БОЛОР ӨРГӨӨ цэцэрлэг

Шинэ хичээлийн жил эхлэх дөхөж байгаатай холбоотойгоор бага насны хүүхдээ цэцэрлэгт оруулах гэж буй эцэг эхчүүдийн хамгийн их санаа зовдог зүйлсийн нэг нь “Памперстай хүүхдээ яах бол?” гэсэн асуулт байдаг.

💛 Санаа зоволтгүй ээ.

Манай бага ангийн хүүхдүүдийг шинэ орчин, багш, найзуудтайгаа тайван дасахын тулд эхний 14 хоног памперстай байхад нь зүгээр дээ!

Харин боломжтой бол хүүхдээ мөөмнөөс нь гаргаж өгөөрэй. Мөөмтэй хүүхдүүд ээжээ их санаж, өдөржин тайвширч чадахгүй уйлах тохиолдол элбэг байдаг. Харин угж хэрэглэдэг бол нэрийг нь бичээд багшид нь өгөөрөй 🙏👍🏼

🧸 Бага ангид бэлдэх зүйлс

✅ Солих хувцас (өмд, цамц, футболк тус бүр 2–3 ширхэг)

✅ Солих оймс, дотуур хувцас

✅ Хөнгөн, эвтэйхэн дотор гутал

✅ Солих памперс

✅ Өөрийн усны сав
(Хүүхдүүд тоглож, хөдөлгөөн ихтэй байдаг тул ус сайн уух хэрэгтэй.)

✅ Цүнх, хувцас, хэрэглэл бүр дээр хүүхдийнхээ нэрийг нааж өгөөрэй. Энэ нь багш нарт хүүхдийн эд зүйлсийг ялгаж танихад маш их тус болдог.

👕 9-р сарын 1-нд олон хүүхэд хамгийн гоё хувцсаараа ирдэг. Гэр бүлийн зургаа аваад ангидаа орохын өмнө гэртээ өмсдөг хөнгөн, тухтай хувцсаар нь сольж өмсүүлбэл хүүхэд илүү тайван, тав тухтай байдаг.

📱 Багш нар өдрийн турш хүүхдүүдтэй ажилладаг тул утсаа байнга авах боломж хязгаарлагдмал байдаг. Иймээс санаа зоволгүй, ангийн фэйсбүүк групп болон пэйжээр дамжуулан өдөр тутмын мэдээллээ авч байгаарай.

👟 Гутлын хувьд хүүхдийн хөлд эвтэйхэн, өмсөж тайлахад амар, хальтирдаггүй гутал сонгохыг зөвлөж байна.

❤️ Хамгийн чухал нь

Хэрэв таны хүүхэд:
• мааждаг
• зулгаадаг
• хаздаг
• ямар нэгэн харшилтай
• эсвэл онцгой анхаарах зүйлтэй бол

👉 Заавал багшдаа урьдчилан хэлж мэдээлээрэй. @Ингэснээр багш тухайн хүүхдэд илүү анхаарч, бүх хүүхдийн аюулгүй, эрүүл орчныг бүрдүүлэхэд дөхөм болдог.

🌼 9-р сарын 1-нд хүүхдээ өгөөд шууд явах хэрэгтэй гэсэн үг биш. Хүүхдээ бага зэрэг тайвширч, орчиндоо дасаж эхэлсний дараа чимээгүйхэн гараарай. Дахин дахин харагдах нь хүүхдийг дахин уйлуулах тохиолдол байдаг.

💕 Эрхэм аав, ээжүүд ээ,

СӨБ-ийн багш нар бид хүүхэд бүрийг өөрийн үр шигээ хайрлаж, эмээ шиг нь энэрч, эгч шиг нь халамжилж, ээж шиг нь хамгаалан ажиллах болно.

Та бүхэн тайван байж, хамгийн түрүүнд өөрсдийнхөө сэтгэл санааг бэлдээрэй. 😊

Нэг сонирхолтой зүйл гэвэл хүүхдүүдээс илүү аавууд маань их эмзэглэж, сэтгэл нь хөдөлсөн харагддаг шүү. 🥰

Та бүхэндээ амжилт хүсье.
Шинэ хичээлийн жил, шинэ дурсамжууд айсуй! 🌸БОЛОР ӨРГӨӨ цэцэрлэг

💙 Хүндэт аав, ээжүүд ээ,

Та бүхний хүсэн хүлээж буй 2026–2027 оны хичээлийн жилийн элсэлтийн бүртгэлийн албан ёсны линк 2026 оны 8 дугаар сарын 1-ний өдөр манай албан ёсны Facebook хуудсаар нийтлэгдэх болно.

📌 Бүртгүүлэхээр төлөвлөж буй аав, ээжүүд та бүхэн манай хуудсыг дагаж, мэдэгдлээ (🔔) асаагаарай.

✨ Суудлын тоо хязгаарлагдмал тул бүртгэл нээгдсэн даруйд цаг алдалгүй бүртгүүлэхийг зөвлөж байна.

Бид хүүхэд бүрийг хайр, халамжтай, аюулгүй орчинд өсөж хөгжих боломжийг бүрдүүлэхийн төлөө ажилласаар байх болно.

📞 Холбоо барих: 9641-4140

💙 БОЛОР ӨРГӨӨ цэцэрлэг

📚 2026–2027 оны шинэ хичээлийн жилдээ бэлтгэлээ базааж байна.
Энэ хичээлийн жилээс хүүхэд бүрийн хөгжил, суралцах үйл явцыг дэмжсэн шинэ сургалтын хөтөлбөр хэрэгжүүлэн ажиллах болсноо та бүхэндээ дуулгахад таатай байна. 🌱✨

Монгол дахь Baby Coaching хөтөлбөрийн албан ёсны түнш №8 Болор Өргөө цэцэрлэг

"Хүүхэд бүрийг хайрлан хөгжүүлж, хэл яриа, авьяас чадварыг нь нээе." Энэ бол БОЛОР ӨРГӨӨ цэцэрлэг -ийн өдөр бүрийн үйл ажиллагаандаа хэрэгжүүлдэг боловсролын үнэт зүйл, эрхэм зорилго юм.

2015 онд үүсгэн байгуулагдсан Болор Өргөө цэцэрлэг нь Хан-Уул дүүргийн 17-р хороо, 48-р байр, 27/1 тоотод байрлах бөгөөд байгуулагдсан цагаасаа хойш хүүхэд бүрийн нас, хөгжлийн онцлогт тохирсон чанартай сургалт, хүмүүжил, халамжийг тасралтгүй үзүүлэн ажиллаж байна.

Тус цэцэрлэг нь хүүхэд бүрийн хэл яриа, танин мэдэхүй, бүтээлч сэтгэлгээ, авьяас чадвар, бие даах чадварыг хөгжүүлэхийг боловсролын үндсэн зорилгоо болгон ажилладаг.

Болор Өргөө цэцэрлэг нь сургуулийн өмнөх боловсролын үндсэн хөтөлбөрөөс гадна дараах чиглэлүүдийг амжилттай хэрэгжүүлж байна. Сургуулийн өмнөх боловсролын үндсэн хөтөлбөр

🇬🇧 KivaKids англи хэлний хөтөлбөр

🗣️ Хэл яриа хөгжүүлэх сургалт

🧠 Танин мэдэхүй, логик сэтгэлгээ хөгжүүлэх үйл ажиллагаа

🎨 Дүрслэх урлаг, хөдөлгөөнт тоглоом

🔬 STEAM болон бүтээлч сэтгэлгээ хөгжүүлэх үйл ажиллагаа

🌱 Бие даах чадвар, зөв дадал хэвшил төлөвшүүлэх сургалт

Болор Өргөө цэцэрлэгийн онцлог нь:

✨ Хэл ярианы хөгжлийг сургалтын тэргүүлэх чиглэл болгон ажилладаг.

✨ Англи хэлийг тоглоомын аргаар эзэмшүүлэх KivaKids хөтөлбөрийг хэрэгжүүлдэг.

✨ Хүүхэд төвтэй сургалтын арга зүйг өдөр тутмын үйл ажиллагаандаа хэрэгжүүлдэг.

✨ Аюулгүй, хүүхдэд ээлтэй сургалтын орчныг бүрдүүлсэн.

✨ Туршлагатай, мэргэжлийн багшийн хамт олонтой.

✨ Эцэг эхтэй нээлттэй хамтран ажиллаж, хүүхэд бүрийн хөгжлийн ахицыг тогтмол үнэлэн дэмждэг.

Тус цэцэрлэгийн үнэт зүйлс нь:

💛 Хүүхэд төвтэй хандлага

💛 Хайр халамж

💛 Хүндлэл

💛 Хариуцлага

💛 Бүтээлч хөгжил

💛 Хамтын ажиллагаа

Эдгээр үнэт зүйл нь хүүхдийн тархины эрт хөгжлийг шинжлэх ухаанд суурилан дэмждэг Японы Baby Coaching хөтөлбөрийн философитой бүрэн нийцэж байгаа юм.

Иймээс 2026–2027 оны хичээлийн жилээс Япон улсын франчайз Baby Coaching хөтөлбөрийг албан ёсоор хэрэгжүүлэх түнш цэцэрлэгийн гэрчилгээгээ хүлээн авч, Монгол дахь Baby Coaching цэцэрлэгүүдийн анхны албан ёсны сүлжээний нэг хэсэг болж байна.

🧠 Судалгаагаар хүний тархины хөгжлийн 80–90 хувь нь 0–5 насанд бүрэлддэг бөгөөд энэ үед хүүхдийн хэл яриа, логик сэтгэлгээ, бүтээлч байдал, суралцах дадал, өөртөө итгэх итгэл, танин мэдэхүйн үндэс хамгийн эрчимтэй хөгждөг.

Иймээс Болор Өргөө цэцэрлэг нь 2026–2027 оны хичээлийн жилд хүүхдийн тархины хөгжлийг шинжлэх ухаанд суурилан дэмжих Baby Coaching хөтөлбөрийн дараах 3 үндсэн сургалтыг хэрэгжүүлэхээр боллоо.

✅ Хэл яриа

✅ Математик

✅ Шинжлэх ухааны туршилт

Эдгээр сургалтаар дамжуулан хүүхэд зөвхөн мэдлэг эзэмших бус,

✨ сурах дуртай,

✨ өөрийгөө итгэлтэйгээр илэрхийлдэг,

✨ логик болон бүтээлчээр сэтгэдэг,

✨ асуулт тавьж, туршиж, нээж сурах дуртай,

✨ асуудлыг шийдвэрлэх чадвартай,

✨ өөртөө итгэлтэй, ирээдүйд бэлэн хүүхэд болон төлөвшихөд нь дэмжлэг үзүүлэх болно.

Болор Өргөө цэцэрлэгийн хамт олон хүүхэд бүрийг хайрлан хамгаалж, тэдний инээмсэглэл, аз жаргал, амжилтын төлөө чин сэтгэлээсээ ажилладаг бөгөөд өнөөдөр олон улсын шинжлэх ухаанд суурилсан боловсролын шинэ арга зүйг сургалтын үйл ажиллагаандаа нэвтрүүлж байгаад бид баяртай байна.

🌏 Хүүхдийн хөгжил бол зөвхөн өнөөдрийн боловсрол биш, харин ирээдүйн амьдралын чанарт хийх хамгийн үнэ цэнтэй хөрөнгө оруулалт юм.

👏 Болор Өргөө цэцэрлэгийн хамт олонд халуун баяр хүргэж, 2026–2027 оны хичээлийн жилд амжилт бүтээлээр дүүрэн байхыг хүсэн ерөөе.

Хүүхдийн тархины хөгжлийн хамгийн чухал үе болох 0–5 насыг алдалгүй дэмжиж, хүүхэд бүрийг сурах дуртай, бүтээлч, өөрийгөө илэрхийлдэг, өөртөө итгэлтэй, ирээдүйн амьдралын суурь чадвартай иргэн болгон төлөвшүүлэх нь бидний эрхэм зорилго юм.



#БолорӨргөөЦэцэрлэг





#ХүүхдийнТархиныХөгжил