Улиастай сумын 2дугаар цэцэрлэг

Биеийн тамрын спортын газраас зохион байгуулсан "Сүрээр дарагч" хэмээх гал морин жилийн сар шинийн баярт зориулсан 9 цэцэрлэгийн дунд зохион байгуулсан "Эв монгол баг"-ийн нэрэмжит хүчит бөхийн барилдаанд уран мэх, эр бяраа гайхуулан барилдаж "ҮЗҮҮР" бөхөөр холимог-2 бүлгийн Н.Ариунтуяа багштай Д.Пүрэв-Очир өргөмжлөл, мөнгөн шагналаар шагнууллаа. Бэлтгэсэн багш нартаа болон Үзүүр түрүү бөхдөө илүү их амжилт хүсье.🥰🥰🥰

“Монгол Өв Соёл”–2026 аяны хүрээнд бэлтгэл бүлгийн хүүхдүүдийн дунд зохион байгуулагдсан “ЕРӨӨЛЧ МОНГОЛ ХҮҮХЭД” арга хэмжээ амжилттай болж өндөрлөлөө.
Тус арга хэмжээнд Бэлтгэл-1, Бэлтгэл-2, Холимог-2, Ахлах, Дунд бүлгийн хүүхдүүд оролцлоо.
Энэхүү арга хэмжээг зохион байгуулснаар хүүхдийг эх хэлээрээ зөв, тод, уран ярих чадварт сургах, үгийн баялгийг нэмэгдүүлэх, монгол ардын ерөөл магтаалын хайлах ёс заншил, зан үйлийг бага наснаас нь өвлүүлэн эзэмшүүлэх, уламжлалт соёлоо дээдлэх хандлагыг төлөвшүүлэх зорилготой байлаа.
Арга хэмжээ дараах төрлүүдээр зохион байгуулагдлаа:
1. Магтаалын төрөл /хамтлагаараа/
2. Ерөөлч монгол хүүхэд
Магтаалын төрлөөр: Ахлах бүлгийн Д.Баярмаа багштай “ТЭРГҮҮН” байр, өргөмжлөл, дурсгалын зүйл
Бэлтгэл-2 бүлгийн Б.Үүрийнтуяа багштай “ДЭД” байр, өргөмжлөл, дурсгалын зүйл
Холимог-2 бүлгийн Н.Ариунтуяа багштай “ГУТГААР” байр, өргөмжлөл, дурсгалын зүйл
Ерөөлч монгол хүүхдийн төрлөөр: Бэлтгэл-1 бүлгийн С.Дуламсүрэн багштай У.Мөнхжил “ТЭРГҮҮН” байр
Дунд бүлгийн В.Мядагбадам багштай Г.Түшиг “ДЭД” байр
Ахлах бүлгийн Д.Баярмаа багштай Б.Чинтулга “ГУТГААР” байр 2026.02.12

“Монгол Өв Соёл”-2026 аяны хүрээнд бэлтгэл бүлгийн хүүхдүүдийн дунд зохион байгуулагдсан "ДӨРВӨН БЭРХ" тэмцээн амжилттай болж өндөрлөлөө.
Тус тэмцээнд 5 настай Бэлтгэл-1, Бэлтгэл-2, Холимог-2 8 хүүхдийн бүрэлдэхүүнтэй 4 баг оролцлоо. Энэхүү арга хэмжээг зохион байгуулснаар Монгол ардын уламжлалт тоглоом, зан заншлыг хүүхдэд танин мэдүүлэх, сэтгэн бодох чадвар, авхаалж самбааг хөгжүүлэх зорилгын хүрээнд явууллаа.
Тэмцээний төрөл:
1. Багийн мэндчилгээ
2.Унага услах
3. Гурваар сүлжих
4.Оньсого таалгах
5. Эмээл, монгол гэр, дээлний бүтцийг тайлбарлах гэсэн төрлүүдээр зохион байгууллаа. Бэлтгэл 1 бүлгийн С.Дуламсүрэн багштай “ХОНЬЧИН” баг ТЭРГҮҮН байр өргөмжлөл тоглоомын багц
Бэлтгэл 1 бүлгийн Б.Үүрийнтуяа багштай “АДУУЧИН” баг ДЭД байр өргөмжлөл тоглоомын багц
Холимог 2 бүлгийн Н.Ариунтуяа багштай “ЯМААЧИН” баг ГУТГААР байр өргөмжлөл тоглоомын багц
Бэлтгэл 1 бүлгийн С.Дуламсүрэн багштай “ТЭМЭЭЧИН” баг тусгай байр тоглоомын багц тус тус эзэллээ. Хүүхдүүддээ амжилттай бэлтгэж оруулсан багш нартаа баяр хүргэж ажлын амжилт хүсье. 2026.02.11

🇲🇳🇲🇳“ӨВ СОЁЛ-ХАМТДАА УНШЪЯ” 📚📚

Өдөр бүр хүүхэддээ цаг гаргаж, хамтдаа 15 минут ном уншиж хэвшье.

“Монгол Өв Соёл” аяны хүрээнд эцэг эхчүүдийн дунд зохион байгуулагдсан "Монгол наадгай" тэмцээн амжилттай болж өндөрлөлөө.
Тус тэмцээнд 7 бүлгийн 6 эцэг эх, 1 хүүхэдтэй нийт 7 багийн 42 эцэг эх, 7 хүүхэд оролцлоо. Энэхүү арга хэмжээг зохион байгуулснаар Монгол үндэсний хувцас, уламжлалт тоглоом наадгай, язгуур урлагаа сурталчлан түгээн дэлгэрүүлж монгол өв соёлоосоо суралцаж , хөгжүүлж, өвлөж байгаа нь бахархалтай байна.
Тэмцээний төрөл:
1. Багийн мэндчилгээ
2. Шагай шүүрэх
3. Хасаа харваа
4. Дээс томох
5. Асуулт, хариулт
6. “Үндэсний хувцасаараа гоёцгооё” (гэр бүл)
Эцэг эхчүүд маань идэвхтэй оролцож, багийн зохион байгуулалт сайтай, хичээл зүтгэл гарган өрсөлдсөнд баярлалаа. Та бүхэндээ чин сэтгэлээсээ талархал илэрхийлж, аз жаргал, сайн сайхныг хүсэн ерөөе!"
Тэмцээний дүн:
Багуудын нийлбэр оноогоор:
🥇 Тэргүүн байр – Холимог-2 бүлэг (Н.Ариунтуяа багштай эцэг эхчүүд) – Өргөмжлөл, үнэ бүхий зүйл
🥈 Дэд байр – Дунд бүлэг (В.Мядагбадам багштай эцэг эхчүүд) – Өргөмжлөл, үнэ бүхий зүйл
🥉 Гутгаар байр – Бэлтгэл-2 бүлэг (Б.Үүрийнтуяа багштай эцэг эхчүүд) – Өргөмжлөл, үнэ бүхий зүйл
“Үндэсний хувцасаараа гоёцгооё” (гэр бүл):
🥇 Тэргүүн байр – Бэлтгэл-2 бүлэг (Б.Үүрийнтуяа багштай, М.Ангарагсайханы гэр бүл) –Өргөмжлөл, үнэ бүхий зүйл
🥈 Дэд байр – Холимог-1 бүлэг (Н.Ариунтуяа багштай, Т.Очбаярын гэр бүл) --Өргөмжлөл, үнэ бүхий зүйл
🥉 Гутгаар байр – Бэлтгэл-1 бүлэг (С.Дуламсүрэн багштай, С.Жигмэддоржийн гэр бүл) – Өргөмжлөл, үнэ бүхий зүйл 2026.02.07

“Монгол Өв Соёл”-2026 аяны хүрээнд зохион байгуулагдсан Үндэсний бөхийн 32 бөхийн барилдаан амжилттай болж өндөрлөлөө.
Тус тэмцээнд 4-5 насны Бэлтгэл-1, Бэлтгэл-2, Холимог-2, Ахлах бүлгийн хүүхдүүд оролцлоо. Энэхүү арга хэмжээг зохион байгуулснаар хүүхдүүдийг үндэсний бөхөөр сонирхох, түүний дэг жаяг, арга техникийг ойлгох, эрүүл чийрэг бие бялдартай, тэсвэр хатуужилтай, эр зоригтой байх дадалд сургахад чухал ач холбогдолтой байлаа.
Нийт 32 хүүхэд сугалааны зарчмаар барилдаж, дараах амжилтыг үзүүлэв:
• Бэлтгэл-2 бүлгийн Б.Үүрийнтуяа багштай Н.Уудам “ТЭРГҮҮН” байр эзэлж, алтан медаль, өргөмжлөл, үнэ бүхий зүйлээр шагнууллаа.
• Бэлтгэл-2 бүлгийн Б.Үүрийнтуяа багштай Б.Тэмүүлэн “ДЭД” байр эзэлж, мөнгөн медаль, өргөмжлөл, үнэ бүхий зүйлээр
• Ахлах бүлгийн Д.Баярмаа багштай Г.Идэр-Эрдэнэ “Гутгаар” байр эзэлж, хүрэл медаль, өргөмжлөл, үнэ бүхий зүйлээр мөн "Уран гараа дэвээтэй бөх" шагналыг Б. Сумъяабазар өргөмжлөл, үнэ бүхий зүйлээр тус тус шагнууллаа.
• "Уран барилдаанч бөх" шагналыг Бэлтгэл-1 бүлгийн С.Дуламсүрэн багштай Б.Ган-Эрдэнэ хүртэж, өргөмжлөл, үнэ бүхий зүйлээр
• Холимог-2 бүлгийн Н.Ариунтуяа багштай Б.Пүрэв-Очир “ГУТГААР” байр эзэлж, мөнгөн медаль, өргөмжлөл, үнэ бүхий зүйлээр
Тэмцээнд идэвхтэй оролцсон нийт хүүхдүүддээ болон байнга тусалж, дэмждэг эцэг эхчүүддээ баярлалаа. 2026.02.06