28/05/2026
SAƘON BARKA DA SALLA
Ina yi ma dukkanin Musulmin Duniya-musamman na ƙasata Najeriya- murna da kuma fatan alkhairi saboda samun damar yin sallar Idi babba(tare da abubuwanda ke tattare da ita) lafiya.
Allah Ya maimaita mana shekaru masu yawa albarkatattu da kuma zamunna katangattattu daga dukkan abin ƙi fai da ɓoye.
Mu kuma da muke ƙasa mai tsarki a halin yanzu, Allah Ya karɓa mana dukkanin ayyukanmu na Hajji da ‘Umrah, Ya kuma mayar da kowa gidanshi lafiya.
Ya Allah, muna roƙon KA da dukkanin sunayenKA kyawawa da kuma sifofinKA maɗaukaka, halin kasancewarmu muna masu magiyar ƙasƙantar da kai gareKA, KA kawo ma ƙasarmu Najeriya ɗauki cikin gaggawa, MUSAMMAN AREWACINTA.
Ya Allah mun kasa kuma mun gajiya saboda miyagun halayenmu. KA tattala mana mafita magaggauciya cikin rahamarKA.
Mun tuba muna neman gafararKA
لا إله إلا أنت سبحانك إنّا كنا من الظالمين
