Niuma Miss

❤️ހިތްހެޔޮ ބަހަކުން ހިތްތައް ބަދަލުކޮށްލަމާ!❤️

ކުދިންގެ ލިޔުންތެރިކަމުގެ ހުނަރު ގޭތެރެއިން ކުރިއަރުވާނީ ކިހިނެއް؟

ލިޔުންތެރިކަމަކީ ހަމައެކަނި ފޮތެއްގައި އަކުރުތަކެއް ފަވާލުމެއް ނޫނެވެ. އެއީ އަމިއްލަ ޚިޔާލުތައް ފާޅުކުރުމަށް ބޭނުންކުރާ މުހިންމު މުވާސަލާތީ (communication) ހުނަރެކެވެ.

ކުދިންގެ ކިބައިގައި މި ހުނަރު އަށަގެންނެވުމަކީ އެކުދިންގެ މުސްތަގުބަލަށްޓަކައި އެޅޭނެ އެންމެ ވަރުގަދަ ބިންގަލެވެ. ލިޔަން ދަސްވުމަކީ ހަމައެކަނި އިމްތިހާނަކުން ފާސްވުމެއް ނޫނެވެ. އެއީ އަމިއްލަ ޚިޔާލުތަކާއި އިހުސާސްތައް ޖެހިލުމެއްނެތި މީހުންނަށް ކިޔައިދޭން ދަސްވުމެވެ. މި ހުނަރު ކުރިއެރުވުމަކީ އެކުދިންގެ މުސްތަގުބަލު އުޖާލާކުރުމަށްޓަކައި ބެލެނިވެރިންނަށް ވެސް ދަރިންނާއެކު ކުރެވިދާނެ ވަރަށް ބޭނުންތެރި މަސައްކަތެކެވެ.

ބެލެނިވެރިއެއްގެ ހައިސިއްޔަތުން، ގޭތެރޭގެ މާހައުލުން ކުދިންގެ މި ހުނަރު ކުރިއަރުވަން އެހީތެރިވެދޭނެ ބައެއް ފަސޭހަ ގޮތްތައް ހިއްސާކޮށްލާނަމެވެ!

Now the link is fixed

Baarah kiyuhvumaai nidhaa iru vaahaka kiyaidhinun | Dhauru Dhauru explores the latest happenings and trends in Maldives, and covers them in a way that is worthy of your time and attention.

This is a very beautiful Article written by Dhauru News based on my posts about Reading🌸🌷I loved the way the author has conveyed my message to the public!
Thank you Dhauru

👇🏽

ބާރަށް ކިޔުއްވުމާއި ނިދާއިރު ވާހަކަ ކިޔައިދިނުން
ތައުލީމީ ދާއިރާގެ 30 އަހަރު ތަޖުރިބާ ހޯދާފައިވާ ނިއުމާ މުހައްމަދު ބެލެނިވެރިންނަށް ހަނދާންކޮށްދިނީ ފޮތް ކިޔައިދިނުމުގެ ފައިދާ

https://www.facebook.com/share/18ZMw86fsR/?mibextid=wwXIfr

👇🏽

https://dhauru.com/post/living/43903?fbclid=IwZnRzaASOEkRleHRuA2FlbQIxMQBzcnRjBmFwcF9pZAo2NjI4NTY4Mzc5AAEe-xDv2MRXDnkNkNyx3LeDyp0LizwXEzd9K-l161ezrSNF3qqh8mhqWrhX5OE_aem_kLtBKkil4s3sIojcuuiI0A

https://sl1nk.com/lgav55j

📚ކުދިންނަށް ނިދާ ގަޑީގައި ވާހަކައެއް ކިޔައިދިނުން📚
——————————————————
ކޮންމެ ރެއަކު ނިދުމުގެ ކުރިން ދަރިންނަށް ވާހަކަ އެއް ކިޔައިދޭށެވެ. އެކުދިންނަށް ކަމުދާ ފޮތެއް ހޯދައި، ވާހަކައެއް ކިޔައިދިނުން ކޮންމެ ރެއަކު އާދައަކަށް ހެދުމުން ވަރަށް ގިނަ ފައިދާތަކެއް ލިބިގެންދެއެވެ. މިގޮތުން ފާހަގަވާ ބައެއް ކަންތައްތަކަކީ:

📙ކުދިން ވާހަކަ އަޑުއެހުމުން ބަހުގެ ހުނަރުތައް ރަނގަޅު ކުރުމަށް ބާރަކަށްވެ ބަސް ކުރިއަރައެވެ. މިސާލަކަށް ލަފުޒުތައް ކިޔާއަޑު އެހުމަކީ ކުދިންގެ ބަސްކޮށާރާއި، ވިސްނުމާއި، ކަންކަމަށްދޭ ސަމާލުކަން ރަނގަޅު ކުރުމަށް އެހީތެރިވެދޭ ކަމެކެވެ. އަދި އަޑުއެހުމުގެ ހުނަރު ވާހަކަ އަޑުއެހުމުން ތަރައްޤީވެއެވެ.

📘ވާހަކައެއް ކޮންމެ ރެއަކު ނިދާ ގަޑީގައި ކިޔައިދިނުމުން މައިންބަފައިންނާއި އާއި ދަރިންގެ އޮންނަ ގުޅުން އިތުރަށް ބަދަހިވެގެންދެއެވެ. މިސާލަކަށް، އޭނާއަށް އަޅާލައި އޭނާ ދެކެ ލޯބިވާކަން ކުއްޖާއަށް ބޮޑަށް އިހުސާސް ވެއެވެ.

📗މައިންބަފައިންގެ އަޑަކީ ދަރިން ވަރަށް ހިތްހަމަޖެހޭ އަޑުއަހާހިތްވާ އަޑެކެވެ. ވާހަކަ ކިޔައި ދިނުމުން ކުދިން ދުވާލުގެ ވަރުބަލިކަމާއި ހާސްވުންތަކުން ދުރުހެލިވެ ‘ރިލެކްސްވެ’ ހަމައަކަށް އެޅުވުމަށް ބާރަކަށް ވެއެވެ. މިސާލަކަށް، ވާހަކަ ކިޔައި ދިނުމުން ކުދިންނަށް ނިދި އަންނަން ފަސޭހައެވެ.

📕ވާހަކަތައް އަޑުއެހުމުން ޚިޔާލު ތަނަވަސްވެ، ވިސްނުން ތަރައްޤީވެ، އުފެއްދުންތެރިކަން ކުރިއަރައެވެ.

📓ފޮތްތައް ކިޔައި ވާހަކަތަކަށް ގަވާއިދުން އަޑުއެހުމުން މުޅި އުމުރަށް ކިޔެވުމާއި އުނގެނުމަށް ޝައުގުވެރިކަން އުފެދިގެން ދާނެއެވެ.

❤️ މިކަމުގެ ސަބަބުން އެއްޖީލުން އަނެއް ޖީލަށް ހަނދާން ތަކެއް އުފެއްދުމަށް ބާރަކަށް ވެގެން ދެއެވެ. މިއީ ދަރިންނަށް ލިބިގެންދާ އަގުނުކުރެވޭ ފިލާވަޅުތަކެކެވެ. ހާއްސަ އެއްކަމަކީ ދަރިފުޅު ބޮޑުވެގެންވެސް އެވާހަކަތައް އެހެން މީހުންނާއި އަދި އޭނާގެ ދަރިންނާއި ހިއްސާކުރާއިރު އަމިއްލަ މައިންބަފައިންގެ މަތިން ދާއިމަށް ހަދާންކުރަމުން ގެންދިއުމެވެ. ހެޔޮ ދުއާ ކުރުން މަތީ ދެމިހުރުމެވެ. އަދި މައިންބަފައިން އެވަގުތުތައް އޭނާއާ އެކުގައި ހޭދަކުރުމުގެ ސަބަބުން މައިންބަފައިންނަށް ދެވޭ ޤަދަރާއި އިހުތިރާމާއި ލޯބި އިތުރު ވެގެން ދިއުމެވެ❤️