Hussain S Ahmad At-tijjany

10/11/2025

Niass❤️❤️❤️

11/10/2024

My Love💖

04/07/2024

SHIEKH IBRAHIM INYASS (RA) MATSAYINSA A DUNIYAR MUSULMI

An san Shaihu Ibrahim (RA) a matsayin mutum mai ilimin a duk fadin duniyar musulmi. Ya samu karramawa da girmamawa a dukkanin kasashen musulmi, kuma ya ziyarci kusan dukkaninsu, da kuma ziyarar al'ummar musulmi a wasu kasashen. Ya gana da malaman musulmi na zamaninsa, kuma ya yi alaka mai amfani da juna da su.

Daya daga cikin kasashen da ya fi ziyarta ita ce kasar Saudiyya, inda ya yi aikin hajjin dakin Allah mai alfarma sau da dama. Ya kuma ziyarci Alkahira sau goma. Yana da alaka mai karfi da shuwagabannin jami'ar Al-Azhar, irinsu Shaykh Mahmoud Shaltut da Shaykh Dr. Abd al-Halim Mahmud, dukkansu tsoffin shugabannin jami'ar Al-Azhar ne. Malaman Azhar sun karrama shi ta hanyar ba shi lakabin "Shaikhul Islam". An ce Shaikh Shaltut ne ya ba shi wannan mukami.

Kuma sun karrama shi a wani lokaci ta hanyar bukatarsa da ya jagoranci sallar Juma’a a cikin watan Safar, shekara ta 1381 bayan hijira (21 ga Yuli, 1961), kuma shi ne bakar fata na farko da ya samu wannan daraja. Bayan kammala sallar, Shaikh Muhammad al-Ghazali ya yi tsokaci a kan khudubar Shaihu Ibrahim da cewa: “Muna da tabbacin makomar al’ummar Musulmi a duniya matukar dai akwai irinsu fitaccen bakonmu Shaikhul Islam Shaihu Ibrahim a cikin Musulmi.

09/06/2024

Manufofin Shehu Ibrahim Inyass R.T.A.

1- Yada Addinin Musulunci.
Yana cewa:
علوت البحار الزاخرات وإنني
علوت القرى والمدن بله الجبالا.
Na ketara Manyan Tekuna na duniya, haka na na ketara Manyan Alkaryu da Birane, da ma Manyan duwatsu.

أروم رضا الباري لنصرة دينه
وأبرز للجيل الجديد مثالا.
Ina haka ne saboda neman Yardar ALLAH don Taimakawa Addinin ALLAH. Sannn na nunawa masu tasowa misali na Yadda ake wa Adddini Aiki.

Yana kuma cewa:
طرت إلى تمل قصدي نصري
دين المهيمن فيعلي قدري
Naje garin (Tamalle) ina nufin taimakawa Addinin Almuhaiminu (ALLAH) yana mai daukaka daraja ta.

جئت وما أمكنني النزول
من كثرة الناس ولا الحلول
Sanda na je, Ban ma samu damar sauka ba, saboda yawan mutane.

هنا عراني حياء وخجل
ما العبد إبراهيم ما له يجل.
Anan kunya ta rufe ne, nake tambayr kai na, wai me ke ga wannan bawa IBRAHIM, me ya sa mutane suke girmama shi haka ?!

لقنت آلافا ولن تعدا
كلمة التوحيد فاتوا العدا
Na Laqqanawa dubban mutanen da ba z su qirgu ba ; Kalmar Tauhidi.

2- Raya Sunnar Manzon ALLAH. S.A.W
Yana cewa:
ساقني اللطيف نحو كَنْ كَنْ
والرب أعطاني مقام كُن كُن
ALLAH ya kora ni zuwa garin Kan Kan
ALLAH ya ba ni Aro na Kun (duk abin da na so ALLAH yana Tabbatar min da shi)

والقصد إحيا سنة الأمين
أحيي طريق القوم للقرون.
Nufina kawai shine raya Sunnar Annabi (Al Ameen) Ina Mai tafiyar wa akanhanyar Bayin ALLAH.

أوجدني حقا لجبر الكسر
فإنني وكيل سر السر
ALLAH ya samar da ni, na gyara karaya (lalacewar Alumma) Ni Wakili ne na Sirrin Sirri.

آلمني اليوم اندراس سنة
ماحي الضلال قائدي للجنة.
Ina takaici in naga yadda Sunna ta ke shafewa. Sunnar Annabi Elmahy Jagora na zuwa Aljanna.

3- Zaburar da Matasa akan Ilimi.
Yana cewa.

أحبتي فلترسلوا الولدانا
كي يقرءوا وقت الصبا القرآنا.
Masoya na, ku tura yaran ku su je su koyi karatun Qurani lokacin Quruciyar su.

Ya kuma cewa
يأيها البنات زاحمن إلي
نيل العلا أما بأبدان فلا.
Ya ku yara Mata ku y gogayyar Neman Ilimi (daukaka) Ba Gogayyar Jikkuna ba.

Zan ci Gaba In sha ALLAH.

04/03/2024

Shehu Ibrahim Inyass: Gwarzon Musulunci Na Zamani.

Shehu Ibrahim (RA) ya taimaki addini da kayan zamaninsa da ya tarar wanda Turawan mulkin mallaka suke yin amfani da su. Shi ne farkon Musulmin da ya yi haka. Ya yi amfani da Rediyo, da Tarho, da Rikoda, da Kamara wajen isar da sakon Musulunci. Shehu Ibrahim ne ya wayar mana da kai a kan amfani da wadannan kayan a cikin addininmu na Musulunci. Haka nan amfani da motoci da jirgin sama, da lasifika, da agogo, da zuwa asibitoci.

Shehu Ibrahim yana daga cikin wadanda ya tilasta wa almajiransa zuwa asibiti wanda a da ba a yarda da hakan ba. Sannan ya koyar da yin karatu irin wannan da ake yi na zamani a makarantu.

Shehu Ibrahim (RA) shi ne farkon Musulmi kuma Malami da ya waye ya san cewa “technology” ba kishiyar addini ba ne. Shi ne farkon malamin da ya yarda cewa Turawa sun je duniyar wata a shekarar 1969 (Combo Apolo 11) har ma ya yi littafi a kan wannan. Kuma ya yi wa shugaban Amurka na lokacin wasika a kan Haka, Su Malaman Saudiyya cewa s**a yi ma duk wanda ya yarda cewa an je duniyar watan kafiri ne, su kuma na Azahar (Misra) s**a ce sam ma ba zai yiwu ba.

Amma Shehu Ibrahim ne ya gamsar da su (da hujja) har s**a yarda da Kasancewar Hakan Ya Faru.

17/01/2024

ZUWA GAREKA MURIDI...

Kamar Yanda Shehu rta yake Faɗa a cikin sha'anin wasu ƴan'uwa muridai akan shauqinsu zuwa ga neman muqamai, da kwaɗayinsu zuwa ga neman sanin gaibu da sauransu...

Ga ma'anar Abinda yace A taƙaice...

Yake Cewa; "Shi Muridi baya kasancewa muridi matukar ba Allah yake nema ba, muridi ya dinga duban baɗininsa (Zuciyarsa; Aibobin dake tare da ita ) yafi ya dinga neman sanin gaibu, ko neman muqamai (wulaya) da sauransu....

Sharri ne a cikin muridi ya dinga ƙwaɗayin muqamai, da ganin cewa har yayi ƙoƙarin da ya cancanci wani abu daga wajen Allah.

Wannan kuwa ba komai bane illa cututtuka irin na zuciya, wacce tana ginuwa ne ta hanyar makwabtaka da ma'abota inkari, da waɗan da s**a juya ma Allah baya, da ma'abota shirka."
Sabida haka Shehu TIJJANI RTA ya hana Zama da wanda yake Inkari ko kuma Maqiyi. Domin suna dauke da gubar da zata halaka IMANIN Mutum.

Allah yasa mu zama bayin hadara na haqiqa zahirinmu da baɗininmu, Bijahi Shehu Tijjani RTA Ameen.

Wasslam
Alharazimi Gibrima Wushishi

15/01/2024

أهلا بشهر رجب🌙

10/01/2024

اللهم صل على سيدنا محمد الفاتح لما أغلق والخاتم لما سبق ناصر الحق بالحق والهادي إلى صراطك المستقيم وعلى آله حق قدره ومقداره العظيم

12/12/2023