Монгол хүний эрдэм

Одон авч буй ээжүүддээ баяр хүргэе💞

🌹 ЭХИЙН АЛДАР ОДОН ГАРДУУЛАХ ЁСЛОЛ ЭХЭЛЛЭЭ

Монгол Улсын Ерөнхийлөгчийн зарлигаар олон хүүхэд төрүүлж өсгөн хүмүүжүүлсэн эхчүүдэд “Эхийн алдар” I, II зэргийн одон гардуулах ёслол орон даяар эхэлж байна.

Социал Демократ Монголын Эмэгтэйчүүдийн Холбоо нь эх хүний хөдөлмөр, хайр, тэвчээр, хүмүүжлийн үнэ цэнийг эрхэмлэн дээдэлж, Монголын ирээдүй болсон үр хүүхдээ өсгөн бойжуулж буй ээжүүддээ чин сэтгэлийн баяр хүргэж байна.

🇲🇳 Энэ жилийн одон гардуулах арга хэмжээ Төрийн ордонд 4 өдрийн турш үргэлжилж, нийт 4000 орчим ээж “Эхийн алдар” одонгоор энгэрээ мялаах гэж байна.

🌷 Харин орон нутгийн 10,000 гаруй ээж ирэх өдрүүдэд аймаг, сумдынхаа Засаг даргын Тамгын газраас одонгоо гардан авна.
Ээж хүн бол зөвхөн нэг гэр бүлийн түшиг бус үндэстний оюуны дархлаа, хүмүүнлэг үнэт зүйл, эх оронч үзлийг үр хүүхдийнхээ сэтгэлд суулгагч анхны багш билээ.

👩‍👧‍👦 Монголын үрс жаргалтай байг.
🌷 Монголын ээжүүд эрүүл энх байг.
🇲🇳 Монголын ирээдүй гэрэлтэй байг.

#ЭхийнАлдар
#МонголЭэж
#ЭхҮрИрээдүй

#НэгнийхээТүшигНийгмийнхээхүч

“МОНГОЛ ХҮНИЙ ЭРДЭМ” – БАГШ, ЭЦЭГ ЭХИЙН ХАМТЫН ХӨГЖИЛ 🥰❤️

Баянгол дүүрэгт хэрэгжиж буй “Монгол хүний эрдэм” хөтөлбөрийн хүрээнд энэ удаа БГД-ийн 66 дугаар цэцэрлэгийн багш, сурган хүмүүжүүлэгчид болон эцэг эхчүүдтэй уулзан, сургалтаа амжилттай зохион байгууллаа.

“Монгол хүний эрдэм” сургалт нь:

• Багш, сурган хүмүүжүүлэгчдэд — хүүхдийн нас сэтгэл зүйн онцлогт тулгуурласан хүмүүжил, зөв хандлага, үлгэрлэл манлайллыг төлөвшүүлэхэд
• Эцэг эхчүүдэд — хүүхдээ ойлгон дэмжих, зөв хүмүүжүүлэх оролцоо, гэр бүлийн эерэг харилцааг бэхжүүлэхэд
• Хүүхдүүдэд — зөв хүн болж төлөвших суурь хүмүүжил, ёс суртахуун, хандлагыг төлөвшүүлэхэд чиглэдэг.

Бид зөвхөн мэдлэг түгээх бус, “ХҮН БОЛОХ” ухаан, Монгол хүний үнэт зүйл, зөв дадал, зөв хандлагыг хамтдаа эрэлхийлж байна. Хүүхдийн хүмүүжил гэр бүл, багш, орчны хамтын үлгэрлэл дээр тогтдог учир багш, эцэг эхийн хамтын ойлголцол хамгийн чухал үндэс билээ.

“Монгол хүний эрдэм” сургалт үргэлжилсээр… 🥰❤️

Хамтран ажилласан БГД-ийн 66 дугаар цэцэрлэгийн хамт олон, нийт эцэг эхчүүддээ талархал илэрхийлье.

#МонголХүнийЭрдэм #БГД #66рЦэцэрлэг #БагшЭцэгЭхийнХамтынХөгжил #ЗөвХүн #Хүмүүжил #Хандлага

🧠 Хүн бүрт тодорхой хэмжээнд давуугийн мэдрэмж (Feeling of Superiority) байдаг. Энэ нь хэвийн зүйл.

Харин тухайн мэдрэмж хэтэрч, хүний зан төлөв, харилцаа, бодит үнэлэмжийг гажуудуулж эхлэх үед үүнийг комплекс (Complex) гэж нэрлэдэг.

Өөрөөр хэлбэл:
• “Би чадна, би үнэ цэнтэй” гэж мэдрэх нь эрүүл давуугийн мэдрэмж.
• Харин “Би бусдаас илүү байх ёстой” гэж хэт хамгаалах хэлбэрт орох нь давуугийн комплекс (Superiority Complex) юм.

“Би бусдаас илүү байх ёстой” гэж дотроо байнга мэдэрдэг хүмүүс байдаг.
Сэтгэл судлалд үүнийг давуугийн комплекс (Superiority Complex) гэж нэрлэдэг.

Хүмүүс давуугийн комплекс гэхээр шууд онгироо, дээрэнгүй, биеэ тоосон хүнийг төсөөлдөг. Гэхдээ үнэндээ энэ нь ихэнхдээ дотоод эмзэг байдлаа хамгаалж буй хэлбэр байдаг.

Австрийн сэтгэл судлаач Alfred Adler хүний “дутуугийн мэдрэмж” (Inferiority Feeling)-ийг нөхөх оролдлого заримдаа “би илүү” гэсэн хэт хамгаалалт болж илэрдэг гэж тайлбарласан байдаг.

Өөрөөр хэлбэл дотроо:
• “Би хангалтгүй харагдчих вий”
• “Намайг сул дорой гэж бодчих вий”
• “Би бусдын доор орчих вий” гэсэн айдас байхад гаднаа:

⚡ Хэт өөрийгөө магтах
⚡ Үргэлж зөв байхыг хүсэх
⚡ Маргаанд заавал ялах
⚡ Бусдыг доош хийх
⚡ Өөрийгөө байнга батлах хэлбэрээр илэрч болдог.

🏡 Монгол амьдралд ч энэ зангийн илрэл олон харагддаг.

Жишээ нь:
• “Манайх л илүү байх ёстой” гэж айл саахалттайгаа дотроо өрсөлдөх
• Найр хурим, баяр ёслол дээр нэр нүүрээ хэт хамгаалж хэлбэр хөөцөлдөн өрсөлдөх
• Машин, хувцас, эд хөрөнгөөрөө өөрийгөө батлах
• Хүүхдийнхээ амжилтаар өөрийн үнэ цэнийг хэмжих
• Энгийн зөвлөгөөг хүртэл “намайг дорд үзлээ” гэж хүлээж авах зэрэг нь давуугийн комплекстэй холбоотой байж болно.

📌 Мэдээж ийм үйлдэл бүр давуугийн комплекс гэсэн үг биш. Хүн бүрт атаархах, өрсөлдөх, эмзэглэх үе байдаг. Харин байнга:
• өөрийгөө нотлох,
• бусдаас илүү харагдах,
• дийлэх, ялах хэрэгцээтэй байх
нь дотоод эмзэг мэдрэмжтэй холбоотой байх боломжтой.

⚖️ Давуугийн комплекс ба эрүүл өөртөө итгэх итгэл хоёр өөр.

Эрүүл өөртөө итгэлтэй хүн:
✔ Бусдыг доош хийх шаардлагагүй
✔ Алдаагаа хүлээн зөвшөөрч чаддаг
✔ Бусдын амжилтаас айдаггүй
✔ Өөрийгөө бодитоор үнэлж чаддаг

Харин давуугийн комплекстэй хүн:

❌ Өөрийгөө дээш гаргахын тулд бусдыг доош хийх
❌ Үргэлж зөв байхыг хүсэх
❌ Шүүмжлэлийг дайралт мэт хүлээж авах
❌ Магтаалд хэт хэрэгцээтэй байх хандлагатай байж болно.

🪞Ийм хүмүүс бүгд “муу хүн” гэсэн үг биш. Ихэнхдээ тэд өөрийн эмзэг байдлаа хамгаалж сурсан хүмүүс байдаг.

Багадаа:
• байнга харьцуулагдах,
• дээрэлхүүлэх,
• доромжлуулах,
• эсвэл хэт эрхлүүлж өсөх нь ч ийм хамгаалах хэв шинж үүсэхэд нөлөөлж болдог.

Харин энэ зан байдал:
• гэр бүл,
• ажил,
• хайр дурлал,
• найз нөхдийн харилцаанд сөргөөр нөлөөлж эхэлбэл өөрийгөө ажиглаж эхлэх хэрэгтэй.

🌱 Хэрэв танд ийм шинж ажиглагддаг бол:

✔ “Би ямар харагдах вэ?” гэхээсээ илүү
“Би юуг үнэхээр сайжруулж чадах вэ?” гэж өөрөөсөө асуугаарай.
✔ Бусдын амжилтыг өөрийн үнэ цэнийн эсрэг зүйл мэт битгий хүлээж аваарай.
✔ Алдаагаа зөвшөөрөх нь сул дорой байдал биш. Харин төлөвшлийн эхлэл.
✔ Хэт өөрийгөө өргөх ч хэрэггүй. Хэт доош хийх ч хэрэггүй.
Эрүүл өөрийгөө үнэлэх үнэлэмж (Healthy Self-worth) гэдэг нь өөрийгөө бодитоор харах чадвар юм.

🕊️ Эцэст нь…
Жинхэнэ хүчтэй хүн бол бусдыг дарах гэж оролддог хүн биш.
Харин өөрийгөө байнга нотлох шаардлагагүй болсон хүнийг хэлдэг.

Өөрийгөө үнэнээр нь харж чаддаг,
бусдыг хүндэлж чаддаг,
шүүмжлэлээс суралцаж чаддаг хүн л сэтгэл зүйн хувьд зөв төлөвшсөн хүн юм.

🌸 Монгол хүний эрдэм- Гэрийг гийгүүлэгч -үндэстний дархлаа 🌸

Архангай аймгийнхаа ухаалаг, дайчин эмэгтэйчүүддээ "Монгол хүний эрдэм" сургалтаа хийж сэтгэл сэргэм нэгэн өдрийг хамтдаа өнгөрүүллээ. ✨

Эмэгтэй хүн гэдэг зөвхөн гэр бүлийн түшиг бус, үр хүүхдийн хүмүүжил, нийгмийн хандлага, үндэснийхээ үнэт зүйлийг өвлүүлэн тээгч "соён гэгээрүүлэгч" юм. Бид энэ өдөр амжилт, албан тушаалаас илүүтэй "Хүн байхын ухаан", дотоод үнэ цэнэ, эмэгтэй хүний нийгэмд үзүүлэх чимээгүй хүч буюу "эерэг нөлөөллийн" тухай чин сэтгэлээсээ ярилцлаа.

🌱 "Монгол хүний эрдэм" бидэнд юу өгдөг вэ?

Өөртөө: Дотоод ертөнцөө таньж, өөрийгөө хайрлах ухаан.

Үр хүүхдэд: Зөв хүн болж төлөвших суурь хүмүүжил.

Гэр бүлд: Халуун дулаан уур амьсгал, нандин хүндлэл.

Нийгэмд: Зөв хандлагатай, ёс зүйтэй иргэний үлгэрлэл.

Өөрийгөө хөгжүүлж, гэр бүл болон нийгэмдээ гэрэл түгээж яваа Архангайн бүсгүйчүүддээ талархал илэрхийлье. ❤️

#МонголХүнийЭрдэм #ЭмэгтэйчүүдийнБоловсрол #АрхангайАймаг #ЭмэгтэйчүүдийнМанлайлал #ЗөвХүн #ҮндэснийҮнэтЗүйл #Хүмүүжил

“МОНГОЛ ХҮНИЙ ЭРДЭМ” – ГЭР БҮЛИЙН БОЛОВСРОЛ🥰

Баянгол дүүрэгт хэрэгжиж буй “Монгол хүний эрдэм” хөтөлбөрийн хүрээнд 141 дүгээр сургуулийн бага ангийн эцэг эхчүүдтэйгээ уулзаж, сургалтаа амжилттай зохион байгууллаа.
Энэхүү сургалт нь зөвхөн хүүхэд залууст бус, Монгол хүн бүрийн заавал мэдэж, ухаарч, санаж сэрэх ёстой "эрдэм мэдлэг"-йгг олгохыг зорьдог цогц хөтөлбөр юм.
МХЭ сургалт нь
• Хүүхэд, залуучуудад: Өөрийгөө таних, зөв төлөвшихөд
• Эцэг эхчүүдэд: Үр хүүхэдтэйгээ ойлголцох, гэр бүлийн үнэ цэнийг хадгалахад
• Сурган хүмүүжүүлэгч, ахмадуудад: Харилцан суралцах, өв соёлоо тээж түгээн дэлгэрүүлэх
Бид мэргэжил эзэмшихээс өмнө "хүн болох" суурь ухаан, зөв хандлага, ёс суртахууны тухай ярилцдаг. Эцэг эхчүүд маань хүүхдийнхээ ирээдүйн төлөө хамтдаа суралцаж, нэгдмэл ойлголттой болох нь энэ хөтөлбөрийн хамгийн чухал хэсэг билээ.
Хамтран ажилласан 141-р сургуулийн хамт олон болон эцэг эхчүүддээ баярлалаа.
#МонголХүнийЭрдэм #БГД #ГэрБүлийнБоловсрол #141дүгээрСургууль #ЗөвХүн #Хүмүүжил