Мөрөн багийн ЕБС

18/05/2026

15/05/2026

Мод тарих нь зөвхөн ногоон байгууламж нэмэх ажил биш. Агаарын бохирдлыг бууруулах, хөрс хамгаалах, усны нөөцийг дэмжих, уур амьсгалын өөрчлөлтийн нөлөөг сааруулах хамгийн энгийн бөгөөд үр дүнтэй алхмуудын нэг юм.

Нас бие гүйцсэн нэг мод жилд дунджаар 20–22 кг нүүрсхүчлийн хий шингээдэг. Хот суурин газрын мод, ногоон байгууламж агаар дахь бохирдуулагч тоосонцрыг 15–30 хүртэл хувиар бууруулах боломжтой гэж үздэг.

Нэг том мод өдөрт 100–300 литр хүртэл ус ууршуулж, орчны температурыг зохицуулахад нөлөөлдөг тул мод ихтэй бүс хотын хатуу хучилттай хэсгээс 2–8 хэмээр сэрүүн байх боломжтой.

Модны үндэс хөрсийг тогтоон барьж, элэгдэл эвдрэлээс хамгаалдаг бол ой мод нь хуурай газрын биологийн төрөл зүйлийн 80 гаруй хувийн амьдрах орчин болдог.

Монгол Улсын нийт нутаг дэвсгэрийн 76 орчим хувь нь газрын доройтол, цөлжилтөд өртөөд байгаа энэ үед мод тарих нь зөвхөн орчны тохижилт бус, эх дэлхийгээ хамгаалах бодит алхам юм.

“Тэрбум мод” үндэсний хөдөлгөөний хүрээнд хүн бүр дор хаяж нэг мод тарьж, түүнийгээ арчилж ургуулан, ирээдүй хойч үедээ илүү ногоон, эрүүл Монголыг үлдээхэд хувь нэмрээ оруулахыг уриалж байна.

14/05/2026

ЭЦЭГ ЭХЧҮҮД МИНЬ АНХААРЧ СОНСООРОЙ!

❌ 0-5 насны хүүхдэддээ газтай ундаа, чипс өгөхөө болиорой!

Энэ насны хүүхдийн дархлаа дөнгөж бүрэлдэж, тогтож байдаг. Цардуул, хиймэл амт, өнгөний бодис ихтэй хоол тэр дархлааг "будлиулдаг" юм.

⚠️ Газтай ундааны хор уршиг:
🫧 Хий агаар — ходоодны нялх салстыг цочроодог
🍬 Хэт их элсэн чихэр — цусны чихрийн хэлбэлзэл үүсгэнэ
🎨 Хиймэл өнгө, амт — дархлааны хариу урвалыг сулруулна
🦷 Шүдний цооролт — нялхсын шүд маш эмзэг

⚠️ Чипсний хор уршиг:
🧂 Давс хэт их — бөөрний ачаалал нэмэгдэнэ
🛢️ Транс өөх — судасны хөгжилд муугаар нөлөөлнө
🌡️ Чипс дахь акриламид — биед хуримтлагддаг

💬 "Дархлаа сайн тогтвол өвчин эмгэг багасна. Эхний 5 жил хамгийн чухал!"
— Гэгээн Эрүүл Мэнд подкастаас

❓ Та хүүхдэдээ ямар дуртай эрүүл хоол өгдөг вэ?
👇 Коммент дээр хуваалцаарай!

#ГэгээнЭрүүлМэнд #ГэгээнМонгол #ХүүхдийнЭрүүлМэнд #Дархлаа #ЭцэгЭх #ЭрүүлХоол #0-5Нас #Хүүхэд #ЭрүүлМэнд

14/05/2026

ЭРҮҮЛ БИЕД САРУУЛ УХААН ОРШИНО.

Өнөө цагт эрүүл байх нь ХҮНСТЭЙ 100% хамааралтай болж ирлээ.
Манай сургууль сурагчийн гурвыг хөгжүүлэх зорилго тавин ажиллаж байгаа.
#БИЕ үүнд: гар, хамар, шүдээ тогтмол зөв угаах. Зөв хооллох. Биеэ зөв хөгжүүлж, дасгал хөдөлгөөн хийж, спортоор хичээллэхэд зааж чиглүүлэх явдал юм. Энэ бүгдийг багш ажилчид сурагч бүрд зааж, ойлгуулж, чиглүүлсээр байгаа. Эцэг эхчүүдэд ч анхааруулсаар байна. Сургуулийн ойр 500м-н зайд худалдаалахыг хориглосон хүнсний бүтээгдэхүүний жагсаалтад анхаараад өгөөч ээ хэмээн сумын цагдаа, хөдөө аж ахуйн газрын холбогдох хүмүүст уламжилж хамтран ажилласаар байна аа. Хүнсний аюулгүй байдал, зөв зохистой хэрэглээ хамгаас чухал ирээдүй болоод байна.

11/05/2026

ГҮЙЦЭТГЭЛИЙН ҮНЭЛГЭЭ-2026

11/05/2026

09/05/2026

🎉🎉🎉 Мөрөн сургуулийн 9а ангийн ах эгч нартаа 6а ангийн дүү нараас нь хүүхэлдэйн фото цомог бэлэглэхээр бүгд мэрийн компьютер дээр сууж хийсэн юм. "Багш аа бидний бэлэг хоцроод байна аа" гээд яаран, яаран хийсэн боловч яах ч аргагүй зургийг эрт дарж болохгүй болохоор хоцрохоос өөр арга байсангүй. Хүүхэд бүр "би тэр ахыг авна, би тэр эгчийг авна" гээд хийсэн бүтээл нь юм. Та нарт таалагдана гэж найдаж байна. 😍
Ах эгч нартаа аз жаргал хамгийн сайн сайхан бүхнийг хүсэн ерөөе. Та нар бидний үлгэр авдаг ах эгч нар минь юм шүү. Та нартаа хайртай жүү. 6а ангийн дүү нараас нь.
🥰🥰🥰🥰🥰🥰🥰🥰🥰🥰🥰🥰
2026.05.08

09/05/2026

Мөрөөдөл дүүрэн залуу насаараа гоёсон
Мөрөн сургуулийн энэ үеийн төгсөгчид
Мөнгөн хонхны баяраа тэмдэглэн
Мянган жаргалыг, нимгэн гунигийг бусдад түгээв

🥰📖 П.Хишигжаргал багштай 9а ангийн сурагчид үүрнээсээ нисэх цаг болжээ. Мөрөн сургуульдаа юу сурч мэдсэнээ тэд ээж аав, эмээ өвөө, ах дүү нартаа тайлагнаж, ирсэн хүн бүрийг уйлуулав, уяраав, баярлуулав бас бахархуулав. Сайн багшийн удирдлага дор тэд их зүйл сурчээ. Хэдийгээр бид мэргэжлийн дуу хөгжмийн багшгүй ч сурагчид маань дуулж, бүжиглэж бүгдийг бие даан зохион байгуулах нь бахархам байлаа. Сургуульдаа үлгэр жишээ ах эгч нар нь байж чадсан энэ үеийн төгсөгчид та бүхнээрээ багш, ажилчид бид бүгд бахархаж байна.

Амьдралын нугачаанд бүдрэх зүйл олоон
Амьсгаагаа гүн аваад босоод л урагшилна
Хамаг хүч чинь барагдсан мэт санагдвал
Хайртай багш нартаа буцаад ханддаг юм шүү үрс минь
Ангайж уйлсан жаахан байхаас чинь өдий хүртэл тэд
Аргадаж нэг аашилж нэг хамт байсныг санаараа
Зүрхнийх нь угт чиний орон зай
Зүлгэж хусаад ч арилахгүй үлдсэн байдаг юм шүү
Сайхан үрс та бүхний минь цаашдын зам гэрэл гэгээтэй байг
Санасан зорьсон нь үргэлж биелж байг 🙏☀️🌟💖

👩‍🏫 Унаж, боссон дурсамжтай үеийг хүүхдүүдтэйгээ хамт туулж ардын багшийн албаа бүрэн дүүрэн биелүүлсэн П.Хишигжаргал багш тандаа хамт олон нь маш их талархаж байна бас танаараа бахархаж байна. Таны минь ажил үйлсийн зам улам илүү гэрэлтэй байг. Сайн багшийн гар дээр маргаашийн нар манддаг билээ. ☀️🌟💖

👫 Багшийн гарт хүүхдээ өгөөд хамт загнуулж, хамт суралцаж өөрөө бараг хүүхэд болсон эцэг эх та бүхний тус дэм, сургуулиа гэсэн сэтгэлийн хүчээр бид үр хүүхдүүдээ өдий зэрэгт хүргэлээ. Та бүхний минь ажил үйлс үргэлж дэлгэрч байг, үр хүүхдээ Монгол улсдаа сайн иргэн болгон хүмүүжүүлэх их зүтгэл нь мятаршгүй байхыг ерөөе. 👏🤝💖

🎉🎊🎉Энэ өдөр бид бүгдийн баярын өдөр байлаа. Та бүхэндээ талархлаа. 🙏😇

08/05/2026

БИД ЭХ ДЭЛХИЙН ИРЭЭДҮЙ!

НҮБ-ын нийгэмлэгээс санаачилсан “ЭХ ДЭЛХИЙН СУРГУУЛЬ 2026” хөтөлбөрийн хүрээнд цахимаар идэвхтэй хамрагдаж, бусдыгаа уриалж байна.

Энэ бол #Сэтгэлийн боловсрол юм.








https://www.facebook.com/share/p/1ChVeMhP2X/?mibextid=wwXIfr

04/05/2026

Та эмнэлэгт биеэр очиж цаг авах шаардлагагүй боллоо. 1800-0119 дугаар залгаж үзлэгийн цагаа аваарай.

04/05/2026

✅"СОНСЪЁ" АЯН...

👉Энэхүү аян 2026 оны 05 дугаар сарын 01-ний өдрөөс 05 дугаар сарын 15-ны өдрүүдэд зохион байгуулагдана.

☝“Хүүхдээ сонсъё”, “Эцэг эх, асран хамгаалагчаа сонсъё” аяныг хүүхдийн цэцэрлэг болон сургууль тус бүр зохион байгуулж, аймаг, дүүргийн хэмжээнд саналыг нэгтгэнэ.

👉“Багшаа сонсъё” аянд дараах холбоосоор нэгдэж, оролцоорой.
https://forms.gle/up9g6wpnUWX2tezD6

✅“Сонсох нь ойлголцол, хамтдаа бүтээх нь хөгжил”...

Та бүхэн “СОНСЪЁ” аянд нэгдэж, идэвхтэй оролцоорой.