Professor Sheikh Umar Sani Fagge

21/09/2026

A cikin shuhada’u Uhud akwai sayyiduna Julaibibu Radiyallahu Anhu.
Ya kasance kalarsa da fatarsa ba irin ta larabawa ba, (ba’a kwatanta sahabi da cewa shi mummuna ne), sannan kuma daga ƙauye yake zuwa Madinah.
Lokacin da Annabi Alaihissalam ya ganshi an masa shahada, Annabi Alaihissalam ɗaukarsa yayi ya riƙe da hannayenSa masu albarka, bai sauke shi ya ajjiye shi a ƙasa ba har saida aka gama haƙa ƙabarinsa Radiyallahu Anhu.
Allah ya bamu albarkarsu

20/09/2026

Daga cikin sahabban da aka yiwa shahada a yaƙin Uhud, akwai Sayyiduna Mus’ab bn Umair.
Ɗan gata ne na nunawa sarki, ko kwalliya mutum yake son yi, sai ya jira yaga kayan da Mus’ab ya saka, sannan shima zaije a masa irinsu.
Amma daya musulunta mahaifiyarsa tayi fushi dashi, haka ya haƙura da gatan da yake dashi.
Manzon Allah Sallallahu Alaihi Wasallam yana ganin gawarsa sai ya fara hawaye, saboda ya tuna yadda yake ɗanlele, sannan kayan jikinsa basu iya masa linkafani ba, sai umarni Annabi Alaihissalam yayi da a rufe masa fuskarsa da kayansa, ƙafufuwansa kuma a saka musu ganye sannan a binne shi.
Wannan karatu me ga mu ʼyan baya, duk abinda ya shafi Allah ko Manzon Allah Sallallahu Alaihi Wasallam; mutum ya zama zai iya haƙura da kowane irin daɗi, domin cigaban Musulunci.

20/09/2026

Yau munje Uhud, inda akayi yaƙin Uhud, saida aka yiwa sahabbai guda saba’in shahadah.
Kowannen su yana da wata alfarma ta daban, misalin Sayyiduna Hamza Radiyallahu Anhu; lokacin da Annabi zai masa sallah ta jana’iza, saida yayi masa kabbara saba’in maimakon huɗu, kuma kowacce a ciki idan yayi masa wani matsayi ne yake nunawa da Sayyiduna Hamza Radiyallahu Anhu yake dashi.
Allah ka tarfa mana albarkacin su.

20/09/2026

20/09/2026

Ziyarar Shuhada’u Uhud

18/09/2026

Daga cikin falalar garin Madinah akwai ceton da Annabi Alaihissalam zai yiwa wanda ya mutu a cikinta.
Domin ya faɗa Alaihissalam cewa “wanda duk yake da ikon mutuwa a Madinah to ya mutu, domin zan ceci wanda ya mutu a cikinta”
Allah ka h**e mana albarkar garin Madinah.

18/09/2026

Idan Annabi Alaihissalam yana son abu, ya zama wajibi kuma hujja kowane musulmi ya so wannan abun, ko yau huɗubar da liman yayi kenan a masallacin Madina.
Ya faɗi cewa an haifi Annabi Alaihissalam a Makkah, saboda haka Makkah babban waje ne a wajen Allah, sannan anan Allah ya sanya farkon ɗaki wato Ka’abah, haka nan waje ne mai aminci ga duk wanda yaje ko mutum ko dabba.
Madinah kuma nan Annabi Alaihissalam yayi Hijrah, anan kuma ya rayu har yayi wafati, sannan anan Maƙam (ƘabarinSa) yake har zuwa a tashi ƙiyama. Sannan Annabi Alaihissalam ya faɗa cewa “wanda duk ya tsorata mutan Madinah da zalinci, shi ma Allah ya tsorata shi, kuma kada Allah ya karɓi farillarsa ko nafilarsa, sannan kuma tsinuwar Allah data mutane da tavmala’iku ta tabbata akansa”
Shi ya sa abinda Hutiyawa sukayi (baifi kwana 3 ba) na kaiwa Makkah hari; laifi ne babba a wajen Allah, saboda Annabi Alaihissalam yana son Makkah da Madinah, ƙari wallahi bai taɓa zama a wani gari ba duk duniya yayi rayuwa sai iya Makkah da Madinah.
Allah ya h**e mana ganin girman duk abinda ya shafi Allah da Manzon Allah Sallallahu Alaihi Wasallam.

17/09/2026

Wali Umdah shi ne waliyyin amarya kuma shi ne wakilin ango a lokaci ɗaya, shi zai nema, kuma shi zai bayar, sannan kuma ya karɓa a zimmar ango.
A wannan aure da akayi na Mustapha Tijjani Musa; ni ne wakilinsa, sannan kuma ni ne waliyyin amarya Aisha.
Allah ya sanya alheri, ya bada zaman lafiya.