https://www.facebook.com/735804689616404/

葡撻氣象 MetMacau

Home
China
Macau
葡撻氣象 MetMacau

葡撻氣象（Met Macau) 創於2025年，非官方平台，秉持「氣象萬千識天機，安居樂業伴晴曦」宗旨，主要為透過不定期更新與澳門有關的氣象科普提升市民氣象知識，以「講大家都聽得明嘅氣象」，增強公眾的防災意識與應對能力，從而減少天氣帶來的風險，保障生命財產安全，同時幫助市民更好地理解和適應氣候變化。

24/08/2026

【氣象熱話 Vol.34｜四旋共舞真係異象？！🌀🌀🌀🌀】

一張衛星雲圖竟然同時見到4個熱帶氣旋！🤯西北太平洋及南海上演今年首次「四旋共舞」🌀分別有紫檀、簡拉維、沙德爾同艾莎尼。

🌀 四旋共舞係咪異象？
畫面雖然震撼，但唔代表氣候突然「失常」⚠️四個熱帶氣旋同時存在歷史上並非未曾發生。例如2024年11月，銀杏、桃芝、天兔同萬宜亦曾經同時存在。不過今年的確特別活躍，截至8月24日，西北太平洋及南海今年已生成21個獲命名熱帶氣旋，較常年同期約12.1個多近9個📈

🌊 點解今年咁多風？
中央氣象台指出，今年熱帶氣旋偏多同目前嘅厄爾尼諾背景密切相關🌡️，西太平洋嘅熱帶氣旋活動較為活躍；同時，季風槽內亦可以存在多個低壓渦旋，例如紫檀同簡拉維就係喺同一個大型季風槽中發展而成🌀。

資料來源：中央氣象台；日本氣象廳；ECMWF

——— ☁️ 🌦️ ☀️ ———
📢 「四旋共舞」並非神秘異象，而係有大氣環流背景可以解釋嘅現象🌀
📬 DM / [email protected]
#葡撻氣象 #澳門氣象 #澳門 #氣象 #四旋共舞

23/08/2026

【節氣物候誌 Vol.34｜處暑🌾】

🌿 二十四節氣 × 物候觀察
二十四節氣，是中國古代依太陽位置劃分出的季節節點，用來指引農事與生活節律。而「物候」則是觀察自然界中動植物隨季節氣候變化所展現的行為與現象，例如花開🌸、鳥鳴🦜、蟲動等🐞。這個系列將從每個節氣出發，結合氣象與物候的視角細看澳門！
 🌾 暑氣漸退，秋意漸濃
「處暑」係二十四節氣中嘅第十四個節氣，一般出現喺每年 8 月 22 至 24 日，當太陽到達黃經 150° 時登場📅。「處」有終止、退去之意，代表炎熱暑天逐漸走向尾聲。不過對澳門而言，處暑並唔代表酷熱即時結束，天氣仍然炎熱潮濕，熱帶氣旋亦處於活躍季節🌡️。

🌡️ 處暑氣象與物候
🌡️ 暑熱未完全消退，仍可能出現酷熱天氣 ⛈️ 高溫潮濕下，驟雨及雷暴仍然較常出現 🌀 熱帶氣旋仍處活躍季節，需繼續留意天氣變化

古人將立處暑為「三候」，觀察自然界細微變化： 🦅 鷹乃祭鳥：老鷹開始大量捕獵鳥類，古人形容如陳列祭品
🍂 天地始肅：天地間漸現秋意，草木開始由盛轉衰
🌾 禾乃登：稻、黍、稷等農作物陸續成熟，迎來收成時節

——— ☁️ 🌦️ ☀️ ———
📢 處暑代表暑氣開始退場，但對澳門而言，炎熱同風雨仍未完結，真正秋涼仲要再等等🌾
📬 DM / [email protected]
#葡撻氣象 #澳門氣象 #澳門 #氣象 #處暑

21/08/2026

【氣象冷知識 Vol.30｜地球有個颱風禁區？！🌪️🚫】

打開全球熱帶氣旋路徑圖，你會發現赤道附近幾乎係一條「空白帶」🤯明明海水同樣炎熱，點解颱風偏偏咁少喺赤道形成？

🌀 颱風點樣「轉起身」？ 暖海水可以令濕暖空氣上升，形成強烈雷暴⛈️，但要進一步發展成颱風，四周氣流仲要圍繞同一個低壓中心持續旋轉，先可以組織成完整環流。

🌍 關鍵係科氏力 地球自轉會令移動空氣偏轉，好似一隻無形嘅手，將直衝低壓中心嘅氣流扭成旋轉氣流💨但越接近赤道，科氏力越弱，到赤道更降至零，雷暴就算旺盛，亦難以穩定旋轉並組織成颱風。

⚠️ 赤道附近完全冇例外？ 亦唔係！幾乎所有熱帶氣旋都喺離赤道超過5個緯度嘅地方形成，但2001年熱帶氣旋「畫眉」曾喺北緯約1.5度形成，屬極罕見例子🌪️

資料來源：香港天文台；NOAA ；NASA；NHC；CPHC；JTWC

——— ☁️ 🌦️ ☀️ ———
📢原來赤道唔係冇雷暴，而係缺少令雷暴穩定旋轉成颱風嘅力量🌀
📬 DM / [email protected]
#葡撻氣象 #澳門氣象 #澳門 #氣象 #颱風

16/08/2026

【澳門氣象歷史 Vol.30｜以前天氣圖要用手畫？！🗺️✏️】

而家大家打開天氣App📱，低壓、高壓、雨帶一目了然。但你有冇諗過喺冇雷達、冇電腦嘅年代，人類係點預報天氣？🤔

✏️ 原來真係「手搓」天氣圖 19世紀開始，氣象員會收集各地同一時間嘅觀測數據（氣壓、風向、氣溫等）📊，再用筆將資料畫喺地圖上，連出等壓線🌀，一步步拼出天氣系統。 
📡 天氣預報其實靠全球合作 1849年開始，電報被用嚟傳送天氣資料📨；到1860年代，英國氣象學家 Robert FitzRoy 已經可以收集多地觀測，畫出天氣圖並發出風暴警告⚠️，成為現代預報雛形。

🌏 澳門都有份參與呢段歷史？ 澳門最早氣象觀測可以追溯到 1861年。喺雷達同電腦未普及之前，全球氣象預報普遍都需要透過人手整理觀測資料，再繪製天氣圖去分析天氣走勢🗺️。

資料來源：MetOffice；WMO；新聞局

——— ☁️ 🌦️ ☀️ ———
📢 原來大家今日見到嘅天氣圖，以前係由一班氣象員用鉛筆一筆一筆畫出嚟嘅🗺️✏️
📬 DM / [email protected]
#葡撻氣象 #澳門氣象 #澳門 #氣象 #天氣圖

11/08/2026

【氣象熱話 Vol.33｜7月涼完8月熱爆？！🥵🔥】

7月澳門先經歷咗一個又濕又涼嘅破紀錄月份🌧️，全月雨量達962毫米，創1952年以來7月最高紀錄，月平均氣溫27.5°C亦並列歷史同期最低！點知踏入8月天氣突然反轉🔥香港8月9日天文台總部錄得 36.9°C，刷新1884年有紀錄以來市區最高氣溫；同日上水更錄得 39.8°C，創香港境內各區最高氣溫紀錄😳今日（11日）澳門外港亦錄得 37.0°C🌡️

🌧️ 點解一個月可以差咁遠？
7月受低壓槽、偏南氣流同熱帶氣旋接連影響，水汽充足、降雨頻繁☁️但近日天氣形勢轉變，香港破紀錄高溫當日亦受到熱帶氣旋「白海豚」影響🌀熱帶氣旋外圍嘅下沉氣流會令空氣增溫，同時抑制雲層形成，陽光一多，氣溫自然容易急升☀️

🌊 厄爾尼諾都有份？
NOAA指出，厄爾尼諾目前正持續增強，赤道太平洋中東部海水明顯偏暖🌡️；WMO亦指出，厄爾尼諾會為氣候系統加入額外熱量同水氣，有機會加劇部分地區嘅熱浪同強降雨🔥🌧️。不過，今輪港澳極端高溫嘅直接原因，仍然主要同當時嘅大氣環流、下沉氣流、雲量同日照有關。

資料來源：澳門地球物理氣象局；香港天文台；NOAA；世界氣象組織（WMO）

——— ☁️ 🌦️ ☀️ ———
📢 原來立秋唔係「轉涼掣」，厄爾尼諾加上有利高溫嘅大氣環流，盛夏熱力依然可以繼續🥵🔥
📬 DM / [email protected]
#葡撻氣象 #澳門氣象 #澳門 #氣象 #高溫

07/08/2026

【節氣物候誌 Vol.33｜立秋🍂】

🌿 二十四節氣 × 物候觀察
二十四節氣，是中國古代依太陽位置劃分出的季節節點，用來指引農事與生活節律。而「物候」則是觀察自然界中動植物隨季節氣候變化所展現的行為與現象，例如花開🌸、鳥鳴🦜、蟲動等🐞。這個系列將從每個節氣出發，結合氣象與物候的視角細看澳門！
 🍂 秋名已立，暑熱未消 「立秋」係二十四節氣中嘅第十三個節氣，一般出現喺每年 8 月 7 至 9 日，當太陽到達黃經 135° 時登場📅。「立」有開始之意，而「秋」象徵暑熱逐漸收斂、萬物開始成熟。立秋代表秋季正式開始，但對澳門而言，暑氣通常未會即刻消退，仍然可能出現炎熱天氣，甚至有「秋老虎」嘅餘威🌡️。

🌡️ 立秋氣象與物候 🌡️ 暑熱仍然持續，高溫天氣未必即時結束 ⛈️ 午後雷雨及對流活動仍較頻繁 🌀 熱帶氣旋仍處活躍季節，需繼續留意天氣變化

古人將立秋分為「三候」，觀察自然界細微變化： 🌬️ 涼風至：風中開始帶有一絲涼意，不再完全似盛夏熱風 💧 白露降：清晨水氣凝結，草木上或會出現露水 🪰 寒蟬鳴：感受到秋意嘅寒蟬開始鳴叫

——— ☁️ 🌦️ ☀️ ———
📢 立秋代表秋季開始，但澳門暑氣未必即刻退場，真正轉涼仍然要再等一等🍂
📬 DM / [email protected]
#葡撻氣象 #澳門氣象 #澳門 #氣象 #立秋

03/08/2026

【葡撻氣象有話要講｜熱撻撻有新拍檔？！🌤️】

自2025年3月8日起，熱撻撻一直以葡撻氣象員嘅身份，陪住大家認識天氣、觀察澳門☀️今日，2026年8月3日，葡撻氣象家族終於迎來第二位成員——風甸甸正式登場！🎉

🌦️ 天氣 × 美食 × 動物 兩位吉祥物都以「天氣外型、澳門特色美食、代表動物」三個元素設計，將氣象知識同澳門中葡文化結合起來。

☀️ 熱撻撻 天氣外型：太陽 象徵食物：葡撻 代表動物：小熊貓
名字取自「熱辣辣」嘅諧音，將一個剛出爐、熱辣辣嘅葡撻，化身成充滿陽光與熱力嘅葡撻氣象員🌡️

☁️ 風甸甸 天氣外型：積雲 象徵食物：葡式布甸 代表動物：沙甸魚
名字結合「風」、葡式布「甸」同沙「甸」魚，仲暗藏一句諧音「不雨（魚）也風癲（甸）」🐟就算唔落雨，雲同風都可以為天空帶來千變萬化嘅表情！

👥 一個講天氣，一個代表大家
熱撻撻係負責科普嘅葡撻氣象員☀️；風甸甸就係澳門市民代表，代大家感受天氣、提出疑問☁️。兩位拍檔將以不同視角，陪大家認識澳門嘅風雨晴熱🌦️

——— ☁️ 🌦️ ☀️ ——— 📢 歡迎風甸甸加入！你第一眼覺得佢最似積雲、葡式布甸，定係沙甸魚？🐟 📬 DM / [email protected]  #葡撻氣象 #澳門氣象 #澳門 #氣象 #吉祥物

28/07/2026

【雷暴警告信號 Vol.5｜雷暴竟會帶來水龍捲？！🌪️⚡】

強對流雷暴下，除咗閃電、大雨同強陣風，海面仲可能突然出現一條連接雲底同水面嘅「水龍捲」🌪️不過，原來唔係所有水龍捲都同雷暴有關！

🌪️ 水龍捲係乜？ 水龍捲係發生喺水面上嘅旋轉氣柱，夾雜水霧同水花，由雲底向水面延伸。佢睇落好似一條海水被吸上天空嘅水柱，其實真正旋轉嘅主體係空氣💨

⚡ 水龍捲都有兩種？ 1️⃣ 龍捲型水龍捲：本質上係發生喺水面嘅龍捲風，與強對流雷暴有關⚡可能伴隨強風、大浪、冰雹同頻密閃電，危險性亦較高。
2️⃣ 晴天型水龍捲：通常喺風勢較弱、積雲發展嘅環境形成，未必伴隨雷暴，規模一般較細、維持時間較短。

資料來源：美國國家海洋暨大氣總署（NOAA）；美國國家氣象局（NWS）；地球物理氣象局；網上流傳圖片

——— ☁️ 🌦️ ☀️ ———
📢 雷暴警告生效期間，海面可能出現強烈陣風甚至水龍捲，進行海上活動時應提高警覺⚠️
📬 DM / [email protected]
#葡撻氣象 #澳門氣象 #澳門 #氣象 #水龍捲

23/07/2026

【節氣物候誌 Vol.32｜大暑🔥】

🌿 二十四節氣 × 物候觀察
二十四節氣，是中國古代依太陽位置劃分出的季節節點，用來指引農事與生活節律。而「物候」則是觀察自然界中動植物隨季節氣候變化所展現的行為與現象，例如花開🌸、鳥鳴🦜、蟲動等🐞。這個系列將從每個節氣出發，結合氣象與物候的視角細看澳門！
 🔥 暑熱最盛，濕熱交蒸 「大暑」係二十四節氣中嘅第十二個節氣，一般出現喺每年 7 月 22 至 24 日，當太陽到達黃經 120° 時登場📅。「暑」有炎熱之意，而「大暑」代表一年之中暑氣最盛嘅時段。此時天氣炎熱潮濕，高溫、午後雷雨同熱帶氣旋活動都較為活躍，係盛夏最典型嘅節氣之一🌡️。

🌡️ 大暑氣象與物候 🔥 暑熱達到高峰，酷熱天氣較常出現
💧 空氣潮濕悶熱，體感溫度容易偏高
⛈️ 大雨漸多，熱帶氣旋亦可能帶來風雨

古人將大暑分為「三候」，觀察自然界細微變化： ✨ 腐草為螢：古人認為螢火蟲由腐草化生，象徵盛夏夜晚嘅微光 💦 土潤溽暑：土地潮濕，暑氣蒸騰，天氣變得悶熱 🌧️ 大雨時行：雷雨頻繁出現，亦意味住暑濕逐漸開始轉變

——— ☁️ 🌦️ ☀️ ———
📢 大暑代表一年中暑氣最盛嘅時段，高溫濕熱同雷雨天氣交替出現，記得做好防暑同留意天氣變化🔥
📬 DM / [email protected]
#葡撻氣象 #澳門氣象 #澳門 #氣象 #大暑

19/07/2026

【氣象熱話 Vol.32｜南極比正常熱20度？！🥵🇦🇶】

提起南極，你會諗起咩？🤔冰天雪地❄️、企鵝🐧、零下幾十度🌨️？但係，而家明明係南極冬天，竟然有一大片海域幾乎冇冰！😮

🌡️ 冬天都可以破高溫？
今年6月初，南極半島更出現極端高溫事件🔥阿根廷 Esperanza 科考站錄得15.4°C，高出同期平均氣溫超過20°C😳對於一個本來應該落緊雪嘅地方嚟講，絕對唔尋常。

🧊 消失咗幾多冰？
根據最新衛星觀測📡，南極半島西側嘅別林斯高晉海（Bellingshausen Sea），本應喺6月被海冰覆蓋。但今年竟然缺少約65萬平方公里海冰❄️，相當於成個法國嘅面積🇫🇷！

🌍 仲同全球有關？
科學家指出，附近嘅松島冰川（Pine Island Glacier）同思韋茨冰川（Thwaites Glacier）係南極最重要嘅冰川之一。如果失去海冰保護，冰川流失速度可能加快📈，長遠將增加全球海平面上升風險🌊

資料來源：The Bulletin of the Atomic Scientists

——— ☁️ 🌦️ ☀️ ———
📢 當南極比正常熱超過20°C，氣候變化可能比我哋想像中更近🌍🌡️
📬 DM / [email protected]
#葡撻氣象 #澳門氣象 #澳門 #氣象 #南極

Address

Macau

Website

facebook.com

Alerts

Be the first to know and let us send you an email when 葡撻氣象 MetMacau posts news and promotions. Your email address will not be used for any other purpose, and you can unsubscribe at any time.

Want your school to be the top-listed School/college in Macau?