Department of Green Energy and Engineering, NUM

28/09/2026

🇲🇳🇨🇳 ШИНЭ ТЕХНОЛОГИ – ШИНЭ ТУРШЛАГА
2026 оны 09 дүгээр сарын 21–24-ний өдрүүдэд БНХАУ-ын Хэбэй хотод зохион байгуулагдсан Зүүн Өмнөд Азийн орнуудын Эрчим хүчний яам болон цахилгаан сүлжээний байгууллагуудын төлөөлөгчдийн техникийн туршлага солилцох уулзалт-д оролцоод ирлээ.
Энэ удаагийн уулзалтаар сэргээгдэх эрчим хүчийг цахилгаан сүлжээнд их хэмжээгээр нэгтгэх үед системийн тогтвортой, найдвартай ажиллагааг хангахад чухал үүрэгтэй Grid-Forming Inverter (сүлжээ үүсгэгч инвертер)-ийн туршилт, ажиллагааны зарчимтай илүү нарийвчлан танилцсан нь онцлог байлаа.
Мөн нарны цахилгаан станц болон батарей хуримтлуурын системийг DC талд нэгтгэх DC Coupling-ийн шинэ технологи, шийдэлтэй танилцаж, ирэх жилээс нэвтрүүлэхээр төлөвлөж буй технологийн техникийн онцлог, үр ашгийн талаар мэргэжилтнүүдтэй санал солилцов.
⚡ Grid-Forming Inverter
🔋 Battery Energy Storage System (BESS)
☀️ PV + DC Coupling
🌐 Grid Stability & Renewable Integration
Эрчим хүчний шилжилт хурдацтай явагдаж буй өнөө үед шинэ технологийг зөвхөн судлахаас гадна бодит туршилт, хэрэгжилттэй нь газар дээр нь танилцах нь Монголын эрчим хүчний системд тохирох шийдлийг сонгоход чухал ач холбогдолтой санагдлаа.
Шинэ технологи, шинэ туршлага, шинэ боломж

28/09/2026

📜ПРОФЕССОР М.ОДСҮРЭН АЗИЙН ЦӨМИЙН ӨГӨГДӨЛЗҮЙН ОЛОН УЛСЫН ХУРАЛД ИЛТГЭЛ ХЭЛЭЛЦҮҮЛЛЭЭ

МУИС-ийн Инженер, технологийн сургуулийн Ногоон эрчим хүч, инженерчлэлийн тэнхимийн профессор М.Одсүрэн БНХАУ-ын Чэндү хотноо болсон Азийн цөмийн өгөгдөлзүйн олон улсын хуралд 2026 оны 9-р сарын 14-17-ны өдрүүдэд оролцож, “Толин цөмийн бүтцийн судалгаа” сэдвээр судалгааны ажлынхаа үр дүнг танилцууллаа.

Тус хуралд Монгол, БНХАУ, БНСУ, Япон, Казахстан, БНЭУ, Вьетнам, Австри улсын эрдэмтэн, судлаачид оролцов. Хурлын хаалтын хэлэлцүүлгээр оролцогчид Азийн цөмийн өгөгдөлзүйн төвүүдийн хамтын ажиллагаа, цаашдын ажлын чиглэл, залуу судлаачдыг чадавхжуулах, судалгаанд идэвхтэй оролцуулах боломжийн талаар санал солилцлоо.

24/09/2026

☢️“Цөмийн инженерчлэл” хөтөлбөрийн багш, оюутны уулзалт зохион байгууллаа.
“Цөмийн инженерчлэл” хөтөлбөрийн багш, оюутны уулзалтыг 2026 оны 9 дүгээр сарын 24-ний өдөр МУИС-ийн Цөмийн шинжлэх ухаан, технологийн үндэсний хүрээлэнд зохион байгууллаа.
🌱Уулзалтад хөтөлбөрийн нийт багш, оюутнууд, Цөмийн шинжлэх ухаан, технологийн үндэсний хүрээлэнгийн удирдлага, эрдэм шинжилгээний ажилтнууд оролцож, хөтөлбөрт шинээр элссэн оюутнуудад багш, судлаачдын судалгааны чиглэл, лаборатори, судалгааны үйл ажиллагаатай танилцах боломжийг олголоо.
Мөн багш, оюутнуудын чөлөөт ярилцлага зохион байгуулж, цаашдын сургалт, судалгааны хамтын ажиллагаа, оюутны оролцооны талаар санал солилцлоо.
Уулзалт нь “Цөмийн инженерчлэл” хөтөлбөрийн багш, оюутнуудын харилцан ойлголцол, хамтын ажиллагааг бэхжүүлэх, шинээр элссэн оюутнуудад цөмийн шинжлэх ухаан, технологийн чиглэлээр судалгаа, практикийн орчинтой танилцахад ач холбогдолтой арга хэмжээ боллоо.

14/09/2026

🖇️Хуавей Техноложи ХХК нь МУИС-ийн Инженер, технологийн сургууль (ИТС)-тай 2025 оны 5 дугаар сард хамтын ажиллагааны санамж бичиг байгуулж, сургалт, судалгаа, технологи, инновацын чиглэлээр хамтран ажиллаж байна.

Энэхүү хамтын ажиллагааны хүрээнд Хуавей Техноложи ХХК нь МУИС-ийн ИТС-ийн Ногоон эрчим хүч, инженерчлэлийн тэнхим (НЭХИТ)-ийн сургалт, судалгааны орчныг сайжруулахад дэмжлэг үзүүллээ.

МУИС-ийн Инженер, технологийн сургууль нь инженер, технологийн чиглэлээр өндөр мэдлэг, ур чадвартай мэргэжилтэн бэлтгэдэг.

11/09/2026

🗞️МУИС-ийн Инженер, технологийн сургуулийн Ногоон эрчим хүч, инженерчлэлийн тэнхимийн эрхлэгчээр доктор, дэд профессор Б.Төрмандах 2026 оны 09 дүгээр сарын 01-ний өдрөөс томилогдон ажиллаж байна.

Тэрээр тэнхимийн сургалт, эрдэм шинжилгээ болон үйл ажиллагааг зохион байгуулж, холбогдох чиг үүргийг хэрэгжүүлэн ажиллана.

07/09/2026

МУИС-ийн 2026-2027 оны хичээлийн жилийн “Нээлттэй өдөрлөг-2026” болно. 2026-09-04 Шинээр элссэн оюутнууддаа зориулан МУИС-ийн 2026–2027 оны хичээлийн жилийн “Нээлттэй өдөрлөг.....

06/09/2026

🇲🇳 МУИС-ийн магистр, докторын хөтөлбөрт элсэн суралцахыг урьж байна.

✅2026-2027 оны хичээлийн жилийн намрын улирлын магистр, докторын элсэлтийн бүртгэл https://burtgel.num.edu.mn/negdsen системээр үргэлжилж байна.

📍Бүртгэл дуусах хугацаа: 2026 оны 09 дүгээр сарын 10-ны өдрийн 17:30 цаг хүртэл.

#МУИС
#Элсэлт
#Магистр
#Доктор

06/09/2026

🎓 АХИСАН ТҮВШНИЙ ЭЛСЭЛТ
2026–2027 ОНЫ ХИЧЭЭЛИЙН ЖИЛИЙН НАМРЫН УЛИРАЛ

МУИС- Инженер, технологийн сургуулийн Ногоон эрчим хүч, инженерчлэлийн тэнхим-ийн магистр, докторын хөтөлбөрийн элсэлт явагдаж байна.

🌱 МАГИСТРЫН ХӨТӨЛБӨР
▫️ Сэргээгдэх эрчим хүч
▫️ Цөмийн инженерчлэл
▫️ Цөмийн технологи

🎓 ДОКТОРЫН ХӨТӨЛБӨР
▫️ Сэргээгдэх эрчим хүч
▫️ Цөмийн технологи

📅 Бүртгэл:
Эхлэх: 2026.07.21 | 08:30
Дуусах: 2026.09.10 | 17:30

📞 Холбоо барих: 75754400-3213

📲 Дэлгэрэнгүй мэдээлэл / Бүртгүүлэх:
Постер дээрх QR кодыг уншуулна уу.

24/08/2026

2026-2027 оны хичээлийн жилийн сургалтын нэгдсэн төлөвлөгөөтэй танилцана уу

18/08/2026

https://news.num.edu.mn/?p=116221

Улаанбаатар хотод НҮБ-ын Уур амьсгалын өөрчлөлтийн асуудлаарх талуудын бага хурал (COP)-ыг зохион байгуулахтай холбогдуулан хотын замын хөдөлгөөн, нийтийн тээвэр, а...