Book&EQ

23/05/2026

Өнгөрсөн бямба гарагийн бичвэрүүдийн зургаас оруулъя. Бид Д.Батбаярын “Аав эзгүй шөнө” өгүүллэгийн “…Аав унтахаасаа өмнө өөр юу хийдэг билээ. Аа тийм тэнгэр заавал хардаг шүү дээ гэж бодоод дээш харав…” гэсэн өгүүлбэрт бодролоо бичлээ.

13/05/2026

Бид сургалтаа өнгөрсөн ням гарагт Богд ууланд хийлээ. Уулын модонд сууж, агаарлахын сацуу гэр гэртээ уншсан номоо ярилцаж, Ч.Лодойдамбын "Шаргачин" өгүүллэгийг уншиж, асуулт асууж ярилцаад, бодролоо бичицгээсэн юм. Энэ удаа бид 6-р ангийн хүү Агарын бичвэрийг оруулах болно. Агар хүү маш их мэдлэгтэй, амьтдын талаар, байгалийн сонин сайхны талаар ярих дуртай. Сургалтад яваад 2 сар болж байгаа ч өөрийнх нь бичвэр нэг л өдөр энд бичигдэхийг тэвчээртэй хүлээнгээ, бусдынхаа бичсэнийг сайн сонсож, тэднээс суралцаж, бичих чадвараа бага багаар ахиулж байгаа хүү билээ. Түүний анхны бичвэрийг хүргэж байна.

"Шаргачин" өгүүллэгийн "Учир нь зээр ямар ч амьтанд өчүүхэн хор хүргэдэггүй боловч, түүний дайсан мундах биш дээ..." гэсэн өгүүлбэрээр бодролоо бичих байсан юм.
6-р ангийн сурагч Б.Агар
Та чулуугаар тоглож, байсан газраас нь авч байсан уу? Байсан газраас нь авч байсан бол тэр байгаль, амьтанд яаж нөлөөлдгийг та мэдэх үү? Чулуу хөдлөхөд жижиг амьтны гэрийг авч байгаа гэсэн үг. Таныг зүв зүгээр байхад гэрээс чинь хөөвөл танд ямар мэдрэмж төрөх вэ? Тэрэнтэй адилхан... Таныг чулуу хөдөлгөхөд нэг амьтны төрлийн нийт тоогоос багасаж, тэр амьтнаар хооллодог амьтад хоолгүй болж нийт тоо багасна. Ингэсээр байгаад эко систем нурна. Жижигхэн үйлдэл ч маш аюултай...

13/05/2026

Shout out to my newest followers! Excited to have you onboard!

Baatar Buyanrawjih, Oyun-Erdene Altangerel, Tsoogii Tsogzoo, Оюунтүлхүүр Цэенбазар, Altaa Aagii, Selenge Altantsetseg, Tuyaa Tuya, Jigjid Bayarmaa, Лхагва М., Mishka Mishka

05/05/2026

Өнгөрсөн бямба гарагийн хичээлээр бид Ж.Лхагвын "Халуун гурил" өгүүллэгийг уншиж ярилцаад, "Эгч маань ахын зуурсан гурилыг шууд элддэг атлаа миний зуурсан гурилыг нухаж байж элдэх нь гагцхүү халуун хүйтний зөрүүнд л байна даа гэж би боддог байжээ" гэсэн өгүүлбэрт тохируулж "Миний ухаарал" сэдвээр бодрол бичсэн билээ. 📝📖
Сонгогдсон бичвэрүүдийг бичсэн энд оруулъя. Жич: Сурагчид өөрсдөө нэгнийхээ бичсэнийг сонсож, тэмдэглэж авч ярилцаад, энэ 7 хоногт аль аль бичвэрийг пэйжид оруулах вэ гэдгээ шийддэг юм шүү.❤️😍🤗

🔸6-р ангийн сурагч Б.Гүнбилиг "Миний ухаарал"
Монголчууд бид анхнаасаа алдаж явсан ч гэсэн Монгол хүн үргэлж урд явдаг. Хүн юм чинь алдах нь тодорхой гэхдээ алдаанаасаа асуух биш өөрөө бодож тунгааж ухаарч явбал тэр л хүн хамгийн дээд хүн. Надад тохиолдсон жишээ гэвэл, 5-6 удаа тэмцээнд орсон ч би заримдаа алддаг. Нэг удаа хожигдоход ээж надад "Хүн хожигддог юм гэхдээ хожигдсоноо муулах биш суралцаж байж ялдаг юм" гэв. Энэ үгийг би ухаарч одоо тамирчин хэвээрээ байна. Ганц сургаал сайн сонсвол хүний амьдралыг өөрчилдгийг санаж явах хэрэгтэй.

🔸7-р ангийн сурагч Б.Амина "Миний ухаарал"
Хүн ер нь сонин амьтан шүү. Өөрөө л хийж үзээгүй бол ухаардаггүй юм билээ. Намайг ээж минь "залхуураад л сууж байна уу", "залхуу хүн өөдлөхгүй дээ", "битгий залхуураад бай" гэж их л хэлж билээ. Жишээлбэл, би олон улсын кодчилолын тэмцээнд ороход залхуурч, кодоо бүрэн бичилгүй тэмцээндээ орж эцэг эх, багшийн минь хөдөлмөр талаар болж билээ. Миний өмнөөс хөдөлмөрлөсөн хөдөлмөр, царайг нь хараад өөртөө гутарч билээ. Үүнээс цааш, түүнээс нааш өөртөө өөрчлөлт оруулж хүний хөдөлмөрийг талаар болгохгүй юм шүү гэж өөртөө амлалт өгсөн. Тэмцээнд ороод ээжийн "залхуу хүн өөдлөхгүй дээ" гэх үгийг ухаарч байлаа.

🔸8-р ангийн сурагч Ж.Нарангоо "Миний ухаарал"
Хүн ер нь өөрийн алдаагаа эхэндээ анхаардаггүй гэж би хувьдаа боддог гэхдээ дараа нь технологийн юмсаас хол байхдаа би ер нь тэгчихгүй яав даа гэсэн ухаарал орж ирдэг. Би гэхдээ үнэхээр аав, ээждээ гэмшдэг учир нь нэг удаа би сургууль дээр хичээлээ хийж байгаад орж ирэхэд удалгүй аав хоол хий хэмээн хэлэхэд нь би өөдөөс нь уурлачихсан. Би аавдаа үнэхээр муухай ханддаг. Тэр үед аав минь ядарсан ч гэсэн хоолоо хийсэн юм. Гэхдээ би аягаа угаах гээд сууж байхад аав минь аяга угаачихсан. Би үнэхээр их гэмшсэн маргааш нь сургалтаасаа тарчхаад явж байхад өөдөөс минь тосож авсан. Зүгээр сууж байхад нь тэвэртэл "юу гуйх гээд байна" хэмээн аав асуусан. Үүнээс харахад маш их зүйл ухаарсан. Аав минь ямар агуу хүн болохыг.... би одоо хүртэл баярлалаа гэж хэлж амжаагүй л байгаа. Гэхдээ би аавынхаа үгэнд орохыг маш их хичээж байгаа бөгөөд ухаарал гэдгийг хувь хүн өөрөө юу гэж хэлсэн, юу бодсоноос хамаарч ухаарал өөр өөр байдаг гэдгийг ойлгосон.

28/04/2026

Номд дурласан хүүхдэд шимтэж болох, сонирхохуйц ном дөхүүлээд тавьчихсан байхад орой нэг харахад ингээд л байж байна шүү дээ.
Эцэг эхчүүд бид хүүхдээ уншихгүй байна гэж үглэх биш, гар утас, тв-г нь хязгаартай хэрэглүүлээд үлдсэн цагийг нь номтой ойр байлгах бүхий л арга ухааныг сүвэгчилбэл зохилтой🤗📚😊

28/04/2026

Мөн сургалтынхаа дараа Д.Нацагдоржийн нэрэмжит хотын төв номын санд очиж, хэсэг ном уншиж сууцгаалаа. 📚📖📝

28/04/2026

Өнгөрсөн 7 хоногийн хичээлээр бид Д.Батбаярын "Айсуй баярын зөн" өгүүллэгийг уншиж ярилцаад, гол дүрийн хүү сүүлдээ мориндоо талархаж, баярлаж байгааг өгүүлсэн нэг өгүүлбэр дээр бодролоо бичицгээлээ.
Зарим сурагчдын бичсэн хэсгээс энд оруулъя.
7-р ангийн сурагч Б.Амина "Талархал гэж юу вэ?"
Талархал юунаас үүдэлтэй вэ? Аз жаргалаас талархал салбарлаж гардаг юм болов уу? Талархах сэтгэл юунд ч байж болдог. Талархах сэтгэлээр хүний амьдралд юуг өөрчилдөг вэ? Хүн ер нь бүх зүйлд, ямар нэгэн эд юмсад чи байгаад баярлаж байгаа шүү гэдгээ илэрхийлэхийг хэлдэг гэж би боддог. Талархах сэтгэлгүй байх гэдэг нь чи өөрт, одоо чамд байгаа зүйлсэд сэтгэл ханамжгүй, бүх юмсыг голдог хүн шиг санагдана. Багш минь хэлэхдээ "Талархаж чаддаг хүн баян байдаг" гэж хэлж байлаа...

8-р ангийн сурагч Ж.Нарангоо "Талархах сэтгэл"
Хүн гэдэг өөртөө байгаа зүйлээ анзаарахгүй яг тайван, жаргалтай байх үедээ анзаардаг юм. Би өвөл болохоор л зуны бороог санаад л цасыг тоодоггүй болчихдог. Үүнээс харахад аливаа зүйлд баярлаж талархах нь зөв сонголт гэж бодож байна...

8-р ангийн сурагч О.Нарансолонго "Хүнд талархахын ач тус"
Юуны өмнө хүнд талархах гэж юу юм бол? Миний мэдэхийн хоёр үгнээс л тогтдог. "Баярлалаа, уучлаарай"... Ердөө хоёрхон үг. Хоёрхон үг хэлж чадахгүйгээс болж нийгэм өөр болж байгаа юм чинь чи буруу юм хийсэн бол тэр хоёр үгийг хэлж, тэр хүний өдрийг өөрчилж чадна. Хөгжлийн бэрхшээлтэй хүмүүс хүртэл дохиогоор ч хамаагүй талархлаа илэрхийлдэг. Талархал гэдэг ердөө л энэ. Өчүүхэн үйлдэл том өөрчлөлт...

19/04/2026

Манай сургалтыг удирдан явуулдаг багшийн танилцуулга📚📝📖

16/04/2026

Та доорх холбоос дээр дарж нээлттэй өдөрлөгт бүртгүүлээрэй. Өдөрлөг үнэ төлбөргүй.
https://forms.gle/Tm6jJfK47X2FVPNv9

16/04/2026

Ном унших сургалтын маань нээлттэй өдөрлөгт хүрэлцэн ирэхийг урьж байна. Таны хүүхэд дунд ангийн сурагч бол манай сургалтын нэг өдөр танд нээлттэй. Та хүүхдээ сургалтад хамруулж, сонирхуулж үзээрэй. Өдөрлөг 2026/04/18ны Бямба гарагт 10:00-13:00 цагт НЕБ-ын 184 дүгээр сургуулийн 118 тоотод болно. Холбогдох утас:89015180. Жич: Үнэ төлбөргүй.
Та нээлттэй өдөрлөгт оролцохоор сонирхож байвал доорх хаягаар орж бүртгүүлээрэй.

Сайн байцгаана уу. Та бүхэнд энэ өдрийн мэндийг хүргэе. Манай сургалтын онцлог нь ерөнхий боловсролын сургуулийн сурагчдыг ном уншуулж, уншсан сэдвийнхээ хүрээнд ....