COP17 - Залуучуудын загвар хуралдаан

COP17-д хүргүүлэх Монголын залуучуудын уриалга

Нэгдсэн Үндэстний Байгууллагын Хөгжлийн Хөтөлбөрийн “Уур амьсгалын амлалт-2” төслийн дэмжлэгтэйгээр Монгол Улсын Их Сургууль цөлжилт, газрын доройтлын асуудалд залуу үеийн оролцоог нэмэгдүүлэх, тэдний санал санаачилгыг дэмжих зорилгоор зохион байгуулсан “COP17-Залуучуудын загвар хуралдаан” 2 өдрийн турш үргэлжлэн өнөөдөр /2026.03.05/ хаалтаа хийлээ.

Үндэсний хэмжээнд анх удаа зохион байгуулсан COP17-Залуучуудын загвар хуралдаанд мэдлэг, хариуцлага, манлайлал, ирээдүйдээ эзэн байх чин хүслээрээ манлайлан оролцсон шилдэг 60 оролцогчдодоо баяр хүргэж, сурлага, судалгаа, нийгмийн идэвх санаачилгад өндөр амжилт хүсье.

Залуусын дуу хоолойг нэгтгэсэн COP17-Залуучуудын загвар хуралдаан... Нэгдсэн Үндэстний Байгууллагын Хөгжлийн Хөтөлбөрийн “Уур амьсгалын амлалт-2” төслийн дэмжлэгтэйгээр Монгол Улсын Их Сургууль цөлжилт, газрын доройтлын асуудалд...

COP17-Залуучуудын загвар хуралдааны Ханын илтгэлийн хэсэгт оролцоорой.

✅ Судалгаа шинжилгээний ажил хийж буй залууст өөрийн бүтээлээ ханын илтгэлээр дамжуулан олон нийтэд танилцуулах боломжийг олгож байна.

120 оюутан COP17 – Залуучуудын загвар хуралдаанд оролцохоор шалгарлаа.

COP17 цөлжилт, газрын доройтлын асуудалд залуу үеийн оролцоог нэмэгдүүлэх, тэдний санал санаачилгыг дэмжих зорилгоор UNDP in Mongolia - НҮБ-ын Хөгжлийн хөтөлбөр, “Уур амьсгалын амлалт-2” төслийн дэмжлэгтэйгээр Монгол Улсын Их Сургууль /The National University of Mongolia/ “COP17-Залуучуудын загвар хуралдаан”-ыг зохион байгуулах гэж байна.

✅ Тус хуралдаанд оролцох эхний 120 оюутан, залуусыг шалгаруулж, албан ёсны бэлтгэл сургалтад хамруулахаар ажиллаж байна. Сургалт нь 3 модуль бүхий цахим хэлбэрээр зохион байгуулагдаж, олон улсын байгаль орчны бодлогын ойлголт болон хэлэлцээний ур чадварыг эзэмшүүлэхэд чиглэнэ. Цахим сургалтын 3 модуль нь дараах агуулгаар зохион байгуулагдана. Үүнд:

🟢 1-р модульд НҮБ-ын Риогийн Конвенциуд болох:
Цөлжилттэй тэмцэх конвенци;
Уур амьсгалын өөрчлөлтийн конвенци;
Биологийн төрөл зүйлийн конвенци зэргийг судлах бөгөөд цөлжилт, газрын доройтол болон Талуудын Бага Хурлын үйл явц, хэлэлцээр хийх арга замуудыг судална.

🟢 2-р модульд уур амьсгалын санхүүжилт ба ногоон эдийн засаг, газрын доройтол, цөлжилтийн эсрэг бодлогуудыг авч үзнэ.

🟢 3-р модульд цөлжилт ба жендерийн уялдаа, дээд хэмжээний уулзалтад тэгш оролцоог хангах асуудалд төвлөрнө.
Сургалтад хамрагдсанаар оролцогчид олон улсын бодлогын хэлэлцээний суурь ойлголт, аналитик сэтгэлгээ, багийн ажиллагаа болон дипломат харилцааны чадварыг эзэмшин, COP17 Залуучуудын Загвар Хуралдаанд бэлтгэгдсэн төлөөлөгчийн түвшинд оролцох юм.

COP17-Залуучуудын загвар хуралдааны бүртгэл эхэллээ.

✅ Тус хурлаар цөлжилт, газрын доройтлыг сааруулах, хүлэмжийн хийн ялгарлыг бууруулах, ногоон санхүүжилт болон технологийн шийдэл зэрэг тулгамдсан асуудлын хүрээнд салбар хуралдаанууд болох бөгөөд шилдэг шийдэл гаргасан оролцогчдыг шалгаруулж урамшуулна.

Бүртгэл 2026 оны 2 дугаар сарын 9-ний Даваа гарагийн 17:00 цаг хүртэл орон даяар явагдана.