It-Tradizzjoni Orali fl-UM

L-ewwel għana li ser jinstema’ waqt Festgħana 2026 huwa Il-Fatt tar-Reġjun Port ⚓️

Dan il-fatt rebbieħ, miktub minn Bradley Cachia, jismu "Traġedja Ġo Kordin" u jagħti ħajja lil waħda mill-aktar forom antiki tal-espressjoni orali Maltija, l-għana tal-fatt.

L-għana tal-fatt dejjem serviet biex tirrakkonta l-istejjer, il-ġrajjiet u l-memorji tal-komunità tagħna permezz tal-vers u l-kitarra.

Għal din l-ewwel edizzjoni, Festgħana qed tagħti spazju lil temi kontemporanji marbuta mar-Reġjun Port u l-komunitajiet tiegħu.

🎤 Jgħanni Żeppi Zahra l-Muni
🎸 Akkumpanjat minn Johnny Grima tal-Belt u Mark Vella ta’ Kalċ (prim)

📍 Ġonna tal-Argotti, il-Furjana
📅 22 ta’ Mejju 2026
🕣 8:30pm

Festgħana 2026 huwa organizzat minn Festivals Malta b’kollaborazzjoni mar-Reġjun Port, megħjun mill-Ministeru tal-Kultura, l-Artijiet u l-Gvern Lokali u sponsorjat minn Coca Cola. Dan l-avveniment qed isseħħ b’kollaborazzjoni mad-Direttorat tal- Culture Directorate.

Taf xi taqbila bil-Malti li kienet jew għadha sservi ta’ logħba, tintuża biex tinki, tingħad bħala talba jew biex turi lil xi ħadd li tħobbu jew għal xi skop ieħor? Iktibhielna.

Waqt il-programm Fuq Fomm Kulħadd fuq Calypso Radio 101.8 din il-ġimgħa– illum il-Ħadd bejn is-7 u l-10 ta’ filgħaxija – jien George Cremona qed nistiednek tgħidli it-taqbiliet li taf permezz tat-telephone 52102055 u bl-sms 50614102. Tista' tikteb ukoll it-taqbila tiegħek hawn fuq Facebook u tinqara waqt il-programm.

Sejħa għal Għannejja Ġodda - Festgħana

Nixtiequ naqsmu magħkom inizjattiva ġdida fi ħdan il-festival Festgħana, festival li jiffoka fuq l-għana Maltija. 🗣️

Biex inħeġġu aktar parteċipanti żgħażagħ biex jikkontribwixxu lejn l-għana, inħalaq programm bl-isem ta’ Għannejja Ġodda li għandu l-għan li jrawwem aktar żgħażagħ fl-għana b’għadd ta’ sessjonijiet flimkien ma’ membri tal-komunità tal-għana Maltija. Fosthom ser ikun hemm Marija Spiteri ’Tal-Ġebel’, waħda mill-ftit għannejja nisa li baqgħelna f’Malta li trawmet mill-għannej magħruf il-mibki Frans Baldacchino ‘il-Budaj’.
Mehmuż issibu l-kartellun tal-proġett. 👇

ℹ️ Aktar informazzjoni: https://spazjukreattiv.org/event/ghannejja-godda/
👉 Applika hawn: https://portal.festivalsportal.mt/client-portal/ghannejja 👈

Din is-sejħa tagħlaq fis-7 ta’ Jannar, 2026. 📅

Fil-programm li jmiss se jkollna magħna lil Anna Borg Cardona, studjuża tal-istorja mużikali Maltija. Se nsemmu l-istrumenti tradizzjonali, l-innijiet tal-Milied, u se nitkellmu fuq kif il-mużika sawret is-soċjetà tagħna u rriflettiet l-influwenzi kulturali maż-żmien.

F’dan l-artiklu tal-Kunsill Nazzjonali tal-Ilsien Malti, Yanika Schembri Fava tiffoka fuq it-taqbiliet bil-Malti li l-gradwati l-ġodda jiktbu u jgħidu biex jiċċelebraw u jiżżuffjettaw bil-kors li jkunu temmew jew bil-professjoni l-ġdida tagħhom.

L-artiklu jinsab fir-rivista ‘Encore’:
👉http://encore.com.mt/Issue43.pdf