50'Red Cross Youth

✨ТАНГАРАГ ӨРГӨХ, АХЛАГЧ ХҮЛЭЭЛЦЭХ ЁСЛОЛ БОЛЛОО✨

2026.03.27-ны өдөр Нийслэлийн ерөнхий боловсролын 50 дугаар сургууль -ын Өсвөрийн улаан загалмай бүлгэмийн тангараг өргөх, ахлагч хүлээлцэх үйл ажиллагаа амжилттай болж өндөрлөлөө.

❇️ Энэ удаад 105 сурагч ХЗХ-ний гишүүнээр, 1 идэвхтэн багш элсэж, Өсвөрийн улаан загалмайн гишүүний тангарагаа өргөлөө.

Манай клуб нь 2024 оноос хойш идэвхтэй үйл ажиллагаа явуулж нийт 169 гишүүнтэй болсон байна.

Мөн 2024-2026 оныг хүртэл 3 жилийн хугацаанд 12б ангийн сурагч Д.Мишээл нь ахлагчийн үүрэгт хариуцлагатай ажиллан, ажил үүргээ хүлээлгэн өглөө. Дараагийн ахлагчаар 9а ангийн сурагч О.Удвал сонгогдож, ажил үүргээ хүлээн авлаа. Цаашдийн ажилд нь амжилт хүсье!

Хүмүүнлэг иргэн - Хөгжлийн ирээдүй.

#ӨсвөрийнУлаанЗагалмай

Урин дулаан цаг ирж, Өсвөрийн улаан загалмай хаврын элсэлтээ зарлалаа 🌸
Чиний чин сэтгэл, идэвхитэй оролцоо бусдад гэрэл түгээх хамгийн эхний алхам юм. Сайн дурын сурагчид бид шинэ санаа, сэтгэл догдлол, бусдад итгэл найдварыг түгээдэг. Өсвөрийн Улаан Загалмайд элсэж, өөрийгөө нээн хөгжүүлж, шинэ хүрээлэлтэй болж, сайн үйлсийг хамтдаа бүтээцгээе. Энэ хаврын хамгийн зөв алхам.
Бүртгүүлэхийг хүсвэл доорх линкээр нэгдээрэй ✨🫂

https://docs.google.com/forms/d/e/1FAIpQLScxAPxAsOG8bMDVZu_gV5weQLoK_mp1uGi5FABeHqdWSaGYtw/viewform?usp=preview

Өнөөдөр буюу 3-р сарын 8 — Олон улсын эмэгтэйчүүдийн эрхийг хамгаалах өдөр. 💜

Одоогоос 100 гаруй жилийн өмнө эмэгтэйчүүд эрх тэгш байдал, шударга хөдөлмөрийн нөхцөл, сонгох эрхийнхээ төлөө зоригтой тэмцэж байжээ. Тэр үед тэд нил ягаан 💜 өнгийг өөрсдийн бэлгэ тэмдэг болгон хэрэглэдэг байсан нь нэр төр, хүч чадал, эмэгтэйчүүдийн эв нэгдлийг илэрхийлдэг байв.

Өнөөдрийн энэ өдөр бол зөвхөн баяр биш, харин эмэгтэйчүүдийн тэмцэл, тэсвэр тэвчээр, амжилтыг дурсах өдөр юм.

Бүх эмэгтэйчүүддээ Олон улсын эмэгтэйчүүдийн эрхийг хамгаалах өдрийн мэнд хүргэе! 🌷
Та бүхэн үргэлж хүчирхэг, эрх чөлөөтэй, мөрөөдөлдөө хүрэх замдаа гэрэлтэж яваарай.

Монголын улаан загалмай нийгэмлэгээс 2017 оноос хойш 9дөх жилдээ зохиож буй “1000 хүүхдийн цасны баяр” 2026 онд “Цэвэр агаар-Эрүүл инээмсэглэл” уриан дор 3 өдрийн турш амжилттай болж өнгөрлөө. Уг үйл ажиллагаанд НЕБ-ын 50 дугаар сургуулийн ӨУЗ бүлгэмийн 13 хүүхэд оролцлоо.