06/01/2025
Riƙo da Sunnah akwai wahala don haka akwai buƙatar juriya da haƙuri, musamman a ƙarshen zamani da fitintinu da bidi'o'i da son rai s**a game sai wanda Allah ya yi musu rahama, shi yasa aka siffanta mai riƙo da ita da wanda ya damƙi garwashi, domin riƙo da sunnah yana nufin ka zama baƙo cikin al'umma, ka fifita yardar da Allah akan yardar da mutane, a hantareka ta nan da can, yin haƙuri da duk wata maslaha domin maslahar addini, faɗin gaskiya duk ɗacinta koda za'a watse a bar ka kai kaɗai, wannan shine abinda Manzon Allah sallallahu alaihi wa sallam da sahabbai s**a fuskanta a farkon musulunci, kuma Manzon Allah sallallahu alaihi wa sallam ya bada labari cewa addini zai koma baƙo kamar yadda ya fara.
Riƙo da sunnah ba shine kawai jingina kai zuwa ga sunan sunnah ba, a'a aƙida ce da furuci da aiki, jajircewa wajen neman ilimi kan tafarkin magabata da kira zuwa gareshi da haƙuri kan cutarwa dominsa.
