НЕБ-ын Боловсрол сургууль

14/05/2026

🌲☘️🍀“ЭРҮҮЛ ОРЧИН – НОГООН ИРЭЭДҮЙ”

2026 оны 05 дугаар сарын 12-ны өдөр Багануур дүүргийн хөгжил цэцэглэл, ногоон ирээдүйг бүтээлцэх аяны хүрээнд Korean Air компанийн ажилтнууд болон Солонгосын залуучуудтай хамтран “Korean Air төгөл”-д мод тарих, сургалт нөлөөллийн ажлыг амжилттай зохион байгууллаа.

Тус үйл ажиллагаанд 11–6 ангийн сурагчид идэвхтэй оролцож, нийт 1000 мод тарин ногоон байгууламжийг нэмэгдүүлэхэд хувь нэмрээ оруулсан. Мөн “Боинг 777” агаарын хөлгийн нэрэмжит 1000 суулгацын хандивтайгаар нийт 2000 мод нэмж тарьж, модны арчилгаа, мөчир засалтын ажлыг хийж гүйцэтгэсэн.

Үйл ажиллагааны хүрээнд:

✈️ Нисэх инженерчлэлийн сонирхолтой хичээлд 7–9 ангийн 48 сурагч, 8–7 ангийн 5 сурагч хамрагдсан
🏐 “Jumbos” гар бөмбөгийн сургалт зохион байгуулагдсан
🌳 Мод тарих, арчлах дадлага ажил хийсэн
🌏 Монгол, Солонгос 2 улсын соёл, боловсролын талаар харилцан ярилцаж, туршлага солилцсон
Сурагчдын байгаль орчноо хамгаалах, мод тарих, арчлах мэдлэг, хандлага нэмэгдсэн
Ногоон байгууламжийг нэмэгдүүлэхэд бодит хувь нэмэр оруулсан
Сурагчдын олон улсын харилцаа, харилцан ойлголцол, багаар ажиллах чадвар хөгжсөн
Нисэх инженерчлэл болон спортын чиглэлийн сонирхлыг нэмэгдүүлсэн
Сурагчдад эерэг хандлага, экологийн боловсрол төлөвшүүлэхэд үр дүнтэй ажил болсон

Korean Air компанитай хамтран хэрэгжүүлсэн энэхүү үйл ажиллагаа нь сурагчдын оролцоонд тулгуурласан байгаль хамгааллын бодит ажил болж, “ЭРҮҮЛ ОРЧИН – НОГООН ИРЭЭДҮЙ БИДНИЙ ОРОЛЦООНООС ЭХЛЭНЭ” уриаг хэрэгжүүлэхэд чухал хувь нэмэр оруулсан арга хэмжээ боллоо.

14/05/2026

Нийслэлийн ерөнхий боловсролын лаборатори Боловсрол сургуулийн захирлаар ажиллаж байсан эрхэм хүндэт М.Туулсайхан танд “МОНГОЛ УЛСЫН ГАВЬЯАТ БАГШ” хэмээх төрийн дээд хүндэт цол хүртсэнд чин сэтгэлийн халуун баяр хүргэе.
Таны боловсролын салбарт олон жил үнэнчээр зүтгэж, хүүхэд бүрийн хөгжил, төлөвшил, мэдлэг боловсролын төлөө зориулсан хөдөлмөр, хичээл зүтгэл ийнхүү төр түмэнд өндрөөр үнэлэгдэж буйд бид бүхэн баяртай байна.

Эрдэм боловсролын үрийг түгээн дэлгэрүүлж, олон шавийн ирээдүйг гэрэлтүүлсэн таны ажил үйлс улам бүр өөдрөг дэлгэрч, эрүүл энх, аз жаргал, сайн сайхан бүхнээр дүүрэн байхыг хүсэн ерөөе.

Таны гэгээн үйлс үеийн үед үргэлжилж, олон шавийн бахархал, үлгэр дуурайл болсоор байх болтугай.

Хүндэтгэсэн: Боловсрол сургуулийн хамт олон

14/05/2026

13/05/2026

📢 ГҮЙЦЭТГЭЛИЙН ҮНЭЛГЭЭ ЭХЭЛЛЭЭ

Сургалтын байгууллагын гүйцэтгэлийн үнэлгээ 2026 оны 05 дугаар сарын 11–19-ний өдрүүдэд:
✔️ Байгууллагын үнэлгээ
✔️ Багшийн үнэлгээ
✔️ Суралцагчийн шалгалт
гэсэн 3 чиглэлээр зохион байгуулагдаж байна.

Тус үнэлгээнд Боловсрол сургуулийн нийт 129 багш хамрагдаж байна. Үүнээс:

Цахимаар – 82 багш
Бичгийн шалгалтаар – 24 багш
Сорил, гүйцэтгэх даалгавраар – 9 багш
Бусад хэлбэрээр – 14 багш

Нийт давхардсан тоогоор 4500 гаруй суралцагч хамрагдахаар байна.

📌 Даваа гарагт:

14 багш
519 суралцагч

📌 Мягмар гарагт:

14 багш
501 суралцагч

хамрагдаж, гүйцэтгэлийн үнэлгээний явц 22%-тай үргэлжилж байна.

🤝 Гүйцэтгэлийн үнэлгээнд хамрагдаж буй нийт багш, суралцагчдадаа амжилт хүсье!

13/05/2026

ГАДААД ХЭЛНИЙ БАГШ НАРЫН ТУРШЛАГА СОЛИЛЦОХ БАГА ХУРАЛ 6 ДАХЬ ЖИЛДЭЭ АМЖИЛТТАЙ ЗОХИОН БАЙГУУЛАГДЛАА.
Манай сургуулиас 2016 онд анх дүүргийн хэмжээнд , 2017 онд нийслэлийн хэмжээнд 2018 онд бүс, 2021 онд Лингорс ОУын байгууллагатай хамтран улсын хэмжээнд зохион байгуулж эхэлсэн билээ.
БАГА ХУРАЛ 2026 оны 05 сарын 10ны өдөр болж цахим болон танхимаар нийт 63 илтгэл уншигдаж,туршлага солилцох ажил амжилттай болж өндөрлөлөө.
Энэхүү ажлыг тогтвортой авч явж жил бүр зохион байгуулж ажилладаг гадаад хэлний хамт олон, болон Paagii Palam багшдаа тусгайлан талархаж,баяр хүргэе.
Энэ жилийн хурлын онцлог нь танхим болон цахим хэлбэрээр явагдсан нь монгол улсын өнцөг булан бүрт ажиллаж амьдарч байгаа багш бүрт хүртээлтэй өөрсдийгөө хөгжүүлэх боломжийг бүрдүүлсэн явдал байлаа. Нийслэлийн СОШ 162-р сургуулийн 4 орос багш хүрэлцэн ирж илтгэл тавьсан нь орос хэлний багш нарт илүү үр дүнтэй байлаа. Мөн 47-р сургуулийн багш нар маань Филиппин багштайгаа ирж оролцлоо.

04/05/2026

Англи хэлний “EFEKTA” төслийн хүрээнд “ENGLISH SPEECH CONTEST–2026” илтгэлийн уралдаан дүүргийн 3 сургуулийн дунд амжилттай зохион байгуулагдлаа.
Уралдаанд 10, 11 дүгээр ангийн нийт 47 сурагч оролцож, англи хэл дээр илтгэл тавин өрсөлдсөнөөс манай сургуулиас 20 сурагч амжилттай оролцлоо.
10 дугаар ангийн төрөлд 10-6 ангийн сурагч Р.Даваадолгормаа – I байр
11 дүгээр ангийн төрөлд 11-6 ангийн сурагч Г.Энхлүүн – II байр тус тус эзэллээ.
Мөн:
11-7 ангийн сурагч О.Баяржавхлан
10-6 ангийн сурагч Б.Уранбилэг
11-3 ангийн сурагч Б.Ундармаа нар нэрэмжит шагналаар шагнагдлаа.
Амжилттай оролцсон сурагчид болон бэлтгэсэн багш нартаа баяр хүргэе!🥰🥰🥰

27/04/2026

Эрхэм хүндэт эцэг эх асран хамгаалагч та бүхнийг хүрэлцэн ирэхийг урьж байна.