Ончбилиг-WiseMind

Монгол бичгээр (худам бичиг) бичиж, сурахын ач тус

🧠 1. Сэтгэлгээ, тархины хөгжил
Гар бичмэлээр бичих нь анхаарал төвлөрөл, ой тогтоолтыг сайжруулдаг
Баруунаас зүүн, дээш-доош чиглэлтэй бичиг тул логик ба дүрслэх сэтгэлгээг зэрэг ажиллуулна. Стресс багасгаж, сэтгэлийг тогтуун болгодог. (уран бичлэгийн нөлөө)

📚 2. Хэл соёлын өвөө танин мэдэх
Монгол хэлний угсаа, язгуур утгыг гүнзгий ойлгоход тустай. Эртний судар, бичиг баримтыг орчуулгагүй унших боломж нээгдэнэ. Үндэсний соёлоороо бахархах, үндэсний ухамсар нэмэгдэнэ.

✍️ 3. Гар, нүдний зохицол сайжирна
Нарийн хөдөлгөөн шаарддаг тул гарын булчин, бичгийн хэв сайжирна.
Хүүхэд, насанд хүрэгчдэд аль алинд нь гарын эв дүйг хөгжүүлдэг.

🎓 4. Суралцах, мэргэжлийн давуу тал
Сурган хүмүүжүүлэх, соёл урлаг, судалгаа, архив, шашин-уламжлалын салбарт онцгой давуу чадвар болдог. Багш, судлаач, уран бичээч, соёлын ажилтан болох суурь чадвар.

🌱 5. Хувь хүний төлөвшил
Тэвчээр, нямбай зан, дотоод сахилга бат суулгадаг. Өөрийгөө таних, дотоод ертөнцтэйгээ ажиллах бясалгалын шинжтэй.

👉 Нас, мэргэжил, суурь чадвараас үл хамааран сурч болдог, харин тогтмол, тайван хандлага хамгийн чухал.

Бидний аз жаргалыг хулгайлдаг 3н бодол:
🎈- өнгөрсөнд харамссан бодол
🎈- ирээдvйн санаа зовнисон бодол
🎈- өнөөдөртөө гутарсан бодол

Япон эцэг эхчүүдийн орой бүр хүүхдээсээ асуудаг 4 асуулт

☘️Японд орой бүр хүүхдээ орондоо орсны дараа эцэг эх нь дэргэд нь суугаад 4 богинохон асуулт асуудаг уламжлал бий. Сэрүүн байх болон нойрсохын зааг дээрх энэ мөчид хүүхдийн тархи мэдээллийг хүлээж авах хамгийн өндөр чадамжтай байдаг бөгөөд яг энэ үед юу бодож амжина, тэр зүйл нь хүүхдийн зан чанарт "кодлогдон" үлддэг байна.

☘️1. "Өнөөдөр юу хамгийн хэцүү байсан бэ? Чи түүнийг хэрхэн даван туулсан бэ?"
Орой бүр бэрхшээлийг хэрхэн давсан тухайгаа ярьдаг хүүхэд жилийн дараа гэхэд саад бэрхшээлээс зугтахаа больж, харин ч түүнийг хайж эхэлдэг. Учир нь түүнд орой ярих "сонирхолтой түүх" хэрэгтэй болдог. Энэ нь зөвхөн урамшуулал биш, харин саад бэрхшээлийг аюул заналхийлэл биш, ажиллах ёстой "материал" гэж хардаг тархины шинэ өгөгдөл юм.

☘️2. "Өнөөдөр хэн чамд тусалж, сайхан сэтгэл гаргасан бэ? Харин чи хариуд нь юу хийсэн бэ?"
Ийм асуулт сонсож өсөөгүй хүүхэд "ертөнц бол хүйтэн, хөндий газар" гэсэн итгэл үнэмшилтэй болдог. Энэ асуулт нь эргэн тойрныхоо хүмүүсийг анзаарч, өөрийгөө илүү том зүйлийн нэг хэсэг гэдгийг мэдрэхэд сургадаг.

3. "Өчигдөр мэддэггүй байсан ямар шинэ зүйлийг өнөөдөр сурч мэдсэн бэ?"
Энэ нь цэцэрлэг, сургуулийн хичээлийн тухай биш, харин амьдралын тухай юм. Ингэснээр зөвхөн шахалт шаардлагаар биш, хаана ч, хэзээ ч суралцаж байх дадал суудаг.

4. "Хэрвээ өнөөдрийг засах боломж байсан бол, чи юуг өөрөөр хийх байсан бэ?"
Энэ бол хамгийн хүчтэй асуулт. Энэ нь алдаа хийсэндээ өөрийгөө зэмлэх биш, харин алдаанаасаа шийдэл гаргаж сургадаг. Орой бүр гаргасан алдаагаа ичихгүйгээр, шийтгэлээс айхгүйгээр тайван ярилцаж сурсан хүүхэд 25 насандаа амьдралын анхны том бүтэлгүйтэлдээ нуран унахгүй. Тэр зүгээр л өөрөөсөө: "Одоо би юуг өөрөөр хийх вэ?" гэж асуух болно.
Япончууд дуулгавартай хүүхэд хүмүүжүүлдэггүй. Тэд амьдралын ямар ч цохилтод бэлэн, дотоод сэтгэлийн тэнхээтэй хүнийг бэлддэг.

📚 Багш – Сурагч – Эцэг эхийн хамтын ажиллагаа амжилтын түлхүүр
Амжилт бол ганц хүний биш, гурвын хамтын хөдөлмөрийн үр дүн.

👩‍🏫 1. Багшийн үүрэг
– Сурагчийн онцлогийг ойлгож, зөв чиглүүлэх
– Эцэг эхтэй тогтмол, нээлттэй харилцах
– Урам зориг өгч, итгэл төрүүлэх

👨‍👩‍👧 2. Эцэг эхийн үүрэг
– Хүүхдээ дэмжиж, сонсож ойлгох
– Багштай хамтран ажиллах
– Гэрийн орчныг тайван, суралцахад таатай байлгах

🎒 3. Сурагчийн үүрэг
– Хичээлдээ идэвхтэй оролцох
– Хариуцлагатай, тууштай байх
– Асууж, суралцахаас бүү айх

🤝 Харилцан хүндлэл, ойлголцол, тогтмол холбоо — энэ гурвал нэгдэж чадвал жинхэнэ амжилт бий болно.

IQ+EQ=GQ:

Би ахлах сургуульд байхдаа тоондоо сайн онц сурлагатангууд ирээдүйд мундаг болох байх гэж төсөөлдөг байв. Тэгээд 20 жилийн дараа ангийнхантайгаа уулзахад нөгөө тооны хариуг хамгийн түрүүнд гаргачихдаг нүдний шилтэй нөхдүүд бүгд амжилт гаргасангүй нэг компанид компьютерийн инженер хийгээд сууж байхын. Харин ангийн ард үймүүлж, охидууд руу захиа шиддэг "хүнд гарууд" томоохон компани байгуулчихсан яваа харагдана.

Сургуульд бидэнд заадаг зүйлс голдуу оюуны чадварыг (IQ) хөгжүүлэхэд чиглэдэг. Гэтэл чиний амжилт IQ гээс 50 хувь хамраарах бол үлдсэн 50 хувийг EQ буюу сэтгэлийн ухаан шийддэг болохыг судалгаагаар нотолжээ. Гэхдээ IQ байгаад EQ г нэмсэн ч GQ (Global Intelligence) буюу гадаадад явж галуу шувууны мах идэхгүй бол 21 зуунд амжилт гаргахад хэцүү юм. Өөрөөр хэлбэл 1-2 гадаад хэл сурч дэлхийн боловсролыг эзэмшихгүйгээр өнөөдрийн өрсөлдөөнт нийгэмд амжилттай явах баталгаагүй болохыг хэлж байгаа л даа.

БУСДАД НӨЛӨӨЛЖ ӨӨРИЙГӨӨ УДИРД:

Аж үйлдвэрийн 4 дүгээр хувьсгал, хиймэл оюун ухаанын хөгжлийн эрин үед та нарын ажлын байрыг роботууд булаах магадлал өндөр байна. Дэлхийн эдийн засгийн форумаас гаргасан судалгаагаар ирээдүйн ажлын байранд шаардагдаж буй 10 топ чадварыг нэрлэсэн байна. Үүнд:

1. Complex problem solving (Ээдрээтэй асуудлын шийдлийг олох чадвар)
2. Critical thinking (шүүмжлэлтэй сэтгэлгээ)
3. Creativity (Бүтээмжит чадвар)
4. People management (Хүний арга эвийг олох чадвар)
5. Coordinating with others (Бусадтай хамтрах чадвар)
6. Emotional Intelligence (EQ-сэтгэлийн ухаан)
7. Judgement and decision making (Дүгнэлт хийх ба шийдвэр гаргах чадвар)
8. Service orientation (Үйлчилгээг эрхэмлэх чадвар
9. Negotiation (Хэлэлцээр хийх чадвар)
10. Cognitive Flexibility (Оюун санааны уян хатан байдал)

Эдгээр 10 чадваруудын 7 нь хувь хүний өөрийгөө удирдах болон багаар ажиллах, бусдад нөлөөлөх чадварууд байгаа нь ирээдүйд дипломтонгууд биш өөрийгөө болон бусдыг удирдаж чадах хүмүүс амжилттай байх нь судалгаагаар харагдаж байгаа юм.

Хүн дотроо боддог шигээ ярьдаг гэж үнэн юм. Хэрэв яриа нь хардаж сэрдсэн, буруутгаж өөлсөн байдаг бол дотроо тийм л юм бодож явдаг гэсэн үг. Хэрэв яриа нь бусдыг урамшуулсан, ухааруулсан байдаг бол тэр хүн дотроо урам, ухаарлаар булгилж яваа гэсэн үг. Тиймд бодлын сахилга бат гэдэг чухал зүйлийг хүн шүүлтүүр болгох ёстой байдаг. Юу бодох, юуг бодохгүй байх, хэний үгийг сонсох, сонсохгүй байх, хэний зөвлөгөөг дагах, дагахгүй байх гэдэг шүлтүүртэй байх ёстой. Хэрэв ийм шүүлтүүр байхгүй бол тэр хүн бол бусдын хэлсэн үгийг хог шиг хүлээн авдаг хогийн сав болно. Тиймд "бодлын сахилга бат"-тай байгаарай. Сайхан бодол биелдэг..

~ 50 насандаа өөрийгөө илүү сайхан мэдрэхийн тулд 30 насандаа хийх зүйлс:

1. Тамхинаас гарах.
Нэгэн хэрэглэгч ийнхүү бичиж байна “Хэрэв та нар одоо намайг харах боломжтой байсан бол би өвдөг дээрээ сөгдөн тамхинаас гарах тухай бодох боломж өгөөч гэж хүсэх байсан”. Үнэтэй, таагүй үнэртдэг, эрүүл мэндэд хортой. Одоо больж болохгүй гэж үү?

2. Эцэг, эх, ах, дүү нартайгаа таатай харилцаатай байх.
Та гэр бүл, найз нөхөдтэйгөө таагүй харилцаатай гэж боддог ч бай дотны хүмүүстэйгээ хэл амаа олж сурах хэрэгтэй. Гэр бүлийн холбоо маш чухал юм. Удахгүй та үүнийг жинхэнэ баялаг гэдгийг ойлгох болно.

3. Спортоор хичээллэх.
Аль болох идэвхтэй амьдралын хэв маягтай байх хэрэгтэй. Тэгвэл та 50 насандаа хангалттай идэвхтэй байх болно. Дасгал, хөдөлгөөн хий. Бие мах бодь тань хэвийн, эрүүл байх ёстой.

4. Мөнгөө хэмнэж сур. Бага ч гэсэн үлдээж сур.
Энэ бол уйтгартай, сонирхолгүй зөвлөгөө байж мэднэ. Гэхдээ үүн шиг чухал зүйл гэж үгүй. 30 насанд хүний халаасанд бага ч гэсэн хадгалах боломжтой мөнгө үлддэг. Яг одоо хэмнэж, хадгалж эхэл. Тэгвэл удахгүй та гайгүй хуримтлал бий болгож чадна.

5. Байгаа зүйлдээ хангалуун бай.
Аз жаргал гэдэг үг амжилт, алдар нэрээс илүү утгатай. Гомдоллохоос илүүтэй байгаа зүйлдээ талархаж сур. Тэгвэл та өөрийгөө жинхэнэ аз жаргалтайгаар мэдрэх болно.

6. Амьдралын зорилгоо биелүүлэхийн тулд хойш бүү тавь.
Байшин авмаар байна уу? Ном бичмээр байна уу? Боловсролоо ахиулмаар байна уу? Карьераа өөрчлөмөөр байна уу? Бизнес эхлүүлмээр байна уу? Тийм бол өнөөдөр эхэл. Хэзээ нэгэн өдөр хийнэ хэмээн бүү хойш тавь.

7. Нойроо ав.
Хангалттай унт. Нэг цагт унтаж, нэг цагт бос. Нойргүйдлээс сал.

8. Шүдэндээ анхаарал хандуул.
Нас ахих тусам шүдний асуудал нэмэгддэг. Харин шүдний эмчилгээ илүү цаг, мөнгө шаардах болно. Тиймээс эмчилгээг хойш тавих хэрэггүй.

9. Эд зүйл биш дурсамж цуглуул.
Та бол таны амьдралын туршлага. 50 насандаа гэнэт сэрээд та дурсамж биш эд зүйл цуглуулсандаа харамсах болно. Дурсамжийг хаяж болохгүй. Тэд хэзээ ч үнэ цэнэгүй болохгүй.

ХҮМҮҮНД 5-н БУЯН бий гэнэ.
1. Насны БУЯН.
Энэ нь ЗӨВ ТӨЛӨВШЛӨӨС шууд хамааралтай.
2. Ханийн БУЯН.
Энэ нь ЗӨВ СОНГОЛТООС шууд хамаарна.
3. Үрийн БУЯН.
Энэ нь ЗӨВ ХҮМҮҮЖЛЭЭС шууд хамааралтай гэнэ.
4. Эдийн БУЯН.
Энэ нь ЗӨВ ШИЙДВЭРЭЭС л хамаарна.
5. Эрүүл мэндийн БУЯН.
Энэ нь ердөө ЗӨВ ДАДЛААС хамаарна гэнэ дээ.

Сэтгэл зүйн хэрэгцээгээ хангаж чадаагүй олон мянган хүмүүс бидний эргэн тойронд бий. Заримдаа өөрсдөө ч тийм болсоноо үл анзаардаг.
Бусдад хайрлуулж хүндэтгүүлэх, магтаал урам сонсох, эерэг мэдрэмж авахын тулд ухамсартай, ухамсаргүй үйлдлийг гаргасаар байдаг.
Өөрийгөө магтаж байгаа хүнд ихэнхдээд урам дутаж байдаг, хэт их яриад байвал ярих хэрэгцээ нь хангагдаагүй гэсэн үг, байнга сэлфи хийх нь өөрийн үнэлэмж буурсных, өөрийгөө байнга ярьдаг бол бусдад харьяалагдах гэснийх, бусдыг муулдаг бол өөртөө цаг гаргаагүйнх байх нь элбэг.
Тиймээс зөвхөн материаллаг зүйлээр өөрийгөө хуурч аргацаах биш өөрийн сэтгэл зүй болон харилцааны хэрэгцээгээ тогтвортой хангаарай. Үүнд хүйсийн ялгаа хамаагүй байдаг бөлгөө.