Paper Flies

Чингэлтэй дүүргийн 12 дугаар хорооны Дэнжийн мянга болон Хайлаастын гэр хорооллын дунд "Ногоон Нуур” цэцэрлэгт хүрээлэн гэх түүхэн ач холбогдолтой, онцгой содон бүтэцтэй нуурын тогтоц бүхий уулын тогоо газар байдаг. Эл газрыг “Ногоон Нуур” ашгийн бус ТББ хогийн цэг байх үед тохижуулснаар ойр орчмын оршин суугчид болон сурагч хүүхдүүд зундаа завиар хөвөж, өвөлдөө катокоор гулгаж, гэр бүлээрээ цагийг эрүүл спортлог өнгөрөөх боломж бүрдсэн цор ганц цэг болсон юм. Цаашид эл хүрээлэнг ирж буй олны зөвхөн эрүүл мэнд гэлтгүй оюуны хөгжилд хувь нэмэр оруулах, жилийн дөрвөн улиралд тогтмол үйл ажиллагаатай Монгол улсад шинэ жишиг тогтоох урлаг боловсролын хувь хүний хөгжлийн төв болгоход хувь нэмрээ оруулахаар манай багийн залуучууд ажиллаж байна.

Төслийн хүрээнд:

1. "Ногоон Нуур" цэцэрлэгт хүрээлэнг олон нийтэд таниулах, салбар салбарын төлөөлөлтэй цаашид тогтмол хамтран ажиллах боломж бололцоог бүрдүүлэх

2. Аюулгүй, тогтвортой, нийгэмд хүртээлтэй үйл ажиллагаа явуулах зорилгоор гадаад болон дотоод тохижилтыг сайжруулах / хийх

3. Жишиг сургалт семинар, үйл ажиллагааг хувь хүн болон байгууллагуудын хамт зохион байгуулна (урлаг, боловсрол...)