Зүүнхангай сумын Ерөнхий боловсролын сургууль

30/09/2026

🥰Багш та
Улс орны хөгжлийг атгагч хэргэмтэн билээ
Угтан тосох ирээдүйг зурах зураач билээ
Шинийг тайлах ухааныг чиглүүлэгч мөрч билээ
Шөнийн тэнгэрт гялалзах алтан гадас билээ

30/09/2026

МОНГОЛЫН БАГШ НАРЫН БАЯРЫН 60 ДАХЬ ӨДӨР, ДЭЛХИЙН БАГШ НАРЫН 32 ДАХЬ ӨДРИЙН МЭНДИЙГ ДЭВШҮҮЛЬЕ 🥰
1-р ангийн бяцхан шавь нарынхаа" СУРГУУЛЬД ДАСАН ЗОХИЦОХ ХӨТӨЛБӨР"-ийн хүрээнд эзэмшсэн чадвараар та бүхэндээ баярын мэндчилгээ дэвшүүлж байна🥰

29/09/2026

✅ Монголын багш нарын 60, Дэлхийн багш нарын 32 дахь өдрийг тэмдэглэн өнгөрүүлэх хүрээнд Увс аймгийн хэмжээнд спортын долоон төрөлт бага наадам 2026 оны 9 дүгээр сарын 25–27-ны өдрүүдэд зохион байгуулагдлаа.
Зүүнхангай сумын Ерөнхий боловсролын сургууль амжилттай оролцож
💯 БТА, ахмад багш Б. Мондгор "Шатар" төрөлд 1-р байр
💯 "Шагайн харваа" төрөлд оролцсон багийнхан 1-р байрыг тус тус эзэллээ.
Та бүхэндээ баяр хүргэе💯👏👏👏

26/09/2026

Хүүхдийн эрүүл мэндийн урьдчилан сэргийлэх, эрт илрүүлэх үзлэг орон даяар явагдана.
Эрүүл хүүхэд-Эрүүл ирээдүй

26/09/2026

ӨСВӨР НАСНЫ ХҮҮХЭДТЭЙГЭЭ ХЭРХЭН ЗӨВ ХАРИЛЦАХ ВЭ?
Шилжилтийн насанд хүүхдийн тархинд болон сэтгэц-хөгжилд асар том өөрчлөлт шинэчлэлт явагддаг. Тэднийг "загнаж, захирах" болон тушаах харилцаа нь итгэлцлийг эвдэж, улам хөндийрүүлдэг тул дараах зүйлсэд анхаарай.
1. Зөвлөхөөсөө өмнө сонс
Хүүхэд асуудлаа ярихад ихэнх эцэг эхчүүд шууд шүүмжилж эсвэл шууд шийдэл зааж эхэлдэг.
❌ "Чамд би хэлээ биз дээ, тэр найзтайгаа бүү харилц гэж..."
✅ "Чамд нээрээ хэцүү байсан байх даа. Аав/ээж нь чамайг дуустал нь сонсоход бэлэн байна."
2. Мэдрэмжийг нь үгүйсгэхгүй байх
Тэдний жижигхэн асуудал (найзтайгаа муудалцах) тэдний хувьд "дэлхий сөнөж буй" мэт том санагддаг. Тэдний мэдрэмжийг хэзээ ч "зүгээр шүү дээ, юун их юм болгодог юм" гэж басамжилж болохгүй. Мэдрэмжийг нь хүлээн зөвшөөрч өгөх нь сэтгэл зүйн аюулгүй байдлыг бий болгодог.
3. Орон зай ба хил хязгаарыг хүндэтгэх
Өрөөнийх нь хаалгыг тогшихгүй орж ирэх, утсыг нь нууцаар шалгах, бусдын урд зэмлэх нь тэдний итгэлийг эвддэг.
Хувийн орон зайг нь хамгаалж, хүндэтгэж"Би чамд итгэж байна" гэдгээ үйлдэл бүрээрээ харуулаарай.

📚Эх сурвалж:
American Psychological Association (APA): Developing Adolescents
Siegel, D. J. (2013): Brainstorm: The Power and Purpose of the Teenage Brain
Gottman, J. M. (1997): Raising an Emotionally Intelligent Child

26/09/2026

Хүүхдийг шалтагтай, шалтаггүй хичээлээс хоцроогоод, чөлөө аваад байвал
хамгийн түрүүнд сахилга бат алдагддаг.😢😢
Ханиад хүрэхийн төдийд сургуульд явуулахгүй,
жижигхэн тавгүйрхлийг том шалтаг болгож,
“Өнөөдөр яах вэ дээ” гэж хойшлуулсаар байвал
📌 Хүүхэд хичээлийн хоцрогдол үүснэ.
📌 Ахиц удааширна.
📌 Өөртөө тавих шаардлага сулрана.
📌 Аажмаар залхуурал хэвшил болно.
Сургууль бол зөвхөн хичээл заадаг газар биш.
Тэсвэр, хариуцлага, цагийн менежмент, хамтын орчинд байх чадварыг сургадаг газар.
Мэдээж өндөр халуурсан, халдвартай үед бол амраах ёстой.
Гэхдээ “ядарсан юм шиг байна”, “унтмаар байна” гэдэг нь
залхуурлын хамгийн том хэлбэр.
Өнөөдөр нэг өдөр таслах нь жижиг мэт боловч, жилийн төгсгөлд “хуримтлагдсан”хоцрогдол болдог.
Хариуцлага бол багаасаа тогтдог. 💛

25/09/2026

2026-2027 оны хичээлийн жилийн Боловсролын яам болон Увс аймгийн Боловсролын газрын 12 дахь зорилтын хүрээнд Зүүнхангай сумын Ерөнхий боловсролын сургуулиас "Гэр бүлийн цаг"-ийг хэрэгжүүлж эхэллээ.
Нийт эцэг эхчүүд, асран хамгаалагчид та бүхэн хүүхдийнхээ суралцахуйд үр дүнтэй цагийг зарцуулж, тэднийг ойлгох, дэмжих, хөгжүүлэх үйлд хамтран ажиллана гэдэгт итгэлтэй байна. Амжилт хүсье.
Та бүхэн дараах чиглэлийг баяжуулан өөрсдийнхөө хэрэгцээ сонирхолд тулгуурлан хэрэгжүүлээрэй👏

19/09/2026

ЗҮҮНХАНГАЙ СУМЫН ЕРӨНХИЙ БОЛОВСРОЛЫН СУРГУУЛИЙН " СУРГУУЛЬД ДАСАН ЗОХИЦОХ ХӨТӨЛБӨР"-ИЙН III ДОЛОО ХОНОГИЙН ҮЙЛ АЖИЛЛАГААНААС ТА БҮХЭНД ТАНИЛЦУУЛЖ БАЙНА.

19/09/2026

1-Р АНГИЙН БЯЦХАН ШАВЬ НАР МААНЬ " СУРГУУЛЬД ДАСАН ЗОХИЦОХ ХӨТӨЛБӨР"-ИЙН ХҮРЭЭНД АМЖИЛТТАЙ СУРАЛЦАЖ БАЙНА.

01/09/2026