YesMongolia

22/12/2021

https://blog.studentroomstay.com/5-benefits-hosting-international-students-home

Гадаад оюутан гэртээ амьдруулах нь ямар ач холбогдолтой вэ?

Hosting international students can bring with it a number of benefits to the hosting household, such as expanded horizons and extra income.

21/12/2021

Оюутан, сурагч солилцооны зах зээл хэр том юм бэ?

АНУ 2018/19 хичээлийн жилд 1,095,299 гадаад солилцооны оюутан хүлээж авсан байна.

Жишээ нэг: АНУ-ын CIEE High School зуучлалын байгууллага 55 орны 1000 гаруй сургуулиас 16000 хост "хуурай" гэр бүлд ахлах сургуулийн сурагчид зуучилна суулгадаг байна.

АНУ солилцооны оюутан, сурагчдад хоёр төрлийн виз олгодог. F-I төрлийн визтэй солилцооны оюутан визээ сунгаж түвшин ахиулан суралцах эсвэл үргэлжлүүлэн сурах боломжтой байхад J-I виз нь солилцооны хугацааг дуусгаад буцах нөхцөлтэй байдаг юм байна.

Жишээ хоёр: АНУ-ын Худалдааны хэлтэсийн мэдээлж буйгаар солилцооны гадаад оюутнууд 2018 онд АНУ-ын эдийн засагт $44.7 тэрбумын орлого оруулсан байна.

Зарим хост гэр бүл оюутан, сурагч гэртээ амьдруулж байгаагийн төлбөрт сарын 1000 ам.доллар авч байхад Английн зарим гэр бүл жилийн 7500 пунт стерлингтэй тэнцэхүйц татварын хөнгөлөлт эдэлдэг байна.

21/12/2021

Гадаад оюутан, сурагч хүлээж авахаас өмнө Та, танай гэр бүл ямар бэлтгэл хийх хэрэгтэй вэ?

1-рт Гэрийн дүрэм боловсруулах. Олон "хуурай" гэр бүлүүдийн туршилгаас солилцооны оюутан, сурагчийг ирэнгүүт нь гэр бүл, орчинтой нь танилцуулаад гэрийн дүрмээ гардуулах нь хожмийн асуудлаас сэргийлдэг гэсэн байна. Гэрийн дүрэмд жишээ нь хэдийд хувцасаа угаах вэ, шүршүүрт орох хуваарь, хугацаа, найз нөхдөө хоолонд авчирч болох эсэх, гэр бүлийн нийт гишүүдийн хамт хийж заншсан зүйлс г.м
2-рт Ойр орчим, орон нутгийн талаар гарын авлага бэлдэх. Зочин сурагч, оюутанд бие дааж амьдрах, найз нөхөдтэй болоход тус болдог гэнэ.
3-рт зочиндоо тусгай дүрэм гаргалгүй, дүрэм гэр бүлийн нийт гишүүдэд ижил байхаар тооцвол гэр бүлийн уур амьсгал бүрддэг байна. Алагчлалгүй байх.
4-рт ямар нэг асуудал ажиглагдангуут солилцоог хариуцаж буй албан хүнд шуурхай мэдээлэх. Ингэснээр асуудлыг хүндрүүлэлгүй, "дайсагнах"-гүйгээр шийдвэрлэх давуу тал үүснэ.
5-рт оюутан, сурагчийг ирэхээс өмнө түүний эцэг эхтэй холбогдож тэднээс хүүхдийнх талаар мэдээлэл ав. Ингэснээр учирч болзошгүй үл ойлголцол, маргаанаас зайлсхийх боломжой юм.

21/12/2021

Солилцооны оюутан, сурагч ирэхээсээ өмнө өөрөө эрүүл мэндийн, аялалын даатгалаа хийлгэсэн байдаг тул Та тэр тал дээр санаа зоволтгүй байж болно.

21/12/2021

Гадаад сурагч, оюутанг гэртээ солилцооны хугацаанд суулгахаар шийдсэн бол дараах зүйлсийг бэлдэж өгнө. Үүнд:

Стандарт ор, хувцасны шүүгээ, комод, хичээлийн ширээ сандал. Хэрэв ширээ сандал нь унтлагын өрөөнд багтаагүй бол хичээл хийх тухтай, чимээгүй булан бэлдэж өгнө.
Зочин галт тогоо, зочны өрөө, хашаа зэрэг гэр бүлийн дундын орон зайд чөлөөтэй байх, ашиглах
Угаалгын машин ашиглаж хувцасаа угаах
Ээлжийн цагаан хэрэгсэл, банны болон нүүр гарын алчуур бэлдэж өгөх
Өдрийн гурван хоол бэлтгэж өгөх, зарим тохиолдолд зөвхөн өглөөний хоол идэхээр тохирч гэрээнд тусгаж болно
Гэр сургууль болон ойр орчимд зорчих тээврийг зохицуулах

21/12/2021

Монголдоо гадаад сурагч, оюутан хүлээж авдаг хост буюу "хуурай" гэр бүл болмоор байна уу?

21/12/2021

“Хуурай гэр бүл” –ийн санхүүгийн үр ашгийн тооцоолол хийхдээ анхаарах зүйлс:

Юуны өмнө солилцооны хөтөлбөрийн оюутан, сурагч хүлээж авах таны, танай гэр бүлийн зорилго юу вэ? гэдгийг маш сайн зөвлөлдөж тодотгоно. Жишээ нь харилцан хэл сурах, гэр бүлийн уур амьсгалыг өөрчлөх эсвэл эдийн засгийн хэрэгцээ г.м. Түүний дараа “ямар нөхцөл шалгуур”-аар зуучлалын байгууллагуудаас сонголт хийж, гэрээ байгуулах вэ гэдгээ тогтоно.

Гэрээ байгуулах, төлбөрийн хэмжээг тогтоохдоо

Ямар хүгацаатай, давтамжтай солилцооны сурагч, оюутанг хүлээж авах вэ
Тэдэнд ямар үйлчилгээг үзүүлэх вэ (хувцас угаалга, өрөөний цэвэрлэгээ, хоол, тээвэр г.м )
Гадаад сурагч, оюутаны нийгэмших явцад ямар байдлаар оролцох вэ, жишээ нь хамтдаа гадуур зугаалах өдрүүд, гэр бүлийн аялал хийх эсэх, сурагч, оюутны онцгой өдрүүдэд (төрсөн өдөр, шинэ жил, төгсөлт г.м) зориулан арга хэмжээ зохион байгуулах г.м. Тухайн сурагч, оюутанд зарцуулж буй цагаа үнэлэх эсэх мөн гарч буй материаллаг зардлын тооцоог зах зээлийн бодит гүйцэтгэлээр тооцож гаргана.

Солилцооны сурагч, оюутныг орон байр, хоол ундаар хангасан зардал, төлбөрийг хөтөлбөр хариуцаж буй сургууль, байгууллага хэсэгчилэн эсвэл бүхлээр төлөх үүрэгтэй байдаг

21/12/2021

"Хуурай" гэр бүл болохын давуу тал юу вэ?

Харь соёл, хэл, хүмүүсийн талаар харилцан мэдээлэл солилцох, суралцах
Гэр бүл, сургууль, орон нутгийн орчинд олон соёлын, гадаад соёлын талаар ойлголт бий болгох, төлөвшүүлэх
Олон талт заах, сурах арга барилын талаар мэдлэг, ойлголт бүтээх, турших, хэрэгжүүлэх
Санхүүгийн нэмэлт орлоготой болох
Орон нутгийн эдийн засгийг тэлэхэд хувь нэмэр оруулах
Орон нутгийн сургуульд олон улсын стандарт, хүлээлтэд хүрэхэд нэмэр болох
Залуу хүмүүсийн амьдралын танин мэдэх, турших үйл явцад туслах
Өөрийн эх орон, соёл, түүх, хүн ардыг төлөөлөх, элч байх

21/12/2021

Солилцооны сурагч, оюутанг "гэртээ" байлгах нь эдийн засгийн ямар ашигтай вэ?

21/12/2021

Солилцооны хөтөлбөр гэж юу вэ?

Дунд сургуулийн ахлах ангийн сурагч эсвэл коллеж, их сургуулийн оюутан түнш сургууль, байгууллагад тодорхой хугацаагаар суралцах хөтөлбөрийг хэлнэ. Улсын дотоодод мөн гадаад улс хооронд сурагч, оюутан солилцооны янз бүрийн хөтөлбөрүүд байдаг.

Солилцоо гэдгийг хэл, соёл, түүхийн, амьдрах арга ухаанаа хуваалцах, солилцох гэж ойлгоно. Дэлхийн II дайнаас хойш дэлхийн ард түмний хоорондын соёлын болон үзэл бодлын ойлголцолыг нэмэгдүүлэх зорилгоор солилцооны олон төрлийн хөтөлбөрүүдийг бий болгосон байдаг.

Солилцооны хөтөлбөрүүд нэг долоо хоногоос нэг жил хүртэл янз бүрийн хугацаатай төлөвлөгдөж зохион байгууллагддаг. Тухайн хөтөлбөрийн хугацаа, агуулга, мөн очиж буй улсын амьдралын өртөгөөс хамаарч янз бүрийн төлбөртэй байдаг.

Солилцооны сурагч, оюутан гэж хэн бэ?

Хэл, соёлын мэдлэг туршилгаас суралцах хүсэл, зорилгоор солилцооны хөтөлбөрт хамрагдсан сурагч, оюутныг хэлнэ.

Солилцооны хөтөлбөр нь сурагч, оюутанд алив үзэгдэл юмсыг өөрөөр харах, шүүмжтэй хандах, сурах шинэ арга барилтай болох, соёлыг ойлгох, хүлээн авах, гадаад хэлний мэдлэгтэй болох зэрэг олон давуу байдлыг бий болгодог.

"Хуурай" аав, ээж, гэр бүл гэж хэн бэ?

Солилцооны хөтөлбөрт хамрагдсан сурагч, оюутныг соёлын шинэ орчинд дасах, амьдралын туршилга суух явцад хамжаа, түшиг болох гэр бүл хүмүүсийг хэлнэ. Тэдний зарим сурагч, оюутныг тодорхой, тухайлсан арга хэмжээ, үйл ажиллагаанд татан оролцуулах, хамжих зэрэг хязгаарлагдмал оролцоотой байхад зарим нь гэр бүл дотроо оруулан "гэр бүлийн гишүүнээр элсүүлэн" орон байр, хоол унд болон сэтгэл санааны бүрэн дэмжлэг үзүүлдэг. Хамрагдаж буй хөтөлбөрийн хугацаа, хуурай гэр бүлиийн харилцаа хэр хөгжснөөс хамаарч тэдний цаашдын хамтын нөхөрлөлийн эх үндэс тавигддаг.