24/09/2026
☝️ХАН-УУЛ ДҮҮРГИЙН “ЗАЛУУ БАГШ НАРЫН ЧУУЛГАН АМЖИЛТТАЙ ЗОХИОН БАЙГУУЛАГДЛАА
2026-09-24
🇲🇳Монголын багш нарын 60, Дэлхийн багш нарын 32 дахь өдрийг угтан Хан-Уул дүүргийн Нийгмийн хөгжлийн хэлтэс, Боловсролын хэлтэс хамтран “Залуу багш нарын нийгмийн оролцоо” чуулганыг амжилттай зохион байгууллаа.
Чуулганд Хан-Уул дүүргийн Засаг даргын орлогч Ч.Базарзаяа, Монголын залуу багш нарын холбооны үүсгэн байгуулагч О.Бат-Өлзий, Боловсролын хэлтсийн дарга Б.Дуламрагчаа нар мэндчилгээ дэвшүүллээ.
Чуулганд дүүргийн төрийн болон төрийн бус өмчийн ерөнхий боловсролын сургууль, сургуулийн өмнөх боловсролын байгууллагад 1-5 дахь жилдээ ажиллаж байгаа 200 залуу багш оролцож, мэргэжлийн болон хувь хүний хөгжлийг дэмжих, нийгмийн идэвх, оролцоо, санаачилгыг нэмэгдүүлэх, хамтын ажиллагааны бэхжүүлэх, сайн дурын үйл ажиллагаанд оролцох боломжийг өргөжүүлэх чиглэлээр санал, мэдээлэл солилцлоо.
Чуулганы үеэр:
* ССАЖЗЯ-ны Залуучуудын хөгжлийн нэгдсэн бодлого, төлөвлөлт хариуцсан ахлах шинжээч Э.Хулан – “Төрөөс залуучуудын хөгжил, оролцоог дэмжих бодлого”;
* Монгол Улсын Гавьяат багш С.Отгонтуяа – “Залуу багш нарын нийгмийн оролцоо”;
* Монголын сайн дурынхны төвийн үүсгэн байгуулагч, нийгмийн ажлын багш, судлаач О.Цэвэлмаа – “Сайн дурын оролцооны үнэ цэн, манлайлал, гүйцэтгэх үүрэг”сэдвээр тус тус илтгэл танилцууллаа.
Мөн “Залуу багш нарын хөгжил, оролцоо” сэдэвт хэлэлцүүлэгт:
👉Нийслэлийн ерөнхий боловсролын 63 дугаар сургуулийн захирал, Монгол Улсын Гавьяат багш С.Эрдэнэбаатар
👉Хүүхэд, гэр бүлийн хөгжил, хамгааллын ерөнхий газрын мэргэжилтэн Г.Ариунчимэг, сэтгэл зүйч, доктор С.Хулан
👉 “Health Coach” группын үүсгэн байгуулагч Б.Энхцэцэг нар удирдан зохион байгуулж, залуу багш нарын хөгжил, оролцоотой холбоотой чухал асуудлаар санал, туршлага солилцлоо.
Тус чуулган нь залуу багш нарын мэргэжлийн болон хувь хүний хөгжлийг дэмжих, нийгмийн идэвх оролцоог нэмэгдүүлэх, манлайллыг хөгжүүлэх, хамтын ажиллагааг өргөжүүлэх чиглэлээр шинэ санаа, санаачилгыг дэмжсэн үр өгөөжтэй арга хэмжээ боллоо.
