Bichekeen

ХӨХ МАНХАН ТЭНГЭРИЙН ХААН, ЭРДЭНИЙН САЙН АЖНАЙ ХҮЛГИЙН ХОРИН НЭГЭН ШИНЖ ХОТОЛ ТӨГС БҮРДСЭН ХӨХ ХАЛЗАН МОРЬТ, ЭРИЙН САЙН АЖРАЙ НӨХРИЙН ДАЛАН ХОЁР ШИНЖ ДААМАЙ САЙН БҮРДСЭН, АЧТАН БҮХНЭЭ ТАЛАРХАН АСРАГЧ, АТААТАН БҮРЭЭ ТАЛАН СӨНӨӨГЧ, ХАГАЦАШГҮЙ ИВГЭЭЛТ – ХАЛДАШГҮЙ ИРТ ХӨХ АЯНГАТ ХӨХДЭЙ МЭРГЭН БААТАР... тууль хэвлэгдэхэд бэлэн болсон.

✨ Тууль бууж ирсэн тэнгэр:
Маралын тавин таван цагаан тэнгэрийн тэргүүлэгч есөн цагаан тэнгэрийн нэг цагаан тэнгэр ҮР ЦАГААН ТЭНГЭР

✨ Тууль хайлсан дээдэс: ЦАВ-АДАЙ Ээхэн дээдэс

✨ Тууль буулгасан уламжлагч:
Монгол Цагаан Домын ЭЭХЭН Ихэрэс язгуурын хорин хоёрдох үеийн уламжлагч Илээхэн Ээхэн

🪻🤍✨ТАЛАРХАЛ✨🤍🪻
Тэнгэр, номын үйл, хувь тавиланг минь ойлгож, хүндэтгэж бүх талаар тусалж дэмждэг урьдын сайн ерөөлт ураг төрөл садан, хожмын сайн ерөөлт хотол хань нөхөд Эрдэнийн Алдар, Аргун Сэнгэл, Чирэкн Бады, Цогтхүүгийн Ганхүү, Дандарын Жаргалсайхан, Зэгэвийн Дорж, Хувьтын Од, Иргитийн Саян, Гонгоржавын Содбаатар, Галбадрахын Сонгон, Ёстын Сэцэнбилэг, Ширкет Хансар нартаа гялайлаа.
Хөх мөнх тэнгэр, Ата таван тэнгэр, Чонос, Маралын ерөн есөн тэнгэр, Хаан Хурмаст гучин гурван тэнгэр, Хатан Хуулар хорин нэгэн тэнгэр, Хөрст алтан дэлхий та бүхнийг үеийн үед, үрийн үрд, үргэлжийн мөнхөд ивээг!

💞✨ ГИЙЛЭЭ 🤍🥰
💞✨ ГЯЛАЙЛАА 🤍🥰
💞✨ ТАЛАРХЛАА 🤍🥰


#МонголЦагаанДом

ЗҮҮД, ЗҮҮД ГЭЖ ЮУ ВЭ?
/ЗҮҮД ТАЙЛАХ, ЗҮҮДНИЙ ЙОГА/

ЗҮҮД, ЗҮҮД ГЭЖ ЮУ ВЭ?
ЗҮҮД ТАЙЛАХ, ЗҮҮДНИЙ ЙОГА

Зүүд бол хүний Хий бие (нарийн бие, сэтгэл), Гэрлэн бие (хэт нарийн бие, оюун ухаан) хоёрын нэгдлээр бүтсэн Сүнсэн биеийн хэл, мэдрэмж юм.
Иймд ихэнх зүүд бидний эгэл/ил ертөнцийн хэлээр биш, нарийн/далд ертөнцийн хэлээр буюу ёгт хэлбэртэй байдаг. Ихэнх зүүд ёгт хэлбэртэй байдаг учраас зүүдийг тайлах шаардлага гардаг. Зүүд тайлах гэсэн ойлголт байдаг.

Зүүдээ тайлахын тулд эхлээд зүүдээ сайтар манаж сурах хэрэгтэй. Дараа нь манасан зүүдээ тайлна.

Улмаар зүүдний йога буюу:
• зүүдээ, зүүдэнд болж байгаа үйл явдлыг өөрийн хүссэнээрээ удирдаж сурах
• махбод биеийг унтаж амарч байх чөлөөнд сүнсэн биеэ удирдан түүгээр хийлгэж болох бүх зүйлийг хийлгэж сурах хэрэгтэй. /макро, микро сансрын астрал аялалууд, бүх төрлийн сурах үйл гэх мэт/

Миний багш Мисцү Нару Монгол хэлийг зүүдний йога-р сурсан хүн байсан. Багш минь Монгол хэлийг, тэр дундаа монгол бичгийн сонгодог хэлийг надаас ч илүү мэддэг хүн байсан.
Зүүдний йога өндөр түвшинд хийж байна гэдэг бол тэр хүний гэрлэн бие (оюун ухаан) хий биеэ (нарийн бие/сэтгэлээ) бүрэн эрхшээсний илрэл.
Судрын хэлээр гэрлэн биеийнх нь бүх нандин функцууд бүрэн нээгдэж гэрлэн бие нь энгийн гэрлэн бие биш, талст тунгалаг гэрлэн бие болсны илрэл, баталгаа юм.

Би багшийгаа дуурайж зүүдний йога-р Хятад хэл сурах гэж оролдоод санасан амжилтандаа хүрч чадахгүй л байна. Боломжийн сургалт олоод сууна аа. Гэтэл нэг мэдэхэд сургалтнаасаа гараад явчихсан шал өөр газар зугаалаад, тэнээд явж байдаг. Энэ бол миний гэрлэн бие хий биеэ бүрэн эрхшээж чадахгүй байгаагийн илрэл, баталгаа.
Өөрөөр хэлбэл би өөрийнхөө хий биеийг бүрэн таньж мэдэж, туулж гаталж, эрхшээж чадахгүй байна. Миний гэрлэн бие хий биеэ бүрэн эрхшээх хөгжлийн түвшинд хүрээгүй байна гэдгийн жинхэнэ, бодит баталгаа.
Ийм учраас би хүний:
• нарийн бие
• нарийн биеийн түвшний
• нарийн бие дээр хадгалагддаг үйлийн үрийн түвшний үзлэг, оношлогоо, засал, зүүд тайлах зэрэг ямар нэг үйл огт хийдэггүй.
Өөрийнхөө нарийн биеийг бүрэн таньж, мэдэж, туулж гаталж, эрхшээж чадаагүй хүн бусдын нарийн биеийг шинжинэ, тодорхойлно, засна, зална... гэж байхгүй. Тэр дундаа бүрэн зөв шинжинэ, тодорхойлно, засна, зална... гэж байхгүй.
Өөрийгөө бүрэн таньж мэдэж, туулж гаталж, эрхшээж байж дараа нь хүсвэл (хэн, хэн нь/ өрөөлийг.
/Мөн би зөвхөн номын үйлтэй учир номын үйлээ л өөрийн чадах, мэдэх, болох бүтэхээрээ хийх ёстой. Өөр зүйлээр хөөцөлдвөл үндсэн үйл маань орхигдоно./

Зүүдийг ерөнхийд нь:
• Зөн/Совингийн
• Мөрөөдөл/Айдас түгшүүрийн
• Мунхаг самууны гэж гурав ангилнна.

Зүүд бол хүний сүнсэн биеийн хэл, мэдрэмж учир сүнс ухамсрын хөгжил зүүдний тод, тунгалаг чанар хоёр шууд хамааралтай.

Зүүд бол хүний сүнсэн биеийн хэл, мэдрэмж учир танд, таны сүнсэнд:
• юу учирч тохиолдох гэж байгааг
• юу учирч тохиолдсоныг
• юу учирч тохиолдож байгааг зүүд тань илэрхийлнэ.

Ийм учраас зүүдийг хайхрахгүй орхиж болохгүй.


✨ ТАЛАРХЛАА ГЯЛАЙЛАА ГИЙЛЭЭ ✨

ҮРГЭЛЖ САЙХАН ЗҮҮД МАНААРАЙ ✨🩷🙏

Нийтлэл бичсэн: Илээхэн Ээхэн

эх сурвалж:
• Монгол Цагаан Домын галигт ном "ЯТГАЛ" судар
• Монгол Цагаан Домын цалигт ном "ҮРЭКЕЛН" судар
• Монгол Цагаан Домын онол, тайлал, аргазүйн сургалт

🌍🔑⏱️Сургалтын хөтөлбөр:
https://www.facebook.com/share/p/1B2ohV7bWs/

#МонголЦагаанДом

Монгол Цагаан Домын "ШИНЭ ХИЧЭЭЛ" 4 сарын 4-нд, өглөө 06:00 цагт эхэлнэ.

#МонголЦагаанДом

АТА ТАВАН ТЭНГЭР, ЗАЯАЧ ТАВАН ТЭНГЭР

Ата таван тэнгэр бол монгол улс үндэстнийг газар эх дэлхий дээр үүсгэж, бий болгож таван тусгаар тогтнолыг нь тогтоож, таван байдлын тухыг нь хангасан монгол улс үндэстний эцэг, ихэс дээдсүүд заларсан, залардаг, залрах эцэг таван тэнгэрийн нэр юм. Ата гэдэг нь өвөг монгол хэлний эцэг гэсэн үг. Ата таван тэнгэр бол андгарт буюу андгайт тэнгэрүүд. Энэ утгаар нь Ата таван тэнгэрийг Анд таван тэнгэр гэж бас нэрлэдэг. Андгай гэж энэ ертөнц төгсөх хүртэл тавьсан гэрээг хэлдэг. Ийм учраас Андгарт тэнгэрүүд/Ата таван тэнгэр бол эрэмбэ зиндаагаараа Мөнх тэнгэрийн дараа ордог тэнгэрүүд. Ата таван тэнгэр нь таван ширхэг тэнгэр биш таван бүлэг тэнгэр.

Таван их хар сүлд зөвхөн цэргийн сүлд биш. Таван хар сүлд бол монгол төрийн:
- Хамгаалалт, сүр хүчний
- Хар домын,
Ата таван тэнгэрийн нэгдсэн оньс юм.

Тэнгэр язгуурт тэнгэр шүтлэгтнүүд:
- Ата таван тэнгэр
- Заяач таван тэнгэр гэсэн хоёр өөр таван тэнгэр тахиж шүтдэг.

Сүүлийн үед тэнгэр шүтлэгийн Ата таван тэнгэр, Заяач таван тэнгэрүүдийг Буддын шашны Лха таван тэнгэр (Гови Лха) гэдэг сахиуснуудтай хольж хутгаж ойлгож, ярьдаг болсон байна.
Тэнгэр шүтлэгийн:
- Ата таван тэнгэр
- Заяач таван тэнгэр нь Буддын шашны Лха таван тэнгэр (Гови Лха) гэдэг сахиуснуудаас тэс өөр зүйлүүд шүү.

ЗАЯАЧ ТАВАН ТЭНГЭР

Тэнгэр шүтлэгийн Заяач Таван Тэнгэр:
• Уг/Язгуур
• Дээдэс
• Онгод
• Сахиус
• Нутаг орон, уул усны эзэд.
Энэ тав бол хий биетүүд буюу:
• Асарын айнхан (Цагаан Дом), Тэд бол хагас тэнгэрүүд.
• Асурын дээд эрэмбийнхэн (Буддын гүн ухаан)
• Дээд астралынхан (Орчин үе)

Заяач таван тэнгэрүүд бол зарлигтнууд болон тангарагтнууд.

Тэд хий биетний хүрээнд оршиж байгаа хий биетүүд ч:
- сүнсний язгуурын хувьд тэнгэр язгууртнууд учраас
- тэд хагас тэнгэрүүд учраас
- мөн тэднийг хүндэтгэх үүднээс тэнгэр гэж нэрлэж дууддаг.
Тэд тухайн хүнтэй, тухайн ураг удам, тухайн ус нутгийнхантай заяа тавилангаар, сайн үйлийн барилдлагаар, тангараг, зарлигаар холбоотой учир “Заяач таван тэнгэр” гэж нэрлэдэг.
Гови Лха бол Тэнгэр шүтлэгийн таван тэнгэрүүдийн аль нь ч биш.
Гови Лха лам нар тэнгэр шүтлэгийн таван тэнгэрүүд, гэр онгонуудаас санаа авч, дуурайж зохиосон зохиол (программ), нөгөө бол лам нарын өөрсдийнх нь залж босгож, тахиж шүтэж биежүүлсэн сахиуснууд, асурийн хий биетүүд байх боломжтой. Гови Лхагийн:
1. Шүтлэг, тахилгын зан үйлийг нь харахад
2. Лам нарын өөрсдийнх нь Гови Лхагаа тайлбарлаж байгаа тайлбаруудыг үзэхэд Гови Лха бол сахиуснууд байдаг.
Сахиуснууд бол Дээд астралын таван их хүрээнийхний зөвхөн нэг л хүрээнийхэн нь. САХИУС гэсэн их хүрээнийхэн нь.
Ураг удам бүхний Заяач таван тэнгэр өөр.
Тэнгэр шүтлэгийн Заяач таван тэнгэр бол нэг зураг зурж тавьчихаад бүгд нийтээрээ шүтдэг зүйл биш.
• Улаач бүхэн дээр өөр өөрийнх нь ураг удмын өөр өөр онгодууд буудаг. Энэ онгодууд бол Тэнгэр шүтлэгийн Заяач таван тэнгэрийн "ОНГОД" гэсэн их хүрээнийхэн.
• Нутаг орон, уул ус бүхэн өөр өөр эзэнтэй байдаг. Энэ нутаг орон, уул усны эзэд бол Тэнгэр шүтлэгийн Заяач таван тэнгэрийн "НУТАГ ОРОН, УУЛ УСНЫ ЭЗЭД" гэсэн их хүрээнийхэн.
Ураг удам бүхэн:
- өөр өөр уг язгуур
- өөр өөр ихэс дээдэстэй
- өөр өөр онгодуудтай
- өөр өөр сахиус хамгаалалттай
- нутаг орон, уул усны эзэд нэг нутаг оронд төрж өссөн хүмүүсийнх ижил, өөр өөр нутаг оронд төрж өссөн хүмүүсийнх мөн өөр өөр байна.
Эндээс Тэнгэр шүтлэгийн Заяач таван тэнгэр болон Гови Лха гэдэг сахиус шүтээний ялгаа, тэд нэг зүйл биш гэдэг нь тодорхой харагдана.

Тэнгэр шүтлэгт:
• АТА ТАВАН ТЭНГЭР
• ЗАЯАЧ ТАВАН ТЭНГЭР
гэсэн хоёр өөр таван тэнгэрүүд, нандин шүтээнүүд байдаг.
АТА ТАВАН ТЭНГЭР
1. Ата таван тэнгэр бол хий биетүүд биш. Өндөр түвшний гэрлэн биетүүд.
2. Ата, Заяач гэсэн хоёр үг хэлзүйн хувьд хоёр өөр утга илэрхийлдэг хоёр өөр нэр томъёо.
3. Ата таван тэнгэр, Заяач таван тэнгэр хоёр оршихуйн хувьд ч хоёр өөр оршихуй. Нэг нь гэрлэн биетэй. Нөгөө нь хий биетэй.
Ата таван тэнгэр бол тэнгэрүүд буюу гэрлэн оршихуй. Гэрлэн биет оршихуй. Гэрлэн биет оршихуйн дээд эрэмбийнхэн. Ата таван тэнгэр бол андгартнууд.
Ата таван тэнгэрийг Чоносын язгуурынхан, тэр дундаа:
• Алтан ургийнхан
• Урин-Хиад (Урианхай ястай, Хиад цустай)
• Бүри-Хиад (Буриад ястай, Хиад цустай)
• Дар-Хиад (Дархад ястай, Хиад цустай) зэрэг язгуурын монгол ураг удмынхан тахиж тайдаг. Бүри-Хиадын тэр зайран, Урин-Хиадын тэр удган, Боржигины энэ зайран, Дар-Хиадын тэр удган тахиж тайдаг гээд тоочилтой биш.
Тэнгэр шүтлэгийн халдашгүй-хагацашгүй нандин шүтээнүүд угаасаа хүн толгойтой бүхэн мэдэх, хүн толгойтой бүхэнд хамаатай, хүртээлтэй зүйл биш. Харин мэдэхгүй байж мэддэг юм шиг ярьцгаагаад, хаа хамаагүй өөр зүйлтэй хольж хутгаад, гутаагаад байж болохгүй.

Монгол туулийн амин сүнс болсон:
Унтаршгүй мөнхийн гал гэдэг мөрийн "гал" гэдэг үгийг "зул" гэдэг үгээр
Унашгүй мөнхийн сүлд гэдэг мөрийн "сүлд" гэдэг үгийг "ганжир" гэдэг үгээр сольсон
Урвашгүй мөнхийн нөхөд гэдэг мөрийг нь бүр алга хийсэн байна. Монгол хүмүүс өөрсдийгөө ингэж жатгална гэж арай ч байхгүй байх. Бурангуй үзлээр мунхарсан хүмүүсийн л балмад үйлдэл байх гэж туульч дээдэс ихэд таагүй хандаж, Монгол тууль гэж нэг иймэрхүү анзааны юм байдаг юм шүү гэж тууль хайлж бичүүлж байсан.

Монгол туулийн:
- галыг зул
- сүлдийг ганжир болгосон шигээ тэнгэр шүтлэгийн таван тэнгэрүүдийг бүгдийг сахиус болгочих гээд үзэж тарцгаагаад байх юм аа, зарим хүмүүс. Болимоор юм.

Шил сайт Агис минь
Шивэргэл сайт Агас минь
Үнэн мөнхийн ёсы минь
Үсэг үгүй судры минь
Үрдээ заадаг номы минь
Үнс болгож чадахгүй
Үгүйсгэж хэн ч дийлэхгүй
Үгүйрүүлж хэзээ ч барахгүй
/Монгол Цагаан Домын өчил, тангарагийн шүлгүүдээс/

нийтлэл бичсэн Илээхэн Ээхэн

эх сурвалж:
• Монгол Цагаан Домын галигт ном "ЯТГАЛ" судар
• Монгол Цагаан Домын:
- онол, тайлал
- аргазүйн сургалт

https://www.facebook.com/share/p/182tNLQVdi/

Эрдэнэт хүний төрөл олж байгаа, олсон тодорхой өндөр түвшинд хөгжсөн сүнс оршиж байсан бодгаль биеийг нь устгалаа гээд устаж замхарчихгүй.
Харин:
- дараагийн төрлөө
- оршиж байсан савыг нь үгүй хийсэн /оршиж байсан сав нь үгүй болсон/ учир өөр орших сав орон олох гэж тодорхой хугацаанд завсрын ертөнцөд гацдаг.

Оршиж амьдрах гэж байсан савыг нь устгасан хүмүүстэйгээ гомдол нэхэж, бас үйлийн үрийн холбоогоороо ойр байдаг.

Хоёр танил минь гадагшаа явах виз нь гарчихсан чинь хүүхдээ авахуулсан. Гэтэл хүүхдийнх нь сүнс гэртээ үлдчихсэн байсан. Их ариухан өндөр хөгжилтэй сүнс байсан учир тэр сүнс бүхнийг ухаарч өршөөж бүрэн амирлаж, тэр хэрээрээ илүү сайн төрөл олсон.

Оршиж байсан савыг нь устгачихаар тэр сүнс маш их гэмтдэг, эрчмээ алддаг. Гэхдээ үхдэггүй. Сүнс бол Мөнх биш. Энэ оршихуй бол Мөнх бус оршихуй. Иймд энэ оршихуйд Мөнх зүйл нэг ч байхгүй. Сүнсийг бүтээсэн нарийн, хэт нарийн материуд Мөнх бус чанартай учир сүнс Мөнх байх боломжгүй. Гэхдээ сүнс бидний энэ дүрст ертөнцийн тоо тооллоор тоолох, тооцох боломжгүй урт настай.

Аборт, аваар осол, аллага... гэх мэтээр гэнэт өөдлөсөн ихэнх хүний сүнс эхэндээ учраа олохгүй балмагддаг. Бие нь үгүй, амьдрах боломжгүй болсныг мэдээд маш их цочирддог, гэмтдэг, хамаг эрчмээ алддаг. Дахин төрөл олох гэж маш их хичээдэг. Төрөл олж чадахгүй удвал зийдөр, завсрын хий биет, тэнэмэл сүнс... болно.
Тэднийг зийдөр болохоос нь амжиж хамгийн түрүүнд тэднийг амирлуулах үйл хийнэ. Тэгж байж дараа нь сайн төрөл олоход нь тусална.

Монгол бөө мөргөлийн ёсонд бол тэднийг эхлээд аялгуугаар аргадаж, дараа нь номоор ухааруулж сэнхрүүлдэг. Хэл хуурын "ЭГШИЛГЭ" гэдэг аялгуугаар, болон домын дуунуудаар аргадах, амирлуулах үйлийг нь хийдэг. Энэ үйлийг улаач болгон хийхгүй. Зөвхөн лус аргаддаг, лус аргадаж чаддаг улаач нар, голцуу удгадууд хийдэг.

Илээхэн Ээхэн

#МонголЦагаанДом

💖 ЗҮРХЭЭ ХАЙРЛААРАЙ 💖🙏🙏🙏

Сүүлийн 8 хоногт манай салонд/бариан дээр зүрхний асуудлаасаа болоод хямарсан, бие нь тавгүйтсэн 11 хүн ирсний 6 нь:
- даралтны эмээ уучихсан
- тайвширчихсан, зөөлөн бариа хийгээд хямарч чангарсан булчинг нь суллаад өгч болохоор,
Харин үлдсэн 5 нь:
- бариа хийж болохооргүй, эсрэг заалттай
- бие нь, тэр дундаа амин чухал амьсгал, зүрх судас, булчин, мэдрэл, хоол боловсруулах зэрэг эрхтэн системүүд нь нэгэн зэрэг хүчтэй хямарсан хүмүүс ирлээ.

Тэднийг ийм шинж тэмдэг илэрч байгаа үед бариа хийлгэж болохгүй. Эмнэлэгт яаралтай хандаарай. Тайвширсан ч, хурц шинж тэмдэг намдсан ч заавал эмнэлэгт хандаарай гэж хэлээд явуулсан.

Тэд:
❗ бие нь, тэр дундаа биеийнх нь зүүн тал нь тэр чигээрээ хүнийх юм шиг болсон (өөрсдийнх нь хэлж байгаагаар)
❗ бүх бие нь, биеийн захын хэсгүүд нь, тэр дундаа биеийн зүүн хэсэг нь гар хүргэхгүй болтлоо хөндүүр, өвчтэй болсон
❗ дээшээ хөөрсөн
❗ хоолой нь боогдож байгаа юм шиг мэдрэмжтэй
❗ цээжин дээр нь хүнд юм дарчихсан, эсвэл цээжийг нь баглаад боочихсон юм шиг мэдрэмжтэй
❗ дотор нь муухайрсан
❗ толгой нь эргэсэн
❗ толгой нь өвдсөн
❗ хүйтэн, хар хөлс нь урссан
❗ зарим нь өнөөдөр ямар нэг арга хэмжээ авахгүй энэ чигээрээ унтвал маргааш босож ирэхгүй ч байж магадгүй гэсэн айдастай ямар нэг арга хайж байгаа хүмүүс байсан.

Би оюутан байхаасаа, 2010 оноос хойш арван тав, зургаан жил эмнэлэгт болон хувиараа эмчилгээний бариа засал хийж байна. Янз бүрийн хүнд, хөнгөн зовиуртай хүмүүстэй, янз бүрийн тохиолдлуудтай таардаг. Гэхдээ хэзээ ч өнгөрсөн найм хоног шиг тавгүйтэж үзээгүй.🥺💞

ЗҮРХЭЭ ХАЙРЛААРАЙ, ТА БҮХНЭЭС ГУЙЯ 💖🙏🙏🙏

Сүүлийн үед хүмүүст, бүр 40-с доош насны залуу хүмүүст:
- зүрхний архаг болон цочмог дутмагшилийн маш тод шинж тэмдэгүүд
- зарим хүмүүст зүрхний шигдээсийн урьтал үеийн шинж тэмдэгүүд маш тод илэрч байна.

Дээрх 11 хүний 9 нь 40-с доош насны хүмүүс байсан 🥹🥹🥹.

Эмнэлэгт биш, Зүрх судасны эмнэлэгт биш, зөвхөн нэг гоо сайхны салон дээр, зүгээр л нэг бариа заслын газарт өдөрт 1-2 ийм хүнд асуудалтай, аврал хайсан байдалтай хүн ирнэ гэдэг асуудал биз дээ...!!!???❗

💖 ЗҮРХЭЭ ХАЙРЛААРАЙ 💖

Монгол Цагаан Домын "ШИНЭ ХИЧЭЭЛ" 04/IV-нд эхэлнэ.

🌹 Монгол Цагаан Дом бол Гийн буюу Маралын айн Тавин таван цагаан тэнгэрийн технологи

🌹 Монгол Цагаан Дом бол Микро сансрын технологи

🌹 Монгол Цагаан Дом бол Далд ухамсрын программинг

Монгол Цагаан Домын:
• онол, тайлал
• аргазүйн сургалт

✅🌏📝Сургалтын хөтөлбөр:
https://www.facebook.com/share/1ApmBkCHnk/

#МонголЦагаанДом

"Хоолонд орох уу", "Хоол идье", "Юу идэхэв", "Хоолонд ороё л доо..."

Хоол идэж байгаа хүн, хүн хоол идэх үйлдэл тийм сайхан харагддаг уу...???

Манайхны юм л бол хоол иддэг, хоолонд ордог соёл надад огт таалагддаггүй.

Хоолыг гэрийнхээ гал тогоонд, гэр бүлийнхэнтэйгээ идэх л хамгийн зохистой.

Мэдээж, ажилтай үед хамт ажилладаг хүмүүстэйгээ цайны цагаар:
• гарч өдрийн хоол идэх
• байгаа зүйлээ хувааж идэх бол хэвийн.

Хоол идэхэд идэж байгаа хоол хамгийн чухал. Хоолыг хэзээ, хаана, ямар орчинд, хэнтэй идэх вэ гэдэг ямар хоол, юу идэх вэ гэдгээс илүү биш ч, дутуугүй чухал.

• Хэзээ ч хамаагүй, хэнтэй ч хамаагүй, хаана ч хамаагүй
• Зүс таньдаг, танихгүй, сайн танихгүй, эрхэм хүндтэй, эсвэл зөвхөн ажлын харилцаатай хүмүүстэйгээ:
- ажил ярингаа хоол идэх
- ажил ярихын тулд хоол идэх
- ажил ярьчихаад хоол идэх тийм гоё уу...
Хоол тийм чухал уу...???
• Хоол идэхгүй л бол ажил явахгүй юу?
• Хоол идэхгүй л бол амьд харилцаа үүсэхгүй юу?
• Хоол идэхгүй л бол нэгдэж, хамтарч чадахгүй юу?
• Хоол идэхгүй л бол болохгүй юу?
Хоол, Хоол, Хоол🤭🙄😶

Ойр дотно холбоо, харилцаагүй, зүс таньдаг төдий, эсвэл зөвхөн ажлын харилцаатай, нэг бол танихгүй хүний "Хоолонд орох уу", "Хоол идье", "Юу идэхэв", "Хоолонд ороё л доо..." гэдэг үгс надад зарим нэг хараал зүхэл, шүүмжлэл, дайрлагаас ч дараатай санагддаг.
Би хоол идэх хэрэгцээгээ өөрөө шийднэ шүү дээ. Миний хоол идэх хэрэгцээ, хоол идэх хүсэл сонирхол, хоол идэх сонголт бол хэн нэгэн миний өмнөөс шийдвэр гаргах, надад тулгах, надаас шаардах ёсгүй би өөрөө л шийдэх, сонгох хувийн чанартай зүйл.

Хаана ч, Хэзээ ч, Хэнтэй ч хамаагүй, Хэний ч дэргэд хамаагүй... идэж уух нь надад мал амьтнаас огт ялгаагүй санагддаг.

Хүн хоол, нойр, уур гурваа зохицуулж чадвал, сурвал их олон зүйлийг шийдэж чадна гэж эмээ минь захидаг байлаа🥰💖🙏

Их иддэг, Их ярьдаг, Их унтдаг хүмүүсээс аль болох хол яваарай... гэж аав минь үргэлж захидаг байлаа🥰💖🙏

нийтлэл бичсэн Илээхэн Ээхэн

#МонголЦагаанДом