23/08/2025
ADDININ MUSULUNCI, ADDININ ALLAH NE
Ha'incin Sarakunan Gargajiya, Munafurcin Manyan Gari, Mutuwar Zuciyar Malamai Da Wautar Mabiya A Garuruwanmu, Sun Hana Gudanar Da Bautar Allah Bisa Tsarin Koyarwar Addini, Amma Basu Isa Su Hana Kyautata Bautar A Wasu Garuruwan Ba.
Dubi Yadda Kasar Malesiya Mai Albarka, Ta Sanya Dokar Daurin Shekaru Biyu, Tare Da Tarar Kudade Fiye Da Maliyan, Akan Duk Wanda Baya Zuwa Sallahr Jumu'a.
Mu Kuwa A Garuruwanmu, Shuwagabannin Ne Suke Hana Zuwa Sallahr Juma'ar A Fakaice.
1_Ha'incin Sarakai, Shine Yake Nada Limamai, Ba Cancantar Ilimi Ba, Za'a Nuna Muku Cewar: An Yi Jarrabawa, Amma Karya Ne, Wanda Sarakai Suke So, Shine Liman.
2_Kwadayin Abin Duniya Daga Wajen Wadanda Ake Yiwa Kallon Malamai, Shikenan Sabida Ubanshi Malami Ne, Wai Shima Dole A Kira Shi Malam, Ya San Bashi Da Ilimi, Amma Ya Karbi Limanci Sabida Kudin Da Ake Biya A Karshen Wata, Goron Suna Da Kudin Aduwa Ranar Daurin Aure.
3_Tsabagen Munafurcin Manyan Gari, Suna Kallo Za'a Dauko Bakin Jahili, Maciyin Haramun, Me Zamba-cikin-aminci, Me Cin Kudin-ruwa, Farka, Daduro Ko Dan Luwadi, A Nada Shi Limanci Sabida Ya Baiwa Dagaci Cin-hanci Ko Ya Aura Mishi Diyarshi, Amma Suyi Shiru, Wai Suna Gudun Zagi.
4_Su Kuwa Wawayen-gari, Ba Komai Suke Yiwa Mutum Ba, Face Ingiza Mai Kantu, In Ka Ga Sun Goya Maka Baya, To Lalle Wautarku Daya, In Kuwa Ka Ga Ba Sa Tare Da Kai, To Kai Nagari Ne, Domin Wawaye Ba Sa Taba Bin Managarci.
Ku Isar Musu Da Sakonmu, Kafin Mu Je Gaban Mai Al'arshi.
