26/06/2026
🛡️ Яаж эрсдэлээ удирдах вэ? Хэрхэн өөрийгөө хамгаалах вэ?
Хүмүүсийн хамгийн их сонсдог үг бол **"Нэг арилжаанд дансныхаа 1%-ийг л эрсдэлд оруул."**
Үнэхээр зөв дүрэм.
Гэхдээ зөвхөн 1% эрсдэл тавьснаараа чи эрсдэлийн менежментээ хийчихсэн гэсэн үг биш.
Өөрөөсөө нэг асуулт асуугаад үзээрэй.
**Өдөрт 10 удаа 1%-ийн эрсдэлтэй арилжаа хийвэл үнэхээр 1%-ийн эрсдэлтэй байна гэж хэлж болох уу?**
Миний бодлоор үгүй.
Эрсдэлийн менежмент гэдэг нь зөвхөн lot size биш. Хэзээ арилжаанд орох, хэдэн удаа орох, хэзээ компьютерээ унтраах хүртэл бүгд эрсдэлийн менежмент юм.
Миний мөрддөг дүрэм маш энгийн.
✅ Өдөржин мэдээ, эдийн засгийн мэдээллээ уншиж тухайн өдрийн зах зээлийн нөхцөлийг ойлгоно.
✅ Яарахгүй. Өдрийн төлөвлөгөөгөө гаргаж, боломжит хувилбаруудаа урьдчилан бодно.
✅ Том мэдээ байвал үр дүнг нь заавал хүлээнэ. Урьдчилж таамаглан ордоггүй.
✅ New York session-ийг хүлээнэ. Зах зээлийн бодит хөдөлгөөн, савалгааг ажиглана.
✅ Чиглэлээ тодорхойлж, дүн шинжилгээгээ хийсний дараа л орох цэгээ сонгоно.
✅ Нөхцөл бүрэн бүрдсэн үед л арилжаанд орно.
Арилжаанд орсон бол:
• Эрсдэл — 1%
• Risk/Reward — хамгийн багадаа 1:3
• Stop Loss — зах зээлийн хэвийн савалгааг тооцсон зайтай
• Тухайн өдөр — зөвхөн **нэг арилжаа**
Тэр арилжаа ашигтай байсан ч, алдагдалтай байсан ч би тухайн өдрийн арилжаагаа дуусгадаг.
Маргааш зах зээл дахиад нээгдэнэ.
Харин өнөөдөр сэтгэл хөдлөлөөрөө дахин дахин орвол хамгийн сайн стратеги ч сахилга батгүй хүнийг аварч чаддаггүй.
Зах зээл чиний худалдаж авсан эсвэл зарсан даруйд чиний хүссэн зүг рүү шууд хөдөлнө гэж байдаггүй.
Заримдаа эсрэг чиглэлд хэдэн арван pip явж байж дараа нь төлөвлөсөн чиглэлдээ хөдөлдөг.
Тиймээс зах зээлтэй биш, хамгийн түрүүнд **өөрийн сэтгэлзүйтэйгээ тэмцэж сур.**
**Урт хугацаанд ашигтай байдаг хүмүүс зах зээлийг биш, өөрсдийгөө удирдаж сурсан хүмүүс байдаг.**
Амжилт хүсье. 📈
