04/09/2026
🇨🇳🇲🇳🇷🇺 Хоёр мөнхийн хөрш улсынхаа бизнес эрхлэгчид, байгууллага, хүмүүстэй хамтран ажиллаж, харилцан холбож өгөх завшаан олдож байгаад талархаж байна.
Бараг нэг жилийн өмнөөс манай гэр бүл Өмнөд Хятадын Фошан, Гуанжоуд ажиллаж амьдарч эхлэсэн тэр үеэс бид өөрсдийн чадах зүйлсээрээ Монгол, Хятад болон бусад улс орны байгууллага, хувь хүмүүсийг холбох, хамтын ажиллагааны боломжуудыг бий болгоход анхааран ажиллаж байнаа.
Саяхан, 7-р сарын сүүлээр “ОХУ-ын Эмэгтэй Бизнес Эрхлэгчдийн Холбоо”-ны удирдлага, төлөөлөгчдийн Гуандунг мужийн Гуанжоу, Фошан, Шэнжэнь хотууд руу хийсэн Бизнес аяллыг манай компани хамтрагч бизнес түншүүдийнхээ хамт зохион байгууллаа. Энэ удаагийн аяллын хүрээнд олон талт бизнес уулзалтаар үйлдвэрлэгч болон бизнес эрхлэгчидтэй уулзахаас гадна Гуандунг мужийн эмэгтэйчүүдийн холбоотой уулзаж туршлага солилцлоо.
Гуандунг бол Хятадын эдийн засаг, үйлдвэрлэл, технологийн хөгжлийн тэргүүлэх бүсүүдийн нэг учир өнөөдөр зөвхөн бизнесийн боломж төдийгүй ирээдүйн хамтын ажиллагааны олон боломжийг олж харах боломжтой.
Хамгийн сайхан нь хоёр улсын бизнес эрхлэгчдийг нэг ширээний ард уулзуулж цаашдын хамтын ажиллагааны эхлэлийг тавьсан явдал байлаа. Мөн миний бие Гуандунг муж дах ОХУ-ын эмэгтэй бизнес эрхлэгчдийн холбооны төлөөлөгч болж, цаашдын хамтын ажиллагааг өргөжүүлэхэд хувь нэмрээ оруулах болсонд таатай байна. Биднийг үргэлж дэмжин ажилладаг Зулаа эгч тандаа их баярлалаа.
Мэдээж би эх орондоо хайртай. Иймдээ ч чадах зүйлсээрээ байгаа орчин, хүрээлэлдээ эерэг зүйлс бүтээж, хүмүүс, бизнесүүдийг холбож, шинэ боломжийн эхлэл тавихыг зорин ажилладаг.
Хөгжихөд хил хязгаар үгүй 🥰🌍
