Нийслэлийн хүүхдийн 271-р цэцэрлэг

2022–2026 ОНЫ 5 ДАХЬ ТӨГСӨЛТ 🎓

Нийслэлийн хүүхдийн 271-р цэцэрлэгийн 2025-2026 оны хичээлийн жилд 5 дахь төгсөлт бэлтгэлийн 4 бүлгийн 188 хүүхэд сургуулийн өмнөх боловсролын 200-аас дээш цагийг судлан төгсөж байна. Бяцхан хүүхдүүд маань 4 жилийн туршид сурсан, мэдсэн, дадсан зүйлсийнхээ дээжсээс хаврын тайлант тоглолтоо урлагын үзүүлбэрүүд бэлтгэн эцэг эх, асран хамгаалагч нартаа толилууллаа.

Хүүхэд насны анхны эзэмшсэн боловсрол бөгөөд тэдний анхны төгсөлтийн баяр, эрдмийн баяр нь хүний амьдралын хамгийн нандин, мартагдашгүй мөчүүдийнх нь нэг билээ. Энэ торгон агшинд хайртай ээж аавынхаа сэтгэл дүүрэн мэндчилгээ, ерөөлийг авсан бяцхан төгсөгч баяр хүргэе.

Хүүхэд бүрийн хөгжил, хүмүүжил, сурч боловсрох их үйлсэд үргэлж хамтран ажиллаж, дэмжиж ирсэн эцэг эх, асран хамгаалагч та бүхэндээ чин сэтгэлийн талархал илэрхийлье.

Бяцхан шавь нартаа цаашдын эрдмийн их аянд нь өндөр амжилт, аз жаргал, сайн сайхан бүхнийг хүсэн ерөөе.

2026.05.09

2026.04.09 🧡"Бүтээлч багш-2026"🧡
Сонгинохайрхан дүүргийн сургуулийн өмнөх боловсролын багш нарын мэргэжлийн хөгжлийг дэмжих зорилгоор зохион байгуулагддаг арга хэмжээ "Цахим технологи нэвтрүүлэгч багш" сэдвээр зохион байгуулагдаж өндөрлөлөө. Тус арга хэмжээнд Ахлах “Г” бүлгийн Г.Янжиндолгор багш шинээр туршин, хэрэглээнд нэвтрүүлж буй интерактив цахим технологид суурилсан арга зүйгээ амжилттай танилцууллаа🥰🥰🥰
Мэргэжлийн багш нарын бүлгээрээ санаа нэгдэн хамтран ажилласан нийт багш нартаа болон биднийг үргэлж дэмжиж байдаг удирдлага хамт олон, эцэг эхчүүд та бүхэндээ талархал илэрхийлье🧡🧡🧡

Эцэг эх, асран хамгаалагч нарт;
”ХҮҮХДИЙН ХИЧЭЭЛИЙН ХЭРЭГЛЭЛ, СУРГАЛТЫН БОЛОН ЭРҮҮЛ АХУЙН ХЭРЭГСЛИЙН ЖАГСААЛТ ШИНЭЧЛЭГДЛЭЭ.”

📌”СӨБ-ын сургалтын хөтөлбөр” шинэчлэн батлагдсантай холбогдуулан Боловсролын ерөнхий газрын даргын 2023 оны "Жагсаалт батлах тухай" А/273 дугаар тушаалын хавсралтаар баталсан "Сургуулийн өмнөх боловсролд хамрагдаж байгаа хүүхдийн хичээлийн хэрэглэл, сургалтын болон эрүүл ахуйн хэрэгслийн жагсаалт"-д 2025 оны 08 дугаар сарын 15-ны өдрийн “Нэмэлт, өөрчлөлт оруулах тухай" А/192 дугаар тушаалаар нэмэлт, өөрчлөлт оруулж, 2025 оны 08 дугаар сарын 25-ны өдрөөс хүчин төгөлдөр мөрдөгдөж эхэллээ.

БҮРТГЭЛ ЭХЭЛЛЭЭ... 09:00

🎈Цэцэрлэгийн бүртгэл албан ёсоор эхэллээ. Нийслэлийн цэцэрлэгт хамрагдах хүсэлтийг 2025 оны 8 дугаар сарын 04-ний өдрөөс 8 дугаар сарын 18-ны өдрийг дуустал "E-MONGOLIA" платформоор хүлээн авна.

E-Mongolia
Нийслэлийн Боловсролын газар

Нийслэлийн цэцэрлэгт элсэх цахим бүртгэл эхлэхэд 1 хоног үлдлээ.
САНАМЖ:
- Шинээр элсэх хүүхдүүд ГЭРИЙН ХАЯГ-ыг сайн харж бүртгэлээ хийлгэх. Жич: хөдөө орон нутгийн хаягтай , шилжилт хөдөлгөөн хийгдсэн, түр оршин суугчийн хаягтай хүүхдүүд байвал тухайн хороон дээр очиж хаягаа шалгуулж шинэчлүүлээрэй.
- Эцэг эх нь гадаадад, хөдөө амьдардаг бол асран хамгаалагч, харгалзан дэмжигч нар нь хаягийн шилжилт хөдөлгөөнөө 2025.08.15-ны өдрийг хүртэл хийлгэх шаардлагатай.

Нийслэлийн хүүхдийн цэцэрлэгийн бүртгэл эхлэхэд цөөхөн хоног үлдлээ.

🎈Хүсэлтийг 2025 оны 8 дугаар сарын 04-18-ны өдрийг дуустал "E-MONGOLIA" платформоор хүлээн авна.

E-Mongolia
Нийслэлийн Боловсролын газар

https://www.facebook.com/share/p/18TsjXAVP3/?mibextid=wwXIfr

2025.04.08-ны өдөр Сонгинохайрхан дүүргийн СӨББ-ын дунд зохион байгуулагдсан “БҮТЭЭЛЧ БАГШ-2025” үйл ажиллагаа зохион байгуулагдлаа.
💫Нийслэлийн хүүхдийн 271-р цэцэрлэгийн ахлах бүлгийн багш Н.Одгэрэл нь
Байгаль нийгмийн орчины сургалтын чиглэлээр шинэлэг, шилдэг сургалтын хэрэглэгдэхүүн, арга зүйн санаагаа бусдад түгээн дэлгэрүүлж 🤗👩‍🏫БҮТЭЭЛЧ БАГШ, тус цэцэрлэг нь “ШИЛДЭГ ЦЭЦЭРЛЭГ”-ээр шалгарч 👍👏🏻СХД-ын засаг даргын БАТЛАМЖ мөнгөн шагналаар шагнагдлаа. Багшдаа болон тус цэцэрлэгийн МЭРГЭЖЛИЙН БАГШ НАРЫН БҮЛГИЙН хамт олондоо ХАЛУУН БАЯР ХҮРГЭЖ ❤️👏🏻👏🏻👏🏻улам их ажлын амжилт хүсье.