Al-Kausar Arabic Academy

MUHIMMIN LECTURE:
HARSHEN LARABCI DA ADABINSA
(Domin dalibai da masu sha’awar koyon Larabci)

Gabatarwa:
Harshen Larabci yana daga cikin manyan harsuna mafi tasiri a duniya. Harshe ne mai zurfin ma’ana, yalwar kalmomi, da kuma dogon tarihi. Shi ne harshen da aka saukar da Alƙur’ani da shi, kuma ya kasance hanyar adana ilimi, adabi, tarihi, da al’adu tsawon ƙarni masu yawa.

1. Menene Harshen Larabci?

Harshen Larabci (اللُّغَةُ العَرَبِيَّةُ) harshe ne da mutane miliyoyi ke magana da shi a ƙasashe daban-daban. Yana da tsarin nahawu mai ƙarfi da salo mai kyau wanda ya bambanta shi da wasu harsuna.

Allah Maɗaukakin Sarki ya ce:

إِنَّا أَنْزَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ
"Lallai Mun saukar da shi Alƙur’ani da harshen Larabci domin ku fahimta."

2. Muhimmancin Koyon Harshen Larabci

Yana taimakawa fahimtar Alƙur’ani da Hadisi kai tsaye.

Yana buɗe ƙofofin ilimi a fannoni daban-daban.

Yana inganta fahimtar addini da al’adun Larabawa.

Yana ƙara ƙwarewa wajen magana da rubutu.

Yana ba mutum damar karanta tsoffin littattafan ilimi ba tare da fassara ba.

3. Menene Adabin Larabci (الأدب العربي) ?

Adabi shi ne kyakkyawan amfani da harshe wajen bayyana tunani, ilimi, tarihi, ko motsin zuciya.

Adabin Larabci ya ƙunshi:

Waƙoƙi (الشِّعر)

Zube (النَّثر)

Labarai da hikayoyi

Maganganu masu hikima

Rubuce-rubucen ilimi

4. Muhimmancin Adabin Larabci

Yana koyar da iya magana cikin tsari.

Yana gina ƙwarewar rubutu.

Yana adana tarihi da al’adu.

Yana haɓaka tunani da fasahar sadarwa.

5. Ta Yaya Za Ka Fara Koyon Larabci?

1. Koyi haruffa da lafuzzansu.

2. Gina ƙamus na kalmomi kaɗan-kaɗan kullum.

3. Koyi jimloli masu sauƙi.

4. Karanta rubutun Larabci akai-akai.

5. Yi amfani da abin da ka koya wajen magana da rubutu.

Kammalawa

Harshen Larabci ba kawai harshe ba ne; hanya ce ta ilimi, fahimta, da adabi. Duk wanda ya dage wajen koyonsa zai ga sauƙi da daɗin fahimtar ma’anoni masu zurfi.

Kalmar ƙarshe:
“Duk wanda ya gina kansa da ilimi da harshe, ya gina makomarsa da hikima.”

Al-Kausar Arabic Academy ✍️

WASA KWAKWALWA

(Daga darasin: Kasuwa – السوق)

1. Menene ma’anar:
أَنَا فِي السُّوقِ
A. Ina gida.
B. Ina kasuwa.
C. Ina makaranta.
D. Ina masallaci.

2. Menene ma’anar:
عِنْدِي مَالٌ
A. Ina da kuɗi.
B. Ina da gida.
C. Ina da abinci.
D. Ina da littafi.

3. Menene ma’anar:
الْبَائِعُ صَادِقٌ
A. Mai siya yana farin ciki.
B. Farashin ya yi tsada.
C. Mai sayarwa mai gaskiya ne.
D. Kasuwa tana da nisa.

Rubuta amsarka a comment:
1 = ? | 2 = ? | 3 = ?

Wanda ya samu duka daidai ya yi nasara, wanda yayi kuskure shima yayi nasara.

MU KOYI LARABCI | LET’S LEARN ARABIC

Yau za mu koyi wasu jimloli masu sauƙi da s**a shafi kasuwa

✓ أَنَا فِي السُّوقِ
→ English: I am in the market.
→ Hausa: Ina kasuwa.

✓ عِنْدِي مَالٌ
→ English: I have money.
→ Hausa: Ina da kuɗi.

✓ هَذَا الثَّمَنُ قَلِيلٌ
→ English: This price is low.
→ Hausa: Wannan farashin kaɗan ne.

✓ الْبَائِعُ صَادِقٌ
→ English: The seller is honest.
→ Hausa: Mai sayarwa mai gaskiya ne.

✓ الْمُشْتَرِي سَعِيدٌ
→ English: The buyer is happy.
→ Hausa: Mai siya yana farin ciki.

Ka rubuta a comment:
Wace jimla ce ka fi so kuma ka yi ƙoƙarin amfani da ita yau.

Share domin wasu su ma su koyi Larabci.

Gaskiya Sheik Albany Zariya, Shehi ne na musamman da Nigeria ke bukatar irin sa a yenzu.
Allah ya jikansa da rahma

Idan kana son sanin yadda zaka ce:

"YAU RANAR JUMA'A CE, RANA NE DA MUSULMAI KE HADUWA DAN SALLAR JUMA'A." Dubi comment 👇

MU KOYI LARABCI

Idan bakayi bacci ba, ka Koyi wannan kalma, dubi comment 👇

Na je gidan Buhari, ku mayar mana da shi zuwa larabci!

SAƘO GA MAI NEMAN ILIMI

Malam, sai ka dage a fagen neman ilimi kafin ka ga haske.

Ilimi ba ya zuwa cikin sauƙi ko kasala. Ana samun sa ne da jajircewa, haƙuri, dagewa, da yawan karatu. Duk wanda ya nace a kan neman ilimi, Allah zai buɗe masa ƙofofin fahimta da nasara.

Ka dage, ka yi haƙuri, ka ci gaba da neman ilimi; haske yana gaban masu ƙoƙari

KALUBALEN LARABCI!

Shin za ka iya amsa waɗannan tambayoyin?
👇
1. Menene ma'anar: الْبَابُ مَفْتُوحٌ
A. Tagar tana da tsabta.
B. Ƙofar a buɗe take.
C. Gadon sabo ne.
D. Kujerar ƙarama ce.

2. Wace kalma ce ke nufin "Taga"?
A. السَّرِيرُ
B. الْبَابُ
C. النَّافِذَةُ
D. الْكُرْسِيُّ

3. Menene ma'anar: السَّرِيرُ جَدِيدٌ
A. Gadon sabo ne.
B. Gidan sabo ne.
C. Kujerar sabuwa ce.
D. Ƙofar sabuwa ce.

Rubuta amsoshinka a comment:
1 = ? | 2 = ? | 3 = ?

Wanda ya samu duka daidai ya yi nasara!