itz_muhammad_mahabub

Yawan lazumtar abu alama ce ta ƙaunarsa da ba shi muhimmanci da fifita shi a kan waninsa.

Abin da ka fi lazumta da kasancewa tare da shi ko da yaushe ba tare da ka ƙosa da shi ba shine abin da ka fi so a rayuwarka ko shakka babu.

Sai ka auna ka gani 👇

- Tsakanin neman duniya da neman lahira wanne ka fi lazumta ba tare da gajiya ba?

- Tsakanin karatun Alkur'ani da litattafan addini da kuma yawo cikin shafukan sada zumunta a wayarka wanne ka fi lazumta ba tare da ƙosawa ba?

- Tsakanin zama cikin iyalinka da da ba su tarbiyya da kuma zaman majalisar hirar Ball ko Siyasa wanne ka fi lazumta ba tare da sarewa ba?

- Tsakanin sauraron karatuttukan malaman addini da sauraron waƙoƙin soyayya da siyasa wanne ka fi jin daɗi ba tare da ya gimshe ka ba?

- Tsakanin kallon tashoshin addini irin su Wisal Hausa TV / SUNNA TV / AFRIKA TV3 / MANARA TV / ALBANY TV ... da sauransu, da kuma kallon tashoshin shiriritar wasanni da finafinan Hausa ko ma har na larabcin wanne ka fi kulawa ba tare da gajiyawa ba?

Tsakanin da tsakanin....
Tsakanin da tsakanin....

Yi wa kanka hisabi kafin mai ƙididdigar ƙwaƙwaf ya yi maka hisabi.

✍️ AllemawyMuhammad Auwal Nuhu Allemawy

Alhamdulillah ❤️💯