Global Teacher Prize Mongolia

🍾Happy new year, 2️⃣0️⃣2️⃣4️⃣🍾

We wish you all prosperity, joy and success this new year🎂🎁🎊🎉🥳🍾

👩‍🏫🧑‍🏫HAPPY TEACHER'S DAY

Дэлхийн багш нарын 29 дэх, Монголын багш нарын 57 дахь удаагийн өдрийн мэндийг нийт багш, сурган хүмүүжүүлэгч та бүхэндээ дэвшүүлье.

Жил бүрийн 10 дугаар сарын 5-ны өдрийг ЮНЕСКО-гоос Дэлхийн багш нарын өдөр болгон 1994 онд зарласан. Монгол Улс Багш нарын баярыг 1966 оноос 2 дугаар сард тэмдэглэж ирсэн бөгөөд Засгийн газрын 2013 оны 412 дугаар тогтоолоор Монголын багш нарын өдрийг жилийн бүрийн 10 дугаар сарын 5-нд тэмдэглэж байхаар өөрчлөлт оруулсан юм. Багш нарын баярын өдрийг дэлхийн 100 гаруй оронд тэмдэглэдэг уламжлалтай.

ЮНЕСКО 2023 оны багш нарын өдрийг "Хүссэн боловсролоо эзэмшихэд туслах багш нар: Дэлхий дахинаа багшийн хомсдолыг арилгах зайлшгүй шаардлага" уриа дор багш мэргэжлийг олон нийтэд сурталчлан таниулах, тэдэнд урам зориг өгөх, сайн туршлагыг олон нийтэд сурталчлан таниулах чиглэлд дэлхий даяар тэмдэглэн өнгөрүүлж байна.

НҮБ-ын "Хувьсаж буй боловсрол" чуулган дээр 2021 оны Шилдэг багш Кэйшиа Торп оролцож, илтгэл тавьж байна.
Түүний үг: "Багшлана гэдэг бол зүрх сэтгэлээрээ хийх ажил юм" гэв.

At the UN in New York for the #TransformingEducation summit. Powerful words from GTP 2021 winner Keishia Thorpe: “Teaching is heart work.”

“ДЭЛХИЙН ШИЛДЭГ БАГШ 2022” ШАЛГАРУУЛАЛТАД МОНГОЛ УЛСААС НЭР ДЭВШИЖ БУЙ ҮНДЭСНИЙ ШИЛДЭГ 10 БАГШИД БАТЛАМЖ ГАРДУУЛЛАА
Багшийн Нобелийн шагнал хэмээн нэрлэгддэг 1 сая долларын шагналын сантай (Global Teacher Prize) “Дэлхийн шилдэг багш” шалгаруулах үйл ажиллагааг Английн “Варки” сан 7 дахь жилдээ зохион байгуулж, 121 орноос 8000 гаруй багш оролцож байна.
Багшийн хөгжлийг дэмжих боловсрол сан, БШУЯ, ЮНЕСКО-ийн Монголын Үндэсний хороотой хамтран Монгол багшийн нэр хүнд, үнэлэмжийг өсгөх, тэдний заах арга барил, бүтээлч үйл ажиллагааг олон нийтэд сурталчлан таниулах зорилгоор 630 багшаас шилдэг 50 багш, үүнээс ШИЛДЭГ 10 багшийг шалгаруулсан билээ.
ҮНДЭСНИЙ ШИЛДЭГ 10 БАГШ-аар шалгарсан,
Улаанбаатар хот, 1-р сургуулийн бага ангийн багш Чимэдийн Энхтуяа,
Говь-Алтай аймгийн 1-р сургуулийн Түүх нийгмийн ухааны багш Намширын Нарантуяа
Говь-Алтай аймгийн 1-р сургуулийн Монгол хэл, Үндэсний бичиг, уран зохиолын багш Лхагвасүрэнгийн Наранжаргал,
Улаанбаатар хот, 1-р сургуулийн Физикийн багш Начингийн Оюунчимэг,
Дорнод аймгийн 12-р сургуулийн бага ангийн багш Донровын Оюумаа,
Өвөрхангай аймгийн Арвайхээр сумын 1-р сургуулийн Монгол хэлний багш Нямын Мөнхтогтох,
Баянхонгор аймгийн Номундалай Цогцолбор сургуулийн математикийн багш Дугарсүрэнгийн Өлзийбаатар,
Улаанбаатар, Монгол хэл, уран зохиол, үндэсний бичгийн багш Жамбалын Мөнхсайхан,
Хөвсгөл аймгийн Дэлгэрмөрөн цогцолбор сургуулийн биологийн багш Рэгзэдмаагийн Цэрэн-Очир,
Өсвөрийн зохион бүтээгчдийн сургуулийн Хувцас, дизайн, төрөлжсөн сургалтын багш Баяраагийн Бор нарт БШУ-ы сайд Л.Энх-Амгалан амжилт хүсч батламж, зөөврийн компьютер гардуулан өглөө.
Монголын 47.000 багшийн төлөөлөл болж “Дэлхийн Шилдэг багш-2022” шалгаруулалтад нэр дэвшиж буй эдгээр 10 багш нь Монголоос дэлхийд өрсөлдөх багш нарын үүд хаалгыг нээж буй анхдагчид гэдгийг онцлоод Монгол Улсаас дэлхийн багш төрөх болтугай хэмээн хүсэн ерөөлөө.
Ch Tuya
Narantuya Namshir
Nanjigaa Naraa
Oyunchimeg Oyunaa
Донров Оюумаа
Munkhtogtokh Nyum
Ulziibaatar Dugarsuren
Ж. Мөнхсайхан
Цэрэн-Очир Рэгзэдмаа
Б. Бор

“ҮНДЭСНИЙ ШИЛДЭГ БАГШ” ШАЛГАРУУЛАЛТЫН ШҮҮГЧДИЙГ ТАНИЛЦУУЛЖ БАЙНА.
ХҮНДЭТ ШҮҮГЧ: ДОНДОВЫН ЭНХТУЛГА
(Боловсролын удирдлагын докторант)

Багшийн мэргэжил дээшлүүлэх институтийн Сургалтын албаны дарга Дондовын Энхтулга нь бага боловсролын математикийн багш мэргэжилтэй. Боловсролын удирдлагын менежер, Боловсролын удирдлагын магистр, докторант.

Дондовын Энхтулга нь нийслэлийн 84-р сургууль, “Оюуны нахиа” дунд сургуульд 13 жил багш, сургалтын менежерээр, БСШУЯ-ны “Хүүхэд бүрт компьютер” хөтөлбөрт сургалтын агуулга хариуцсан мэргэжилтнээр 4 жил, Багшийн Мэргэжил Дээшлүүлэх Институтэд Бага боловсролын математикийн багшийн хөгжил хариуцсан арга зүйч, Хүүхдийн хөгжилд оролцогч талуудын хамтын ажиллагаа хариуцсан арга зүйч, Сургалтын албаны даргаар 9 жил, нийт 26 жил боловсролын салбарт ажиллаж байна.

Багшийн мэргэжлээр ажиллаж байх хугацаандаа Соросын сангийн “Мэтгэлцээн ба илтгэлийн боловсрол” хөтөлбөрийн сургагч багш, Монголын оюун ухааны академийн сургагч багшаар ажиллаж, сурагчдын математик, сэтгэн бодохуй, илтгэх ур чадварыг хөгжүүлэх чиглэлээр амжилттай ажиллахын зэрэгцээ Удирдлагын академийн Боловсролын Удирдлагын менежерийн анги, Дэлхийн Залуу удирдагчдыг бэлтгэх “Сосоковагийн сан”-гийн тэтгэлгээр Боловсролын удирдлагын магистрын ангид суралцаж, “Ерөнхий боловсролын сургуулийн удирдлагын тогтолцоог боловсронгуй болгох нь” сэдвээр судалгааны ажлыг хийсэн судлаач багш байлаа.

2005 оноос бага боловсролын сурагчдад зориулсан 1-5 дугаар ангийн Математик, Монгол хэлний хичээлээр эзэмших мэдлэг чадварыг үнэлэх дасгал ажлын ном, “Тоглоомоор дамжуулж бодлого бодоцгооё” гарын авлага, XO компьютерийн гарын авлагуудыг сургагч багш А.Отгонжаргал, Т.Энхбаяр нартай хамтран боловсруулсан нь үндэсний хэмжээнд давхардсан тоогоор 100 гаруй мянган хувь хэвлэгдэж, хүүхдийн хөгжилд бодит хувь нэмрийг оруулж байна.

2008 оноос өнөөг хүртэл БШУЯ-ны хэрэгжүүлсэн төсөл хөтөлбөрийн сургагч багш, БМДИ-ийн арга зүйч, албаны даргын ажлыг гүйцэтгэж буй хугацаандаа Монгол орны 21 аймаг 9 дүүргийн ЕБС-ийн багш, удирдах ажилтнуудын хувь хүний болон мэргэжлийн хөгжилд дэмжлэг үзүүлэх чиглэлээр сургалт, зөвлөн туслах үйл ажиллагааг байгууллагынхаа мэргэжил нэгт нөхөдтэй хамтран зохион байгуулсаар байна.

Д.Энхтулга БНХАУ, Япон, Чех, Австри улсуудад мэргэжил дээшлүүлэх сургалтад хамрагдаж, мэргэжлийн хөгжил, хувь хүний чадваруудаа хөгжүүлэхэд анхаарч ажиллаж байгаа боловсрол судлаач юм.

“ҮНДЭСНИЙ ШИЛДЭГ БАГШ” ШАЛГАРУУЛАЛТЫН ШҮҮГЧДИЙГ ТАНИЛЦУУЛЖ БАЙНА.
ХҮНДЭТ ШҮҮГЧ: БАРХҮҮГИЙН ОТГОНБАТ
Глобал Удирдагч Их сургуулийн захирал Бархүүгийн Отгонбат нь АНУ-ын Динкинсоны Улсын Их сургуулийг бизнесийн удирдлагын бакалавр, Австралийн Кьюнсландын Их сургуулийг аялал жуулчлалын менежментийн магистр, Харвардын Их сургуулийг төрийн удирдлагын магистраар тус тус дүүргэсэн.

2007 Оноос Глобал удирдагч дээд сургуулийн Удирдах зөвлөлийн дарга, 2008-2009 онд Сангийн яаманд Хэвлэлийн төлөөлөгч, 2009-2012 онд Монголын мянганы сорилтын сангийн дэд дарга, 2014-2015 онд Боловсрол, соёл, шинжлэх ухааны сайдын зөвлөх, 2015 оноос өнөөг хүртэл Глобал Удирдагч их сургуулийн захирлаар ажиллаж байна.

“Тэрээр Америкт суралцах боломж”, “Тагтан дээр” зэрэг бестселлер номын зохиогч, Глобал удирдагч, Глобал СЕО төслүүдийн санаачлагчаас гадна Монголын 3500 залуусыг АНУ болон бусад өндөр хөгжилтэй оронд суралцах боломжийг нээсэн юм.

“ҮНДЭСНИЙ ШИЛДЭГ БАГШ” ШАЛГАРУУЛАЛТЫН ШҮҮГЧДИЙГ ТАНИЛЦУУЛЖ БАЙНА.
ХҮНДЭТ ШҮҮГЧ: АМАРТҮВШИНГИЙН АМАРЗАЯА
(Дoктор, дэд профессор)
Монгол Улсын Их сургуулийн Шинжлэх ухааны сургуулийн Математикийн тэнхимийн багш, доктор, дэд профессор Амартүвшингийн Амарзаяа нь багш мэргэжилтэй. 2003 онд Япон Улсад Токио Хотын Их сургуульд докторын зэрэг хамгаалсан.

Тэрээр 1997 оноос хойш МУИС-д математикийн багшаар ажиллаж байна. Доктор Амарзаяа нь эрдэм шинжилгээ, судалгааны ажлыг хийж, үндэсний болон олон улсын чансаатай сэтгүүлд эрдэм шинжилгээний өгүүллүүд, оюутнуудад зориулсан сурах бичиг, сургалтын гарын авлагыг судлаачийн хувьд туурвисны зэрэгцээ дээд боловсролын математикийн сурах бичгийн зохиогч юм.