Spiritss

Spirit Academy -н сурагч Б.Ирмүүн -ийн түүхтэй танилцаарай. ✨🙌🏼🌏
Spirit Academy
Намайг Ирмүүн гэдэг. Би 14 настай, одоо Spirit Academy-д суралцаж байна.
Багаасаа эгч минь надад англи хэл зааж, өдөр бүр шахаж сургадаг байсан. Тэр үедээ би жаахан гомдоллодог ч одоо бодоход хамгийн их талархах ёстой зүйл минь тэр байжээ. Гэхдээ би түүний зааж өгснийг төдийлөн ашигладаггүй, тэмцээн уралдаанд ордог ч хүүхэд биш байлаа. Олон хүний өмнө гарах нь ч надад нэг их таатай санагддаггүй байсан.

Багш, найзууд маань “Чи чадна шүү дээ, тэмцээнд ороод үз” гэж урам өгдөг байсан ч би яг юу хийхээ мэддэггүй, зүгээр л урсгалаараа явдаг байв. Харин нэг өдөр гэр бүл маань намайг Spirit Academy-д бүртгүүлж өгсөн нь миний амьдралд шинэ эхлэл болсон.

Гэр бүлийнхандаа баярлалаа.

Эхэндээ миний мэдлэг, чадвар өндөр биш байсан ч ‘’Spirit Academy’’ сурч эхэлснээс хойш би их өөрчлөгдөж эхэлсэн. Хичээл бүр дээр шинэ зүйл сурч ,маш хурдан хугацаанд англи хэл төдийгүй мөн сэтгэлгээ маань өөрчилөгдөж эхэлэв. Багш нарын маань урам, найзуудын минь дэмжлэг намайг алхам алхмаар өөрчилсөн.

Удалгүй би TOEFL Junior шалгалтад 885/900 оноогоор Gold Certificate хүртсэн. Тэр мөчид би анх удаа “Би үнэхээр чаддаг юм байна” гэж өөртөө итгэсэн. Энэ нь надад маш сайхан мэдрэмж төрүүлж, цаашдын зорилгод минь гэрэл асаасан.

Одоо бол би илүү том зорилготой болсон. Би цаашдаа IELTS болон TOEFL iBT-д 7.5 , 8.0 буюу C1,C2 түвшинд хүрч, энэ амжилтаараа гадаадын топ их дээд сургуульд суралцах мөрөөдлөө биелүүлэхийн төлөө хичээн суралцаж байна.
Эцэст нь хэлэхэд хүн бүгдэнд амжилт хүсье өөртөө итгээрэй та чадна.⚡️🌍

✨🌎Хэрэв та ч бас англи хэлээ сайжруулан хүсэл мөрөөдлөө олж дэлхийн иргэн болохыг хүсвэл. Манай намрын элсэлт эхэлсэн байгаа шүү🙌🏼
✨Дэлгэрэнгүй мэдээллийг доорх линкээр болон чатаар холбогдон аваарай.✨

https://www.facebook.com/search/top?q=spirit%20academy

☎️ 99053069,72706000

Монгол хүн Дэлхийн иргэн.⚡️🌍

Spirit Academy-н 2023 оны төгсөгч Ш. Төмөрчөдөрийн түүхтэй танилцаарай 🙌🏼🌍

"Зөв дэмжлэг – Зөв газар луу"🌏

Гадаадад суралцах мөрөөдөл минь аль хэдийн эхэлчихсэн байсан. IELTS-д 7.0, SAT-д 1370 оноо авч, Америкийн их сургуулиудад өргөдлөө илгээж эхэлсэн ч нэг зүйлийг ойлгосон — оноо аваад зогсохгүй, дараагийн хаалгыг нээхэд туршлагатай ментор, чиглүүлэгч хэрэгтэй юм байна гэдгийг.

Ингээд би Spirit Academy-ийн хаалгыг татсан. Тэнд би зорилгоо илүү тодорхой болгож, итгэлтэй болж, багшийнхаа тууштай дэмжлэг дор их сургуулийн бэлтгэлээ эхлүүлэв. Сургуулийн жагсаалт гаргах, эсээ бүрэн төгөлдөр болгох, ярилцлагад өөрийгөө итгэлтэй илэрхийлэх, сайн дурын ажлуудад идэвхтэй оролцох — энэ бүхэн ганцаараа хийхэд амаргүй, харин хамтдаа хийхэд боломжтой зүйлс байлаа.

Spirit-ын багш нар эхний алхмаас эцсийн хариу ирэх мөч хүртэл миний хажууд байж, намайг зөв зүгт чиглүүлсээр байсан.

Тэгтэл нэг өдөр, миний имэйл гайхалтай мэдээнүүдээр дүүрэв. Roanoke College, Hawaii Pacific University, New Jersey Institute of Technology, University of Missouri, Michigan Technological University, Iowa State University, Portland State University — бүгдээс тэнцсэн хариу ирсэн байлаа. Нийтдээ 564,000 ам.долларын тэтгэлэг, санхүүгийн тусламж авах эрхтэй болсон тэр мөч бол миний мөрөөдлийн хаалга нээгдсэн цаг байсан.

Өнөөдөр би АНУ-ын Virginia хотод Roanoke College-д ''Computer science'' чиглэлээр 120,000 ам.долларын тэтгэлэгтэйгээр хоёр дахь жилдээ амжилттай суралцаж байна.

Эргээд харахад, Spirit Academy надад зөвхөн мэдлэг нэмээгүй. Тэндээс би өөртөө итгэх итгэл, мөрөөдлөө бодит болгох зориг, зөв хүмүүсийн дэмжлэг ямар үнэ цэнтэйг ойлгосон.

Spirit Academy -н сурагч Т.Дөлгөөн -ийн түүхтэй танилцаарай. 🙌🏼🌍

Намайг Дөлгөөн гэдэг. Би 16 настай. Spirit Academy-д хоёр дахь жилээ сурж байгаа нэгэн. Өөрийнхөө түүхийг ярья.
Надад энгийн хүнд бараг байдаггүй ухаан, авьяас, потенциалтай гэж хүмүүс хэлж байлаа. Гэвч би тэрийгээ хэзээ ч тултал нь ашиглаж өөрийгөө ямар ч янз бүрийн тэмцээн уралдаанд оролцуулдаггүй хүн билээ. Одоо ч хүртэл тийм байгаалдаа. Учир гэвэл олон хүний нүдэнд өртөх нь маш эвгүй, тухгүй байдаг гэхүүдээ хэ хэ. Тэрнээс болж бүх юмнаас хоцорч ард үлдэж ухаанаа ашигладаггүй болхоороо багш нар, найзууд намайг “Гоё хэрэгжүүлээч” гэдэг байсан ч би юу хийхээ мэдэхгүй зүгээр байдаг байв.

Амьдралынхаа туршид би яг юу хийх ёстойгоо мэдэхгүй байлаа. Гэтэл нэг өдөр гэр бүл маань намайг Spirit academy-д бүртгүүлж өгсөн. Би эхэндээ хүүхэлдэй, бичлэгнээс сурсан англи хэлтэй байсан. Мэдээжийн маш жоохон мэдлэгтэй байсан ч Spirit academy-д 2 жил явсны эцэст улам сайн болсон нь элт мэдэгдэж байлаа. Мөн шинэ авьяас олон тэрүүгээрээ TOEFL Junior шалгалтанд тестэнд 300/300 оноо аван 880 оноогоор тэргүүлсэн нь хамгийн сайхан амжилт, мэдрэмж байлаа. Дараа жил улам ихээр хөгжиж, их тэмцээнд орж, дэлхийн тайзанд гарна гэсэн зорилготой байгаа.

Spirit academy бол зүгээр нэг сургалт биш намайг урагшлахад тусалсан найз минь болсон.
Эцэст нь хэлэхэд хүн бүрд өөрсдийн гэсэг нуугдмал авьяас байдаг тэр чадвараа улам сайжруулвал амжилтанд хүрнэ гэдгийг ухааруулсан.
Хэрэв та ч бас англи хэлээ сайжруулан хүсэл мөрөөдлөө олж дэлхийн иргэн болохыг хүсвэл. Манай намрын элсэлт эхэлсэн байгаа шүү

👉 Дэлгэрэнгүй мэдээллийг доорх линкээр болон чатаар холбогдон аваарай.

https://www.facebook.com/search/top?q=spirit%20academy

☎️ 99053069

Монгол хүн Дэлхийн иргэн.⚡️🌍

Spirit Academy -н төгсөгч Отгонсүрэн -ийн түүхтэй танилцаарай. 🙌🏼🌏
Spirit Academy
— Spirit Academy-гаас Унгар улсын тэтгэлэг хүртэл —🌎
Сайн байцгаана уу.🙌🏼

Намайг Отгонсүрэн гэдэг. Би 2025–2026 оны Унгар улсын Засгийн газрын тэтгэлэгт хөтөлбөрт шалгарч, одоо гадаадад суралцах бэлтгэлээ хангаж байна. Өнөөдөр энэ түүхээ товчхон хуваалцахыг хүсэж байна.

Сургуульдаа идэвхтэй, хичээлдээ сайн сурагч байсан ч Англи хэлний хувьд би маш их доголдолтой байсан. Үг цээжлэх гэж хичээгээд л шантардаг, дүрэм ойлгодоггүй, яг юунаас эхлэхээ мэдэхгүй, олон сурагчдын нэг л байсан. Хэл сурах хүсэл байсан ч арга барилаа олоогүй учраас олон жил өнгөрөхөд ахиц гарсангүй.
Гэвч нэг л өдөр би өөртөө зорилго тавьсан юм — “Хэрвээ хэл сурахгүй бол, надад илүү их боломж хаалттай байна.” Ийм бодолтойгоор би их сургуулиасаа нэг жилийн чөлөө авч, Англи хэлээ эрчимтэй сурах шийдвэр гаргасан. Энэ бол миний амьдралдаа гаргасан хамгийн зоригтой алхмуудын нэг байлаа.
Ингээд би Spirit Academy-д элсэж, жинхэнэ өөрчлөлттэй нүүр тулсан. Анх ирэхэд миний Англи хэлний түвшин A2 орчим байсан. Тэнд суралцах хугацаандаа би зөвхөн хэл сураад зогссонгүй — суралцах арга барилаа олж, өөртөө итгэх итгэлтэй болсон. Богино хугацаанд IELTS оноогоо амжилттай авсан. Үүний дараа би Spirit Academy-д багшийн туслах хийж, улмаар бүрэн эрхтэй багшаар ч ажиллах завшаан тохиосон. Энэ бол миний хувьд маш үнэ цэнтэй, сорилт дүүрэн, гайхалтай аялал байлаа.
Миний хэлний чадварын ахиц, хандлага, амьдралын хэв маяг, сэтгэлгээний өөрчлөлт гээд бүхий л зүйлс энэ нэг жилийн хугацаанд өөрчлөгдсөн. Энэ бүхэн зөвхөн миний хүчин чармайлт бус, мөн Spirit Academy-ийн хамт олны тууштай дэмжлэг, заавар зөвлөгөө, урам зоригийн ачаар биелсэн юм.
Ялангуяа намайг үргэлж чиглүүлж, урам зориг өгч, хичээл бүрийн ард хамт байсан Баяраа багшдаа гүн талархал илэрхийлье.
Өнөөдөр би Шенгений визээ гардан авлаа. Энэ нь миний мөрөөдлийн дараагийн алхам, өөрийгөө илүү сорьж хөгжүүлэх шинэ боломжийн үүд хаалга нээгдэж буй хэрэг билээ.
Намайг өөрчлөхөд хамгийн чухал байсан ойлголт бол дараах:
Хэзээ ч оройтохгүй. Харин хамгийн зөв цаг нь — яг одоо.
Хамгийн гол нь, зөв газар, зөв багштай, зөв чиглэлээр эхлэх хэрэгтэй.
Spirit Academy бол зөвхөн сургалтын төв биш. Энэ бол миний хоёр дахь гэр бүл. Тэндээс би хэл сурахын зэрэгцээ амьдралын олон чухал ухаарлыг олж авсан.
Хэл сурахаар зорьж буй бүх сурагчдадаа амжилт хүсье. Өөртөө итгээд, нэг алхам урагш хийгээрэй. Боломж хаана ч байдаггүй, боломжийг хүн өөрөө бүтээдэг юм байна.

Монгол хүн Дэлхийн иргэн.⚡️🌍

Spirit Academy -н сурагч Цацрал -ийн түүхтэй танилцаарай. 🙌🏼🌍

Spirit Academy

“Доод давхрын ангиас дэлхийн тайз руу...”

Намайг Цацрал гэдэг. Би 12 настай.
Англи хэл сурахыг хүссэн ч хаанаас, яаж эхлэхээ мэдэхгүй байлаа. Нэг өдөр аав, ээж хоёр маань Spirit Academy-ийн багштай уулзсан. Багш маань:
“Жаахан байна даа...” гэж хэлсэн ч
аав, ээж хоёр:
“Зүгээр ээ, манай охин чадна!” гэж хэлсэн.
Ингээд миний аялал эхэлсэн.

Сургалтын төв манай байрны доод давхарт байлаа. Энгийн жижиг анги боловч миний хувьд бүх зүйл шинэхэн ертөнц байв.

Эхэндээ A1 түвшний сурагч байсан болохоор үг цээжлэх, өгүүлбэр ойлгоход хэцүү байсан. Гэхдээ Spirit-ийн багш нар, урамшуулал, эерэг уур амьсгал надад хүч өгсөн.
Даалгавраа хийвэл 1 долларын шагнал өгдөг байсан нь их урам өгдөг байлаа.

Цаг хугацаа өнгөрөх тусам би хэлэндээ дурлаж, улам хичээж сурсаар байлаа.
Одоо би C1 түвшинд хүрч, TOEFL Junior шалгалтад 865 оноо авсан. Мөн олон улсын олимпиадаас алтан медаль, энэ жилийн 12-сард Оксфордын олон улсын финалд оролцох эрх хүртсэн.

Энэ бүхнийг би ганцаараа хийгээгүй. Spirit Academy надад хэл сурахаас гадна өөртөө итгэх итгэл, хичээх урам өгсөн.

Одоо би бусдад тусалж, хамтдаа сурахыг эрхэмлэдэг. Учир нь амжилт гэдэг зөвхөн оноо биш, харин хамтын хөгжлийн үр дүн гэж боддог.

Монгол хүн Дэлхийн иргэн.⚡️🌍

Spirit Academy -н 2024 оны төгсөгч Ангарбаяр -ийн түүхтэй танилцаарай. 🙌🏼🌍

Намайг Ангарбаяр гэдэг. Би 19 настай, хоёр дахь завсар жилээ авч байгаа нэгэн. Толгойдоо олон бодол эргэлдүүлж, сонирхлоо олох, аль зүг рүү нисэхээ шийдэх завгүй өдрүүд үргэлжилсээр…

Ахлах ангид байхдаа би ангийнхан, найзуудынхаа дунд хэн нь хаашаа чиглэж байгааг чимээгүйхэн ажигладаг ч өөрөө тэдний алинд ч багтдаггүй, өөрөөр хэлбэл, хэрхэн нийгэмшиж, өөрийгөө илэрхийлэхээ мэддэггүй хүүхэд байлаа. Эцэг, эх маань намайг дотогшоо хүн гэдгийг анзаарч, англи хэлний дамжаанд явуулахаар шийдсэн нь миний хувьд амьдралын эргэлтийн эхлэл байсан юм.

Ингээд л би Spirit Academy-д элссэн. Анхандаа зорилго минь ердөө л англи хэлний түвшингээ сайжруулах байсан ч удалгүй энэ газар миний хэлийг сайжруулахаас гадна, өөрийн дуу хоолой, үнэ цэнэ, мөрөөдөл, зорилгын минь утгыг ойлгуулсан орон зай болсон. “Чи чухал хүн шүү” гэдгийг хамгийн түрүүнд мэдрүүлсэн газар бол ''Spirit Academy'' байсан.

Англи хэлийг ойлгоод ирэхээр хүсэл мөрөөдөл тэлж эхэлдэг юм билээ. Энгийн л нэг сурагч байсан би IELTS 7 оноо авч, Америкийн их сургуулиудад өргөдлөө илгээж, тэнцсэн. Хэрвээ би энэ замыг ганцаараа туулсан бол амаргүй байх байсан. Багш нар минь зөвхөн хичээл заагаад зогсохгүй, өргөдөл, эсээ, ярилцлага бэлдэхэд хүртэл чин сэтгэлээсээ тусалж, “Ангаа чи чадна” гэж үргэлж урам өгдөг байсан.

Энэ хугацаанд нэг ч удаа "Англи хэлээ яаж сайжруулах вэ?" гэж зовж байгаагүй. Spirit-ийн уур амьсгал, багш нарын арга барил намайг өөртөө итгэхэд хүргэсэн. Мөн би өөрөө ч хичээж, сонирхлоороо гадаад хүмүүстэй чат бичиж, ярилцаж, англиар сэтгэж эхэлсэн.

Эцэст нь хэлэхэд — өөртөө итгэ, чи чадна!

Энэ бол Spirit Academy-аас би олж авсан хамгийн том ухаарал.🌍

Spirit Academy