МУБИС-Боловсрол судлалын сургууль

13/06/2026

📌Монгол Улсын Боловсролын их сургуулийн Боловсрол судлалын сургуулийн 2025-2026 оны хичээлийн жилийн Эрдмийн баяр боллоо.
🎓Нийт төгсөгчдөдөө баяр хүргэе…

11/06/2026

02/06/2026

19/05/2026

ERASMUS+RETEACH ТӨСЛИЙН ХӨНДЛӨНГИЙН ЭКСПЕРТ МУБИС -Д АЖИЛЛАЛАА

🇲🇳📚“Монгол Улсад багш боловсролыг ногоон болон дижитал шилжилтэд нийцүүлэн шинэчлэх нь” (RETEACH) төслийн хүрээнд хөндлөнгийн эксперт Арьяак Навоян, төслийн үндэсний зохицуулагч профессор Б. Одгэрэл нар өнөөдөр буюу 2026 оны 05-р сарын 19-нд МУБИС-д ажиллаж, шинэчлэн боловсруулж буй бакалавр, магистр болон богино хугацааны сургалтын хөтөлбөрүүдийн явц үр дүнд зөвлөмж өгч, цаашдын хамтын ажиллагааны талаар санал солилцлоо.

Өнөөдрийн уулзалтад МУБИС-Боловсрол судлалын сургууль, МУБИС-Математик, Байгалийн Ухааны Сургууль, Нийгэм хүмүүнлэгийн ухааны сургуулийн төлөөлөл нийт 15 багш, удирдлагууд оролцлоо.
👨‍💻Уулзалтын үеэр дараах илтгэл, мэдээллүүдийг танилцуулж, санал солилцов.Үүнд:
• Профессор Д. Мөнхжаргал “RETEACH төслийн хүрээнд боловсруулсан бодлогын баримт бичиг болон МУБИС-д хэрэжиж буй хөтөлбөрийн шинэчлэлийн уялдаа”
• Доктор Д. Үүрийнтуяа “МУБИС-д хэрэгжиж буй RETEACH төслийн явц, үр дүнгийн танилцуулга”
• Доктор Т. Ганбаатар “RETEACH төслийн хүрээнд боловсруулсан Checklist, түүний онолын үндэслэл”
• Доктор Д. Батхишиг “Физик боловсрол магистрын хөтөлбөр, ногоон болон дижитал шилжилтийн үйл явц”
• Багш Б. Ононтуул “Багшлах эрхийн сургалтын хөтөлбөр, ногоон болон дижитал шилжилтийн үйл явц”-ын талаар тус тус мэдээлэл хийлээ.

🗣Багш боловсролыг ногоон болон дижитал шилжилтэд нийцүүлэн шинэчлэх үйл ажиллагаанд Монгол Улсад багш бэлтгэдэг тэргүүлэх сургуулийн хувьд Монгол Улсын Боловсролын Их Сургууль чухал үүрэг гүйцэтгэж, арвин туршлагаа хуваалцах боломжтойг эксперт Арьяак Навоян онцоллоо.
📝Түүнчлэн цаашид төслийн үр дүнг эцсийн хэрэглэгчдэд бодитоор хэрхэн хүргэж, үр нөлөөг нь нэмэгдүүлэхэд онцгойлон анхаарч ажиллах шаардлагатайг тэмдэглэв.

🤝Уг уулзалт нь төслийн хэрэгжилтийг боловсролын бодлогын түвшинд үр дүнтэй дэмжих, оролцогч байгууллагуудын хамтын ажиллагаа, уялдаа холбоог бэхжүүлэх, мөн цаашдын тогтвортой байдлын суурийг бүрдүүлэхэд онцгой ач холбогдолтой үйл ажиллагаа болж байна.

27/04/2026

📌МУБИС- Боловсрол судлалын сургуулийн Боловсрол судлалын тэнхимээс жил бүр уламжлал болгон зохион байгуулдаг “ОЮУТНЫ БАГШЛАХУЙН УР ЧАДВАРЫН УЛСЫН XXIII ОЛИМПИАД” амжилттай болж өндөрлөлөө. Тус олимпиад нь багш бэлтгэдэг их, дээд сургуульд багш мэргэжлээр суралцагч III - IV ангийн оюутнуудын дунд зохион байгуулдаг бөгөөд энэ удаад “Ялгаатай суралцахуйг хэрэгжүүлэх” багшлах ур чадварыг нэмэгдүүлэх, шинэ санаа, бүтээлч арга барилыг түгээн дэлгэрүүлэх зорилготойгоор зохион байгуулагдлаа. Олимпиадад МУБИС-ийн бүрэлдэхүүн сургуулиуд болон “Дархан” дээд сургууль, СЭЗИС-Боловсролын сургууль, МУИС-ийн Зүүн бүсийн сургууль, “Глобал удирдагч” их сургуулийн 12 баг, 48 оюутан, 12 удирдагч багш нар оролцлоо.
БАГШЛАХУЙН УР ЧАДВАРЫН УЛСЫН XXIII ОЛИМПИАД”-ын шилдгээр дараах багууд тодорлоо.
🥇Тэргүүн байр: МУБИС-Боловсрол судлалын сургуулийн "OPEN MIND" баг
🥈Дэд байр: МУБИС-Сургуулийн Өмнөх Боловсролын сургуулийн "Өнгөт эгшиг" баг
🥉Гутгаар байр: Дархан дээд сургуулийн "Дархан" баг
🏅Тусгай байр: МУБИС- Математик Байгалийн Ухааны сургуулийн "Unlimited" баг
🏅Тусгай байр: МУБИС-Дүрслэх, Урлаг, Технологийн сургуулийн "Colour mind" багууд тус тус шалгарлаа.
Олимпиадад оролцсон нийт багш, оюутнууддаа болон хамтран ажилласан байгууллагууд болох “Монгол Улсын Үндэсний Номын сан”, “МУБИС-ийн харьяа Ерөнхий боловсролын сургууль”, “Нийслэлийн Ерөнхий боловсролын 29 дүгээр сургууль”, “Нийслэлийн 42 дугаар цэцэрлэг” хамт олондоо талархал илэрхийлье.😊

09/04/2026

Боловсрол Судлалын сургуулийн Хөтөлбөрийн алба болон Оюутны Зөвлөл хамтран зохион байгуулж буй "Green day" нөлөөллийн үйл ажиллагаа нь 2026 оны 4 дүгээр сарын 12ний 12:00 цагт зохион байгуулагдана. 🍀🍀🍀
Оюутан залуус та бүхэн идэвхтэй оролцоорой. 😊

09/04/2026

👏👏👏