25/09/2026
WANE NE FARFESA IBRAHIM AHMAD MAQARI? Ga Tarihin Fitaccen Malamin Addinin Musulunci
Farfesa Sheikh Ibrahim Ahmad Maqari na daga cikin fitattun malaman addinin Musulunci da s**a yi suna a Najeriya, musamman a fannonin ilimin Larabci, karatun addini da wa’azi.
An haife shi a Zaria, Jihar Kaduna, a shekarar 1976. Ya taso a cikin gida mai alaka da ilimi, inda ya fara karatun addini tun yana ƙarami kuma ya haddace Alƙur’ani tun yana matashi.
A shekarar 1993 ya tafi Masar domin karatu a Jami’ar Al-Azhar, inda ya kammala digirinsa na farko a fannin Harshen Larabci a 1999. Daga bisani ya zurfafa karatunsa a Morocco da Mauritania.
Bayan dawowarsa Najeriya, ya samu digirin Master’s daga Ahmadu Bello University, Zaria, sannan ya kammala karatun PhD a Bayero University Kano a shekarar 2009.
Maqari ya shafe shekaru yana aikin koyarwa a manyan cibiyoyin ilimi, ciki har da ABU, Kaduna State University da Bayero University Kano, inda daga baya ya kai matsayin Farfesa a fannin Larabci.
A bangaren addini kuwa, an naɗa shi mataimakin babban limamin National Mosque Abuja a shekarar 2012. Daga baya ya ci gaba da kasancewa ɗaya daga cikin fitattun limaman masallacin.
Maqari ya wallafa littattafai da dama kan Larabci, ilimin Musulunci da sauran batutuwan ilimi. Cibiyar Islamic Centre for Peace Building, Research and Development ta ce ya rubuta sama da littattafai 30, yayin da tarihin da ke shafinsa na hukuma ya bayyana kusan 40 da ya rubuta ko ya fassara.
Haka kuma, yana da alaƙa da ayyukan ilimi da cibiyoyi da dama, ciki har da Tazkiyah da wasu makarantu da shirye-shiryen ilimi.
A yau, ana saninsa a matsayin malami, marubuci, mai wa’azi kuma ɗaya daga cikin fitattun malaman Larabci da addinin Musulunci a Najeriya.
