16/09/2026
🌹 TABARRUKI DA ABUBUWAN DA S**A SHAFI MANZON ALLAH ﷺ 🌹
Daga cikin abubuwan da ke nuna irin tsananin ƙaunar da Sahabban Manzon Allah ﷺ suke yi masa akwai yadda suke neman albarka (tabarruki) daga wasu abubuwan da s**a kasance nasa ko s**a taɓa jikinsa.
Wannan ba magana ce ta zato ba; akwai hadisai ingantattu da s**a tabbatar da hakan.
🕊️ 1. GASHIN MANZON ALLAH ﷺ
Anas bn Malik رضي الله عنه ya ce:
«“Na ga Manzon Allah ﷺ ana yi masa aski, Sahabbansa suna kewaye da shi, ba sa son wata gashi ta faɗi sai ta shiga hannun wani daga cikinsu.”»
📚 Sahih Muslim, 2325
Wannan hadisi yana daga cikin hujjoji mafi bayyani cewa Sahabbai sun kasance suna neman albarka daga gashin Manzon Allah ﷺ.
Haka kuma, a lokacin Hajji, bayan Annabi ﷺ ya yi aski, ya bai wa Abu Talha رضي الله عنه gashin kansa domin a raba shi ga mutane.
📚 Sahih Muslim, 1305
💧 2. RUWAN ALWALAR MANZON ALLAH ﷺ
Urwa bn Mas'ud رضي الله عنه ya bayyana yadda Sahabban Annabi ﷺ suke girmama shi a lokacin da yake alwala. Ya ce idan ya yi alwala, Sahabbansa suna kusan yin faɗa wajen ɗaukar ruwan alwalarsa.
📚 Sahih al-Bukhari, 2731–2732
Wannan ma yana daga cikin abubuwan da s**a nuna irin ƙaunar da Sahabbai suke yi wa Manzon Allah ﷺ da kuma neman albarka daga abin da ya shafe shi.
🌹 3. ZUFAR MANZON ALLAH ﷺ
Anas رضي الله عنه ya ruwaito cewa Umm Sulaym رضي الله عنها ta kasance tana tattara zufar Manzon Allah ﷺ, tana saka ta cikin turarenta.
📚 Sahih Muslim, 2331
Ka duba irin yadda Sahabbai suke nuna ƙauna da girmamawa ga Manzon Allah ﷺ.
❤️ ABIN DA YA KAMATA MU FAHIMTA
Tabarruki da abubuwan da s**a shafi Manzon Allah ﷺ yana da hujjoji a cikin Sunnah, musamman game da abubuwan da s**a kasance daga jikinsa kai tsaye, kamar gashinsa, zufarsa da ruwan alwalarsa, kamar yadda hadisai sahihai s**a tabbatar.
Amma kuma bai kamata mutum ya ɗauki duk wani abu da ake cewa “na Annabi ﷺ ne” ba tare da hujja ba. Abin da yake da tabbacin kasancewarsa daga Manzon Allah ﷺ shi ne abin da hujja ta tabbatar.
Kuma mafi girman hanyar nuna ƙaunar Manzon Allah ﷺ ita ce:
❤️ BIN SUNNARSA
❤️ YAWANTA SALATI A GARE SHI
❤️ GIRMAMA SHI DA ƘAUNARSA
❤️ AIWATAR DA KOYARWARSA A RAYUWA
Allah سبحانه وتعالى Ya ce:
﴿قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ﴾
“Ka ce: Idan kuna son Allah, to ku bi ni, Allah zai so ku.”
📖 Suratu Ali Imran: 31
اللهم صل وسلم وبارك على نبينا محمد ﷺ
Allah Ya ƙara mana ƙaunar Manzon Allah ﷺ, Ya sa mu bi Sunnarsa da gaskiya, kuma Ya haɗa mu da shi a Aljannatul Firdaus. آمين. 🤲❤️
Muhammad Shehu Fagge.
