МУИС-ийн харьяа Завхан аймаг дахь ерөнхий боловсролын Ахлах сургууль

МЭТГЭЛЦЭЭНИЙ УЛСЫН АВАРГА ШАЛГАРУУЛАХ ТЭМЦЭЭНД АМЖИЛТТАЙ ОРОЛЦЛОО.
✍️⏰Боловсролын яам, Отгонтэнгэр их сургууль, Debate Mongolia, Монголын Карл Попперын Мэтгэлцээний Нийгэмлэг хамтран Боловсролын сайдын ивээл дор зохион байгуулсан КАРЛ ПОППЕРЫН МЭТГЭЛЦЭЭНИЙ улсын аварга шалгаруулах ХI тэмцээнд улсын хэмжээнд 118 баг оролцсоноос манай сургуулийн “Melody оf Wisdom” мэтгэлцээний клубын 2 баг амжилттай өрсөлдөж шилдэг 64 болон 32 багт үлдэж чадлаа.
👏🙌🫶 Мэтгэлцээний клубын суралцагчид маань энэ жил өмнөх жилийн амжилтаа ахиулан, олон зүйлд суралцаж, өөрсдийгөө хөгжүүлж, туршлага хуримтлуулав.
✅Багаар ажиллах чадварт суралцлаа.
✅Логик сэтгэлгээг хөгжүүллээ.
✅Цагтаа багтааж илтгэж сурлаа.
✅Хайчин асуулт боловсруулж сурлаа.
✅Асуудлаа нотолгоонд суурилан тайлбарлаж сурлаа.
✅Тоо баримт ашиглан няцааж сурлаа.
✅Илтгэх ур чадвар сайжирлаа.
🤗🤗🤗Манай мэтгэлцээний клубын суралцагчид нь 2 дахь жилдээ хичээллэж байгаа ч өөрсдийгөө үргэлж сорьж, шинэ зүйлд тэмүүлж байдаг билээ. Хамт олноо төлөөлөн улсын уралдаанд амжилттай оролцсон 11а ангийн суралцагч Э.МИЧИДМАА, Д.ОЮУНДАРЬ, Б.УЛАМБАЯР, Б.ЭРХСАРАН, Д.ЗОЛЗАЯА, Д.ЦЭНДСҮРЭН нар болон суралцагчдаа зөв мэтгэлцэх ур чадварт суралцуулж хөгжүүлж байгаа багш Н.НАРАНЧИМЭГ нартаа халуун баяр хүргэж, дараа дараагийн олон уралдаан тэмцээнд нь амжилт бүтээлийн дээдийг хүсье.
МЭТГЭЛЦЭЭН БОЛ ӨРСӨЛДӨӨН БУС СОЁЛ ЮМ.
Сургуулийн захиргаа
2026.05.26

ОЛОН УЛСЫН ШАЛГАЛТЫН ОНООГ АМЖИЛТТАЙ ДҮЙЦҮҮЛЛЭЭ.
👨‍🎓🧑‍🎓🧑‍🎓Манай сургуулийн 12б ангийн суралцагч Б.БАТТҮШИГ нь математик, англи хэлний хичээлээр олон улсын шалгалт өгч оноогоо амжилттай дүйцүүллээ.
🏆🏆🏆Олон улсын шалгалтын нэр - SAT Math
Олон улсын үнэлгээ - 740
Дүйцүүлэх ЭШ - Математик
ЭШ-ын дүн, оноо - 749
🏆🏆🏆 Олон улсын шалгалтын нэр - IELTS (International English Language Testing System)
Олон улсын үнэлгээ - 7.5
Дүйцүүлэх ЭШ - Англи хэл
ЭШ-ын дүн, оноо - 800
👏👏👏 Сургуулийнхаа, аймгийнхаа ЭШ-ын гарааг 800 оноогоор эхлүүлж буй оюунлаг, чадварлаг суралцагчдаа болон олон улсын шалгалтад суралцагч бэлтгэж оруулах арвин их туршлага хуримтлуулж, өөрсдийгөө үргэлж дайчлан хөгжүүлж байдаг эрч хүчтэй, хүүхдийн төлөө чин сэтгэлтэй багш Б.Аюурзана, В.Ундармаа нартаа халуун баяр хүргэж, амжилт бүтээлийн дээдийг хүсэн ерөөе.
Сургуулийн захиргаа
2026.05.15

📣УРИАЛГА ГАРГАЛАА

"Билгүүн эрдэм - 2026" уралдааны үеэр "Эх хэлнийхээ төлөө та юу хийж чадах вэ?" хэлэлцүүлэг өрнүүлж, багш суралцагчдынхаа саналыг нэгтгэн дараах уриалгыг гаргалаа.
🇲🇳Эх хэлээ эрхэмлэж, энэхүү уриалгад нэгдэцгээе.

БАЙГУУЛЛАГЫН БОЛОН БАГШИЙН ГҮЙЦЭТГЭЛИЙН ҮНЭЛГЭЭНД НЬ ӨНДӨР АМЖИЛТ ХҮСЭН ЕРӨӨЕ.

МАТЕМАТИКИЙН ОЛИМПИАДАД АМЖИЛТ ДҮҮРЭН ОРОЛЦЛОО.
✍️✍️✍️Завхан аймгийн нутгийн зөвлөл, СЭЗИС, "Эхлэл" ЕБС, аймгийн Боловсролын газар хамтран 2026 оны 05 сарын 09-ний өдөр зохион байгуулсан МУГБагш, зөвлөх багш А.Энхжаргалын нэрэмжит математикийн олимпиадад аймгийн 28 сургуулийн 1700 гаруй суралцагч, бага боловсрол болон мэргэжлийн багш нар оролцлоо.
👏👏👏Тус олимпиадын 10, 11, 12-р анги болон мэргэжлийн багш нарын төрөлд манай сургуулийн багш суралцагчид амжилт дүүрэн оролцлоо.
1️⃣0️⃣ дугаар анги
🥇10б анги Б.Чанарав - алтан медаль, бэлтгэсэн багш Б.Цэрэннадмид
🥈10а анги М.Сарангоо - мөнгөн медаль, бэлтгэсэн багш Б.Цэрэннадмид
🥈10б анги М.Тэмүүжин - мөнгөн медаль, бэлтгэсэн багш Б.Цэрэннадмид
🥉10б анги Н.Билгүүнтунгалаг - хүрэл медаль, бэлтгэсэн багш Б.Цэрэннадмид
🥉10в анги Б.Болорцэцэг - хүрэл медаль, бэлтгэсэн багш Б.Цэрэннадмид
1️⃣1️⃣дүгээр анги
🥇11а анги Б.Тунгалагтамир - алтан медаль, бэлтгэсэн багш Б.Аюурзана
1️⃣2️⃣дугаар анги
🥉12б анги Н.Энхжаргал - хүрэл медаль, бэлтгэсэн багш Б.Аюурзана
👩‍🏫Мэргэжлийн багш нарын төрөл
🥈Б.Аюурзана - мөнгөн медаль
🥉Б.Цэрэннадмид - хүрэл медаль
👏👏👏Бүх шинжлэх ухааны хаан математикт шавь нараа шимтэн дурлуулж, тэднийг хөгжүүлэн чиглүүлж байдаг, мэргэжилдээ эзэн болсон чадварлаг багш нартаа болон тоо бодохын гайхамшгийг мэдэрч, өөрийгөө хөгжүүлж байдаг суралцагчдадаа халуун баяр хүргэж, дараа дараагийн олон уралдаан олимпиадад нь амжилтын дээдийг хүсэн ерөөе.
Сургуулийн захиргаа
2026.05.10

"БИЛГҮҮН ЭРДЭМ - 2026" УРАЛДААН

Манай сургууль үндэсний бичиг үсгийн баяраа “Билгүүн эрдэм – 2026” нэртэйгээр 2 дахь жилдээ зохион байгуулж буй бөгөөд өнөө жил 2026.04.27-05.08-ны хооронд тэмдэглэн өнгөрүүллээ.
Өнөө жилийн уралдааныг ивээн тэтгэж суралцагчдын маань урам зоригийг бадраасан “Хүннү бичиг соёлын өргөө”-г үүсгэн байгуулагч МХУЗ-ын багш Н.Цэрэндаваа, “Libro Deutsch-Sprachkurse” герман хэлний сургалтын төв доктор дэд профессор Д.Энхжаргал, МХУЗ-ын багш Б.Багуулаа нарт сургууль, хамт олныхоо өмнөөс чин сэтгэлийн талархал илэрхийлье.💐💐💐
Уг уралдааны хүрээнд 4 дүгээр сарын 27-ны өдөр Завхан аймгийн монгол хэлний багш нарт захирал, хэл бичгийн ухааны доктор Н.Дэлгэрмаа “Л.Түдэвийн “Оройгүй сүм” романыг заах арга зүйн асуудалд”, МХУЗ-ын багш Т.Цэрэндолгор “Монгол хэл, бичгийн олимпиадын 3-ын давааны сэдвийн агуулга, түүнд бэлтгэх арга зүй, туршлага” сэдвээр тус тус сургалт зохион байгууллаа.
Сургуулийнхаа суралцагчдын дунд олон талт үйл ажиллагаа зохион байгуулж шилдгүүдээ тодрууллаа. Уг уралдаанд давхардсан тоогоор 140 гаруй суралцагч оролцож мэдлэг чадвараа сорилоо.
“Хичээнгүй, зөв бичигтэн” төрөлд
🥇Б.Тэргэл (11б анги)
🥈М.Оюунхорол (11б анги)
🥉Г.Амаржаргал (11а анги)
“Үсэглэлийн аварга” төрөлд
🥇Б.Тунгалагтамир (11а анги)
🥈Б.Тэргэл (11б анги)
🥉Ч.Баасансүрэн (12а анги)
“Та үүнийг мэдэх үү” бүтээлийн төрөлд
🥇У.Төрбаясах (11б анги)
🥈Г.Амаржаргал (11а анги)
🥉П.Энхсайхан (11б анги)
“Уншлагын аварга анги” төрөлд
🥇Б.Багуулаа багштай 11б анги
🥈Б.Аюурзана багштай 11а анги
🥉Р.Отгонбаатар багштай 10в анги
Мөн эх хэлнийхээ тухай онч үг зохиох уралдаанд багш, суралцагчид идэвхтэй оролцож
🏅“Онцлох онч үг” – ээр 11б ангийн суралцагч М.Оюунхоролын “Эх хэл бол үндэстэн оршихуйн дархлаа, өвгөдөөс ирээдүйд илгээсэн амьд захиа” үг шалгарлаа.
Өдөрлөгийн үеэр суралцагчид "Та бийрээр бичиж үзэх үү?", "Та нэрийнхээ утгыг мэдэх үү?" өртөөгөөр аялж, монгол бичгээр хэвлэгдсэн ном, сонин сэтгүүл уншиж сонирхлоо.
🇲🇳Эх сайхан монгол хэлээ эрхэмлэн дээдэлж, үг бүрийг нь шимтэн суралцан ирээдүй хойчдоо өвлүүлэн үлдээх их үйлсийн эзэд болсон суралцагчдадаа талархлаа.

Сургуулийн захиргаа
2026.05.08

ЭРДЭМ ШИНЖИЛГЭЭНИЙ ХУРАЛД ТУСГАЙ БАЙР ЭЗЭЛЛЭЭ.
👩‍🏫🧑‍🏫БЕГ, МХСН-ээс хамтран зохион байгуулдаг "Хүүхдийн хөгжлийг дэмжих суралцахуйн арга зүй - интерактив хичээл" сэдэвт онол практикийн X бага хурлын эхний шатанд 15 аймаг, 4 дүүргээс нийт 390 гаруй оролцогч 120 гаруй илтгэлээр багаар болон ганцаарчилсан төрлөөр оролцож, II шатанд шалгарсан 59 илтгэлийг 4 салбар хуралдаанаар хэлэлцүүлж, шилдгүүдээ тодруулснаас манай сургуулийн химийн багш Б.ЦЭРЭНДЭЖИД, математикийн багш Б.АЮУРЗАНА нарын "Химийн үйлдвэрлэлийн процессыг DWSIM цахим платформ ашиглан тайлбарлах нь /"Контактын аргаар хүхрийн хүчил үйлдвэрлэх” ээлжит хичээлийн жишээн дээр/" илтгэл ТУСГАЙ байрт шалгарлаа.
👏👏👏Багшийн суралцах, хөгжих нэг талбар бол судалгаа шинжилгээний ажил хийх, түүгээр илтгэл бичиж, үр дүнгээ тайлагнадаг, арга зүй туршлагаа түгээн дэлгэрүүлдэг, хуваалцдаг үйл байдаг билээ. Энэ үйлийг тасралтгүй хийж, ажлын байрандаа мэдлэг боловсролоо үргэлж дээшлүүлж, хөгжиж байдаг судлаач багш нартаа халуун баяр хүргэж, амжилт бүтээлийн дээдийг хүсэн ерөөе.
Сургуулийн захиргаа
2026.05.08