19/08/2026
Da ɗumi-ɗumi: kotun Amurka ta ba da umarnin wa’adin kwanaki 4 don a saki takardun zargin safarar miyagun ƙwayoyi da ake danganta wa Shugaba Tinubu
Al’amarin da ya shafe sama da shekaru uku yana gaban kotun tarayya ta Amurka ya sake daukar sabon salo.
Rahotanni sun ce U.S. Attorney Jeanine Pirro ta nemi ƙarin kwanaki 10 domin bin umarnin kotu kan sakin wasu bayanan da ke hannun DOJ, FBI da DEA, waɗanda s**a shafi zarge-zargen da ake danganta wa Shugaban Najeriya Bola Ahmed Tinubu da safarar miyagun ƙwayoyi.
Sai dai Mai Shari’a Beryl Howell ta amince da ƙarin kwanaki huɗu kacal, inda aka sanya 21 ga Agusta 2026 a matsayin sabon wa’adin. Kotun ta yi la’akari da cewa batun ya kwashe sama da shekaru uku yana gudana.
Masu neman a fitar da takardun sun ce lokaci ya yi da ya kamata a bayyana bayanan, suna kuma maraba da sabon matakin da ofishin Pirro da DOJ s**a ɗauka.
Sai dai yana da muhimmanci a lura cewa zargin ba yana nufin an tabbatar da laifi ba. Rahotannin da ake samu sun bayyana cewa takardun da ake nema suna da alaƙa da zarge-zarge da binciken da s**a shafi Tinubu, yayin da Tinubu ya musanta aikata laifi.
Yanzu hankali ya koma kan 21 ga Agusta: me ke cikin waɗannan takardun da aka kwashe sama da shekaru uku ana fafutukar ganin an bayyana su?
