МУИС-ийн Утга Зохиол, Урлаг Судлалын Тэнхим

"ДАВЛАГАА-2026" ОЮУТНЫ БОГИНО ӨГҮҮЛЛЭГИЙН НААДАМ БОЛЛОО

Монгол Улсын Засгийн газрын 2026 оны 24 дүгээр тогтоолоор их зохиолч Д.Нацагдоржийн мэндэлсний 120 жилийн ойг тэмдэглэн өнгөрүүлэхээр шийдвэрлэсэнтэй холбогдуулан "Давлагаа" оюутны богино өгүүллэгийн наадмыг энэ удаа Д.Нацагдоржийн нэрэмжит болгон 2026 оны 05-р сарын 23-ны өдөр МУИС-ийн Багш, оюутан хөгжлийн төвд зохион байгууллаа.

Тус наадамд МУИС, СУИС, МУБИС, ХААИС, АШУҮИС, Идэр их сургууль зэрэг төрийн өмчийн болон хувийн хэвшлийн их, дээд сургуулийн 40 гаруй оюутан бүтээлээ ирүүлсэн бөгөөд МУИС-ийн Багш, монгол хэл, уран зохиолын боловсрол хөтөлбөрийн IV түвшний оюутан А.Жадамба “Огтлолцол” өгүүллэгээрээ тэргүүн байр, МУИС-ийн Утга зохиол судлал хөтөлбөрийн III түвшний оюутан Б.Золбоо “Өнгө”, МУИС-ийн Утга зохиол судлал хөтөлбөрийн IV түвшний оюутан Б.Амина “Амарын гудамж”, МУИС-ийн Социологи хөтөлбөрийн IV түвшний оюутан Н.Наранбаатар “Агуйн хүмүүс”, СУИС-ийн оюутан Намуухан “Хүлээсэн хот” өгүүллэгээрээ тус тус шагналт байр эзэллээ. Мөн МУИС-ийн Утга зохиол судлал хөтөлбөрийн IV түвшний оюутан Б.Номин “Залгисан”, МУБИС-ийн Монгол хэл, уран зохиол хөтөлбөрийн I түвшний оюутан В.Эрхсаран “Зүүдний гүүр: Хорвоогийн сүүлчийн өргөө”, МУИС-ийн Утга зохиол судлал хөтөлбөрийн IV түвшний оюутан Б.Зулсайхан “Автобусанд”, МУИС-ийн Антропологи хөтөлбөрийн IV түвшний оюутан С.Саруул “Чи болохоор ирээгүй”, СУИС-ийн оюутан Б.Мөнхчимэг “Ирээдүй” өгүүллэг тус тус шилдгээр шалгарч, өргөмжлөл, үнэ бүхий зүйл дурсгав.

Мөн шилмэл 10 бүтээлийг СУИС-ийн 19 оюутан урнаар уншиж, үзэгчдийн хүртээл болгов. Хамтран зохион байгуулсан Соёл спорт аялал жуулчлал залуучуудын яам, Монголын Зохиолчдын Эвлэл, Соёл Урлагийн Их Сургууль, Санхүү Эдийн Засгийн Их Сургууль болон МУИС-ийн Утга зохиолын нэгдлийн оюутнууддаа гүн талархал илэрхийлье.

МАГИСТРЫН ЖИНХЭНЭ ХАМГААЛАЛТ БОЛЛОО

Утга зохиол, урлаг судлалын тэнхимийн магистрын судалгааны ажлын жинхэнэ хамгаалалт лхагва гарагт буюу 2026 оны 05-р сарын 21-ний өдөр хичээлийн II байрны 439 тоотод боллоо. Тус хурлаар магистрант Гова (Gaowa) “Д.Батжаргалын хүүхдийн зохиолын судалгаа” (“Хаан хуруу” тэргүүт шүлгийн түүврийн жишээн дээр) сэдвээр, (Удирдагч багш: доктор, дэд профессор Б.Хишигсүх), магистрант Харгуй (Harigui) “Зохиолч Тугч Урангуагийн баримтат өгүүллэгийн туурвил зүйн онцлог” (Удирдагч багш: доктор, дэд профессор Э.Батжавхлан) cэдвээр тус тус магистрын зэргээ хамгааллаа.

Магистрын зэргээ амжилттай хамгаалсан суралцагчиддаа эрдэм судлалын өндөр амжилт хүсье.

Та бүхнийг "ДАВЛАГАА-2026" богино өгүүллэгийн наадамд хүрэлцэн ирэхийг урьж байна.

Бакалаврын судалгааны ажлаа амжилттай хамгаалсан оюутнууддаа баяр хүргэж, эрдэм судлалын ажилд нь өндөр амжилт хүсье!

Оюутнуудын маань ажил, амьдралын алтан шар зам өлзийтэй байг.

Урлаг судлал хөтөлбөрийн төгсөгчид энэхүү хоёр судалгааг бөглөж өгнө үү. (Хөтөлбөр сайжруулах зорилгоор авч байгаа болно.)

https://docs.google.com/forms/d/e/1FAIpQLScwXd6Xqo-HoHh11wmlYzLgG9IS4WKA85yXaVX-WGl1kMdU5g/viewform

https://docs.google.com/forms/d/e/1FAIpQLSepA_8lkFUklizLqXa4r2vKtsIsdHTmGUirrZ3fYmRGMOLwiQ/viewform

МУИС, Утга зохиол, Урлаг судлалын тэнхим "Урлаг судлал" хөтөлбөрийн төгсөгчдөд ажил олгогчийн сэтгэл ханамжийн судалгаа

Урлаг, Утга зохиол судлал: Инновац (ICIAL 2026) Олон улсын эрдэм шинжилгээний хурлын Салбар хуралдаан II-ийн зургаас.

Урлаг, Утга зохиол судлал: Инновац (ICIAL 2026) Олон улсын эрдэм шинжилгээний хурлын Салбар хуралдаан I-ийн зургаас.

УРЛАГ, УТГА ЗОХИОЛ СУДЛАЛ: ИННОВАЦ (ICIAL 2026) ОЛОН УЛСЫН ЭРДЭМ ШИНЖИЛГЭЭНИЙ ХУРАЛ БОЛЛОО

МУИС-ийн Шинжлэх ухааны сургуулийн Утга зохиол, урлаг судлалын тэнхимээс санаачилсан “Урлаг, утга зохиол судлал: инновац (ICIAL 2026)” сэдэвт олон улсын эрдэм шинжилгээний хурлыг 2024 оны 04-р сарын 24-ний өдөр амжилттай зохион байгууллаа. Тус хуралд Монгол улс, БНХАУ, ХБНГУ, ОХУ, Унгар улсын 74 эрдэмтэн оролцож, нийт 54 илтгэл хэлэлцүүлсэн бөгөөд МУИС, МУБИС, ШУТИС, СУИС, ХААИС, ХУИС, ҮБХИС, Сити их сургууль, ШУА, Хэл зохиолын хүрээлэн, ШУА-ийн Философийн хүрээлэн, Соёл, урлаг судлалын хүрээлэн, Боловсролын судалгааны үндэсний хүрээлэн зэрэг арав гаруй их дээд сургууль, судалгааны хүрээлэнгийн эрдэмтэд оролцов.

Энэхүү хурал нь урлаг, утга зохиолын сүүлийн үеийн инновацын судалгааны ололтыг олон нийтэд түгээн таниулахын зэрэгцээ судлаачид, бүтээлч үйлдвэрлэлийн төлөөллийг холбож, салбар дундын судалгааг нэмэгдүүлэх, хамтын ажиллагааг өргөжүүлэхийг зорьсноороо онцлог байлаа.

Урлаг, Утга зохиол судлал: Инновац (ICIAL 2026) Олон улсын эрдэм шинжилгээний хуралд Та бүхнийг хүрэлцэн ирэхийг урьж байна.

ХЭЛНИЙ БУС САЛБАРЫН ОЮУТНЫ ЭРДЭМ ШИНЖИЛГЭЭНИЙ ХУРАЛД АМЖИЛТТАЙ ОРОЛЦЛОО

МУИС-ийн ШУС-ийн ХУС-ын Хэлний бус салбарын оюутны эрдэм шинжилгээний хуралд БМХУЗБ хөтөлбөрийн III түвшний оюутан Н.Бямбажаргал “Хаан Сийр” баатарлаг туулийн хувилбаруудын соёлын хам сэдвийг харьцуулах нь” (Удирдагч багш И.Даваадорж) сэдэвт илтгэлээр тэргүүн байр, Утга зохиол судлал хөтөлбөрийн III түвшний оюутан Ч.Оюу “Тэмээ эврээ алдсан нь” зурагт номыг У.Моебиусын график кодоор шинжлэх нь” (Удирдагч багш И.Даваадорж) сэдэвт илтгэлээр дэд байр, Урлаг судлал хөтөлбөрийн III түвшний оюутан Б.Эгшиглэнт “Алтан өргөө” (1961) уран сайхны киноны монгол болон герман зурагт хуудсыг харьцуулан шинжлэх нь” (Удирдагч багш Д.Золбоо) сэдэвт илтгэлээр гутгаар байр эзэллээ.

Оюутнуудынхаа эрдэм судлалын ажилд өндөр амжилт хүсье.