Монголын эдийн засгийн холбоо - Mongolian Economic Association

🎊УЛААНБААТАРЫН ЭДИЙН ЗАСГИЙН VIII СУРГАЛТ, ЭРДЭМ ШИНЖИЛГЭЭНИЙ ХУРАЛ 2025.7.2-4 ӨДРҮҮДЭД АМЖИЛТТАЙ ЗОХИОН БАЙГУУЛАГДЛАА.

Уг үйл ажиллагааг зохион байгуулсан Монголын эдийн засгийн холбооны гишүүн Ц.Гэрэлт, Т.Пүрэвдорж, Б.Болорсувд, Б.Лхагважаргал, Д.Түвшинжаргал, Т.Норовсамбуу нарт болон бусад гишүүд, СЭЗИС-ийн Экономиксийн тэнхимийн хамт олон, сургалтад хичээл заасан багш нар, эрдэм шинжилгээний хуралд илтгэл тависан судлаачдад оролцогчдын өмнөөс талархал илэрхийлье.

📚Калифорнийн их сургуулийн дэд профессор Ц.Гэрэлт /Ph.D/ “Learning from AI Recommendations: Experimental Evidence” сэдэвтэй хичээл заалаа.

🔍Хиймэл оюун ухааны мэдээлэл боловсруулалт ямар загвар дээр тулгуурлаж боловсруулагддаг нь тодорхойгүй байдаг. Магадгүй хүмүүсийн оруулсан мэдээлэл дээр тулгуурладаг эсэх нь тодорхойгүй.
Туршилтад хамрагдсан хүмүүсийн анхдагч (приор) мэдээлэл дээр тулгуурласан хариулт дээр дахин AI-ын үр дүнгийн приор мэдээллийг өгсөний дараа хүмүүсийн анхдагч хариулт хэрхэн өөрчлөгдөж буйг дараах аргуудаар шинжилж харьцуулжээ.
Үүнд:
✅Квази-Бэйсийн загвараар (Quasi-Bayesian), ✅алдааг багасгах дүрэм (Contraction Rule), ✅өмнөх үеийн итгэл үнэмшилд хэт найдах (Weigthed Inertial Updating) арга

Гэтэл хүмүүсийн анхдагч хариулт, нэмэлт мэдээлэл авсан үеийн хариулт хоорондоо ойролцоо байв.

🎊Ц.Гэрэлт багшийнхаа эрдмийн ажилд улам их амжилт хүсье.

🎊Монголын эдийн засгийн холбооны зүгээс талархал илэрхийлье.

📍Улаанбаатарын эдийн засгийн VIII сургалт, эрдэм шинжилгээний хурал

📚Осакагийн их сургуулийн дэд профессор Ц.Цэлмүүн /Ph.D/ "Life Expectancy and Business Cycles in a Small Open Economy" сэдэвтэй илтгэл танилцууллаа.

🔍Амьдралын хугацааны өөрчлөлтийг нөлөөг шинжилдэг тасралтгүй хугацааны детерминистик загварыг өөрийн зүгээс өргөтгөл хийж, бүтээмжийн шок, хүүгийн түвшний шокийн нөлөөг калибрацын аргаар шинжилжээ. Амьдралын хугацаа илүү уртсах нь хүмүүс ирээдүйдээ илүү ач холбогдол өгдөг болохыг онцлов.
Түүний хийсэн өргөтгөлүүд:

✅Дискрет хугацааны загвар болгосон.
✅Стохастик бүтээмжийн шок, хүүгийн түвшний шок оруулж ирсэн.
✅Өрхийн ажлын болон чөлөөт цагийн шийдвэр гаргалтыг эндоген хувьсагч болгосон.

Жич: Энэхүү загвар нь бодит бизнесийн мөчлөгийн загвар юм.

🎊Ц.Цэлмүүн багшийнхаа эрдмийн ажилд улам илүү амжилт хүсье.

🎊Монголын эдийн засгийн холбооны зүгээс талархал илэрхийлье.

📍Улаанбаатарын эдийн засгийн VIII сургалт, эрдэм шинжилгээний хурал

📚Иоркийн их сургуулийн профессор Т.Пүрэвдорж /Ph.D/ "Likelihood Ratio-C(α) Test for Irregular Hypothesis and Misspecified Models" сэдэвтэй илтгэл танилцууллаа.

🔍Likelihood Ratio тестийг өөрийн зүгээс сайжруулсан хувилбар болох C(α) тестийг танилцууллаа.
Энэ тест нь дараах давуу талтай.
✅Уламжлалт тестүүдтэй харьцуулахад машин сургалт дээр ашиглах боломжтой.
✅Хязгаарлалттай нөхцөл болон загварын алдаатай тохиолдолд ч төв утгатай (pivotal) буюу найдвартай үр дүн өгдөг.

🎊Т.Пүрэвдорж багшийнхаа эрдмийн ажилд улам илүү амжилт хүсье.

🎊Монголын эдийн засгийн холбооны зүгээс талархал илэрхийлье.

📍Улаанбаатарын эдийн засгийн VIII сургалт, эрдэм шинжилгээний хурал

📚Унгарын Тарки нийгмийн судалгааны институтын судлаач Д.Бямбасүрэн /Ph.D/ "The Role of Taxes and Social Transfers in Income Inequality in the Selected Central-Eastern European Countries" сэдэвтэй илтгэл танилцууллаа.
🔍Шилжилийн эдийн засгийн механизмийг туулсан Европын холбооны улсуудын шилжилтийн дараах ялгаатай бодлогын нөлөөнүүдээс шалтгаалж 2010 оноос хойш орлогын тэгш бус байдал улам их болсон. 50 мянга гаруй өрхийн түүвэр өгөгдөл ашиглаж, эдгээр улс орнуудын орлогын тэгш бус байдал өссөн шалтгааныг судалжээ. Судалгааны үр дүнг товч танилцуулбал:
✅Орлогын бүрэлдэхүүнээс цалин, хувиараа хөдөлмөр эрхлэлтийн орлого тэгш бус байдлыг өсгөсөн байна.
✅Дахин хуваарилалт орлогын тэгш бус байдлыг бууруулсан байна. Ялангуяа татвар нь шилжүүлгээс илүү бууруулах нөлөөтэй байв.

🎊Д.Бямбасүрэн судлаачийнхаа эрдмийн ажилд улам илүү амжилт хүсье.

🎊Монголын эдийн засгийн холбооны зүгээс талархал илэрхийлье.

📍Улаанбаатарын эдийн засгийн VIII сургалт, эрдэм шинжилгээний хурал

📚Конкордиагийн их сургуулийн докторант Б.Оюу-Эрдэнэ " Understanding the Mechanisms of the Future to Discover Project" сэдэвтэй илтгэл танилцууллаа.
🔍Ахлах ангийн сурагчдыг хяналттай болон туршилтын бүлэгт ангилж The Future to Discover Project (FDP), Explore Your Horizon (EYH) хөтөлбөрт хамруулсан төслүүдийн үр дүнг танилцууллаа. Төслүүдийн үр дүнг товч дурдвал:
✅Сурагчид FDP хөтөлбөрт хамрагдсанаар сурах сонирхлыг нэмэгдүүлж улмаар их сургуульд сурах шийдвэрт хүргэдэг байна.
✅EVH хөтөлбөр нь их сургуульд сурах шийдвэр, танин мэдэхүйд хүчтэй нөлөө үзүүлдэг байна.

🎊Б.Оюу-Эрдэнэ судлаачийнхаа эрдмийн ажилд улам илүү амжилт хүсье.

🎊Монголын эдийн засгийн холбооны зүгээс талархал илэрхийлье.

📍Улаанбаатарын эдийн засгийн VIII сургалт, эрдэм шинжилгээний хурал

📚Корнеллийн их сургуулийн докторант Б.Цэнгүүнжав "Automation Threat and Labor Market Power" сэдэвтэй илтгэл танилцууллаа.

🔍Герман улсын үйлдвэрлэлийн салбарын хөдөлмөрийн зах зээлийн автоматжуулалт (робот) ажиллах хүчний зах зээлийн хүчинд хэрхэн нөлөөлж буйг судалжээ. Автоматжуулалтаас ирэх айдас нь бодит бөгөөд зарим салбарын ажилчдад бүр илүү байдаг. Автоматжуулалтад ажлын байраа алдах эрсдэлтэй ажилчдад төрийн зүгээс бодлого явуулах ёстой хэдий ч ажил олгогчдод ямар нөлөө үзүүлэхийг давхар бодолцох хэрэгтэй.

🎊Б.Цэнгүүнжав судлаачийнхаа эрдмийн ажилд улам илүү амжилт хүсье.

🎊Монголын эдийн засгийн холбооны зүгээс талархал илэрхийлье.

📍Улаанбаатарын эдийн засгийн VIII сургалт, эрдэм шинжилгээний хурал

📚Конкордиагийн их сургуулийн докторант С.Билгүүн "A Multi-Sector Search and Matching Model with Roy-Type Self-Selection: The Role of UI Benefits" сэдэвтэй илтгэл танилцууллаа.

🔍Харьцангуй болон туйлын давуу талуудыг тусгасан олон сектор бүхий хайлт-тохиргооны загвар боловсруулсан ба уг загвараар ажилгүйдлийн тэтгэмж сектор хоорондын ажиллах хүчний шилжилтэд хэрхэн нөлөөлдөгийг шинжлэх боломжтой.

🎊С.Билгүүн судлаачийнхаа эрдмийн ажилд улам илүү амжилт хүсье.
🎊Монголын эдийн засгийн холбооны зүгээс талархал илэрхийлье.
📍Улаанбаатарын эдийн засгийн VIII сургалт, эрдэм шинжилгээний хурал

📚Далхауси их сургуулийн профессор Т.Норовсамбуу /Ph.D/ “Single-Peakedness and Robust Group Strategy Proofness” сэдэвтэй илтгэл тавилаа.

🔍“Single-Peakedness and Robust Group Strategy Proofness” тоглоомыг эдийн засаг, улс төрийн салбарт ашигладаг.
✅“Single-Peakedness: Оролцогчдын сонголтын ханамж тодорхой нэг сонголт дээр хамгийн их ханамжийг авдаг, уг оргил сонголтоос холдох тусам хүний ханамж буурдаг гэж үзэх загвар юм.
✅“Robust Group Strategy-Proofness”: Тодорхой сонголтын механизм эсвэл системд хэд хэдэн оролцогч бүлэглэж нийлээд худал мэдээлэл өгсөн ч өөрсдөдөө ашигтай үр дүнд хүрч чадахгүй байх шинж чанартай тоглоом юм.

🎊Т.Норовсамбуу багшийнхаа эрдмийн ажилд улам илүү амжилт хүсье.

🎊Монголын эдийн засгийн холбооны зүгээс талархал илэрхийлье.

📍Улаанбаатарын эдийн засгийн VIII сургалт, эрдэм шинжилгээний хурал

⏱️⏱️УЛААНБААТАРЫН ЭДИЙН ЗАСГИЙН VIII СУРГАЛТ, ЭРДЭМ ШИНЖИЛГЭЭНИЙ ХУРЛЫН 3 ДАХЬ ӨДРИЙН ХУРАЛ ЭХЭЛЛЭЭ.

📚Санхүү эдийн засгийн их сургуулийн профессор Ц.Батсүх /Ph.D/ “Бүтцийн тэгшитгэлийн загвар, түүнийг бизнес, менежментийн судалгаанд хэрэглэх нь” сэдэвтэй хичээл заалаа.

🔍Санхүү, эдийн засаг, бизнесийн салбарын судлаачдад шууд хэмжиж болохгүй хувьсагч буюу латент хувьсагчийг хэрхэн хэмжих вэ гэдэг асуудал маш их тулгардаг. Бүтцийн тэгшитгэлийн загвар шууд хэмжиж болохгүй хувьсагчийг олон үзүүлэлтээр илэрхийлэх замаар хэмжилтийн алдааг багасгахын тулд баталгаажуулах хүчин зүйлсийн шинжилгээг ашигладаг ба механизмийг нь зураглаж харуулж болдог давуу талтай арга юм. Энэ аргын техник, мөн санхүүгийн зах зээлийн оролцогчдын зан үйлийг тодорхойлох жишээгээр тайлбарласан, маш их сонирхолтой, ач холбогдолтой хичээл байлаа.

🎊Ц.Батсүх багшийнхаа эрдмийн ажилд улам илүү амжилт хүсье.

🎊Монголын эдийн засгийн холбооны зүгээс талархал илэрхийлье.

📍Улаанбаатарын эдийн засгийн VIII сургалт, эрдэм шинжилгээний хурал

📚Иоркийн их сургуулийн профессор Т.Пүрэвдорж /Ph.D/ “Understanding GARCH Models: Theory and Financial Application” сэдэвтэй, санхүү, эдийн засгийн салбарын судлаач, мэргэжилтэн, оюутнуудад маш их ач холбогдолтой хичээл заалаа.

🔍Энэхүү сургалтаар дийлэнх хувьцааны үнийн динамик бөөгнөрлийн шинжтэй байдаг буюу хувьцааны үнийн хүчтэй савалгааны дараа дахин хүчтэй савалгаа үүсэх магадлал өндөр байдаг гэдгийг онцлон, уг онцлогт нийцтэй хугацаан цувааны эконометрикийн GARCH загварын техникийг, мөн хувьцааны үнийг прогнозлоход анхаарах ёстой зүйлсийн талаар тайлбарласан, сонирхолтой хичээл байв.

🎊Т.Пүрэвдорж багшийнхаа эрдмийн ажилд улам илүү амжилт хүсье.

🎊Монголын эдийн засгийн холбооны зүгээс талархал илэрхийлье.

📍Улаанбаатарын эдийн засгийн VIII сургалт, эрдэм шинжилгээний хурал