Professor Mansur Isa Yelwa

Dazu Ake ankarar da mu wani labari da wani shafi a Facebook mai suna JARIDAR NIGERIA ta wallafa a shafin ta, akan babban malamin mu Prof. Mansur Isa Yelwa wai ya yi addu'a da cewa 'Allah Ya ba wa America da Isra'ila nasara akan Iran, saboda kasancewar Iran 'yan Shi'ah ne suna zagin Sahabbai’

Da farko dai wannan zance karya ne kuma ƙage ne babba, kuma a matsayin mu na ɗaliban Prof., bamu yafe wa wadannan masharranta ba. Kuma muna addu'a akan su da cewa Allah Ya isar mana.

Don tabbatar da karyar wannan zance, ga wasu link guda biyu a kasa inda shi Prof da kan sa yake addu'a wa Iran yana rokon Allah Ya Basu nasara akan America da Yahudawa.

1. https://youtu.be/mAQ53gYmwWI
2. https://youtu.be/HiB5vkSQY9Q

Sannan duk wanda ya halarci sallolin tarawih da Prof. ya jagoranta a cikin wannan watan Ramadan da ya wuce, zai ba da shaidar irin addu'o'i da Prof din ya yi, yana rokon ALLAH da ya kaskantar da Yahudawa ta Hanyar ba wa Iran nasara akan su.

Don haka waɗannan misalai sun isa su nuna karyar wannan labari.

Manufar wadannan masharranta na kutse cikin mutuncin malamin mu Allah Ya isan mana akan su, Ya kuma haramta musu cimma wannan manufa. Allah Ya kare wa Prof mutuncin sa. Allah ya kunyata wadannan masharranta.

Rubutawan
Isa Muhammad Abdullah
(Ameer)

Muna Tare Da Iran Dari-bisa-dari a Yaƙin ta da Yahudawa Prof. Mansur Isa Yelwa