Барилгын политехник коллеж нийгмийн түншлэл

15/01/2026

МЭРГЭЖЛИЙН ЗӨВЛӨЛИЙН УУЛЗАЛТ ЗОХИОН БАЙГУУЛАГДЛАА

Барилгын политехник коллежийн
🔹Барилгын мэргэжлийн зөвлөл,
🔸Сантехник, халаалт, агааржуулалтын мэргэжлийн зөвлөл,
🔹Цахилгаан, механикийн мэргэжлийн зөвлөлийн ээлжит уулзалт зохион байгуулагдлаа.

✨Уулзалтад Барилгын политехник коллежийн мэргэжлийн багш нар, мэргэжлийн зөвлөлийн гишүүдийн хамт Монголын Үндэсний Худалдаа Аж Үйлдвэрийн Танхимын сургалт хариуцсан ахлах мэргэжилтэн н.Оюунсүрэн оролцож, мэргэжлийн болон техникийн боловсролын сургалтын чанар, хөдөлмөрийн зах зээлийн хэрэгцээнд нийцсэн хөтөлбөрийн хэрэгжилт, цаашдын хамтын ажиллагааны талаар санал солилцлоо.

✨Тус уулзалт нь сургалт–үйлдвэрлэлийн уялдаа холбоог бэхжүүлэх, төгсөгчдийн хөдөлмөр эрхлэлтийг дэмжих, мэргэжлийн зөвлөлийн үйл ажиллагааг үр дүнтэй болгоход чухал ач холбогдолтой байв.

✨Хүрэлцэн ирж, үнэтэй санал зөвлөмжөө хуваалцсан аж ахуйн нэгж, байгууллагын төлөөллүүдэд талархал илэрхийлье. Та бүхний идэвхтэй оролцоо нь сургалт–үйлдвэрлэлийн уялдаа холбоог бэхжүүлэх, мэргэжлийн боловсролын чанарыг сайжруулахад чухал хувь нэмэр оруулж байна.

Боловсролын магадлан итгэмжлэх үндэсний зөвлөл Баянгол дүүргийн Насан Туршийн Суралцахуйн Төв

13/01/2026

ГОВЬ-АЛТАЙ АЙМАГ ДАХЬ ПОЛИТЕХНИК КОЛЛЕЖИЙН БАГШ, АЖИЛТНУУДЫН ТӨЛӨӨЛӨЛ БАРИЛГЫН ПОЛИТЕХНИК КОЛЛЕЖИД ЗОЧИЛЛОО.
📌Говь-Алтай аймаг дахь Политехник коллежийн 25 багш, ажилтны төлөөлөл суралцагчдын 1-р улирлын амралтын үеэр Барилгын политехник коллежид туршлага судлах ажлын хүрээнд зочиллоо.
📌Зочлолын үеэр мэргэжлийн болон техникийн боловсролын сургалтын орчин, хичээл-үйлдвэрлэлийн уялдаа холбоо, чадамжид суурилсан сургалтын зохион байгуулалттай танилцаж, мэргэжлийн дадлагын газрууд, лабораторийн үйл ажиллагааг сонирхон үзэн харилцан туршлага солилцов.
📌Энэхүү ажил нь хоёр сургалтын байгууллагын хамтын ажиллагааг бэхжүүлэх, сургалтын чанарыг сайжруулахад чухал ач холбогдолтой боллоо.

09/01/2026

🎓 ТӨГСӨЛТИЙН ДИПЛОМЫН ТӨСӨЛ ХАМГААЛАЛТ АМЖИЛТТАЙ ЗОХИОН БАЙГУУЛАГДЛАА

2025–2026 оны хичээлийн жилийн техникийн боловсрол олгох сургалтын төгсөлтийн диплом хамгаалалт 2026 оны 01 дүгээр сарын 09-ний өдөр зохион байгуулагдлаа. Үүнд:

🔸Иргэний барилгын техникч
🔹Барилгын зургийн техникч
🔸Цахилгааны техникч
🔹Сантехникийн техникч мэргэжлээр 43 оюутнууд тус тус амжилттай хамгааллаа.

Мөн сургалтын үйл ажиллагаанд идэвхтэй хамтран ажиллаж, оюутан суралцагчдыг бодит дадлага, ажлын байраар дэмжин оролцсон хамтран ажиллагч аж ахуйн нэгж, байгууллагуудын төлөөлөлд гүн талархал илэрхийлье. Та бүхний оролцоо, дэмжлэг нь мэргэжилтэй, чадварлаг боловсон хүчин бэлтгэхэд үнэтэй хувь нэмэр оруулж байна.

Нийт төгсөгчдөдөө чин сэтгэлийн баяр хүргэж, цаашдын ажил, амьдралд нь өндөр АМЖИЛТ хүсэн ерөөе. 🎓🏗️

06/01/2026

ОХУ-ЫН УЛАН-ҮДЭ ХОТЫН БАРИЛГА, ХОТ БАЙГУУЛАЛТЫН ТЕХНИКУМ ЗАХИРАЛ ХАРДАЕВ НИКОЛАЙ ЭРНСТОВИЧ БАРИЛГЫН ПОЛИТЕХНИК КОЛЛЕЖИД ЗОЧИЛЛОО.

🔹2026 оны 01 дүгээр сарын 06-ны өдөр ОХУ-ын Улан-Үдэ хотын Барилга, хот байгуулалтын техникумын захирал Хардаев Николай Эрнстович Барилгын политехник коллежид зочлон ирлээ.

🔸Зочин төлөөлөгч коллежийн сургалтын үйл ажиллагаа, хичээл дадлагын танхим, сургалтын орчинтой танилцаж, салбарын мэргэжилтэн бэлтгэх чиглэлээр хэрэгжүүлж буй ажлуудтай танилцав.

🔹Мөн ноён Хардаев Николай Эрнстович болон Барилгын политехник коллежийн захирал Т.Амарзаяа нар хоёр байгууллагын цаашдын хамтын ажиллагааг хөгжүүлэх, туршлага солилцох боломжийн талаар санал бодлоо солилцон, хамтын ажиллагааны чиглэлийг тодорхойлов.

🤝БИДНИЙ ХАМТЫН АЖИЛЛАГАА ХӨГЖИН БЭХЖИХ БОЛТУГАЙ.🫂

Боловсролын магадлан итгэмжлэх үндэсний зөвлөл Барилгын политехник коллеж Боловсролын ерөнхий газар

05/01/2026

05/01/2026

“ХҮНИЙ ЭРХ – МИНИЙ НҮДЭЭР”
ЗУРАГТ ХУУДАСНЫ УРАЛДААН ЗОХИОН БАЙГУУЛАГДЛАА.
Олон улсын хүний эрхийн өдрийг тохиолдуулан жил бүр уламжлал болгон зохион байгуулдаг “Хүний эрх – Миний нүдээр” сэдэвт зурагт хуудасны уралдааныг амжилттай зохион байгууллаа.
🖼️Уралдааны зорилго:
Монгол Улсын Үндсэн хуульд тусгагдсан хүний эрхийн утга агуулга, үзэл санааг суралцагчдад гүнзгий ойлгуулж, тэднийг хүний эрхийг дээдэлдэг, ялгаварлан гадуурхалтаас ангид хандлагатай, бүтээлч сэтгэлгээтэй болгон төлөвшүүлэхэд оршин.
🖼️Уралдаанд нийт 60 гаруй бүтээл ирснээс:
🥇 I байр
Б.Цэнд-Аюуш багштай Барилгын сантехникч 2а ангийн суралцагч Х.Чинзориг
🥈 II байр
Ш.Бэхбат багштай Халаалт, агааржуулалт, хөргөлтийн тоног төхөөрөмжийн засварчин 1а ангийн суралцагч Б.Батмөнх, Б.Жаргалсайхан, Э.Мөнх-Оргил
🥉 III байр
А.Баттуяа багштай Автомашины засварчин 1б ангийн хамт олон
🏅 IV байр
Х.Батцэцэг багштай Барилгын засал чимэглэлчин 1б ангийн хамт олон тус тус шалгарлаа.
Уралдаанд идэвхтэй оролцсон нийт суралцагчдадаа баяр хүргэж, сурлагын өндөр АМЖИЛТ хүсье!

20/12/2025

🦷Агар Мед шүдний эмнэлгийн хамт олондоо чин сэтгэлийн талархал илэрхийлье.

🩺2025 оны 12 сарын 19-ний өдөр Барилгын политехник коллежийн дотуур байранд оршин суудаг МБОС-ын 1 ангийн 33 суралцагчдын амны хөндийн эрүүл мэнд, шүдний үзлэгийг үнэ төлбөргүй хийж, мэргэжлийн зөвлөгөө өгсөнд баярлалаа.

🪥Суралцагчийн эрүүл мэндийг дэмжиж, нийгмийн хариуцлагын хүрээнд хамтран ажилласан Та бүхэнд АМЖИЛТ, сайн сайхан бүхнийг хүсье.

Боловсролын магадлан итгэмжлэх үндэсний зөвлөл Барилгын политехник коллеж нийгмийн түншлэл Баянгол дүүргийн Насан Туршийн Суралцахуйн Төв

19/12/2025

БАРИЛГЫН ТЕХНИК ТЕХНОЛОГИ-ИРГЭНИЙ БАРИЛГЫН ТЕХНИКЧ, БАРИЛГЫН БҮТЭЭЦ УГСРАЛТ-БЕТОН АРМАТУРЧИН МЭРГЭЖЛИЙН ХӨТӨЛБӨРҮҮД МАГАДЛАН ИТГЭМЖЛЭГДЛЭЭ.

🔸Барилгын политехник коллежийн ТБОС-ын Иргэний барилгын техникч, МБОС-ын Бетон арматурчин мэргэжлийн хөтөлбөрүүд нь “Мэргэжлийн болон техникийн боловсролын сургалтын хөтөлбөрийг магадлан итгэмжлэх комисс”-ын 2025 оны 09 дүгээр сарын 12-ны өдрийн 2025/11-23, 24/11-24 дугаар тогтоолоор тус тус 5 жилийн хугацаатай магадлан итгэмжлэгдэж гэрчилгээгээ гардан авлаа.🎉🎉🎉

🔸Барилгын политехник коллеж нь сургалтын хөтөлбөрүүдээ үе шаттайгаар магадлан итгэмжлүүлэх ажлыг тогтмол хэрэгжүүлэн ажиллаж байна.

🔸Магадлан итгэмжлэлийн ажлын хэсгийн гишүүд болон нийт хамт олондоо цаашдын ажил үйлсэд нь улам бүр өргөжин тэлж, байгууллагын хөгжил дэвшилд үнэтэй хувь нэмэр оруулсаар байх болтугай. Эрч хүч, урам зориг дүүрэн, өндөр амжилтаар дүүрэн ирээдүйг хүсэн ерөөе!🌺🌸🌼

Боловсролын магадлан итгэмжлэх үндэсний зөвлөл
Боловсролын ерөнхий газар
Баянгол дүүргийн Насан Туршийн Суралцахуйн Төв

18/12/2025

БАРИЛГЫН ПОЛИТЕХНИК КОЛЛЕЖИЙН САНТЕХНИКИЙН МЭРГЭЖЛИЙН СУРГАЛТЫН ДАДЛАГЫН ГАЗРЫГ ШИНЭЧЛЭН ТОХИЖУУЛЖ ДУУСЛАА.

“МЭДЛЭГ БОЛ ХҮЧ, МЭРГЭЖИЛ БОЛ АМЬДРАЛЫН БАТАЛГАА” уриан дор сантехникийн дадлагын газрыг шинэчлэн тохижуулж, суралцагчдыг ая тухтай, таатай орчинд суралцах боломжоор хангасан ажил маань амжилттай хэрэгжиж, нээлтийн үйл ажиллагаагаа хийлээ.

Дадлагын газрыг тохижуулахад үнэтэй хувь нэмэр оруулсан Санхүүгийн алба, Техник, технологийн тэнхим, Барилгын тэнхимийн хамт олонд чин сэтгэлийн талархал илэрхийлье.

18/12/2025

🇲🇳“МОНГОЛ УР ЧАДВАР 2025” УРАЛДААНЫ БАРИЛГЫН БҮТЭЭЦ УГСРАЛТ – ӨРӨГ УГСРАГЧ МЭРГЭЖЛИЙН АМЖИЛТТАЙ ЗОХИОН БАЙГУУЛАГДЛАА.
🇲🇳“Монгол Ур Чадвар 2025” улсын уралдааны Барилгын бүтээц угсралт (Өрөг угсрагч) төрлөөр дараах оролцогчид амжилттай оролцож III шатанд өрсөлдөх эрхээ авлаа. 💐💐💐
🥇 1-р байр
Баянхонгор политехник коллеж
Оролцогч: О.Доржсамбуу Баянхонгор политехник коллежийн төгсөгч
Багш: Ч.Өлзийбат
🥈 2-р байр
Барилгын политехник коллеж
Оролцогч: Ц.Баттүвшин Иргэний барилгын техникч 1а ангийн суралцагч
Багш: О.Наранбаатар
🥉 3-р байр
Дорноговь политехник коллеж
Оролцогч: Ц.Буянхишиг Иргэний барилгын техникч 1а ангийн суралцагч
Багш: Х.Шинэбаяр

✨III шатанд шалгарсан нийт оролцогчид, багш суралцагчид болон сургууль хамт олонд нь халуун баяр хүргэе! 👏👏👏
✨Та бүхний ур чадвар, хөдөлмөр зүтгэл Монголын барилгын салбарын ирээдүйг гэрэлтүүлж байг.🇲🇳🌟

WorldSkills Боловсролын ерөнхий газар Боловсролын магадлан итгэмжлэх үндэсний зөвлөл Баянгол дүүргийн Насан Туршийн Суралцахуйн Төв

04/12/2025

👩🏻‍🎓🧑🏻‍🎓СУРАГЧИД ТӨРИЙН ОРДОНД ЗОЧИЛЛОО.

🔹УИХ-ын гишүүн, Шадар сайд Х.Ганхуягийн урилгаар Барилгын политехник коллежийн шилдэг 40 суралцагчид төрийн ордонд зочиллоо.

🔸Суралцагчдын төлөөлөл энэ үеэр Төрийн есөн хөлт цагаан туганд хүндэтгэл үзүүлэн дурсгалын зураг авахуулж, Улсын Их Хурлын үйл ажиллагаа, төрийн ордонтой танилцлаа.

#БОЛОВСРОЛЫНЯАМ