Abubakar Hassan Malammadori

KADA KA RAYU CIKIN TUNANIN CEWA MUTANE SUNA YIN MAKA HASADA

Kada ka ɓata rayuwarka kana tunanin mutane suna kallonka ko suna jiran ka yi kuskure.

Wani lokaci, abin da kake tunanin hassada ce ko ƙiyayya, kai ne kawai kake yawan tunaninsa.

Ka mai da hankali kan rayuwarka. Kana da buri? Ka fara. Kana son koyon abu? Ka koya. Ka yi kuskure? Ka gyara ka ci gaba.

Kada “me mutane za su ce?” ya hana ka amfani da basirar da Allah Ya ba ka.

Ka tuna, mutane ma suna da nasu rayuwar da suke fama da ita. Ba su da lokacin da kake zato na bibiyar duk abin da kake yi.

Saboda haka, ka yi abin da ya dace, ka gyara kuskuranka, ka koyi darasi, sannan ka ci gaba.

Kada ka rayu domin ra'ayin mutane. Ka rayu da manufa.

Kada ka wahalar da kanka wajen tabbatar wa mutane cewa kai mutumin kirki ne.
Ba dole ba ne kowa ya san alherin da kake yi ko abin da ke cikin zuciyarka. Wasu za su fahimce ka, wasu kuma ko ka yi musu alheri, ba za su yarda da kai ba.
Ka yi alheri saboda Allah, ba don mutane su yaba maka ba.
Ka bar halinka ya yi magana a madadinka. Lokaci zai nuna wa mutane ainihin wanda kai ne.

Masoyin Annabi ﷺ na gaskiya, ƙaunarsa ba ta da rana ta musamman; tana tare da shi a kullum ta hanyar bin Sunnah.
Ƙaunar Annabi ﷺ ba ta takaita ga rana guda ba. Masoyi na gaskiya yana bin Sunnarsa dare da rana.
Idan kana son Annabi ﷺ da gaske, ba ranar haihuwarsa kawai za ka tuna da shi ba; Sunnarsa za ta kasance tare da kai a kullum.
Masoyin Annabi ﷺ ba ya nuna ƙauna da baki kawai; yana nuna ta ne da bin Sunnarsa a kowace rana.
Ƙaunar Annabi ﷺ ba taron shekara-shekara ba ce; ƙauna ce da take bayyana a cikin bin Sunnarsa a kullum.﴿قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ﴾
"Ka ce: Idan kuna son Allah, to ku bi ni, Allah zai so ku."
(Āli 'Imrān: 31)

Kada Ka Bari A Sarrafa Hankalinka

A rayuwa, ka riƙe ra'ayinka, ka kuma tsaya a kan ƙa'idar da ka yarda da ita.

Kada ka zama irin mutumin da yake canza tunani duk lokacin da mutane s**a canza. Ka kasance mai tunani da yanke shawara da kanka.

Ka riƙe kyawawan halaye da tarbiyyar da ka gada daga iyaye da magabata na gari.

Mutum mai ƙima shi ne wanda yake da manufa da ƙa'ida, ba wanda ake juyawa yadda mutane suke so ba.

Kasance mutum mai ra'ayin kansa, amma ka ɗora shi a kan gaskiya da hikima.

KADA KA TABA TUNANIN CEWA FADAR GASKIYA ZAI SA KA SAMU YABON MUTANE.

A’a. Wasu mutane sun san cewa abin da kake faɗa gaskiya ne, amma duk da haka za su ƙi karɓarsa.

Za su iya yin faɗa da kai, su zage ka, su wulaƙanta ka, har ma su ci mutuncinka — ba don ka yi musu laifi ba, sai don kawai ka faɗi gaskiya.

Saboda haka, kada ka auna gaskiya da yawan mutanen da s**a yarda da kai.

Abin da ya fi muhimmanci shi ne ka tabbatar da abin da za ka faɗa kafin ka faɗe shi. Kada ka yi magana da zato ko jita-jita. Ka tabbata cewa abin da kake faɗa gaskiya ne.

Idan ka tabbatar da gaskiyar magana, ka faɗe ta cikin hikima da ladabi, sannan ka bar sakamakon a hannun Allah.

Domin ba kowane mai faɗin gaskiya ne ake yabawa ba. Wasu lokuta, mai faɗin gaskiya shi ne wanda aka fi ƙiyayya da shi.

اللَّهُمَّ اجْعَلْنَا مِنْ أَهْلِ الْحَقِّ وَالثَّبَاتِ عَلَيْهِ.

HUJJOJIN DA SUKE NUNA CEWA MAULIDI BIDI’A NE

Mutane da yawa suna cewa ana yin Maulidi saboda son Annabi ﷺ. To babu shakka, ƙaunar Annabi ﷺ wajibi ce. Amma tambayar ita ce: Annabi ﷺ ya yi Maulidi? Sahabbansa sun yi? Tabi’ai sun yi?

Idan ba su yi ba, me ya sa mu za mu mayar da shi ibada?

Allah ya ce:

﴿ٱلۡیَوۡمَ أَكۡمَلۡتُ لَكُمۡ دِینَكُمۡ﴾

“Yau Na cika muku addininku.”
[Al-Mā’idah: 3]

Idan Allah ya ce addini ya cika, ba mu buƙatar ƙara masa wata ibada da Annabi ﷺ bai zo da ita ba.

Allah kuma ya ce:

﴿لَّقَدۡ كَانَ لَكُمۡ فِي رَسُولِ ٱللَّهِ أُسۡوَةٌ حَسَنَةࣱ﴾

“Lalle kuna da kyakkyawan abin koyi a cikin Manzon Allah.”
[Al-Aḥzāb: 21]

To idan da gaske muna son Annabi ﷺ, mu bi shi yadda ya yi, ba mu ƙirƙiri wata ibada da shi bai yi ba.

Annabi ﷺ ya ce:

«مَنْ أَحْدَثَ فِي أَمْرِنَا هٰذَا مَا لَيْسَ مِنْهُ فَهُوَ رَدٌّ»

“Duk wanda ya ƙirƙiro wani abu a cikin wannan al’amarin namu wanda ba ya cikinsa, to an mayar da shi.”

[Bukhari da Muslim]

Kuma ya ce:

«وَكُلُّ بِدْعَةٍ ضَلَالَةٌ»

“Kowace bidi’a ɓata ce.”
[Muslim]

Saboda haka, magana ba wai muna ƙin Annabi ﷺ ba ce. A’a. Muna son Annabi ﷺ ne, shi ya sa muke son mu bi Sunnarsa.

Annabi ﷺ ya rayu, ya koyar, ya yi ibada, ya rasu. Sahabbansa kuma sun bi shi sosai. Amma babu ɗayansu da ya yi bikin Maulidi.

Don haka idan aka ce: “Ina hujjar Maulidi daga Annabi ﷺ?” — ba za a iya kawo sahihin hadisi da yake cewa “ku yi bikin ranar haihuwata” ba.

Ƙaunar Annabi ﷺ tana cikin bin Sunnarsa, ba cikin ƙara masa ibadar da bai shar’anta ba.

Allah ya shiryar da mu zuwa ga gaskiya, ya sa mu mutu muna kan Sunnah. 🤲🏽

Toh, ai shi ya sa ba a barin mu kai labari ko taro a kai ba, a ba da labarin abin da muka faɗa. Eh, to amma ba yadda za a yi da mu ba. Shi ne dai, kar ku manta tun dazun na faɗi: rayuwar irin mu tana cikin haɗari.

Ai ni na san haka. Shi ya sa aka kashe su Sardauna ai.

Yau mutum ne ya yi shahada, ya zo masallacin nan. Mu mun san cewa ya zo ne da ashana da fetur. Rayuwarsa ba ta cikin haɗari, ko?

Ha ha ha! Ai dama, duk wanda zai shiga da irin wannan manufa, ya san cewa rayuwarsa tana cikin haɗari.

Na'am. Allah Ya taimaka.

— Sheikh Albani

Allah ka nuna mana gaskiya ka bamu ikon binta 🙏🙏

Allah ya jikan ku Allah ya gafarta muku Allah ya haskaka ma kwancinku

Da abu ne mai yiwuwa in ce wa Annabi ﷺ Engineer, yace da na kira shi da wannan suna. Amma ilimin Annabi ﷺ ya fi ƙarfin Engineering; digiri ba zai iya kwatanta ilimin da Allah Ya ba Annabi ﷺ ba.

Matsayinsa shi ne Muhammadur Rasūlullāh. Wannan matsayin ya ishe shi.

— Sheikh Muhammad Auwal Albani Zaria رحمه الله