Бэрх “Хүслэн Хоуз”

12/11/2025

2025-2026оны хичээлийн жилийн шинэ элсэлт

2025.11.13-20ны хооронд болно.
ХОУЗ-ын удирдах зөвлөлийн гишүүдэд хандах, Бэрх Хүслэн Хоуз page хуудас болон
86973464 дугаарт залган бидэнтэй холбогдоорой🤗

Хүслээрээ тэмүүлж хүүхдийн төлөө хамтран ажиллацгаая.🕊️

03/11/2025

Сурагч насны минь дурсамжын хуудаснаа үлдэх бидний нэг үдэш🕊️

30/10/2025

🎃Инээд хөөр, айдас, дурсамж бүгдийг хамтдаа бүтээж сургуулийнхаа уур амьсгалыг халуун дулаанаар асаая!🎃
Carnival /дүрд хувирах/

10сарын 30ны 17:00цагт

Бэрх Хүслэн ХОУЗ🕊️

13/10/2025

“Номын баяр–2025”
Бид “Номын баяр–2025” арга хэмжээг амжилттай зохион байгуулж, нийт 61 номыг сургуулийн номын санд хандивласандаа баяртай байна.

Энэхүү буянтай үйлсэд сэтгэл гарган оролцсон сурагчид, багш ажилчиддаа чин сэтгэлийн талархал илэрхийлье.

Мөн аяны хүрээнд идэвхтэй нэгдэж, оюуны гэрэл түгээн номоо хандивласан анги хамт олонд гүнээ талархаж байна.

Номын цагаан буян дэлгэрч, мэдлэгийн гэрэл бадраг ээ! ✨

2025.10.09
Бэрх Хүслэн ХОУЗ 🕊️

09/10/2025

💕 Олон улсын охидын өдөр 💕

2025 оны Олон улсын охидын өдөр буюу
10-р сарын 11-нийг дэлхий нийтээр охидын үнэ цэн, хүч чадал, дуу хоолойг өргөмжлөх зорилготой тэмдэглэдэг билээ.

Бэрх ЕБСургуулийн 6–12-р ангийн охид
“Бид бол охид: Бид өөрчлөлтийн манлайлагч!” уриатай

2025оны 10-р сарын 13/даваа гараг/ “Pink Day Challenge” хамтдаа тэмдэглэн өнгөрүүлэхэд бэлэн боллоо! 🎆

🎀 Зорилго:
• Охидын өөртөө итгэх итгэл, манлайлах чадварыг дэмжих
• Бие биедээ эерэг нөлөө үзүүлж, охидын эв нэгдлийг бататгах
• Охидын үнэ цэнэ, эрх, оролцоог ойлгуулах

🌸Энэ өдөр ягаан өнгийн хувцас өмсөж эсвэл ягаан өнгийн чимэглэл зүүж ирээрэй!
Ягаан өнгө бол итгэл, энхрийлэл, хүч чадал, охидын гэрэл гэгээний өнгө юм.🌸

✨ Хамтдаа гэрэлтэж, өөрчлөлтийн манлайлагч охид гэдгээ харуулъя! ✨

Бэрх Хүслэн ХОУЗ🕊️

#ОхидынӨдөр

08/10/2025

07/10/2025

"Номын баяр 2025" өдөрлөгт

• Бичиг үсгийн үүсэл хөгжлийн мэдлэг олгох булан
• Ховор номын үзэсгэлэн
• "Өөрийн мэдсэнээ чамд" ном солилцох үйл ажиллагаа
• Асуулт хариулт булан
• Сэтгэгдлийн булан байршина

Та бүхнийг 10сарын 9ны 15:00 цагт ЕБС-ийн урлаг танхимд хүрэлцэн ирэхийг урьж байна

Бэрх Хүслэн ХОУЗ🕊️

23/05/2025

🎓 “Сүүлчийн хонхны цуурайд бичсэн захидал”

– Захидлын уралдаан –

🕊 “Үг бүрт минь дурсамж амьдарч,
Мөр бүрт минь ирээдүй гэрэлтэнэ…”

Амьдралын хамгийн гэгээн, нандин мөчүүдийн нэг " Мөнгөн хонхны баяр" ойртсоор байна. Энэ мөчид бид өнгөрсөн он жилүүдээ эргэн дурсаж, багш нартаа, найз нөхөддөө, ирээдүйн өөртөө хандан үгсээ бичих сайхан боломжийг олгож байна.

✍️ Уралдааны зорилго:

Төгсөгчдийн сэтгэлээ илэрхийлэх, дурсамжаа хуваалцах, уянгын бичгийн чадварыг хөгжүүлэх, багш, сурагчдын харилцааг улам ойртуулах.

Хамрах хүрээ:

V, IX, XII-р ангийн төгсөгчид болон тэдний ангийн багш нар


Уралдааны чиглэл:

➤ Сурагчид:
• Суралцахдаа бүтээсэн дурсамжит өдрүүдээ санагалзан бичсэн.
• Багш, найз нөхөд, анги хамт олондоо хэлэх үг.
• Мөрөөдөл, урам зориг, баярлалаа, уучлаарай, хайртай шүү… бүгд энэ захидалд багтаж болно.

➤ АУБ нар:
• Төгсөгчдөдөө хандаж сэтгэлээ шингээн бичсэн захидал
• Хүний замыг чиглүүлэгчийн хувиар хайр, сургааль, дурсамжаа хуваалцах.

Хугацаа:

Захидлуудыг /2025оны 5сарын 20- 2025оны 5сарын 30 / хүлээн авна.

🏆 Шагнал:
• 5, 9, 12-р анги бүрээс нэг, нэг шилдэг захидал
• Шалгарсан сурагчдын захидлыг мөнгөн хонхны баяр дээр уншиж танилцуулна
• АУБ нарын захидлыг ч мөн баярын үеэр уншиж, дурсамжийг хуваалцана.

Үгс зүгээр нэг цаасан дээр бичигддэггүй…
Заримдаа тэд зүрхнээс зүрхэнд хүрдэг.

Бэрх Хүслэн ХОУЗ🕊️

19/03/2025

Хавар ирлээ шүү, хүүхдүүд ээ! 🌸
Дээлтэй Party-д урьж байна!

Өв уламжлалаа мэдэрч, гоёл дээлээрээ гоёж, инээд баяслаар дүүрэн Дээлтэй Party болох гэж байна. Хүүхдүүд маань уламжлалаараа бахархах сэтгэлтэй, өөртөө итгэлтэй өсөх нь бидний хүсэл.
Хамтдаа нэг өдөр дурсамж бүтээцгээе!

✅ Үндэсний хувцсаараа гоёсон хөөрхөн найзууд
✅ Хөгжилтэй тоглоом, хөөр баясал
✅ Хүүхдийн инээд цалгисан халуун дулаан уур амьсгал

Энэ бол тэдний сэтгэлд үлдэх ХАВРЫН ДУРСАМЖ!

Энэ үдэш бид зөвхөн баярлаад зогсохгүй, тах-ны мөнгө "Задгай мөнгөний аян" сайн үйлсийн аянд хандивлагдах болно🤗
tax-1000төгрөг

Таны өгөөмөр сэтгэл хэн нэгэнд хайр, итгэл найдвар бэлэглэнэ! ❤️

Нэг нь нийтийн төлөө—Нийт нь нэгийн төлөө!

#СайнҮйлс

Бэрх Хүслэн ХОУЗ🕊️

18/03/2025

Орчин цагийн зэвсэгт хүчин үүсэн байгуулагдсаны 104 жилийн ой өнөөдөр тохиож байна.

Эх орныхоо эрх чөлөө, тусгаар тогтнол, ард иргэдийн аюулгүй байдлын төлөө үнэнчээр зүтгэж буй зоригт баатарлаг эрчүүд, эх оронч дайчиддаа Цэргийн баярын мэнд хүргэе!

Эрэлхэг зориг, хатан тэвчээр, үнэнч зүтгэлээрээ үеийн үед бахархагдан дуурсагдах та бүхний ажил үйлсэд нь өндөр амжилт, амьдралд тань аз жаргал, сайн сайхан бүхнийг хүсэн ерөөе!

Монгол Улсынхаа төлөө хийж бүтээж буй гавьяа тань мөнхөд дуурсагдаж, эрүүл энх, эрч хүчтэй, ялалт бүрээр дүүрэн байх болтугай!

Баярын мэндийг өргөн дэвшүүлье!

Бэрх Хүслэн ХОУЗ🕊️