa da a gareshi,
kamar yadda Ubangijinmu Yake so kuma Yake yarda.

Ya Allah,
kada Ka sa duniya ta zama babbar damuwarmu,
ko iyakar iliminmu,
kada Ka kuma sa makomarmu ta zama wuta.

Ka sa Aljanna ta zama gidajenmu da matsugunninmu na ƙarshe.
Kada Ka dora mana, saboda zunubanmu,
wanda ba ya tsoronKa a kanmu
kuma ba ya jin tausayinmu.

Ya Allah, Ya Mai jujjuya zukata,
Ka tabbatar da zukatanmu a kan addininka.

Ya Allah,
Ka sa kalmar ƙarshe da za mu furta a duniya ita ce:
“La ilaha ilallah Muhammadur Rasulullah ﷺ”
Amin Ya Rabb 🤲🏾

🤲 Addu’ar YauIna roƙonKa ni’ima wadda ba ta ƙarewa,da sanyin idanu wanda ba zai yankewa ba.Ina roƙonKa yarda da hukuncin...
06/02/2026

🤲 Addu’ar Yau

Ina roƙonKa ni’ima wadda ba ta ƙarewa,
da sanyin idanu wanda ba zai yankewa ba.

Ina roƙonKa yarda da hukuncinKa,
da daɗin rayuwa bayan mutuwa.

Ina roƙonKa daɗin kallon Fuskarka mai girma,
da ƙishin saduwa da Kai,
Ya Ubangijina.

Amin Ya Rabb 🤲🏾

Ya Allah🥺🤲🏾Ka nisanta ni da baƙin ciki mai tsanani da yawan tunani da ke gajiyar da zuciya.Ka sa ni mai tsayawa daram a ...
30/01/2026

Ya Allah🥺🤲🏾
Ka nisanta ni da baƙin ciki mai tsanani da yawan tunani da ke gajiyar da zuciya.
Ka sa ni mai tsayawa daram a kan salla,
Ka ja ni zuwa Gare Ka
ko da zuciyata ta gaji.

Kada Ka nuna mini mummunan abu a cikin waɗanda nake ƙauna,
Ka taimake ni in ci gaba,
domin lalle komai ya yi mini nauyi.

Ka ba ni dacewa da nasara,
Ka cika mini abin da zuciyata ke fata idan alheri ne.
Ka gafarta mini,
Ka yafe mini,
Ka karɓi addu’o’ina—

Domin Kai ne Mai amsa addu’a.

Amin Ya Allah 🤲🏾

Ya Allah,Ka rubuta mana Nutsuwa a inda muke tunanin tashin hankali ne kawai yake.Ka shirya mana mafita tun kafin mu gane...
29/01/2026

Ya Allah,
Ka rubuta mana Nutsuwa a inda muke tunanin tashin hankali ne kawai yake.
Ka shirya mana mafita tun kafin mu gane muna bukatarta.

Ka ɗora mu a kan abin da zai daidaita rayuwarmu,
ba abin da zai jawo mana Illa ba.
Ka ba mu arzikin da ke gyara zuciya
kafin wanda yake cika hannu.

Ka sa yau tazo mana
ba tare da nauyi a rai ba,
ba tare da karyewar buri ba,
amma da ƙarfin yarda da Kai.

Duk abin da ka tsara a kanmu a yau,
Ka mai da shi silar kwanciyar hankali a gare mu
da kuma ga al’ummar Musulmi baki ɗaya.

Amin Ya Rabb🤲🏾

Ya Mai tafiyar da dare da rana!Ka sauya mini ƙunci zuwa fita,raunana zuwa ƙarfi,burina zuwa hakika.Ka fitar da ni daga d...
28/01/2026

Ya Mai tafiyar da dare da rana!
Ka sauya mini ƙunci zuwa fita,
raunana zuwa ƙarfi,
burina zuwa hakika.

Ka fitar da ni daga dogaro da kaina zuwa dogaro da Kai.
Kuma Ka ce wa abin da nake fata daga al’amurana “Ka kasance”,
domin babu abin da ya gagare Ka,
kuma babu wani abu da ya yi wahala a gare Ka.

Ameen Ya Rabb🤲🏾🤲🏾

27/01/2026

Ya Allah,
Ka nisanta ni da baƙin ciki mai nauyi (depression)
da yawan tunanin da ke gajiyar da zuciya.
Ka sa na zama mai tsayuwa a kan sallata,
Ka shiryar da ni zuwa gare Ka.

Ya Ubangiji,
kar Ka nuna mini sharri
a kan waɗanda nake ƙauna.
Ka taimake ni in ci gaba da tafiya,
domin abubuwa sun yi mini nauyi sosai.

Ka ba ni dacewa,
Ka cika mini burikana,
Ka gafarta mini, Ka yafe mini,
Ka amsa addu’o’ina—
domin Kai ne Mai amsa addu’a.

Amin Ya Allah 🤲🏾

Ya Allah,Ka lullube ni da masoyanada yardarKa, gafararKa, da rahamarKa.Ka ba ni da sudaga alherin duniyaabin da zai wada...
26/01/2026

Ya Allah,
Ka lullube ni da masoyana
da yardarKa, gafararKa, da rahamarKa.

Ka ba ni da su
daga alherin duniya
abin da zai wadatar da mu,
ya kuma wadata mu daga dogaro ga kowa
baya gare Ka.

Amin Ya Rabbul ‘Alamin 🤲🏾

Address

Online Platform
Kano

Website

Alerts

Be the first to know and let us send you an email when Hikima Haske ce posts news and promotions. Your email address will not be used for any other purpose, and you can unsubscribe at any time.

Shortcuts

Share

Category