My journey of finding myself.

Цох дутсан цаг

Цох дутсан цагууд илүү олон тохиоход чимээгүйхэн би өөртөө баяр хүргэн сууна.
Намуухан тунгалаг бас яруу энэ оршихуйтай би балчир насандаа ховорхон хэд учирч байснаа санаж байна аа.
Дахин дахин амталмаар, мэдэрмээр дэндүү амттай энэ хормуудад донтох шинжтэй.

Ахуйн асуудал ихтэй эмэгтэй заяанд минь хэзээ ч тохиохгүй байх боломжтой ховор агшин. Зарим нь тохиосон ч анзаарахгүй өнгөрөх нь олон л гэх юм билээ.

Гүн рүү алсрах сэдлийг өгөх номтой бид хэдий учираа билээ. Хэрвээ учирсан бол дээдийн буян гэж энэ л байх. Ц.Амгалан гэх эрхэмсэг хадагтайн бүтээлүүд, надад ийм цагуудыг минь эргэн бэлэглэсээр байна.

Би ийм нандин оршихуй гэх итгэлийг минь улам л нэмж, дотоодын эрдэнийг минь илүү надад тодруулсаар.

Дээрээс нь гаргасан цагтаа харамсаж, төлөөс төлөх хэрэггүйг ч бас ойлгуулж өөртөө энэ үнэтэй хоромыг бэлэглэх зоригыг ч мөн өгч байгаа юм.

Хэн ч чамд энэ цагийг гаргаж өгөхгүй.
Хэнээр ч үүнийг гаргуулах гэж чарлах хэрэггүй, зөвхөн чи өөртөө өгч чадна.

Хийж буйтайгаа нэг болон ууссан тэр мөчүүд бол миний цох дутсан цаг.

Хамт сэтгэлзаслын груп уулзалтанд оролцдог нэгэн ээж маань энэ гайхалтай сэтгэлзүйн шинжлэх ухаанд талархаад баршгүй гэж хэлж байсан нь бодогдоод л байна. Би ч бас энэ шинжлэх ухаанд үнэхээр их талархаж байна.

2020 онд анх Цогтын Амгалан багшийнхаа лекцүүдтэй танилцаж, тренингт хамрагдаж байлаа. Хаанаас ч олж үзэж байгаагүй, миний л уншсан номнуудын алинд ч байгаагүй тийм л гүн утга агуулгыг эндээс би мэдэрсэн. 5 сонсоод ч дахин давтан сонсмоор санагддаг гайхалтай гүн утгатай лекцүүд. Сургалт бүрээс, лекц бүрээс өөрийн савны хэмжээгээр л хутгаж авсаар явна.

Энэ удаа дурьдахыг хүссэн зүйл бол өөрийгөө хайрлах, байгаагаар нь хүлээн зөвшөөрөх, сэтгэлийн гэрээ бүтээх тухай юм. Хүн СЭТГЭЛЭДГЭРЭЛ-д хүрэхийн тулд хамгийн эхлээд сайн муу өөртөө байгаа бүхий л чанаруудыг хүлээн зөвшөөрч нийгмийн хэлбэрт орсон багаа тайлахаас эхэлдэг. Энэ ойлголт огт надад байгаагүй юм. Алдаа гаргах бүртээ өөрийгөө гамгүй загнадаг, өөртөө шаардлага тавьж түүндээ хүрч чадаагүйдээ өөрийгөө сэтгэлдээ зүхдэг байлаа. Дотор бяцхан амьтныхаа мэдрэмж дээр гамгүй гишгэлэн, чи байгаагаараа хангалтгүй байна гэж мөн их голсондоо.
2 жилийн өмнөх анхны тренингдээ суугаад за энэ чинь л өөрийгөө дотроосоо түлэх хамгийн буруу зуршил юм байна гэдгийг ойлгоод урмын тэмдэглэл хөтлөх болон багахан сайн зүйл хийсэн ч дотор охиноо магтаж урамшуулж байх хэрэгтэйг ойлгож авсан. За би чинь үүнийг биелүүлэхийн төлөө хааяа хичээнээ. Хааяаа шүү хэхэ. Мэдээж сэтгэлдээ өөрийгөө голоод аман дээрээ өөдрөг царайлж магтаад байхаар яаж олигтой байх вэ дээ. Өөрт болон хажууд байгаа хүнд ч энэ зүйл шал хуурмаг харагддаг байлаа. Тэгсэн ч би өөрийгөө урамшуулахаа зогсоогоогүй. Санасан цагтаа магтсаар байсан. Багшийн хэцүү ч гэсэн өөрийгөө урамшуулаад байгаарай, энэ дотор охиныхоо мэдрэмж дээр л битгий гишгээрэй гэдэг үг санаанд орохоор л дахин магтана шүү дээ. Хөөрхөн шүү, чи минь хичээж байна шүү Чухалцэцэг ээ гээд л...
Хамгийн хачирхалтай бас нэг өрөвдмөөр зүйл нь энэ галзуу хүүхэн шүү, өөдрөг хүүхэн шүү гэх мэт хандлагыг мэдрэхийн тулд өөртөө зөвхөн хэлчихийн оронд заавал хүний хажууд чанга хэлнэ. Үүгээрээ хүмүүс намайг тоож харж байна, би байна, би хүмүүсийн анхаарлыг өөр дээрээ авч чадаж байна гэдэг мэдрэмжийг авдаг байсан байгаа юм. Энэ сэдлийг анзаарах гэж бас хугацаа орсоон.

Одоо би заавал хэн нэгнээр өөрийнхөө байгааг батлуулах шаардлагагүй, би энд байна гэж чанга орилох хэрэггүй өөртөө хангалттай бүтэн хүн болжээ. Өөрийгөө магтаж эхлэхэд анхандаа маш эвгүй худлаа санагддаг байсан ч сүүлдээ хүн дасаж эхэлдэг юм билээ. Бага багаар худал мэдрэгдэхээ больж чин сэтгэлийн угаас өөрийгөө урамшуулдаг болж өөрчлөгдсөн. Үүндээ би өөртөө үнэхээр талархаж байгаа. Энэ замд хөтөлсөн найздаа, Ачтай багшдаа маш их талархаж байна.
Одоо 6 сард 22оны Очирын бороо тренинг зарлагдах гэж байна. Үүнээс ямар олзтой байхыгаа хэлж мэдэхгүй юм. Гэхдээ хэдэн зорилго тавиад дахин Очирт эгч дүүсийн нэг болж Очирын бороонд шалба норхоор шийдсээн.
Ш.Чухалцэцэг 2022 оны 5 сарын 19.

Ажлаас айхаа больсон минь
Сайн байна уу? Энэ бичвэрийг унших та нартаа өдрийн мэнд хүргэе.
Энэ удаа сэтгэл заслын уулзалтаар илэрсэн асуудал болон түүний гайхалтай үр дүнг та нартайгаа хуваалцах гэсэн юм.
Миний асуудал:
Надад ямар нэгэн ажлыг хийх гэхээр зүрхшээгээд байдаг, нэг ажил дээрээ 2 жилээс илүү тогтдоггүй үүнийгээ дагаад кареер байхгүй. Одоогийн байдлаар салбар бүрд орж 5 ажил сольжээ. Нэг л тийм ажлаа тайван хийх эрэлд хатаад байна. Магадгүй амьдралын зохиол юм болов уу? гэж уулзалт эхэлсэн.
Хариуд нь багш:
Чиний Инж...Гинж групт биеэ авч яваа байдал, Зүүм уулзалт болон өмнөх уулзалтуудаас хархад чи маш хариуцлагагүй, ажлаас маш их айдаг хүн. Чи сэтгэлзүйн хувьд ерөөсөө том болоогүй байна. Том болоогүй хүн үргэлж хүнээс заавар зөвлөмж хүсэж, өөрөө шийдвэр гаргаж боловсруулж чаддаггүй. Яагаад гэвэл тэр тэгсэн учир би тэгсэн гээд хариуцлагаас бултахад амар шүү дээ. Чиний дотор ийм зүйлс байхад чи амжилт бүтээлийн талаар яриад хэрэггүй. Үүрд гүйцэтгэгч хэвээр байна гэсэн үг маш хатуу сонсогдсон. Сая чи амьдралын зохиолд буруугаа чихээд сэтгэлзүйн тоглоом тоглоод эхэллээ гээд хатуухан хэлж байна.
Яагаад би бол хариуцлагатай хүн, Хариуцлагагүй байхдаа яах вэ? дээ. Бага байхаас л хариуцлагатай гэж үнэлэгдэж багшийн өгсөн үүрэг даалгаврыг яг цаг тухайд нь биелүүлдэг сайн сурагч байсан. Хэн нэгнээс мөнгө зээлдвэл буцааж өгдөг гэх мэт бодлууд хөвөрч хэсэг шоконд орсон.
Хэн нэгний өгснийг бол хийчхээд харин өөрөө боловсруулан хийх гэхээр хүнээс зөвлөмж хүсээд эргэж хулгаад барьж авч чаддаггүй үүндээ стресдээд маш их ядардаг байснаас хархад багшийн хэлсэн том болоогүй хариуцлага хүлээхээс үхтлээ айдаг гэдэг үг үнэн болж таарлаа. Хэцүү ч би хүлээн зөвшөөрсөөн.
Хамгийн гайхалтай нь юу байсан гээч....
Уулзалтын маргааш Даваа гарагын орой анзаартал өнөөдөр ажил хийхээс хулгахгүй шууд л барьж аваад хийгээд байсан байх юм. Бүүр гайхаад, нөгөө айдас хаачив??? гэж бодлоо.
Хариулт нь багштай уулзсан тэр уулзалт намайг том хүн болж болно гэсэн зөвшөөрлийг аль хэдийнээ өгчихжээ. Би хэзээ ч ийм тайван, гүйцэтгэл сайтай ажиллаж байсангүй. Энэ 7 хоног өмнөх өөртэйгөө харьцуулахад бүтээмжтэй өндөртэй 7 хоног болж таарлаа. Айдасгүй тайван ажлыг хийх чинь ямар аз жаргалтай байдаг юм бэ?
Баярлалаа эрхэм багш минь. Багш даа ер нь баярлалаа, хайртай гэдэг үгийг бага хэлдэг ээ анзаарлаа. Багшийн үг хатуу ч үнэн байдаг, уулзалт бүр үнэхээр супер үр дүнтэй байдаг.

Их л ойлгоод, их л ухаараад байна гэж бодоод л байсан. Гэхдээ маш хол байгаагаа, зам тодроогүй, бүдэгхэн сүүмийж байгааг мэдсэн.

Юу яриад байгаан болоо гэж та нар гайхаж магадгүй л дээ. Би чинь 2 жилийн өмнөөс л СЭТГЭЛЭДГЭРЭЛ-ийн их замд, үүргэвч дүүрэн ачаатай гарсиймаа. Бага багаар ачаа хөнгөрч, замын гэрлүүд асаж эхлэлээ.

Багш минь чиглүүлж, Ижий минь өнөөдөр анхны гэрлийг асааж өглөө.
Эх эхлэл минь, Эх ундрага минь дээ.

Удахгүй араас нь олон олон жижиг гэрлүүд асаж, хаашаа явах минь зам минь улам тодрох биз ээ.
2022/03/06

Зангиатай архичины амьралаас гарсан минь.

Энд пост бичихэд заримдаа надаас маш их зориг шаарддаг. Сэтгэлийн минь нуух хаах, ичих зүйлгүй үнэн илчлэлт энд явагддаг болхоор. Аав ээж минь олж уншаад гомдох вий ч гэсэн болгоомж байдаг. Тэд минь муу огтоос биш юм шүү. Зүгээр л бүгдэд байдаг ч цөөхөн нь сөхдөг асуудал....

Ихэнхэд маань миний муу бүхнийг бусад, нийгэм мэдээд намайг гадуурхах вий гэсэн далд айдастай учир л тэд маскаа үргэлжлүүлэн зүүсээр л байдаг.

Тэрнээс миний бичдэг сэдвүүд бүгдэд л адилхан байдаг асуудлын нэг дээ.
Нэг ч гэсэн хүн энэ бүхнээс холдоосой гэсэн чин хүсэл оргилж, ичих нүүрээ далд хийн өөрт байсан асуудлаа бичлээ.

Энэ их эвгүй нэр байгаа биз. Ажлын газрын хүний амнаас бид ер ийм юм байна гэдэг үгийг анх сонсож байлаа. Сонссон даруйд их эвгүй санагдсан ч сэтгэл дотроо бол хүлээн зөвшөөрөөгүй ээ.
Бид өөр та л тийм юм байгаа биз гэх ухааны юм бараг ярьж байлаа.

Гэтэл хөрсөн дээрээ буугаад ирэхээр алдарт яг 2-3 жил Баасан ахыг алгасахгүй тэмдэглэсэн. Хүн хархад өдөр бүр уугаад байдаг хуучны бидний мэддэг архичин шиг биш ч, 7 хоногт тогтмол 1-2 бол бас асуудал юм шүү. Гэхдээ үүнийгээ хүн асуудал боддоггүй юм билээ. Стрессээ тайлна, хамт олонтойгоо нэгдэнэ, ойлголцоно гэх ухааны сайхан үгээр далдлаастай.
Яавал гэж ажил хийж байхад иймэрхүү юм байлгүй яах вэ? гээд л өөрийгөө зөвтгөнө өмөөрнө.
Ер нь бол эрүүл харилцаа гэдэг зүйлийг огт мэдэхгүй сэтгэлийн боловсрол дутуугийн л илрэл л дээ. Согтуудаа ажил ярьж ойлголцоно ч гэх шиг☺️☺️☺️.
За тэгээд алдарт тэмдэглэлт өдөр ирэхээр пиво 4-5 шилээр нь ууна, маргааш өдөр нь шартана, шөнөдөө бөөлжинө. Тэгэж их биеийн зовлон эдлэж байгаа хэрнээ дурлаад байдаг байсан.

Ингэж явсаар Bat-Uyanga Baatar найздаа загнуулан барин анх, Цогтын Амгалан багшынхаа Инж...Гинж-д сууж байсан. Дараа нь Очирын бороо залгаад суусан. Энэ 2 тренингт нус нулимстайгаа холилдон суусны дараагаас энэ өөрчлөлт бага багаар явагдаж эхлэсэн юм билээ. Эхэн үедээ анзаараагүй.

Нэг л мэдхэд гэртээ эрт ирдэг, охидууддаа яардаг, өөрийнхөө дотоод гоо сайхныг авч хэлэлцдэг, баасан байсан ч гэр лүүгээ яардаг болсон.
Сүүлд бодоод байхад тэгэж уудаг байсан минь цэвэр миний сэтгэлзүйтэй холбоотой байсныг ойлгосон. Ууж мансуурч сэтгэлийн дотор байгаа асуудлуудыг мартагнана. Тэр л түрхэн зуурын марталтанд ДОНТОЖ баасан алгасахгүй тэмдэглэдэг байж.

Харин тренингүүдэд явсаны ачаар тэр ууж мартдаг байсан асуудалтайгаа өөрөө эрүүлээр учираа олоод ирхээр нөгөө донтолтын шинжтэй зүйлс огтоос хэрэггүй болсон байгаа юм.
Ингэж л би жаргалтай эмэгтэй, жаргалтай ээж байх зөвшөөрлийг өөртөө өгсөн байсан даа.

Одоо бол би өөртөө маш хямгатай эрхэмсэг ханддаг болсон. Миний шоудалт өөртөө гаргах, өөрийгөө эрхлүүлэх цагаар солигдсон. Зүрхний хэдхээн найзтайгаа уулзаж, спа, бариа, маш гоё амттай хоол идэж эрүүлээр хөгжилдөнө. Хангалттай тансагласан ч санхүүд хэмнэлттэй ккк.
Болсон болоогүй уулзаж уудаг байсан найзуудаас хөндйирсөн, уух саналд шударгаар үгүй гэж хэлж чаддаг болсон.

Баяртай Тэмдэглэлт Баасан гараг минь.
Hi, Эрүүл жаргалтай Баасан гараг минь.

Өөрийнхөө хүүхдээ загнах хоолой, аяглаж буй аяг бүрээсээ ээжийгээ би олж хардаг
Өөрийнхөө гаднаа чимээгүй ч дотроо өөртэйгөө ярилцаж, гүн бодолд автдагаасаа аавыгаа би олж хардаг

Яс минь ээж
Цус минь аав

Үг минь ээж
Бодол минь аав
Би аав ээжийнхээ ургамал.

Угтаа бол би ганцаардаж байна.

Ингээд хэлчвэл гэр бүл хэдэн сайхан найзууд минь гомдох байхдаа.

Үгээ цааш нь залгих, хэлсэн ч, ярисан ч ойлгох биш дээ гээд орхих сэдвүүд олширсоор л өнөө маргаашийн жижүүрийн хэдэн үгтэй болжээ.

Магадгүй гэртээ сууж нийгмээс тасарч байгаа, төрсөний дараах сэтгэл гутрал гээд янз бүрийн л юм байгаа байх гэж бодох юм.

Мэдрэмж бүрийг чин үнэнээр уудлаад гаргах зориг дутна, зарим нь бүүр бусдад байтугай өөрт ойлгомжгүй. Бид бүгд л маш завгүй араа шүд нь тачигнасан машин дотор амьдралаа залгуулах гэж тун чиг завгүй амьдардаг. Хол амьдардаг хүн байтугай хамт амьдардаг хүнтэй ч 30 минут ярилцах цаг үнэндээ хомс болжээ. Ирлээ идлээ, дэлгэц ээ ширтлээ, маргаашдаа яарлаа, хийгээгүй ажлаа бодлоо, бодолдоо ядарлаа. Бүгдээрээ тийм болж. Нэг л яарсан хүмүүс одоод яг юу болоод байгааг анзаарах сөхөө үнэндээ алга. Хатуухан хэлхэд үйлээ гүйцээж үхэхдээ яардаг бид гэж уншиж байсан санагдана.

Хүн цагаа зориулна гэдэг бол амьдралаа үрж байгаа маш нандин зүйл учир хэдэн сайхан найзуудынхаа цагийг хайрлана. Миний ярих хэрэгцээ дутагдсаны төлөө тэр хүмүүсийн цаг дэндүү хайран.

Олны дунд байхдаа би мэдрэмжээ бас чин үнэнээр гаргадаг байв уу? гэж асууж үзлээ өөрөөсөө. Үгүй байж, тэрэнд тийм харагдах ёстой нэг баг, тэнд тйим байх хэрэгтэй бас нэг өөр баг, үнэн би яг хаана байв аа. Хаана ч алга аа...

Магадгүй олноос холдсон энэ хэсэгхэн хугацаа үнэн өөртэй минь намайг учруулж, сэтгэлдээ угаасаа л ганцаараа гэдгийг ойлгуулж буй үнэтэй агшин юм уу даа.

Олонтой байхдаа олон багныхаа хооронд төөрөлдөж, үнэнээсээ бүр л алсардаг байж...

Эцсийг эцэст энэ хорвоод хоосон ирээд хоосон буцдаг, угаас юу ч чинийх биш. Аав ээж, ах дүү, хань нөхөр бүгд чинийх биш, тэд ч бас өөрийн гэсэн хувь тавилан үйлдэх үйлтэй хүмүүс. Тиймээс өмчлөж өөрийгөө зовоох хэрэггүй. Үүнийг л хүлээн зөвшөөрч чадахгүй тэлчлэх юм даа. Багшийн хэлдэгээр хүлээн зөвшөөрөөд сурчвал амьдрал амар болох байх.

Сэтгэлийн нөхөр ер нь байдаг болов уу? Байдаг бол маш ховор л байдаг байх даа.
Олны дотор жаргалтай байлаа ч, сэтгэлдээ ганцаараа байх үе хүн бүрт л байдаг юм байна даа.
Нөхрөө хүлээж нойр хулжсан эхнэрийн тэмдэглэл 2022/02/19 03:38

Зөвшөөрөл
Угтаа зөвшөөрөл гэж яг юу вэ? Та өөртөө дээдийн дээд тансаг оршихуйг бий гэж төсөөлж чаддаг уу?
Эсвэл энгийн нь сайхан ш дээ. Надад тйим гоё ганган зүйл зохихгүй гэж сэтгэл дотроо бодож байна уу?
Тйим энгийн байх нь надад тохирно гэж итгэл байсан ч та амжилт, ялалтын төлөө илүү мөнгө, илүү хэрэглээний төлөө зүтгэсээр байж болох юм. Аман дээрээ энгийн ч сэтгэл дотроо тансаг оршихуйд шунасаар л...
Яг л ийм зөрчил миний дотор удаан явсан.
Үүнийхээ учирыг Цогтын Амгалан багшийнхаа лекц, цахим сургалтанд хамрагдсаны дүнд тийм тансаг оршихуй надад бий гэдэг зөвшөөрөл надад байхгүйг олж харсан. Гэхдээ бүгдийг биш ч ямартаа ч өөртөө бол өвөр дүүрэн олзтой байсаан.

Харна гэдэг их амжилт, өөртөө удаан ч гэсэн энэ зөвшөөрөлийг өгч сурч байна.
Мөн хамгийн гайхалтай нь багшийн лекцүүд, цахим сургалтууд тэр зөвшөөрөлийг өгч чадсан байдаг.
Гайхмаар сайхан шүү🥰🥰🥰.

Өнөөдрийн оргил мөч нь дуртай дарсаа шимэнгээ, уншихыг хүссэн номоо эргүүлэх байлаа.

Өнөөдөр хайрын баярын өдөр, хайрдаа сэтгэлийн үгээ бичээд, зурагтай стори хийдэг юм уу гэснээ нэг л гар хөл хөдөлсөнгүй. Уг нь түүндээ хэлэх сэтгэлийн үгс зөндөө л байгаа, гэхдээ энэ удаа яагаад ч юм чимээгүйхэн илүү нандин чигээр нь зүрхэндээ хадгалахыг хүслээ.

Өглөө Давка түрүүлж босоод ээжэээ босоочээ, босоочээ л гээд үглээд байв. Тэгсэнээ тэсэхгүй аав танд улаан гоё юм хөргөгчинд үлдээсэн байна гэж хэлээд suprise-ийн эрчийг бууруулав.
Нойрмог ээжийн нойр сэргэж, хөргөгч рүүгээ гүйсэн дээ. Би бэлгээ өмнө нь авсан тул хүлээлтгүй байсан юм аа.
Улаан боодол дээрээ бүдэг харандаагаар гараар бичсэн танил үгс...
Баярын мэнд хүргэж ээ тэр минь....

12 дох билүү, 13 дахь валинтен аа хамтдаа тэмдэглэж байна даа. Зүрхэн хэлбэртэй цагаан бялуу хувааж идсэн валентин ерөөсөө санаанаас гардаггүй юм. Бялуу зарж байсан ахаас
Ах аа, тийм нэг эрээн далбагар чихтэй малгайтай залуу ирж аваагүй биз гэж асууж асууж зүрхэн бялуугаа авч билээ. Тэр үед яг яагаад тэгсийн бол, тэр олон дэлгүүр байхад давхардвал гэж🤣🤣🤣.

Дурсамж бичээд бүүр төөрчлөө тээ. Эргээд бичвэр лүүгээ ороё доо.
Боодол дээрээ бичигтэй тул бичгийг нь урахгүй санаатай нямбай задалсан ч цавуутай тул яалтачгүй урагдав😊😊😊.
Задлаад хартал унших юмсан гэж удаан үглэсэн ном гарч ирсэн юм даа. Баярласан гэж....
Харин Давка , Нямка 2 шоко гэж бодоод биш байтал урам нь хугараад өрөөрүүгээ явсан даа😀😀.
Утасдаад баярлалаа хайраа гэтэл:
Хүсээд байхаар чинь аваад эргүүлээд харсан чинь, их хүнд сэдэвтэй юм аа баяраар ийм юм авхуулж байдаг гэсээр яриа тасарлаа.

Харин би өдөржин чихэр хадгалсан хүүхэд шиг өег байж байгаад бүгдийг жин тан болгоод дэлгээд суусан даа.
2022/02/14

Зурагт номны тухай товчхоон

Бидний багад зурагт ном ховор. Уран зохиолын зураггүй том романууд л уншиж дадсан тул зурагт номыг ер нь таашаадаггүй ойлгодоггүй байсан. Бага насны хүүхэд тул зураггүй тэр том романуудын амтанд ордог болтлоо нилээн тэвчээр гаргаж байснаа санадаг.

Анх МЭГС группын Цэнтуяа багшийн зөвлөсөний дагуу хэл сургах зорилгоор жижигтээ хэдэн ном авлаа. За багш битгий орчуулаарай зүгээр л уншиж өгөөд байгаарай гэсэн тул орчуулахгүй гүрийгээд л уншиж өгөөд байсан. Гэтэл хүүхэд өөрөө зургийг хараад, үг өгүүлбэрийн утгаар нь тухайн гадаад хэлний учирыг олдогыг сая л өөрийн биеэр ойлголоо. ТВ ч адилхан юм байна. Тэгээд л нөхдүүд биднээс илүү сураад байдаг бололтой. Удаан ойлгодог намайг бурхан өршөөг😜😜😜.

Миний энэ бичвэрийн санаа нь заавал ТВ-тэй нөхөрлүүлэлгүй ном ашиглах арга зүй байж болдог юм байна гэж хэлэх гээд байгаа юм аа. Хааяа ТВ гээ унтраагаад ном уншиж өгхөд их хөөрхөн байдаг.

Миний анзаарсан давуу тал:
Хэл сурахад их тустайн дээр,
Номонд хүүхэд маш дуртай болдог.
Нэмээд хэлхэд маш сонирхолтой эд байдаг юм байна энэ зурагтай нөхдүүд чинь.
Одоо бараг Давкатай номыг нь булаацалдаад уншаад байгаа юм биш үү😉😉😉.

Багш ингэж хэлсэн:
Хүүхэд нэг үгийг ТВ гээс хэдэн мянган удаа сонсож байж барьж авч өөрийн болгодог, олон цаг ТВ үзсэн гэсэн үг. Мөн ТВ хөдөлгөөн хурдан тул хараа тогтож амжаагүй хүүхдийн хараанд муу, харин номноос авах тухайн үг өгүүлбэрийг ойлгоц илүү байдаг тул хүүхэд хурдан сурдаг.

Сүүлийн үед би чинь жоохон эмо байна аа. Бичмээр санагдаад л.
Учир юунд вэ? гэвэл Амгалан багшийнхаа хэдэн лекцийг эргүүлж тойруулан сонсох тусам, ухаарах бодох зүйлс улам л нэмэгдэнэ.

Өмнө нь сонсохдоо энэ утгыг, энэ өгүүлбэрийг хаагуур өнгөрөөсөн юм бол доо гэж ирээд л сонсоно шүү дээ.
Багшийн үг гэрлийн хурдтай биш гэх үг хэд хэдэн лекцэнд давтагддаг. Энэ нээрээ л үнэн үг юм. Сонсоод өнгөрөх ч ухаж ойлгохгүй зүгээр л чихний хажуугаар урчих үе байна. Тэр үгийг хүлээж авах хугацаа тохироо нь одоо л бүрдсэн юм болов уу? гэмээр орой руу ёон ёон хийтэл орох үе ч байна. Хэрэв энэ үе таарвал азтай тохиол юм шүү😊😊😊.

Ойрын үед азтай тохиол нилээн давтагдсан сайхан үе байна аа.

Нээрээ Өлзийтөгс зохиолчийн номыг, Ганжавхлангийн Чөтгөрийн бясалгалыг бас уншмаар л байна.
2022/02/07