Green Teachers MGL

Khalil Gibran on Fear

It is said that before entering the sea
a river trembles with fear.
She looks back at the path she has traveled,
from the peaks of the mountains,
the long winding road crossing forests and villages.
And in front of her,
she sees an ocean so vast,
that to enter
there seems nothing more than to disappear forever.
But there is no other way.
The river can not go back.
Nobody can go back.
To go back is impossible in existence.
The river needs to take the risk
of entering the ocean
because only then will fear disappear,
because that’s where the river will know
it’s not about disappearing into the ocean,
but of becoming the ocean.

~ Khalil Gibran

🇩🇪 Олон өөр сургалтын төвийн хүүхдүүдтэй учрав. Зарим нь албан ёсны баталгаат А2-н шалтгалтаа өгөөгүй байхад, сургалтын төв нь өөрөөсөө В1-н үнэмлэх олгочихсон байх жишээтэй. Яагаад хүүхдүүдээ бодохгүй байна вэ? Ээж, аав нь мөнгө төлж, хүүхэд нь цагаа өгөөд сурах гээд сууж байна шүү дээ. Дээр нь нөгөө хүүхэд “би В1-тэй” гээд итгэчихсэн байх нь бүр хэцүү. Хүүхэд үнэнтэй тулгарах ямар байх бол? Тун ч ...

🇩🇪 Реклам хөөгөөд эсвэл сайн судлахгүй явж явж, өнгөрсөн хойно нь ирж засуулах юм. Өнгөрсөн хугацаанд их л “засварын” ажил хийв. Заримд нь туслав, заримд нь чадсангүй. Дээр нь хэл сурах гэж байгаа бол “ЯРИХГҮЙ” яаж болох юм бэ? Дэвтэр шагайлгаад, чимээгүй суулгаад сургачихсан гэлтэй. “Хэл” гээд аман доторх хэлээ хөдөлгө гээд байна. 😊 Дөрвөн чадвар аль болох бүгд л жигд хөгжих ёстой. Анхнаасаа зөв явахгүй бол дуудлага хүртэл зөрөлдөөд тун амаргүй. Дуудлага нь жижиг юм шиг хэр нь маш том зүйл. Германд очоод засагдана гэж горьдоод хэрэггүй дээ. Анхнаасаа л зөв сурах хэрэгтэй.

🇩🇪 Их сольдог үсгүүд:
F: үсгийг “п” гэж дуудахгүй. Энэ бол монголын “ф”-тэй дүйцэж очно. Хоёр уруулаа нийлүүлэхгүй, хөнгөн үлээж хэлнэ. "Fahren"
“P”-г харин уруулаа нийлүүлж байгаад жинтэйхэн дуудна. "Papst"
Z: энэ бол монголын эсвэл английн “з” биш. Илүүтэйгээр “ц” гэж дуудагдана. Zum-г “зүм” эсвэл “цүм” гэх ялгаатай. “Zum”-ийг “Зүм” гээд байвал өөр утга, жишээ нь “зөгий” бодож магад шүү. 🤓

🥰 Өчигдөр хичээл дээр унаган герман хэлтэй хүүхэд ирээд бидэнд тоглоом зааж өгөв. Хүүхдүүд маань эхлээд сандарсан боловч хүүхдийн ертөнц гэгээхэн болохоор удалгүй дундаа орон мэддэг герман хэлээрээ ойлголцоод догь байцгаав. Нэг л үг монголоор хэлэхэд асуултуудад хариулах торгуультай. Эхэндээ "ммм ммм мхн ммм" гэж дүнгэж ярьцгаагаад инээд болов.
Аргагүй дээ, унаган хэлтэй хүүхэд хурдан ярьж байгаа. Багш нар нь аль болох ойлгуулах гээд л давтан, удаан яриад дасгасан байх.
🥰 Дараа нь бид талбай орж "Гэр үзэсгэлэнтэй" танилцав. Тэнд нэгэн зуулчинтай таараад түүнтэй хэрхэн учраа олж байгаа хүүхдүүдээ хараад бахархав. Герман, англиар яриад байгаа бүлэг хүүхдүүд хараад ихэд гайхаад бас бахархаад "чи бас англиар ярих уу" гээд хүүхдүүдээс асуув. Манай хүүхдүүд дугуй унуулдаг эгч тэр 2-н орчуулгыг хийгээд, хүнд туслаад, ихэд баяртай байх дүр зураг хараад багш би баясав. 🥰
Энэ мэтээр сурсан зүйлээ гаргах боломж байгааг ухаарсан байх. Би ч зүгээр байсангүй, боломжийг ашиглаад хэл сурах ямар ашигтайг хэлээд амжсан.😊
Сурах зам нь өлзийтэй байг! 💖

Шавиараа бахархмаар санагдав. 🥰
🌈 Багш нь та хэдэд мэдэж байгаа зүйлээ чадлаараа шавхаж заана. Түүнээс дор хаяж 80%-ийг нь авбал сайн байна. Өндөр ч хувь байж мэднэ. Гэхдээ л багш хүн өөртөө байгааг "үлдээхгүй" өгч байгаа бол энэ хэмжээний хувь шаардахад буруудахгүй байх. Мэдээж тэр сурсан зүйлийн үр дүн баталгаат байгууллагын шалгалтаар баталгаажина.

🌈 Ажилдаа иртэл манай хүн аль хэдийн ирчихсэн “Багш аа, караокедъё*. Би шалгалтдаа тэнцсэн” гээд бөөн баяр угтав. Тэвэрт багтахгүй тэнтгэр нөхөр “хардаа” гээд дүнгээ үзүүлбэл ЯРИА-н дээрээ 100% авчээ. Юун 80 бүр давуулан биелүүлсэн болохоор “за тэгье, тэгье, караоке орох уу даа. Хэхэ”.
“Тоглосон юм аа багш аа, юун зугаацах. Дараа болъё. Одоо дараагийн түвшиндээ бэлдэх хэрэгтэй ...”. Багшаас өгсөн шагнал нэг жижигхэн амттан байв. 🧁

🌈 Үнэндээ миний гавьяа гэхээсээ илүү тэр сурагчийн өөрийн хувийн сахилга бат, хичээл зүтгэл, тууштай байдал, сайхан сэтгэл бүгд түүнийг богино хугацаанд энэ амжилтад хүргэсэн юм. Ихэнх тохиолдолд хүүхдэд “хичээлээ хий” гэж хэлдэг бол харин түүнд “одоо болно оо, амраад өгөөч ээ” гэх нь элбэг. “Багш аа, би герман хэлийг анхнаас нь цэгцтэй сурмаар байна” гээд нээлттэй хэлж байсан анхны өдрийг тод санаж байна. “Багш аа, хүүхдүүд яагаад гэрт өгсөн юмыг хийхгүй ирээд, энд цаг үрээд байгаа юм бэ” гээд хаяадаа гомдоллох нь хайр хүрэм. Ангид хүүхдүүд зөвхөн урдахаа сурах биш амьдралд суралцдаг. Өөртэйгөө болоод бусадтайгаа, хүний мөн чанартай танилцдаг. Энэ бүх хэм хэмжээнд суралцаж яваа багшийнхаа нэг НАР шүү чи минь. 🥰 Хүүхдээ сайн хүмүүжүүлсэн ээж, аавд нь талархаж байна. 🙏
Гадаадад очоод хүссэн зорилгодоо хүрч, өөрийгөө бүтээж, ээж, ааваа баярлуулж, эх орныхоо нэрийг сайнаар сийлж бас бусдад дэмтэй явах хүүхдүүдээ харамгүй дэмжихийг хүсдэг. Тэдний нэг бол чи минь юм шүү. Шавьдаа аз жаргал, амар амгаланг хүсэн ерөөе! 💖

Өглөөний мэнд
📣📣📣 Хоёр шинэ мэдээтэй. 📣📣📣

1️⃣ Бид герман хэлний түвшин тогтоох шалгалт авдаг боллоо. Түвшнээ мэдэх нь олон сайн талтай: Аль түвшинд байгаагаа мэдсэнээр цаг, мөнгөө хэмнэнэ. Хэрхэн яаж сурах, юун дээрээ анхаарах зэрэг нэмэлт мэдээлэл авна.
Оношилгоо хийх өдөр:
✅ Лхагва гараг бүр 14 цагт

2️⃣ Дараагийн шинэ мэдээ: Бид хүмүүст гадаад хэлийг хялбар аргаар сурах арга барил олгох тал дээр байнга судалж, туршиж үздэг. Хүн бүр онцгой болохоор нэг аргаар нүдэх нь зохимжгүй байдаг. Үүнээс үүдэн ерөнхий зүй тогтлыг гаргаж зөв бүтэцтэй өгүүлбэр хэлж, бичиж сурах алхамчилсан 👉ДҮРМИЙН ХҮСНЭГТ болон СХЕМЧИЛСЭН ТУСЛАХ хийж гаргалаа. Хэрхэн ашиглах талаар мөн Лхагва гарагт ирж мэдээлэл авч туршиж үзэээрэй.

✅ Холбогдох утас: 99961445, 88038530.
Мөн утсаа үлдээвэл бид тантай холбогдох болно.
✅ Хаяг: МУИС-н 2-р байрны ард талд, Залуучууд зочид буудлын урд талд байрлах КАМИН ГАЛЕРЕЙ, 28 тоот.

💚 ХЭРЭВ ХҮН ӨӨРӨӨ ХҮСВЭЛ ХҮРЭХГҮЙ ЗҮЙЛ ҮГҮЙ БИЛЭЭ. 💚

🇩🇪 Герман хэлний A1, A2, B1, B2, C1, C2 гэсэн зургаан түвшин бий. Түвшин бүр бие бие дээрээ суурилсан, аажмаар хүндрэх агуулгатай. Хүмүүс өөрөө сураад түвшин алгасаад дээшээ ангид орно гэж андуурдаг. Цагийн юм цагтаа байдгийг хүлээн зөвшөөрч чадахгүй үсрэхийн хохирлыг үүрээд харин ч бүр их цаг, мөнгө алддаг. Дээр нь энд тэгсэн, тэнд тэгдэг гээд дуулсан юмаа яриад, системтэй сурч чадахгүй болсон байх нь багшид тун хүндрэлтэй. Эхний хоёр бол маш чухал түвшин. Энд хүн сурах ёстой дүрмийнхээ ихэнх хувийг системтэй үздэг. Алгасаж болохгүй түвшнүүд. Сууриа бат бөх тавихгүй бол яах бол? 🤔

🤓 Тиймээс хэл сурахад дор хаяж нэг жил төлөвлөх хэрэгтэй. Хоёр жил сурахад их сургуульд сурахад хангалттай хугацаа гэж үздэг. Гэхдээ энэ нь ачаалал даах насандаа байгаа хүний хувьд шүү. Эхэлж сурч байгаа хүмүүстээ амжилт! 👏

A2 - оо давчихсан уу? Тэгвэл дараагийн түвшин B1, B2 -т тавтай морил. Энд ганц хоёр үг биш, холбоотой утгуудыг сурдаг. А1 болон А2 дээр хоёр дугаар баганад байгаа үгсээр яриад байсан тийм үү? Одоо тэгвэл дээшилнэ ээ. ✈️ Төвөгтэй гэж бодолгүй, хүлээн зөвшөөрч, жаргаж, ухаж сураарай. Шинэ юм сурах бүрд сэтгэлгээ тэлдэг. Сураад байж дээ. Амжилт. 🤓

🇩🇪 Für die Schülerinnen und Schüler, die die B1-Prüfung ablegen wollen, habe ich eine Leseübung vorbereitet. Bitte lesen und die Aufgabe lösen. Viel Spaß!
Für Fragen sind wir offen. 🤓

👩‍🏫 Хичээл орно гэдэг нь зөвхөн урдхаа заахын нэр биш ээ. Багш хүн олон янзын зан ааштай, ар гэрийн түүхтэй хүүхдүүдтэй харилцдаг. Тэр нь нэг дор гээд бод доо.

👩‍🏫 Нэг нь шууд хүлээж авдаг байхад нөгөө нь үгүй. Уг нь хүн бүр эрт орой хэзээ нэгэн цагт хүлээж авна. Гэхдээ тухайн хүүхдээ хоцроохгүй аваад явахын тулд нийтэд нь сэтгэлзүйн талаас нь юм хэлэх шаардлага гардаг. Учир нь хүний анхаарал төвлөрөл, ойлголт хүүхэд насны туулал болон ар гэрийн орчин зэргээс их хамаарна. Нэг ёсондоо бяцхан сэтгэл засал явагдана. Эс бөгөөс хэлсэн үг чихнийх нь хажуугаар өнгөрөөд, тэр өрөөнд байхгүй юм шиг бодол нь тэнэнэ.
Ёстой нөгөө эр хүний арван гурван мэх гэдэг шиг багш хүний хэдэн мэх гаргаж хичээл ороод байгаа юм дээ. Заримдаа зугаатай, заримдаа хэцүү.

👩‍🏫 Эцсийн эцэст “Эдгээр хүүхдүүд Монгол улсын ирээдүйг бүтээнэ. Тийм учраас би одоо л бүхнээ гаргах ёстой.” гэсэн тэр нэг “хоосон мөртөө үнэн” хүсэл тэмүүлэлд хөтлөгдөн ажлаа хийнэ. Өрөвдөлтэй ч юм шиг. 🙏

🔺 Доорх зураг дээр бие, сэтгэл, оюун гурвыг дүрсэлсэн. Сэтгэл сэвтэй бол юм сурахад их саад болдог. Сэтгэлдээ юу болохгүй байгааг мэдчих юм бол сэтгэл хөдлөлөө ажиглаад зохицуулах боломжтой. Өнөөдрөөс эхлэн өөрийгөө “гурвалжин” гэж төсөөлөөрэй за. 🙂 Өөрийгөө удирдахад тусална. Амьдрал нэг талаараа урт, олон юм тохиолдоно. Сэтгэлээ удирдах арга ухаанд суралцаад л явцгаая.

📖 Хүүхэд залуусынхаа унших чадварыг сайжруулах зорилгоор сонирхолтой эх зохиолуудыг оруулж байхаар боллоо. Учир нь монгол хүүхдүүдийн унших чадвар аль ч хэл дээр сул байна. Тиймээс эцэг эхчүүд балчир хүүхдүүдтэйгээ, сурагчид, оюутнууд бие даан "ухаж уншиж сурцгаая". Ингэхдээ зүгээр унших биш ухаж асууж, уншсанаа буцааж ярьж сурах шаардлагатай байна.

📖 “Ухаж уншицгаая” гэсэн бидний уриаг дэмжээд уншаарай. Бие биедээ түгээж, үлгэр дуурайл үзүүлээрэй. Ухаж уншдаг хүн гүн бодож, гүн асууж, ул суурьтай хандаж, юмыг чанартай хийж, бүтээж чадна.

📖 Ул суурьтай, "чанартай" иргэдтэй ирээдүйг бүтээх нь бид бүгдийн үүрэг. Энэ танд ч, надад ч, бид бүгдэд хамаатай. Учир нь таны, миний хүүхэд ганцаараа энэ нийгмийг бүрдүүлдэггүй билээ. Харин бидний өсгөх ганц хоёр "чанартай" хүүхэд бөөн "чанаргүй" хүүхэдтэй хамт өсвөл ямар вэ? Хүүхдүүд маань лав үг нийлэх үеийн хүнгүй, аз жаргалыг мэдрэхгүй ганцаардах биз.

Амиа бодож өрсөлдөх биш, олонх нь сайн байвал бидний амьдрах нийгэм амгалантай байхыг санаж хандацгаая. Сайныг түгээж, нийтээрээ сайхан нийгмийг бүтээе! Үүнд "ухаж унших" нь бас чухлыг таньцгаая. 🙏
💖💁‍♀️💁🙆‍♂️🙋‍♀️🙋💖
📖 📖 📖 #УхажУншицгаая 📖 📖 📖

🌈 Бусдад амралтын өдөр, бидний хувьд хэвийн хичээлийн өдөр байв. А2 түвшний агуулгаа үзэж дуусаад дүгнэлт хичээл оров. Бүхий л дүрмээ самбар дээр бичин юу сурснаа нэг давтав.
А2 түвшинд өгүүлбэр зүйн олон дүрмийг үздэг. Маш гоё түвшин. Өгүүлбэр, түүний төрөл, бүтэц, үйл ажиллагааг ойлгоод ирвэл том, том эхтэй ажиллаж, агуулгыг нь ухаж чадна.

🧑‍🍼 Уншихдаа гол нь “үйл үг”-ээ бариад явбал их зүйл тод болдог. Үйл үг бидэнд
🔸 үйлийн эзэн хэдэн тоон дээр байгааг,
🔸 хэн гэдгийг,
🔸 ямар цаг дээр байгааг
🔸 юу хийх, эсвэл ямар байдалтай байгааг хэлээд өгдөг.

👩‍🍼 Цааш холимог нийлмэл өгүүлбэрийг гол өгүүлбэр эсвэл гишүүн өгүүлбэрээс эхэлж утгыг гаргах уу, юуг юутай холбох вэ, үгсийг багцаар нь харж, холбож, хэрхэн ойлгох вэ гээд олон арга ухаанд суралцана. Энэ түвшинд унших чадвар эрс сайжирдаг.
Хичээл зүтгэлтэй суралцагч нартаа А2 түвшний номоо үзэж дуусгасны “номын баярын” мэнд хүргэе. 🎊 Цааш дахин урт, илүү өндөр даваа хүлээж байна. Эрчээ бүү алдаараа, мэдэхгүйгээ алхам алхмаар сураад мэдээд, чадвар болгоод явчих учир алзахгүй дээ.

😊 Намайг самбарт юм бичиж байх хооронд тэд дасгал хийх ёстой байв. Гэхдээ зарим нь ядраад унтсан. Шөнөжингөө л хичээлээ хийсэн гэсэн. Тэгээд “Толин хул” сонсож, сэргэж нтр. Дандаа чангална гэж юу байхав. Хааяа бас жаргах үе байлгүй яахав. 😉
Багш нь та нартаа хайртайг дандаа загнадаг болохоор мэдэхгүй л байх. Гэхдээ өнөөдөр нэгэн сурагчаасаа “Таныг харин бидэнтэй ямар үйлийн үрээр учирсан юм болоо, гэж боддог” гээд инээмсэглэхэд нь “багшийгаа ойлгодог л юм байна” гэж горьдов. Сэтгэл нэг л амгалан байна. 💖🥰

🏰🎢🎠🎡 Тэд бүтээлч, тэд идэвхтэй, тэд урамтай. Өөрсдийн мөрөөдлийн хотоо зураад, түүндээ зориулж эх зохиогоод өнөөдөр түүнийгээ илтгэв. Гайхалтай багшийн чиг дор герман хэл дээр зохиолоо ярина л гэнэ шүү. Би бахархаж л суулаа. Хүүхдийн төсөөлөл хязгааргүй юм. Түүнийг биежүүлэх боломжит газар нь энд бас цаг нь өнөөдөр байдаг билээ. 🥰

🏰🎢🎠🎡 Die Kinder waren kreativ, aktiv und motiviert. Sie haben ihre Traumstadt gezeichnet, einen Text dazu geschrieben und heute vorgestellt. Unter der Anleitung einer guten Lehrerin haben sie mit Freude präsentiert. Es sah wunderbar aus. Die Phantasie der Kinder kennt keine Grenzen. Der Ort, an dem sie einige ihrer Wünsche verwirklichen können, ist Green Teachers MGL . Bis bald! 🥰