Мягмарын Даваабат

04/10/2026

2030 он гэхэд хамгийн үнэ цэнтэй ур чадваруудыг Дэлхийн эдийн засгийн форумын судалгаанаас сонирхолтой нэг санааг хуваалцъя.

Ирээдүйд амжилттай ажиллах хүмүүс:

Тодорхой сэтгэж чаддаг.
Хурдан дасан зохицдог.
Үр дүнтэй манлайлдаг.

Хамгийн өндөр үнэ цэнтэй ур чадваруудын дунд:

🫥Системийн сэтгэлгээ
🫥Бүтээлч сэтгэлгээ
🫥Аналитик сэтгэлгээ
🫥Өөрийгөө танин мэдэх, өөрийгөө сэдэлжүүлэх чадвар
🫥Манлайлал, бусдад нөлөөлөх чадвар
🫥Тэсвэртэй, уян хатан, дасан зохицох чадвар
🫥Сониуч зан, насан туршдаа суралцах чадвар

AI улам л чадварлаг болж бга ч хэрэгсэл өөрөө зорилгоо тодорхойлохгүй. Контекстийг бүхэлд нь ойлгож, сонголт хийж, үр дагаврын хариуцлагыг хүлээх нь хүний үүрэг хэвээр байх болно.

Тиймээс 2030 оны бодит давуу тал нь AI-тай өрсөлдөхөд биш, AI-ийг ашиглан хүний сэтгэлгээ, шийдвэр гаргалт, манлайллын чадвараа илүү хүчтэй болгоход оршино.

Эх сурвалж: World Economic Forum, Future of Jobs Survey 2024; Jeroen Kraaijenbrink.

03/10/2026

Аялсан ч хэнд ч бүү хэл, жинхэнэ хайрын түүхээ бүтээсэн ч хэнд ч бүү хэл, жаргалтай амьдарсан ч хэнд ч бүү хэл; хүмүүс сайхан зүйлсийг сүйтгэдэг.

Хувийн нууцлал бол хүч юм.
Дээдийн Ном 🙏🙏🙏

03/10/2026

#Урамзориг #Илтгэл #Шүлэг

03/10/2026

Залуус нэгдэж, “РЕФОРМ КЛУБ” байгууллаа

Монгол Улсад реформ хэрэгтэй байна. Харин юуг, яаж, хэрхэн шинэчлэх вэ? Хоосон хийрхэл, хуурай шүүмжлэл биш бодит шийдэл, мэргэжлийн байр суурь, нэгдмэл үнэт зүйл, цэгцрэх үйл явц бидэнд илүү хэрэгтэй байна.

Намууд доторх явцуу ашиг сонирхлын бүлгүүд төрийн системийг гацааж, нийгмийн хэт туйлшрал гаарч, авлига, хүнд суртал, шударга бус байдлыг үл тэвчих иргэдийн бухимдал нэмэгдсээр байна. Энэ бүхний эцсийн хохирогч нь иргэд, бид, бидний үр хүүхэд. Бидний ирээдүй үүний төлөөсийг төлөх ёсгүй.
Бид асуудлыг зөвхөн шүүмжлээд өнгөрөхгүй. Харин реформын бодит санал, шийдэл гарган бодлого тодорхойлох түвшинд залуус бид идэвхтэй оролцож, хүчтэй нөлөөлөх цаг нь болжээ.

Энэ хэрэгцээ шаардлагаас үүдэн хүсэл, зориг нийлсэн залуус “Реформ клуб” байгуулж анхны уулзалтаа хийлээ. Нийгэм, улс төр, эдийн засаг, намуудын шинэчлэлээс эхлээд боловсрол, эрүүл мэнд, технологи хүртэл Монголын ирээдүйд, иргэн бүрт хамаатай асуудлуудыг салбар бүрийн шилдэг мэргэжилтнүүдийн оролцоотойгоор, хамтын хүчээр шийдэх нь бидний гол зорилго болно.

Залуус бид өнгөрсний үргэлжлэл, мөн ирээдүйн эхлэл юм. Шинэчлэлийг бидний өмнөөс хэн ч хийхгүй, харин бид өөрсдөө хийх ёстой. Чиний, таны, бидний оролцоо л нийгэмд гэрэл асаах болно.

03/10/2026

АМЬДРАЛЫН УХААНЫ 11 ХАТУУ СУРГАМЖ
1. Тэнэглэл ба ухаан 2-ын ялгаа нь гэвэл, ухаан хязгаартай, харин тэнэглэлд хязгаар үгүй.

2. Чамаас нэг удаа урвасан хүн ахин дахин урвах магадлалтай.
Далай бүхэлдээ давстай гэдгийг ойлгохын тулд түүнийг бүтнээр нь уух шаардлагагүй.

3. Халаасаа зузаатгалгүй, зөвхөн булчингаа хөгжүүлсэн хүн эцэст нь халаасыг нь зузаатгасан хүнийг хамгаалж явах болно.

4. Үнэнийг үзэн яддаг хүмүүст үнэн үзэн ядалт мэт сонсогддог.

5. Дайснаасаа нуухыг хүссэн зүйлээ найздаа ч битгий хэл.
Нууц гэдэг нэг хүнд хэлэгдсэн мөчөөс эхлэн нууц байхаа больдог.

6. Үргэлж хоёр удаа сонс.
Эхлээд юу хэлж байгааг нь, дараа нь хэн хэлж байгааг нь.

7. Ухаантай хүнийг учир шалтгаанаар ятгаж болно.
Харин тэнэг хүнийг нотолгоогоор ч ялах боломжгүй.

8. Ямааны урд талаас нь, морины ар талаас нь,
харин тэнэг хүнд аль ч талаас нь бүү ойрт.

9. Хонь бүх амьдралынхаа турш чононоос айж явдаг. Гэтэл эцэст нь түүнийг чоно биш, хоньчин нь өөрөө иддэг.

10. Алиалагч ордонд орлоо гээд хаан болчихдоггүй.
Харин ордон нь цирк болж хувирдаг.

11. Үхсэн хүн өөрийгөө үхсэн гэдгээ мэддэггүй.
Өвдөлтийг нь бусад хүмүүс мэдэрдэг.
Тэнэг хүнд ч мөн адил - өөрийнхөө тэнэгийг өөрөө мэддэггүй, харин бусад нь мэдэрдэг.

“Амьдралын ухаан гэдэг бүхнийг мэдэхдээ биш,
юуг мэдэхгүйгээ ойлгохдоо оршдог.” Mr.AZBAYAR

06/06/2026

26/05/2026

26/05/2026

ТЭНГЭР УУЛ

Тэнгэр уул сүндэрлэнэ
Тэртээ алсаас зүмбэрлэнэ
Илийн гол туналзана
Ирээдүйг зорин суналзана
Ээвийн голын ус нь зүрх сүвэлсэн уянгатай
Эмээгийн ярьсан домог зүүд хөвөрдөх учигтай
Аадрын оршил үүлсээ хурайлж
Баатрын дуулал туульсаа хайлж
Дээдсийн нутаг намайг даллахад
Дээлийнхээ энгэрийг яаран товчилном би
Хүлэг морио амраах санаатай
Зүлэг ногоон дээр зүүдэлснийг минь болгоо
Хүсэл хяслын харгуйд бэдрэхдээ
Хүрэх л замдаа будилсныг минь өршөө

Манантай будантай энэ хорвоо
Маргааш өчигдрөө ялгахгүй л янзтай
Магтах муулахын зэмтэй энэ орчлон
Манайх хүнийхээ танихгүй л шинжтэй
Алтайг давсан нүүдэл
Ард олны л заяа буюу
Ану хатны харуус
Аранзал зүрхний л гэрээс буюу
Луут туг дэрвэх
Дуут сум исгэрэх
Сүрт тулаанаас үүдсэн
Сүүдэр арилаагүй байгааг
Алгаа хавсарч залбирсан
Бурхадын мэлмий тольдон буй
Атаатны өмнө сөхрөөгүй
Дээдсийн сүнс ширтэн буй
Ариун шарилын дэргэд
Шивээн толгой ганхан буй
Арчиж болохгүй үнэнийг
Тэнгэрийн салхи хүүрнэн буй

Дагаар орогсдыг тэвчээгүй
Далаад жилийн тэмцэл юмсан
Монгол төрийнхээ голомтыг манасан
Мохошгүй зоригийн дуулал юмсан

Шар талын салхи илж нэг, исгэрч нэг үлээхэд
Шандуу дээлийнхээ энгэрийг товчилж нэг, задгайлж нэг огшном
Шанх дэлээ хийсгэсэн дээдсийн хүлэг үүрсэхэд
Шамбалын дайны илд хуйн дотроо ханхийнэм

Хөх бор униарт Алтайн цаад хязгаар
Хөөмий цуурын эгшигт Хар эрчисийн эхэн
Хөлгөн Жангарыг хайлсан түүхэн их цадиг
Хөсөг нүүдэл алсарсан Ойрадын уудам нутаг мину
Түүхийн буурал зэрэглээнд тодорч бүдгэрсээр
Түүчээ тогоруудын цуваа нулимсан дунд л бүрэлзсээр...

Хүнийх болсон нутагаа
Хүнийх гэхэд хэцүү еэ
Хүнийх болсон ч нутагаа
Минийх гэсэн ч яадгийм.

Басангийн Цэрэн-Оолын "Зүүдэн будрын харгуй" номоос

22/05/2026

Увс аймаг Сагил сум🇲🇳