TURAN WORLD

Казакстан улсын Түркистан хотод зохиогдсон Олимын аварга Бекзат Саттархановын нэрэмжит олон улсын "А" тэмцээний залуучуудын боксын аваргад 51 кг жинд амжилттай оролцож алтан медаль хүртсэн Ц.Лхам охиныг манай компанийн ерөнхий захирал А.Ерболат хүлээн авч хүндэтгэл үзүүллээ.

11 улсын 340 гаруй тамирчид оролцсон уг тэмцээнд гайхалтай амжилт үзүүлсэн Ц.Лхамыг манай компанийн тамирчин О.Баяндалай дасгалжуулсан юм.

Айлчлан ирж буй 2026 оны шинэ жилийн мэнд хүргэе.

Ирэх онд амжилт бүтээлээр арвин, эрүүл энх байхыг чин сэтгэлээсээ хүсэн ерөөе.

Тулгар төрийн 2234, Их Монгол Улсын 819, үндэсний эрх чөлөө, тусгаар тогтнолоо сэргээн мандуулсны 114, ардын хувьсгалын 104 жилийн ойн үндэсний их баяр наадмын хүчит бөхийн өсвөрийн барилдаанд түрүүлсэн Р.Омарыг хүлээн авч хүндэтгэл үзүүллээ.

Тэрээр энэ амжилтаараа улсын шонхор цол хүртсэн анхны казах хүүхэд бөгөд манай компанийн зүгээс энэ амжилтыг нь урамшуулж 1000 ам доллараар шагнасан болно.

Манай компанийн ерөнхий захирал А.Ерболат улсын шонхорт хандаж хэлсэн үгэндээ "Алдар хүндэд сагсууралгүй, одоо байгаа шигээ даруухан, нэг зангаараа байгаарай" гэж захьсан юм.

Тамирчиндаа цаашдын спортын өндөр амжилт хүсье.

Энэ жил Баян-Өлгий аймгийн Алтанцөгц сумын болон Цэнгэл сумдууд 100 жилийнхээ ойг тэмдэглэж байгаа билээ.

Манай компанийн ерөнхий захирал Ашикийн Ерболат Erpolat AŞIK зуны амралтаараа тус аймагт хүрэлцэн ирэх үеэрээ @Цэнгэл ЕБС, Алтанцөгц-сумын Ерөнхий Боловсролын Сургууль- ийн захирлуудтай уулзаж тус бүрт нь ширээ, сандал, самбар болон багш нарын ширээ зэрэг сургалтын хэрэглэгдэхүүн хандивлалаа.

Хэдийгээр цоо шинэ биш ч саяхныг хүртэл өөрсдөө хэрэглэж байсан сургалтын хэрэглэгдэхүүнүүдээс илүүчилж 100 жилийн ойн хүрээнд орон нутгийн сургуулиудад бэлэглэсэн явдалд сургуулийн удирдлагууд талархал дэвшүүллээ.

Есөн эрдэнийн гоёлоор баярын жавхааг нэмж
Есөн хөлт цагаан тугаа хоймор юугаан залж
Есөн цагаан хүслээ цацал болгон өргөж
Есөн есөн билэгтэй Монгол түмэн минь Сайхан наадаарай!

Курбан баярын мэнд хүргэе.

Энэ баяр нь дан ганц арабчуудын төдийгүй ойрх дорнод, төв ази, цаашлаад дэлхийн ихэнхи улс орнуудад тэмдэглэн өнгөрүүлдэг дэлхийн хамгийн том хүмүүнлэгийн баяр гэж хэлж болно.

Учир юу вэ гэвээс Ислан итгэлт насанд хүрсэн, эрүүл, эдийн засгийн боломжтой хүн бүр эдгээр өдрүүдэд Аллахын хайр, ивээлийг хүртэхийг хүсэмжлэн мал гаргаж түүний махыг айл хөршдөө, үгээгүй ядууст болон өөрсөддөө хэмээн 3 хувааж хүртдэг уламжлалтай.

Тулгар төрийн 2233 жил, Их Монгол Улс байгуулагдсаны 818 жил, Үндэсний эрх чөлөө, Тусгаар тогтнолоо сэргээн мандуулсны 113 жил, Ардын хувьсгалын 103 жилийн ойн Үндэсний их баяр наадмын Үндэсний сурын харваанд Монгол Улсын Гоц харваач Баян-Өлгий аймгийн Алтай сумын уугуул Өлгийн мэргэчүүд багийн харваач Нармандахын Алтансүх 40 сумаас 37 онож Монгол Улсын мэргэн цоо хүртэн сур харваачид төдийгүй Баян-Өлгийчүүдийг баярлуулж, Монгол төрийн наадмыг чимсэн билээ.

Энэ их амжилтыг нь урамшуулж манай компанийн зүгээс 1000 ам.доллараар байлсан билээ.

XVII жарны хөхөгчин могой жилийн сар шинийн баярын өмнө манай компанийн ерөнхий захирал А.Ерболат улсын мэргэн Н.Алтансүхийг хүлээн авч хүндэтгэл үзүүлэн амалсан бай шагналаа гардуулахын зэрэгцээ цаашдын спортын өндөр амжилт хүслээ.

Мөн энэ дашрамд нийт Монгол түмэндээ айлчлан ирж буй сар шинийн мэнд хүргэж элгээрээ энх амгалан, төрлөөрөө төвшин амгалан байхын өлзийтэй ерөөлийг өөд, өөд нь өргөн дэвшүүлье.

Та бүхэн сар шинэдээ сайхан шинэлээрэй.

Айлчлан ирж буй 2025 шинэ он, шинэ жилийн мэнд хүргэе.

Ирэх онд та бүхэнд эрүүл энх, элэг бүтэн байж, амжилт бүтээлээр арвин байхыг ерөөе.

Манай компанийн захирал А.Ерболат 2019 оноос хойш Туран Ворлд ХХК-ны нэр дээр барилдаж ирсэн Баян-Өлгий аймгийн Баяннуур сумын харъяат аймгийн арслан Е.Көптилекийг хүлээн авч уулзлаа.

Анх сумын заан байсан тамирчин маань өдгөө аймгийн арслан цолтой, заалны барилдаануудад амжилт гаргаж байгаад баяр хүргэж, цаашдын спортод улам их амжилт гаргахыг хүсэн ерөөе.

Бидний 5 жилийн хамтын ажиллагаа маань энд хүрээд өндөрлөж байна.

Жич: Гэрээ байгуулж байсан үеийн талаарх постыг линкийг хавсаргав.

https://www.facebook.com/share/p/15p2fVzZcr/