Улаанбадрах сумын Ерөнхий боловсролын сургууль

АЖИЛ МЭРГЭЖЛИЙН ЧИГ БАРИМЖАА
ОЛГОХ ҮЙЛ АЖИЛЛАГАА
Ажил мэргэжлийн чиг баримжаа олгох ажлын хүрээнд Ч.Эрдэнэсувд багштай 9-р ангийн сурагчид Бадрах-Энержи ХХК дээр очиж уул уурхайн үйл ажиллагаа, албан хаагчдын ажил, мэргэжилтэй танилцлаа. Ирээдүйд уул уурхайн мэргэжил эзэмших сурагчид ямар хичээлээ илүү судлах талаар мэдээлэл авч, байгаль орчноо хамгаалах нөхөн сэргээлт хэрхэн хийгддэг зэрэгтэй танилцаж ажиллалаа. Багш сурагчдад байгууллагаа танилцуулан мэдээлэл өгч хамтран ажилласан Бадрах-Энержи ХХК-ний хамт олонд баярлалаа.
СУРГУУЛИЙН ЗАХИРГАА
2026.03.14

Хэрэв чи хэн нэгэн нь нөгөөгөө дээрэлхэж байгааг харвал:
❌ Бүү инээ. Инээвэл дээрэлхэгчид үйлдлээ дахин давтах хүсэл төрнэ.
❌ Бүү бичлэг хий. Энэ нь дээрэлхэгчийг "од" болгоно.
❌ Бүү дуугүй өнгөр. Дуугүй байх нь хүчирхийллийг зөвшөөрсөн болно.
✅ Дээрэлхүүлж буй хүүхдийн хажууд очоод зогс.
✅ "Болиоч" гэж тодорхой хэл.
✅ Багш эсвэл насанд хүрсэн хүнд мэдэгд.

Бусдыг хамгаалах нь жинхэнэ ХҮЧ юм шүү. Та ХӨГЖӨӨН ДЭМЖИГЧ биш ХАМГААЛАГЧ болоорой. See less

Хүүхэд хамгааллын өдөр
Сар бүрийн 3 нд зохион байгуулдаг Хүүхэд хамгааллын өдрөөр 6-9-р ангийн сурагчдад Зөв хүн байх, хүмүүжил, төлөвшилтэй байх, бусдыг хүндэтгэх соёлын талаар сургалт зохион байгууллаа. Сурагчид багийн ажлаар ангийнхаа ололттой тал, сул тал, сул талаа хэрхэн сайжруулах талаар ярилцаж, санал бодлоо солилцлоо. Сургуулийн соёлоо сайжруулан өдөр бүр дагаж мөрдөх, бүтээлч ажил санаачилах, хичээлдээ идэвхтэй оролцох , сурлагын чанараа сайжруулах амлалт өглөө. Сургалтад идэвхтэй оролцсон сурагчдадаа сурлагын амжилт хүсье.
СУРГУУЛИЙН ЗАХИРГАА
2026.03.03

“ХҮРЭЛ ТУЛГА – 2026”
Их зохиолч Д.Нацагдоржийн нэрэмжит
Өсвөрийн яруу найрагчдын
Аймгийн уралдаан
🗓 2026 оны 03 дугаар сарын 10-ны өдөр
Уран үгийн хүчээр
Ухаан бодлоо уралдуулж,
Авьяас чадвараа нээн,
Ирээдүйн их зохиолчдын эгнээнд алхах боломж нээгдлээ.
📖✨ Үг бүхэн чинь үнэтэй.
Бодол бүхэн чинь бүтээл болог.
📌 Дэлгэрэнгүй мэдээлэл, удирдамжийг QR кодоор авна уу.
Дорноговь аймгийн Хүүхэд, гэр бүлийн хөгжил, хамгааллын газар
Дорноговь аймгийн Хүүхдийн ордон

Уралдаан үргэлжилж байна.

АМЧБО үйл ажиллагаа
Ажил мэргэжлийн чиг баримжаа олгох ажлын хүрээнд 9-р ангийн сурагчид сумын Эрүүл мэндийн төв, Зэвсэгт хүчний 0253-р ангийн үйл ажиллагаатай танилцах ажлыг зохион байгууллаа. Хамтран ажилласан ЭМТ, ЦА-ийн удирдлага хамт олонд баярлалаа. Үйл ажиллагааг чиглүүлж зохион байгуулсан нийгмийн ажилтандаа, мэдээлэл авсан сурагчдадаа сурлагын амжилт, ажлын амжилт хүсье.
СУРГУУЛИЙН ЗАХИРГАА
2026.02.26

МЭДЭЭЛЛИЙН ЦАГ-444
02 сарын Мэдээллийн цаг 444 үйл ажиллагааг нөхөн зохион байгуулж дараах мэдээллүүдийг хүргэж ажиллалаа.
1. Medle.mn цахим сайт ашиглах заавар
2.Орон нутгийн онцлогтой хөтөлбөр
3. Сайн эцэг эх байх зөвлөгөө,
5. Хийж хэрэгжүүлсэн ажлын мэдээлэл
4. Сургуулийн үйл ажиллагааны талаар сэтгэл ханамжийн судалгаа зэрэг үйл ажиллагаа зохион байгуулж 23 эцэг эх хамрагдлаа. Хүрэлцэн ирсэн эцэг эхчүүддээ баярлалаа.
СУРГУУЛИЙН ЗАХИРГАА
2026.02.26

Эцэг эх, асран хамгаалагч та бүхнийг хүүхдийнхээ хичээлд сууж багшийн арга зүй, хичээл, сургалтын үйл ажиллагаатай танилцахыг урьж байна.

Боловсролын яамнаас гаргасан заавал унших номын жагсаалт

2025-2026 оны хичээлийн жилийн уншлагын төлөвлөгөөнд тусгагдсан ажлуудаас
1. Бага ангийн сурагчдын "Чангаар унших" арга хэмжээ
2. Сум орон нутгийн бүтээлчдийн зохиол бүтээлийг судлах үйл ажиллагааг тогтмолжуулж байгаа Ш.Оюунцэцэг багштай 5а ангийн сурагчдад баярлалаа.
Амжилт хүсье.
СУРГУУЛИЙН ЗАХИРГАА
2026.02.06

Олон улсын математикийн Кенгуру уралдааны бүртгэл явагдаж байна.
Оролцох сурагчдад ажлын цагаар сургалтын менежер Д.Мөнхноминд бүртгүүлнэ үү.
Бүртгэлийн хураамж 10.000төгрөг
Лавлах утас: 99059122

МЭДЭЭЛЛИЙН ЦАГ-444 ҮЙЛ АЖИЛЛАГАА ЗОХИОН БАЙГУУЛЛАА.
Байгууллагын тогтмол ажлын төлөвлөгөөний дагуу энэ сарын мэдээллийн цаг үйл ажиллагааг 2026 оны 01 дүгээр сарын 29-ний өдөр зохион байгууллаа.
Үйл ажиллагаагаар дараах мэдээллийг эцэг эхчүүдэд хүргэж ажиллалаа. Үүнд:
1. 01 сард зохион байгуулсан онцлох ажлууд
2. Edumap сургалтын цогц системийн ашиглалт, эцэг эх ашиглахын ач холбогдол
3. Дунд ангийн үдийн хоол хөтөлбөрийн 2025 оны тайлан, 2026 оны хэрэгжилтийн чиглэл
4. Уламжлалт тоглоом наадгай танилцуулах
5. Түгээмэл хэрэглэгддэг үгийг зөв бичих, гар утсанд үндэсний бичгээр бичих сургалт, мэдээлэл
6. Улаанбурхан өвчний нэмэлт дархлаажуулалтын мэдээллийг эцэг эхчүүдэд хүргэж 90 хүүхдийн төлөөлөл 21 эцэг эх оролцлоо.
Хамтран ажилласан ЭМТ-ийн хамт олондоо талархал илэрхийлье.
СУРГУУЛИЙН ЗАХИРГАА
2026.01.30