41-сургууль Хүүхэд хамгаалал

Хүчирхийлэл,үе тэнгийн дээрэлхэлтийн талаар гомдол, мэдээлэл хүлээн авах нээлттэй суваг ажиллаж эхэллээ.

Цахим гэмт хэргээс урьдчилан сэргийлэх зөвлөмж

🚭Электрон тамхи гэж юу вэ?

🚭Электрон тамхи (v**e, e-cigarette) нь шингэн (e-liquid)-ийг халуунд ууршуулж, түүнийг хэрэглэгч амьсгалаар сорж авдаг төхөөрөмж юм. Уг шингэнд ихэвчлэн никотин, үнэр амт оруулагч, пропилен гликоль, глицерин зэрэг бодис агуулагддаг. Зарим электрон тамхи никотингүй гэж зарагддаг ч бусад хортой бодис агуулсан байх тохиолдол бий.

🚭Электрон тамхины хор нөлөө

1. Донтолт

Никотин нь маш хурдан донтолт үүсгэдэг.

Ялангуяа өсвөр насныхны тархины хөгжилд сөрөг нөлөөтэй.

2. Зүрх судасны эрсдэл

Зүрхний цохилт түргэсгэж, цусны даралт ихсэх эрсдлийг нэмэгдүүлнэ.

Зүрхний шигдээс, харвалтын магадлалыг өсгөж болзошгүй.

3. Уушги, амьсгалын замд нөлөөлнө

Уушгийг цочроож, амьсгал давчдах, ханиалгах шинж илэрнэ.

Зарим судалгаагаар электрон тамхи нь уушгины ноцтой гэмтэл үүсгэх эрсдэлтэйг тогтоосон.

4. Хорт бодисын нөлөө

Уурт агуулагдах хүнд металл (хар тугалга, никель), химийн нэгдлүүд нь хорт хавдар үүсгэгч байж болзошгүй.

Амт оруулагч бодисууд урт хугацаанд амьсгалын замыг гэмтээж чадна.

5. Жирэмсэн эх, хүүхдэд аюултай

Ургийн өсөлт хөгжилд сөргөөр нөлөөлж, дутуу төрөлт, жин багатай төрөх эрсдэл нэмэгдэнэ.

✅Зөвлөмж

❌ Электрон тамхийг аюулгүй гэж бүү ойлго — уламжлалт тамхиас бага утаатай ч хор нөлөөгүй гэсэн үг биш.

🚫 Өсвөр насныхан хэрэглэхээс татгалзах хэрэгтэй.

✅ Хэрэв тамхи татдаг бол мэргэжлийн зөвлөгөө авч, баталгаатай аргаар хаяхыг зорих.

🏃‍♂️ Эрүүл амьдралын хэв маяг (дасгал хөдөлгөөн, зөв хооллолт)-ыг хэвшил болгох.

👨‍⚕️ Донтох шинж илэрвэл эмчид хандах.

Дүгнэлт: Электрон тамхи нь эрүүл мэндэд сөрөг нөлөөтэй, донтолт үүсгэдэг тул хэрэглэхээс зайлсхийх нь хамгийн зөв сонголт юм.

ДЭЭРЭЛХЛИЙГ НУУЦАЛЖ, ХЭЛЭХЭЭС БҮҮ АЙ!!!

Үе тэнгийн дээрэлхэл, хүчирхийллээс болж хүүхдийн эрх зөрчигдсөөр байна. Энэ байх ёстой асуудал мөн гэж үү...

Дээрэлхлийг нууцлах нь хамгийн буруу... Тэгвэл бид хэнд хандаж болох вэ?

🆗багш...

🆗сэтгэл зүйч...

🆗эмч...

🆗нийгмийн ажилтан...

🆗цагдаа...

🆗гэр бүл...

Үеийн найзаа хайрлаж, хүндэлж сурсан хүүхэд ирээдүйд бусдыг хүндлэх ёс суртахуунтай, өөртөө итгэлтэй, хөгжлийн түүчээ болсон залуусын нэг болдог.

Ирээдүйг өөрчлөх хүч хүн бүхэнд бий...

INSTAGRAM TEEN ACCOUNTS

Meta компани өсвөр насныхны аюулгүй байдлыг хангах зорилгоор Instagram Teen Accounts-ийг 2025 оны 6 дугаар сараас улс орнуудад нэвтрүүлж байгаа билээ.
Instagram Teen Accounts нь шинээр бүртгүүлж буй болон Instagram ашиглаж буй өсвөр насны хүүхдийн аккаунт хамгаалалтын тусгай тохиргоонд автоматаар шилжиж, эцэг эхчүүд хүүхдэдээ аюулгүй байдлын тохиргоог удирдах боломжийг олгодог онцлогтой.

Тус компаниас Instagram Teen Accounts-ийг Монгол Улсад нэвтрүүлэх арга хэмжээг Харилцаа холбооны зохицуулах хороотой хамтран “Instagram Teen Account”-г Монгол Улсад албан ёсоор танилцуулж байна.
Эх сурвалж: #Цахиморчныхүүхдийнхамгаалал пэйж хуудас

📢📢📢
Чи болон чиний ойр дотны найз нөхөд, үе тэнгийн дарамт, цахим дээрэлхэлтэд өртсөн, дээрэлхэл үйлдэж буй хэн нэгнийг харсан, мэдсэн бол тухайн мэдээллийг баримтжуулан
41-сургууль Дээрэлхэгч биш- дэмжигч байя пэйж хуудас руу чат бичиж явуулаарай
✉️Мэдээллийг зөвхөн сургуулийн нийгмийн ажилтан харах боломжтой бөгөөд нууцыг чандлан хадгална.🔒
🚫 Бусдын нэр хүндэд халдсан, гүтгэсэн баримт нотолгоогүй худал мэдээлэл ирүүлэхийг хориглоно❗❗❗
.