26/09/2026
RIKO DA ADDINI A ƘARSHEN ZAMANI
A cikin Khudubar Juma’a mai taken “التمسك بالدين في آخر الزمان – Riko da Addini a Ƙarshen Zamani”, Sheikh Adam Mahmud Sharada ya yi magana mai matuƙar muhimmanci game da halin da Musulunci zai kasance a karshen Zamani.
Ya bayyana cewa, yayin da lokaci yake wucewa, fitintinu za su ƙaru, ilimi ya ragu, jahilci ya yawaita, imani ya raunana, kuma son duniya ya mamaye zukatan mutane.
Annabi ﷺ ya gargade Mu game da Wani Zamani da zai zo, Annabi ﷺ yace: “Za a zo wani zamani wanda mai riƙe da addininsa zai kasance kamar wanda yake riƙe da garwashin wuta.”
Ma’ana, riƙe addini a lokacin da fitintinu s**a yawaita ba zai kasance abu mai sauƙi ba. Musulmi zai iya fuskantar matsin lamba, shubuha, sha’awowi da abubuwan duniya da za su iya janye shi daga addininsa. Amma babban darasin shi ne: Kada mu bari yanayin zamani ya sa mu bar addininmu.
Mu dage da: Biyayya ga Allah
Koyon addini da aiki da shi
Kiyaye ibada
Tsaftace zukata da kyawawan ɗabi'u
Yin wa juna nasiha da gaskiya da haƙuri
Kare kanmu daga fitintinu da shubuhohi
Allah (S.A.W) yace: “Sai waɗanda s**a yi imani, s**a aikata ayyukan ƙwarai, s**a yi wa juna wasiyya da gaskiya, kuma s**a yi wa juna wasiyya da haƙuri.”
(Suratul Asr: 1–3)
