Islamiyyah Schools Association of Nigeria Gombe State Chapter

TAƘARDAR TA'AZIYYA

ISLAMIYYAH SCHOOLS ASSOCIATION OF NIGERIA (ISAN)
Gombe State Chapter

Assalãmu Alaikum wa Rahmatullãhi wa Barakãtuhu.

Cikin matuƙar alhini da jimami, Islamiyyah Schools Association of Nigeria (ISAN), Gombe State Chapter, ta samu labarin rasuwar ɗaliba Amina Umar, ɗaliba a Al-Amjad Community Model School (Islamiyyah), Bomala, Gombe State, wacce ta rasu a ranar Jumma'a, 17 ga Yuli, 2026.
Bisa rahoton da muka samu daga malamanta, marigayiyar ta sanya wani magani a gashinta domin magance kwarkwata. Daga baya ta samu matsalar rashin lafiya mai tsanani wadda ta kai ga rasuwarta.

Wannan lamari ya girgiza zukatanmu matuƙa, musamman kasancewar marigayiyar na daga cikin ɗaliban da ke gab da kammala karatunsu.

Muna miƙa saƙon ta'aziyyarmu ga:
Iyayenta da iyalanta.
Shugabanci, malamai da ɗaliban Al-Amjad Community Model School (Islamiyyah).
Al'ummar Unguwar Bomala.
Da kuma ɗaukacin al'ummar Musulmi.

Muna roƙon Allah (SWT) Ya jiƙanta da rahama, Ya gafarta mata, Ya sanya Aljannatul Firdaus ta zama makomarta, Ya ba iyayenta, 'yan uwanta, malamanta da abokan karatunta haƙurin jure wannan babban rashi.

A lokaci guda, muna kira ga iyaye da masu kula da yara da su riƙa yin taka-tsantsan wajen amfani da magunguna ko wasu sinadarai, musamman waɗanda za a shafa a jiki ko gashi. Yana da muhimmanci a tabbatar da amincinsu tare da neman shawarar ƙwararrun ma'aikatan lafiya idan akwai buƙata.

Muna addu'ar Allah Maɗaukakin Sarki Ya kare ɗaukacin ɗalibanmu daga dukkan musibu, Ya albarkaci makarantunmu, Ya kuma ba mu ikon kula da amanar yaranmu yadda Ya yarda.

﴿إِنَّا لِلَّٰهِ وَإِنَّا إِلَيْهِ رَاجِعُونَ﴾

✍️
Islamiyyah Schools Association of Nigeria (ISAN)
Gombe State Chapter

ASSALĀMU ALAIKUM WA RAHMATULLĀHI WA BARAKĀTUHU

Muna sanar da dukkan waɗanda s**a yi rajista ko suke shirin halartar Workshop na Malaman Islamiyyah a jahar gombe cewa:
Wurin gudanar da workshop ya koma:
Government Vocational Training Centre (GVTC), Kamara, Bolari East, Gombe, saboda wasu MUHIMMAN dalilai.

Rana: Lahadi, 26th July, 2026.
Lokaci: 9:00 na safe zuwa 2:00 na rana.

Muna roƙon Allãh Ya sanya albarka a wannan taro, kuma muna godiya da fahimta da haɗin kan ku.

ISLAMIYYAH SCHOOLS ASSOCIATION OF NIGERIA (ISAN)
Gombe State Chapter
Knowledge and Discipline

OFFICIAL CONDOLENCE MESSAGE

إِنَّا لِلَّهِ وَإِنَّا إِلَيْهِ رَاجِعُونَ

Cikin matuƙar alhini da jimami ne Islamiyyah Schools Association of Nigeria (ISAN), Gombe State Chapter ta karɓi labarin rasuwar ɗalibar Madrasatu Dāhā Islamiyyah, Fatima Abubakar Yahaya (Hanifa), wadda Allah Maɗaukakin Sarki Ya karɓi rayuwarta.
Wannan rashi babban abin baƙin ciki ne ga iyalanta, malamanta, abokan karatunta da kuma ɗaukacin al'ummar Makarantun Islamiyya.
A madadin shugabanci da ɗaukacin mambobin ISAN Gombe State Chapter, muna miƙa saƙon ta'aziyyarmu ga iyalan marigayiyar, shugabanci, malamai, ɗalibai da al'ummar Madrasatu Ṭāhā Islamiyyah. Muna roƙon Allah Maɗaukakin Sarki Ya gafarta mata, Ya yi mata rahama, Ya yalwata kabarinta, Ya sanya Aljannatul Firdausi ta zama makomarta, Ya kuma ba iyalanta da duk masu alhini haƙurin jure wannan babban rashi.
Muna kuma roƙon Allah Ya kare ɗaukacin ɗaliban Makarantun Islamiyya, Ya ba su lafiya da tsawon rai cikin biyayya gare Shi.
﴿إِنَّا لِلَّهِ وَإِنَّا إِلَيْهِ رَاجِعُونَ﴾

Signed,

ISLAMIYYAH SCHOLS ASSOCIATION OF NIGERIA (ISAN)
Gombe State Chapter

chat.whatsapp.com